Fréttablaðið - 13.11.2003, Blaðsíða 8

8 13. nóvember 2003 FIMMTUDAGUR
Þorskur á þurru
„Ég bið hæstvirtan þingmann
Jóhann Ársælsson að halda
áfram að tala um kvótakerfið í
sjávarútvegi. Það skilur þær
ræður enginn heldur.“
Guðni Ágústsson var síður en svo sáttur við
málflutning þingmannsins í umræðu um land-
búnaðarmál. Alþingi 12. nóvember.
Ekki benda á mig
„Ólíkt háttvirtum þingmanni hef
ég aldrei verið og verð aldrei
fréttaskýrandi.“
Davíð Oddsson þegar Mörður Árnason vildi
skýringar á fréttum um bréf Halldórs Laxness,
Gljúfrastein og Hannes Hólmstein Gissurarson.
Alþingi 12. nóvember.
Frumkvöðlar eða ...
„Hvers vegna sýna þessir miklu
frumkvöðlar ekki hvað í þeim
býr með því að skapa eitthvað
nýtt.“
Ögmundur Jónasson um Björgólfsfeðga í Búlgar-
íu í Fréttablaðinu 12. nóvember.
Orðrétt
Landssíminn í búlgarskri einkavæðingu:
Forstjórinn með fjárfestingarheimild
FJÁRFESTING Stjórn Landssíma Ís-
lands hefur gefið Brynjólfi
Bjarnasyni, forstjóra fyrirtækis-
ins, heimild til að vinna að fjár-
festingu fyrirtækisins í Búlgaríu.
Sem kunnugt er hefur Björgólfur
Thor Björgólfsson unnið með öðr-
um fjárfestum að kaupum á búl-
garska fyrirtækinu. Eva Magnús-
dóttir, kynningarfulltrúi Símans
,segir þetta gert í tengslum við
fyrirtæki Björgólfs Thors. „Til
þess að koma að uppbyggingu á
nýju fjarskiptaneti og nýta þekk-
ingu sem er innan Símans.“
Ekki er enn ljóst hvort af þessu
verður þar sem kaupin á búlgars-
ka símafyrirtækinu hafa mætt
pólitískri mótstöðu. Fullur vilji er
af hálfu Símans og Björgólfs
Thors að taka þátt í þessum kaup-
um. Síminn mun bæði leggja fram
tækniþekkingu og fjármuni, verði
af þessum kaupum. Eva segir fyr-
irtækið eins og önnur fyrirtæki
leita vaxtartækifæra og þetta sé
liður í slíku.
Íslensk fyrirtæki með lítil
vaxtartækifæri innanlands hafa í
vaxandi mæli leitað tækifæra til
stækkunar í útlöndum. ■
Nýskráningar líftækni-
fyrirtækja aukast
Nýskráningar líftæknifyrirtækja á markaði hafa ekki verið meiri í þrjú
ár. Greinin er áhættusöm en útlitið er bjartar nú en um langt skeið.
Bréf deCode genetics hafa hækkaðu um 300% á árinu.
LÍFTÆKNI Vísitala líftæknifyrir-
tækja hefur hækkað um 39% á
þessu ári. Gengi bréfa deCode
hefur á sama tímabili hækkað um
300%. Gengi fyrirtækisins var
tveir dollarar á hlut, en komst yfir
átta dollara á hlut í byrjun þessar-
ar viku. Í frétt Financial Times á
mánudag er greint frá fjölgun
frumútboða líftæknifyrirtækja á
markaði. Fjöldi þeirra sló þriggja
ára met í síðasta mánuði þegar
slík fyrirtæki öfluðu 289 milljóna
dollara í slíkum útboðum.
„Það hefur verið að birta, en
það er samt mikil óvissa á þessum
markaði,“ segir Jón Ingi Bene-
diktsson, framkvæmdastjóri Líf-
tæknisjóðsins. Hann leggur áher-
slu á að mikil áhætta sé í þessum
geira. „Það eru nýskráningar á
markaði og félög eru að rétta úr
kútnum.“
Stærsta eign Líftæknisjóðsins
er líftæknifyrirtækið Biostratum
en markmiðið hefur verið að skrá
félagið þegar skilyrði skapast fyr-
ir slíkt. Jón Ingi segir erfitt að
segja til um hvenær skilyrði skap-
ast fyrir skráningu þess fyrirtæk-
is. „Þetta er rétt að opnast. Menn
fylgjast með því hvernig þessi fé-
lög koma út sem hafa farið á mark-
að. Sum hafa farið upp eftir skrán-
ingu og önnur hafa farið niður.“
Greiningardeild Kaupþings
Búnaðarbanka segir fjárfesta nú
krefjast meiri afsláttar af gengi
líftæknifyrirtækja sem nú fara á
markað, en áður var. Einnig sé
meiri áhugi á þeim fyrirtækjum
sem eru komin lengra í rannsókn-
ar- og þróunarvinnu, þar sem styt-
tra sé í að fyrirtækin fari að skila
hagnaði. Dæmi um slík félög eru
Genitope sem hefur hækkaðu um
tæp 40% frá skráningu í síðasta
mánuði og Myogen sem hækkaði
um 8%. Önnur fyrirtæki hafa ekki
átt slíku láni að fagna. Fyrirtækin
NitroMed og Pharmion fóru á
markað í síðust viku. Það fyrr-
nefnda hefur lækkað um 19% frá
þeim tíma og hið síðarnefnda um
7,1%.
