Fréttablaðið - 13.11.2003, Blaðsíða 22

22 13. nóvember 2003 FIMMTUDAGUR
■ Andlát
■ Jarðarfarir
Þennan dag árið 1974 hélt KarenGay Silkwood af stað akandi á
bifreið sinni til að afhenda blaða-
manni við New York Times gögn
um misfellur í starfsemi kjarn-
orkuvers í Oklahoma, þar sem
hún starfaði.
Hún fórst í bílslysi á leiðinni og
komst því aldrei á leiðarenda.
Gögnin, sem hún ætlaði að af-
henda blaðamanninum, fundust
ekki í bílnum.
Silkwood sagðist hafa fundið
sannanir fyrir því geislavirk efni
höfðu lekið út og eitthvað af plút-
óni var horfið. Hún hafði sjálf ein-
nig orðið fyrir geislamengun oftar
en einu sinni vegna óhappa í ver-
inu.
Þegar hún skýrði stjórnendum
fyrirtækisins frá þessu talaði hún
fyrir daufum eyrum og ákvað því
að leita til fjölmiðla.
Við krufningu var staðfest að
hún hafði orðið fyrir geislameng-
un. Einnig fannst svefnlyf í blóði
hennar.
Við málaferli gegn fyrirtækinu
eftir dauða hennar var því haldið
fram að gallar hafi verið í fram-
leiðslunni, skjöl hafi verið fölsuð
og öryggi starfsmanna stofnað í
hættu.
Kjarnorkuverinu var á endan-
um lokað, en réttarhöldunum lauk
með samkomulagi án þess að fyr-
irtækið viðurkenndi ábyrgð. ■
Ég ætla nú ekki að hafa mikiðumfangs enda ekkert stóraf-
mæli,“ segir Áslaug Brynjólfs-
dóttir, fyrrum fræðslustjóri, sem í
dag er sjötíu og eins árs.
Áslaug hélt upp á sjötugsaf-
mælið sitt í fyrra og stakk þá af til
Hawaii með eiginmanni, Jóhanni
Gíslasyni lögfræðingi, systkinum
og mökum. „Það var afskaplega
gaman og enn skemmtilegra að
hafa öll systkinin með,“ segir Ás-
laug.
Í kvöld á hún von á börnum sín-
um og barnabörnum og segist auk
þess reikna með að nánustu ætt-
ingjar komi við. „Mér finnst ég
ekkert eldast sjálf en þegar börn-
in og barnabörnin koma þá átta ég
mig á að maður er ekkert ung-
lamb lengur,“ segir Áslaug hlæj-
andi og bætir við að þrátt fyrir að
vera komin á eftirlaun þá hafi hún
nú ekki alveg sest á helgan stein.
„Ég var forseti Delta Kappa
Gamma, sem er alþjóðasamtök
kvenna í fræðslustörfum, og það
fylgdi því ærinn starfi allt þar til í
ágúst síðastliðnum. Reyndar er ég
enn í nefnd á vegum samtakanna
og er nýlega kominn frá Texas.
Þrátt fyrir nefndarstörf á veg-
um samtakanna hefur róast mjög
í kringum Áslaugu. „Mér finnst
það alveg dásamlegt að fá frið á
morgnana, geta drukkið mitt
kaffi, lesið blöðin í rólegheitum og
farið í sund og notið þess að eiga
tímann fyrir mig. Mér finnst
alltaf vera sunnudagur og leiðist
aldrei,“ segir hún og bætir við að
hún hafi alltaf unnið mikið og
kominn sé tími til að njóta lífsins.
„Ég þvældist mikið á milli landa
með manninum mínum og börnin
þegar ég var yngri. Þegar við
komum heim áttum við lítið og
það var ekkert um annað að ræða
en að vinna, en ég fór ekki í Kenn-
araskólann fyrr en um fertugt,“
segir Áslaug og kann sannarlega
að njóta þess að vera heima. ■
Afmæli
ÁSLAUG BRYNJÓLFSDÓTTIR
■ fyrrum fræðslustjóri, á afmæli í dag.
Hún á von á börnum og barnabörnum
og jafnvel systkinum í kaffi.
■ Þetta gerðist
ÚR BÍÓMYNDINNI UM SILKWOOD
Meryl Streep fór með aðalhlutverkið í kvik-
mynd sem gerð var árið 1983 um baráttu
Karenar Silkwood.
Baráttukona deyr
KOMST ALDREI Á LEIÐARENDA
■ Karen Silkwood, starfsmaður í kjarn-
orkustöð í Bandaríkjunum, fórst í bílslysi
þegar hún var á leiðinni að hitta blaða-
mann frá New York Times.
13. nóvember
1974
Finnst alltaf vera
sunnudagur
ÁSLAUG BRYNJÓLFSDÓTTIR
Hún nýtur þess að vera komin á eftirlaun og geta ráðið öllum sínum tíma.
13.00 Helga Benediktsdóttir Miðengi,
Grímsnesi, verður jarðsungin frá
Selfosskirkju.
13.30 Hulda Sigurðardóttir Brekkugötu
22, Hafnarfirði, verður jarðsungin
frá Hafnarfjarðarkirkju.
13.30 Helgi G. Þórðarson verkfræðing-
ur verður jarðsunginn frá Víði-
staðakirkju í Hafnarfirði
15.00 Gunnhildur Sesselja Jónsdóttir
frá Ásgarði, Miðneshreppi, verður
jarðsungin frá Safnaðarheimilinu
Strandgerði.
Loftur Jónsson Hrísmóum 1, Garðabæ,
lést mánudaginn 3. nóvember.
Sigurlína Davíðsdóttir háskólakennari,
61 árs.
Maríanna Friðjónsdóttir upptökustjóri,
50 ára
Séra Solveig Lára Guðmundsdóttir, 47
ára.
Þorgeir Örlygsson prófessor, 51 árs.
■ Afmæli
1862 Lewis Carroll, sem þá var þrítugur,
byrjar að skrifa ævintýri Lísu í
Undralandi.
1940 Teiknimyndin Fantasía frá Walt
Disney er frumsýnd.
1953 Námsbókanefndin í Indíana í
Bandaríkjunum krefst þess að
sagan af Hróa Hetti verði fjarlægð
af námsefnisskrá ríkisins vegna
þess að sagan sé kommúnísk.
1979 Breska dagblaðið The Times kem-
ur út á ný eftir nærri árs hlé.
1994 Svíar samþykkja í þjóðaratkvæða-
greiðslu að ganga í Evrópusam-
bandið.
1998 Bill Clinton, forseti Bandaríkjanna,
féllst á að greiða Paulu Jones 850
þúsund dali til þess að felld verði
niður réttarhöld gegn honum fyrir
kynferðislega áreitni.
Fiskbúðin Hafberg
Gnoðavogi 44 sími 5888686
Hún á afmæli í dag
Hún er 8 ára í dag
Glæný Línuýsuflök
490kr/kg