Fréttablaðið - 18.12.2003, Blaðsíða 24

24 18. desember 2003 FIMMTUDAGUR
Fjölskylduhjálp Íslands hefurhafið starfsemi sína og er nú
opin öllum einstaklingum, óháð
kyni, aldri og búsetu, og er opið
alla fimmtudaga
frá kl. 14 til 17. Fjöl-
skylduhjálpin er til
húsa að Eskihlíð 2-4
í fjósinu þar sem
Hagkaup hóf rekst-
ur við Miklatorg.
Undirbúningur
að stofnun Fjöl-
skylduhjálpar Íslands hófst um
mitt sumar sem leið.
Þær konur sem stofnuðu og
eða starfa fyrir Fjölskylduhjálp
Íslands eru: Guðrún Magnúsdótt-
ir, Anna Auðunsdóttir, Ragna Rós-
antsdóttir, Unnur Jónasdóttir og
Ásgerður Jóna Flosadóttir. Allar
þessar konur störfuðu áður fyrir
Mæðrastyrk Reykjavíkur. Nýlið-
ar í hjálparstafi eru þær Ingi-
björg Arilíusardóttir, Eyrún Ant-
onsdóttir, Diana Björnsdóttir,
Anna Björgvinsdóttir og María
Jóhannesdóttir.
Konur sem eru í sjálfboða-
starfi hjá Fjölskylduhjálp Íslands
búa yfir 60 ára reynslu við hjálp-
arstarf á Íslandi. Á næstu mánuð-
um mun fjöldi kvenna koma til
starfa hjá Fjölskylduhjálpinni.
Vikulegar úthlutanir
Mannúð og kærleikur eru höfð
að leiðarljósi í starfi Fjölskyldu-
hjálparinnar. Í dag er Fjölskyldu-
hjálpin fullbúið líknarfélag, þökk
sé þeim fjölmörgu fyrirtækjum í
landinu sem gerðu það kleift, og
starfar Fjölskylduhjálpin í þágu
þeirra sem minna mega sín óháð
kyni, aldri eða búsetu. Fjölskyldu-
hjálpin úthlutar vikulega matvæl-
um, fatnaði á konur, karla og börn,
leikföngum, búsáhöldum, húsbún-
aði, barnavörum s.s. notuðum
barnavögnum o.fl. Eftir því sem
Fjölskylduhjálpin eflist fjárhags-
lega með hjálp allra landsmanna,
verður hægt að hjálpa þeim allra
fátækustu við að leysa út nauð-
synleg lyf. Síðan Fjölskylduhjálp-
in hóf störf fyrir nokkrum vikum
hefur verið hægt að hjálpa yfir
1.500 manns með matvæli og
fleira en þó aðeins fyrir mikinn
velvilja fyrirtækja og einstak-
linga í landinu.
Það er ósk okkar hjálparkvenna
að þeir sem aflögufærir eru, jafnt
einstaklingar og fyrirtæki, styðji
við bak þeirra sem minna mega sín
í landinu með því að leggja inn á
reikning Fjölskylduhjálpar Ís-
lands, kennitala 660903-2590,
banki: 101 – 26 – 66090. Móttaka
matvæla og annarra vara er alla
miðvikudaga frá klukkan 13.00 til
17.00 í húsakynnum Fjölskyldu-
hjálpar Íslands. Sími 551 3360 og
897 1016. ■
Ef litið er yfir mannkynssögunablasir sú staðreynd við að ef
stjórnarherrar eru of lengi við
völd glata þeir tilfinningunni fyr-
ir kjörum almennings, spilling
eykst og stjórnarathafnir fara að
einkennast af eiginhagsmunum
umfram hagsmuni hins almenna
borgara. Samtök launamanna og
atvinnurekendur höfðu á sínum
tíma þá framsýni
að byggja upp
raunsætt lífeyris-
kerfi með eðlilegri
tryggingu. Aðrar
þjóðir hafa á und-
anförnum árum
verið að fara inn á
sömu brautir. Því
miður hafa núver-
andi stjórnvöld nokkrum sinnum
á starfstíma sínum unnið
skemmdarverk á þessu kerfi, með
því að hygla ákveðnum hópum op-
inberra starfsmanna, og í skjóli
þess hafa verið byggðir upp gjör-
samlega óraunsæir lífeyrissjóðir
alþingismanna og enn fáránlegri
lífeyrissjóðir ráðherra.