Líftæknigeirinn fór illa út úr
lækkunum eftir að hámarki var
náð í ársbyrjun árið 2000. Jón Ingi
segir marga fjárfesta brennda eft-
ir þær lækkanir. Því þurfi greinin
að jákvæðum fréttum að halda svo
brúnin fari verulega að lyftast.
Hins vegar sé tvímælalaust bjart-
ara yfir nú.
haflidi@frettabladid.is
Vopnafjörður:
Sekt fyrir
vanrækslu
KAUPHÖLLIN Vopnafjarðarhrepp-
ur þarf að greiða Kauphöll Ís-
lands 250 þúsund krónur fyrir
að brjóta gegn reglum um upp-
lýsingaskyldu.
Samkvæmt reglum um upp-
lýsingaskyldu ber sveitarfélög-
um sem hafa skráð verðbréf í
Kauphöllinni að skila Kauphöll-
inni ársreikningi um leið og
hann hefur verið samþykktur af
sveitarstjórn og eigi síðar en 1.
júní. Vopnfirðingar uppfylltu
ekki þessar reglur og ákvað
Kauphöllin að beita heimildum
til févíta. ■
Gljúfrasteinn:
Sumu svarað
öðru ekki
STJÓRNMÁL Davíð Oddsson forsæt-
isráðherra svaraði skilvíslega
skriflegum spurningum Marðar
Á r n a s o n a r,
þ i n g m a n n s
Samfylkingar,
um Gljúfra-
stein, bækur
og skjöl Hall-
dórs Laxness
en lét ósvarað
spurningunni
sem Mörður
bætti við úr
ræðustól. Sú
spurning sneri
að því hvort
a u g l ý s t a r
hefðu verið kynnisferðir í Gljúfra-
stein fyrir almenning eins og þá
sem Hannes Hólmsteinn Gissurar-
son hefði farið í, með leyfi forsæt-
isráðherra eins og Mörður taldi.
Davíð sagðist svara fyrirspurninni
„en leiði annað hjá mér“.
Stefnt er að því að safn um
Halldór Laxness opni í ágúst á
næsta ári. ■
Flugi aflýst:
Ölvaðir
flugmenn
LUNDÚNIR, AP Tveir flugmenn bres-
ka flugfélagsins British Airways
voru handteknir á Gardemoen-
flugvellinum í Noregi grunaðir
um ölvun. Mennirnir áttu að fljú-
ga með farþega frá Ósló til Lund-
úna en fluginu var aflýst. Flugfé-
lagið hefur vikið báðum mönnun-
um tímabundið frá störfum og
hafið rannsókn á málinu.
Norsku lögreglan stöðvaði
flugmennina eftir að hafa fengið
vísbendingu frá ótilgreindum að-
ila. Að sögn lögreglunnar voru
mennirnir greinilega undir áhrif-
um áfengis. Mæling á áfengis-
magni í blóði þeirra staðfesti
þetta.
Auk þess að missa vinnuna
eiga flugmennirnir yfir höfði sér
fangelsisdóma og sektir verði
þeir fundnir sekir. ■
Rafmagnsbrunar:
Oftast út fá
eldavélum
BRUNAR Eignartjón af völdum raf-
magnsbruna er talið nema allt að
600 milljónum króna, að því er
fram kemur í skýrslu Löggilding-
arstofu yfir bruna og slys árið
2002.
Í skýrslunni kemur fram að
hátt í helmingur rafmagnsbruna á
heimilum sé vegna eldavéla. Allir
þeir brunar voru að völdum
rangrar notkunar. Önnur raf-
magnstæki komu sjaldnar við
sögu en algengust þeirra voru,
þvottavélar, sjónvörp, lausir
lampar.
Síðastliðinn áratug urðu að
meðaltali 0,3 banaslys vegna raf-
magns ár hvert, en ekkert
banaslys var á síðasta ári vegna
þessa. 80 prósent slysanna urðu
vegna mannlegra mistaka. ■
AÐEINS ALSÍRSKT
Alsírska þíngið samþykkti bann við inn-
flutningi áfengra drykkja. Innlend fram-
leiðsla verður því eingöngu í boði fyrir
þann litla hluta landsmanna sem má
neyta áfengis.
