Fréttablaðið - 12.02.2004, Blaðsíða 2

2 12. febrúar 2004 FIMMTUDAGUR
„Að minnsta kosti skortir ekki
eindrægni og vilja til þess að berj-
ast fyrir jöfnuði og jafnrétti – og
er það ekki það sem menn kalla
harðan sósíalisma?“
Ögmundur Jónasson er þingmaður Vinstri
grænna. Hópur flokksmanna hefur haldið fundi
þar sem forystan hefur verið gagnrýnd fyrir að
vera ekki nægilega vinstrisinnuð.
Spurningdagsins
Ögmundur, eru menn ekki nógu harð-
ir í sósíalismanum?
Sparisjóðafrumvarpið
var viðvörunarskot
Forsætisráðherra og formaður bankaráðs Landsbankans töluðu undir
rós um hræringar viðskiptalífsins. Þeir eru sammála um að bankar eigi
ekki að eiga í fyrirtækjum til lengri tíma.
VIÐSKIPTI Davíð Oddsson forsætis-
ráðherra og Björgólfur Guðmunds-
son, formaður bankaráðs Lands-
bankans, ræddu báðir þróun við-
skiptalífisins að undanförnu.
Á h e r s l u m u n u r
var talsverður á
nálgun þeirra, en
einnig mátti
greina samhljóm.
Davíð Oddsson
sagði að stjórn-
endur bankanna
ættu að íhuga það
vandlega hversu
langt þeir ættu að
ganga í eignar-
haldi fyrirtækja.
„En það er að
mínu mati langt
frá því að vera
heppilegt að
bankarnir séu í
lykilhlutverki í
rekstri fyrirtækj-
anna. Það eykur
hættuna á hags-
munaárekstrum
og rýrir traust
landsmanna á
þessum mikilvægu stofnunum,“
sagði Davíð.
Björgólfur tók í sama streng og
sagði það ekki markmið Landsbank-
ans að eiga í fyrirtækjum til langs
tíma. Hann sagði vöxt Landsbank-
ans og umbreytingar í viðskiptalíf-
inu ekki tilviljun heldur afrakstur
þess að einstaklingar hefðu komið
að bankanum. Hann þakkaði stjórn-
völdum víðsýni sem lagt hefði
grunn að breytingunum. „Í rekstri
Landsbankans settum við okkur
strax eindregin markmið um að efla
bankann, hleypa ferskum vindum
inn í íslenskt fjármálalíf og nýta
þau margföldu tækifæri sem við
blöstu í breyttu landslagi. Þetta hef-
ur tekist,“ sagði Björgólfur. Hann
sagði breytingarnar rétt að byrja.
Hann lagði áherslu á traust og að
sterk fyrirtæki styddu myndarlega
við samfélagið og menninguna.
Hvorugur nefndi hræringarnar
milli Íslandsbanka og Landsbanka
og hvorugur tjáði sig um það þegar
eftir því var leitað. Davíð sagði að
eflaust væri lagasetning á spari-
sjóðina ekki hafin yfir gagnrýni.
„Mér þykir líklegt að sameining
nær alls þingheims um löggjöf
vegna áforma SPRON og Kaup-
þings snúi ekki bara að því máli, en
sé jafnframt eins konar aðvörunar-
skot frá Austurvelli til annarra á
markaði.“
Björgólfur sagði að stöðugleiki
fjármála- og lagaumhverfis væri
mikilvæg forsenda fjárfestingar og
ekki væri farsælt að skipta um regl-
ur í miðjum leik. Bankar og fyrir-
tæki yrðu að hafa styrk til þess að
takast á við landvinnunga. „Ef þeim
eru ekki sköpuð skilyrði til þess
verður engin útrás. Íslendingar
vinna þá með fjármagn sitt erlend-
is, án viðkomu í íslensku efnahags-
lífi.“
haflidi@frettabladid.is
Unglingar af tveimur kynþáttum
börðust með bareflum í Breiðholti:
Þrír kærðir
eftir hópslagsmál
LÖGREGLUMÁL Þrjú ungmenni hafa
verið kærð eftir hópslagsmál ung-
linga, annars vegar íslenskra og
hins vegar af asísku bergi brot-
inna, síðastliðið laugardagskvöld.