Fyrir dyrum eru almennir
kjarasamningar. Þær kröfugerðir
sem búið var að leggja fram ein-
kenndust af raunsæi og vilja til
þess að halda áfram á þeirri braut
sem samtök launamanna hafa
markað ásamt samtökum atvinnu-
rekenda. Þetta átti að gera þrátt
fyrir að stjórnarherrar settu allt á
annan endann í vor með því að
skenkja sér launahækkun langt
umfram það sem almennir launa-
menn áttu kost á.
Frumvarp lagt fram í skjóli
myrkurs
Skyndilega í skjóli myrkurs
nokkrum klukkutímum áður en
þinglok voru fyrirhuguð er skellt
fram á borðið frumvarpi þar sem
hygla á æðstu stjórnendum með
einstaklega glæsilegum starfs-
lokakjörum. Forysta verkalýðs-
hreyfingarinnar benti á að þetta
gæti ekki leitt til annars en að
launamenn myndu rísa upp og
segja hingað og ekki lengra.
Starfsmenn verkalýðshreyfingar-
innar fóru ítarlega yfir frumvarp-
ið með aðstoð færustu sérfræð-
inga. Þeir bentu á að kostnaður
vegna þessa frumvarps væri mik-
ill og myndu myndarlegar upp-
hæðir renna beint í vasa forsætis-
ráðherra og innan skamms tíma
myndi formaður hins stjórnar-
flokksins eiga sams konar rétt.
Athygli vakti einnig að á meðan
eru skerðingarmörk bóta okkar
venjulega fólksins svo lág að
við verðum að una því að ef við
sinnum einhverjum launuðum
verkefnum glötum við bótarétt.
Svo smekklegt sem það nú er þá
er ákvæði að ef æðstu ráða-
menn sinni ritstörfum glati þeir
ekki réttindum.
Athygli vakti að stjórnar-
þingmenn sögðu að ekki væri
um laun að ræða, bara einhver
samræming á lífeyrisréttind-
um. Síðan komu einhverjar
dylgjur um launakjör starfs-
manna stéttarfélaga. Þau eru
öllum ljós og birt í fjölmiðlum á
hverju ári. Lífeyrisréttindi eru
launakjör, sama gildir um
starfslokaréttindi. Þegar laun
okkar eru reiknuð út er reiknað-
ur út launakostnaður, uppsagn-
arfrestur er metinn, lífeyris-
réttindi eru metin. Það er stað-
reynd að launakjör þingmanna
og ráðherra voru allt of lág, það
er búið að bæta þau um 100%
síðustu ár. Þegar stjórnarþing-
menn ræða sín launmál taka
þeir ætíð strípuð grunnlaun og
bera það svo saman við heildar-
launapakka annarra. Gagnrýni
okkar snerist ekki um laun
þeirra. Hún snerist um að verið
væri að bæta lífeyris- og starfs-
lokaréttindi langt umfram það
sem ásættanlegt væri, réttindi
sem voru þegar mjög rífleg.
Réttindi sem þegar voru langt
umfram það sem aðrir hafa,
græðgisvæðingin var við völd.
Fólkið úti í bæ er almenn-
ingur
Nokkrir stjórnarandstöðu-
þingmenn áttuðu sig á að ekki
væri allt með felldu og báðu um
skýringar. Þeim var tjáð að
þetta kostaði ekkert, kannski 5
milljónir eins og forsætisráð-
herra sagði. Stjórnarþingmenn
ásamt forsætisráðherra hafa
farið hamförum og ausið fúk-
yrðum og svívirðingum yfir
landslýð. Allt háttalag og mál-
flutningur þeirra ber einkenni
veruleikafirrts fólks, sem ekki
er í neinum tengslum við hinn
almenna borgara. Það ber
greinileg merki þess að þarna
fer fólk sem hefur verið allt of
lengi við völd og er orðið spillt.
Græðgi og gæska gagnvart eig-
inhagsmunum er að ná völdum.
Undanfarinn sólarhring hafa
stjórnarþingmenn með forsæt-
isráðherra í broddi fylkingar
sakað stjórnarandstöðu um að
hún geti ekki staðið undir
ábyrgð og láti stjórnast af fólki
úti í bæ! Hvað er þetta fólk úti í
bæ sem stjórnarandstaðan er að
hlusta á? Forsætisráðherra og
stjórnarþingmenn telur það á
svo lágu stigi að það sé ekki
samboðið þeim að hlusta á það?