Alsírska þingið:
Áfengisbann
ALSÍR, AP Neðri deild alsírska lög-
gjafarþingsins samþykkti frum-
varp sem felur í sér bann við inn-
flutningi á áfengum drykkjum.
Bannið tekur gildi um næstu ára-
mót, að því gefnu að efri deild
þingsins og stjórnarskrárnefnd
Alsírs leggi blessun sína yfir
frumvarpið.
Meirihluti Alsíringa er íslams-
trúar og þeir neyta því ekki áfeng-
is af trúarlegum ástæðum. Engu
að síður reka stjórnvöld víngerð
og flytja meðal annars út afurð-
irnar.
Fjármálaráðherra Alsírs,
Abdelatif Benachenhou, segist
óttast að bann við innflutningi
áfengis til Alsír, gæti haft í för
með sér að aðrar þjóðir bönnuðu
innflutning á alsírskum vínum. ■
ÍRAK Paul Bremer, landstjóri
Bandaríkjamanna í Írak, var í
fyrradag kallaður heim til Banda-
ríkjanna í skyndi til viðræðna við
embættismenn um ástandið í Írak
eftir blóðugustu viku Íraksstríðs-
ins til þessa.
Bremer hitti meðal annars Col-
in Powell utanríkisráðherra, Don-
ald Rumsfeld varnarmálaráð-
herra og Condoleezzu Rice örygg-
ismálaráðgjafa og mun m.a. hafa
verið rætt um að skipa nýjan leið-
toga til þess að stýra Írak tíma-
bundið fram að fyrirhuguðum
kosningum, líkt og gert var í
Afganistan.
Vegna heimkvaðningarinnar
var fyrirhuguðum fundi Bremers
með Leszek Miller, forsætisráð-
herra Póllands, aflýst, en Miller
hefur dvalið í Írak síðustu daga og
notaði m.a. tækifærið til að votta
föllnum landa sínum, Hieronim
Kupczyk liðsforingja, sem fyrstur
pólskra hermanna féll í átökunum
í Írak, virðingu sína. Miller sagði í
ávarpi til hermannanna að þátt-
taka Pólverja í uppbyggingunni í
Írak væri nauðsynleg en hún væri
um leið kostnaðarsöm, sársauka-
full og ennþá misskilin af mörg-
um. ■
BREMER Í WASHINGTON
Paul Bremer, landstjóri Bandaríkjamanna í
Írak, ásamt öryggisvörðum á leið til fundar
við bandaríska embættismenn í Hvíta hús-
inu.
Bremer kallaður heim frá Írak:
Rætt um að skipa leiðtoga
ÚTRÁS HJÁ SÍMANUM
Stjórn Landssímans hefur veitt forstjóran-
um, Brynjólfi Bjarnasyni, heimild til að
vinna að þátttöku fyrirtækisins í einkvæð-
ingu systurfyrirtækis í Búlgaríu í samvinnu
við Björgólf Thor Björgólfsson.
BJARTARA YFIR
Líftækniiðnaðurinn hefur mátt þola mikið mótlæti. Íslensk erfðagreining þurfti að segja
upp fólki. Bréf móðurfélags þess hafa hækkað mikið að undaförnu og bjartara er yfir
greininni nú en verið hefur um langt skeið
Þóun gengis deCode genetics og vísitölu líftæknifyrirtækja á Nasdaq frá áramótum.
Mikil hækkun hefur verið á gengi deCode síðustu vikurnar
VÍSITALA
LÍFTÆKNI-
FYRIRTÆKJA
Á NASDAQ
GENGI DEDODE GENETICS
Minni hagnaður Símans:
Auðgunarbrot
í uppgjöri
UPPGJÖR Hagnaður samstæðu
Landssíma Íslands hf. fyrstu níu
mánuði ársins 2003 nam 1.615
milljónum króna samanborið við
1.779 milljónir fyrir sama tímabil
í fyrra. Rekstrarhagnaður sam-
stæðunnar fyrir afskriftir eykst
um 210 milljónir á tímabilinu, er
5,4 milljarðar eða 40% af rekstr-
artekjum. Arðsemi eiginfjár var
14,6% en var 16,6% á sama tíma-
bili í fyrra.
Framkomin áhrif vegna auðg-
unarbrots hjá félaginu, 261 millj-
ónir króna, hafa verið metin við
gerð árshlutareikningsins. ■
SAUÐARKRÓKUR
Eldur kviknaði út frá sjónvarpi í einbýlis-
húsi í lok síðasta mánaðar.
DAVÍÐ ODDSSON
Svaraði fyrirspurninni
en ekki viðbótinni.
FR
ÉT
TA
B
LA
Ð
IÐ
/R
Ó
B
ER
T