Þrír voru fluttir með sjúkrabíl á
slysadeild um kvöldið. Ekki er ljóst
hver upptök slagsmálanna voru.
Það var um hálfellefuleytið á
laugardagskvöldið sem lögregl-
unni barst tilkynning, þar sem ung-
lingur af asísku bergi brotinn
óskaði eftir aðstoð vegna þjófnað-
ar. Lögreglan fór að versluninni
11-11 í Breiðholti. Tilkynningin
reyndist ekki á rökum reist. Hins
vegar höfðu verið mikil átök milli
tveggja hópa unglinga.
Þau upphófust þannig að tvö
ungmenni af asískum uppruna áttu
í orðaskiptum við ökumann og far-
þega í bifreið. Þau orðaskipti
leiddu síðan til átaka. Hópur ung-
menna af asískum uppruna, sem
voru saman komin að Völvufelli
blandaðist í málið. Réðst hópurinn
að bifreiðinni og þeim sem í henni
voru. Einnig blönduðust inn í átök-
in ungmenni sem voru á ferð i
hverfinu. Ungmennin voru vopnuð
hafnaboltakylfum, golfkylfum,
skóflum og dúkahnífum. Lögreglan
gerði bareflin upptæk.
Tvö íslensk ungmenni slösuðust
í átökunum. Annað var með áverka
á baki, olnboga og vinstri hönd.
Hitt var með áverka í andliti. Þá
þurfti að flytja dreng, sem lá með
öndunarerfiðleika í Unufelli eftir
líkamsárás, á slysadeild. Hann
hafði verið barinn með golfkylfu.
Einn unglingur var fluttur á lög-
reglustöð. Tveir piltar af asískum
uppruna hafa verið kærðir, svo og
einn íslenskur piltur. Lögreglan
vinnur nú að rannsókn málsins. ■
Bankarán í SPRON:
Enn undir
grun
LÖGREGLAN „Það er ekki búið að
aflétta gruni af neinum,“ segir
Hörður Jóhannesson, yfirlög-
regluþjónn í Reykjavík, um rann-
sókn vopnaða bankaránsins sem
framið var í SPRON í Hátúni í
byrjun janúar.
Hörður segir að ástæða hafi
verið til að gruna tvo menn um
bankaránið og þeir hafi sætt
gæsluvarðhaldi í viku. Játningar
liggja ekki fyrir í málinu. Hörður
segir að þó að sýnin sem send hafi
verið til greiningar til Noregs hafi
reynst neikvæð hafi grun ekki
verið létt af mönnunum tveimur
sem sátu í gæsluvarðhaldi. ■
GEORGE W. BUSH
Enn er deilt um veru hans í þjóðvarðliðinu.
Bush í þjóðvarðliðinu:
Mætti og
fékk greitt
WASHINGTON, AP Hvíta húsið hefur
birt skjöl um launagreiðslur til
George W. Bush Bandaríkjafor-
seta meðan hann var í þjóðvarð-
liðinu til að færa sönnur á að hann
hafi mætt til æfinga meðan hann
var í þjóðvarðliðinu í Alabama.
Áður hafði verið bent á að engin
skjöl sýndu fram á að hann hefði
mætt til æfinga og annarra verk-
efna eftir að hann flutti frá Texas.
Demókratar hafa sagt að skjölin
veki upp fleiri spurningar en þær
svara en Scott McClellan, blaðafull-
trúi Hvíta hússins, sagði það til
marks um pólitískt skítkast.
„Bandaríska þjóðin á betra skilið.“ ■
Fréttablaðið:
Jón Kaldal
ráðinn
FJÖLMIÐLAR Jón Kaldal, ritstjóri
Iceland Review og Skýja, hefur
verið ráðinn rit-
stjórnarfulltrúi á
Fréttablaðinu. Jón
hefur verið ritstjóri
Iceland Review og
Atlantica frá 1997
og ritstýrt Skýjum
frá stofnun blaðsins.
„Ráðning Jóns
tengist eflingu á út-
gáfu Fréttablaðsins
og fylgiblaða. Það eru næg verk-
efni fram undan hjá okkur svo
hæfileikar hans njóti sín,“ segir
Gunnar Smári Egilsson, ritstjóri
Fréttablaðsins.