Þetta fólk ert þú, lesandi góður,
við almenningur þessa lands,
skattgreiðendur. Það er svo
komið að stjórnarherrar okkar
telja okkur svo mikinn lágaðal
að við séum ekki þess virði að
hlusta á okkur. En við lágaðall-
inn eigum aftur á móti að greiða
skattana þegjandi og hljóða-
laust og við eigum að njóta mun
verri kjara en þeir vilja
skammta sér.
Nú er svo komið að við blasa
gífurleg átök á vinnumarkaði
næstu mánuðina, okkur venju-
lega fólkinu er algjörlega of-
boðið. Við verðum að koma í veg
fyrir að þetta fólk vinni meiri
skemmdarverk á íslensku þjóð-
félagi, við þurfum að senda það
í endurhæfingarfrí. ■
■
Nú er svo kom-
ið að við blasa
gífurleg átök á
vinnumarkaði
næstu mánuð-
ina, okkur
venjulega fólk-
inu er algjör-
lega ofboðið.
Umræða
GUÐMUNDUR
GUNNARSSON
■
formaður Rafiðnaðar-
sambands Íslands
skrifar um eftirlauna-
frumvarpið og kjara-
baráttu.
Takið ykkur frí
Framganga Hjálmars Árnason-ar, alþingismanni Framsóknar-
flokksins og kollega míns sem
þingmaður Suðurkjördæmis, í
hinu svokallað línuívilnunarmáli,
hefur vakið athygli mína á undan-
förnum mánuðum. Samkvæmt
frétt í Fréttablaðinu 9. desember
sl. er Hjálmar andvígur línuíviln-
un. Hann telst þó einn af frum-
kvöðlum línuívilnunar á Íslandi
og barðist fyrir því að Framsókn-
arflokkurinn gerði
slíka ívilnun að
einu helsta baráttu-
máli sínu í fisk-
veiði- og byggða-
málum fyrir síð-
ustu kosningar.
Eldhuginn og hug-
s j ó n a m a ð u r i n n
Hjálmar Árnason
talaði svo gegn
línuívilnun opinberlega og á þing-
flokksfundi Framsóknarflokksins
nú í desember, en greiddi þó at-
kvæði með línuívilnunarfrum-
varpinu svokallaða við loka at-
kvæðagreiðslu í þinginu á mánu-
dag. Maður getur nú ruglast í rím-
inu af því að reyna að fylgjast
með minni flækjufót en þetta.
Frumkvöðlar í Framsókn
Það er enginn vafi á því að
Hjálmar Árnason er einn af þeim
sem eiga hvað stærstan hlut í
þeim vafasama heiðri að Alþingi
hefur nú samþykkt meingallað
frumvarp sjávarútvegsráðherra
um línuívilnun. Tillaga um að
Framsóknarflokkurinn ætti að
beita sér fyrir línuívilnun var bor-
in fram og samþykkt samhljóða
og án mótatkvæða á flokksþingi
Framsóknarflokksins í febrúar á
þessu ári. Flutningsmenn tillög-
unnar sem báðir töluðu fyrir
henni eru úr Suðurkjördæmi, en
þar er andstaðan gegn línuívilnun
hvað hatrömmust. Þessir frum-
kvöðlar línuívilnunar í Framsókn-
arflokknum voru þeir Hjálmar
Árnason þingmaður kjördæmis-
ins og Eysteinn Jónsson, aðstoðar-
maður Guðna Ágústsonar land-
búnaðarráðherra. Kristinn H.
Gunnarsson, alþingismaður
Framsóknarflokksins og varafor-
maður sjávarútvegsnefndar
þingsins, þar sem Hjálmar á ein-
nig sæti, upplýsti um þetta í grein
sem birtist í haust á vef Bæjarins
besta á Ísafirði. Línuívilnunin,
sem að stórum hluta á sem sagt
rætur að rekja til framsóknar-
manna í Suðurkjördæmi, rataði
síðan í stjórnarsáttmála ríkis-
stjórnarinnar eins og kunnugt er.
Gleymd loforðasúpa
Hjálmar Árnason var ötull tals-
maður línuívilnunar í kosninga-
baráttunni í vor. Dæmi um þetta
er grein sem hann skrifaði og birt-
ist á fréttavefnum horn.is á
Hornafirði. Þar talar hann um að
Framsókn vilji bæta núverandi
fiskveiðistjórnunarkerfi, meðal
annars með ívilnun til línubáta. Þá
segir Hjálmar einnig að Fram-
sóknarflokkurinn vilji hækka
veiðiskyldu í 85% og þeir veiði
sem fái úthlutað kvóta (sem sagt
banna langleiðina framsal á
kvóta). Flokkurinn vill skoða kosti
og galla færeyska fiskveiðistjórn-
unarkerfisins, banna flottroll á
loðnuveiðum og endurskoða fisk-
veiðiráðgjöfina með aðild fleiri en
Hafrannsóknastofnunar að haf-
rannsóknum. Framsóknarflokk-
urinn vildi einnig fyrir kosningar
setja reglur um lágmarksfjölda
sóknardaga fyrir handfærabáta í
svokölluðu dagakerfi.
Eftir kosningarnar í vor
hefur hvorki heyrst hósti né
stuna í Framsóknarflokknum
varðandi efndir á flestum þes-
sara loforða. Þau virðast
gleymd. Tillaga Frjálslynda
flokksins um svokallað gólf í
fjölda daga hjá færabátum var
kolfelld við afgreiðslu línuíviln-
unarfrumvarpsins í þinginu á
mánudag, meðal annars með ein-
róma stuðningi þingmanna
Framsóknar. Ef ekki væri fyrir
einbeittan atbeina Kristins H.
Gunnarssonar væri línuívilnun
ekki einu sinni komin á dagskrá
hjá stjórnarflokkunum. Ekki er
að sjá að línuívilnunarfrumkvöð-
ullinn Hjálmar Árnason hafi
gert neitt til að aðstoða flokksfé-
laga sinn í því að koma þessu
máli áfram. Hann hefur í staðinn
lýst andstöðu við eigin hugar-
fóstur í fjölmiðlum. Eftirtektar-
vert er að ekki í eitt einasta skip-
ti tók Hjálmar Árnason til máls í
umræðum um línuívilnun á Al-
þingi nú í haust. Eins og aðrir í
Framsóknarflokknum lét hann
félaga sinn Kristinn H. Gunnars-
son taka slaginn í þessu um-
deilda máli og passaði sig bara á
því að ýta á já-takkann við loka-
afgreiðslu málsins á mánudag. Á
máli Framsóknarmanna heita
svona vinnubrögð víst „að spila í
sama liðinu“.
Sóðaskapur í pólitík
Í grein sem birtist í Fréttablað-
inu á þriðjudag fer Hjálmar mik-
inn í vandlætingu sinni á því að
einstakir þingmenn stjórnarand-
stöðunnar hafi til að bera þann
manndóm að berjast gegn því að
eftirlaunafrumvarpið svokallaða
væri kýlt með offorsi gegnum
þingið á síðustu tímum þess fyrir
jólafrí. Þingmaður Suðurkjör-
dæmis skrifar meðal annars:
„Hringlandaháttur og bræðravíg
eru verstu óvinir allrar festu og
markvissrar uppbyggingar í
stjórnmálum. Þjóðin hafnar slík-
um vinnubrögðum. Þau eru ógæfa
stjórnarandstöðunnar“.
Já, þeir sletta skyrinu sem
eiga það. ■
■
Eftirtektarvert
er að ekki í eitt
einasta skipti
tók Hjálmar
Árnason til máls
í umræðum um
línuívilnun á Al-
þingi nú í haust.
■
Mannúð og
kærleikur eru
höfð að leiðar-
ljósi í starfi
Fjölskylduhjálp-
arinnar.
Andsvar
MAGNÚS ÞÓR
HAFSTEINSSON
■
alþingismaður skrifar
um línuívilnun.
Andsvar
ÁSGERÐUR
JÓNA
FLOSADÓTTIR
■
formaður Fjölskyldu-
hjálparinnar skrifar um
Fjölskylduhjálp Íslands.
Þeir sletta skyrinu sem eiga það
Fjölskylduhjálp Íslands
Bætiflákar
Á þingi er mikið af góðu fólki
„Ég tel að innan þingsins sé margt
af hæfu og góðu fólki en ég veit
líka um fjölmarga aðra sem eru í
ágætum störfum og ættu erindi á
þing en vilja ekki taka á sig það
álag sem því fylgir og lækka jafn-
framt í launum. En ég vek athygli
á því að frumvarpið felur reyndar
ekki í sér hækkun á launum þing-
manna.“
–––––––––––––––––––––––––––––
Hjálmar Árnason sagði í umræðum um lífeyris-
frumvarp þingmanna og ráðherra að nauðsyn
væri að tryggja stjórnmálamönnum góð kjör,
svo að til starfa veljist þokkalegt fólk. Hjálmar
var því spurður um mönnun á Alþingi nú.