Jón mun hefja störf hjá Frétta-
blaðinu um næstu mánaðamót. ■
Í AÐGERÐ
Ríkey Ingimundardóttir þegar hún gekkst
undir lýtaaðgerð í sjónvarpsþættinum
Íslandi í dag.
Mæðgur í sjónvarpi:
Keppa um
áhorf
FEGRUNARAÐGERÐIR „Mér er farið að
finnast að móðir mín fylgi í kjöl-
farið á öllu því sem ég geri,“ seg-
ir Ruth Reginalds, söngkona og
fyrrum barnastjarna, um það að
móðir hennar, Ríkey Ingimundar-
dóttir, fylgdi í kjölfar hennar og
fór í lýtaaðgerð í sjónvarpsþætt-
inum Ísland í dag í gærkvöld.
„Ég veit ekki alveg hvað hún er að
reyna að sanna en það er náttúru-
lega hennar ákvörðun hvort hún
kemur fram í sjónvarpi eða ekki.
Mín ósk er sú að móðir mín fari að
slappa svolítið af,“ segir Ruth og
segist ákveðin í að láta uppákomu
móður sinnar fram hjá sér fara.
Ríkey segist aftur á móti hafa
farið í sína aðgerð til þess að veita
Ruth stuðning.
Sjá nánar á bls. 46
Select í Breiðholti:
Skotið á
rúðu með
loftriffli
SKEMMDIR „Við höfum ekki hug-
mynd um hvað hefur gerst,“ Mar-
grét Guðmundsdóttir, fram-
kvæmdastjóri markaðssviðs smá-
sölu, en tvö göt er á rúðu á Select
stöðinni í Breiðholti sem líklega eru
eftir loftriffil.
M a r g r é t
segir stöðina
vera opna all-
an sólarhring-
inn en þau
kannist ekki
við neina
ó þ æ g i l e g a
u p p l i f u n
þessu sam-
ferða. „Við lít-
um á þetta
eins og hverja
aðra rúðu sem
við skiptum um.“
Lögreglan hefur ekki verið
kvödd á staðinn vegna hugsanlegra
skotfara á rúðunni á Select stöðinni.
Rúðan sem er í vaktherbergi bens-
ínafgreiðslumanna er úr tvöföldu
gleri og eru skemmdirnar aðeins á
ytra byrgði hennar. Mjög líklega
eru skotförin eftir loftriffil og þarf
riffillinn annað hvort að vera mjög
kraftmikill eða að skotið sé af stuttu
færi. Ef förin væru eftir annars
konar skotvopn hefði skotið átt að
fara alveg í gegnum rúðuna. ■
ÖRYGGISMÁL Lögreglan í Reykja-
vík, Reykjanesbæ, á Selfossi og
Akureyri hefur ekki orðið vör við
skerðingu í þjónustu Tetra-kerfis-
ins eftir að Tetra Ísland slökkti á
helmingi senda sinna í gær. Lög-
reglan í Reykjanesbæ hyggst
gera könnun á því hvort kerfið sé
ónothæft á einhverju svæði innan
umdæmisins.
Tetra-kerfið var tekið í notkun
árið 2000 og hafa neyðarþjónustur
lagt í umtalsverðar fjárfestingar
til þess að innleiða kerfið.
Rekstur Tetra Íslands, sem sér
um kerfið, er í miklu uppnámi og
óskaði stjórn félagsins eftir heim-
ild til að leita nauðasamninga á
fundi í gær.
Jón Pálsson, framkvæmda-
stjóri Tetra Íslands, segir að þrátt
fyrir að slökkt hafi verið á send-
um telji félagið sig uppfylla samn-
ing við dómsmálaráðuneyti og
Reykjavíkurborg um það svæði
sem dekkað er í kerfinu. „Við
erum með samninga við Reykja-
víkurborg og dómsmálaráðuneyt-
ið sem kveða á um ákveðna dekk-
un en ekki fjölda senda,“ segir
Jón.
Tetra Ísland skuldar um 750
milljónir króna og samkvæmt
fréttatilkynningu frá félaginu
hefur náðst samkomulag við
flesta lánadrottna um niðurfell-
ingu á skuldum Þó hefur ekki
náðst samkomulag við Símann,
sem er eigandi stærstu krafanna á
hendur félaginu. ■
JÓN KALDAL
Nýr liðsmaður á
Fréttablaðinu.
NEYÐARLÍNAN
Lögreglan í Reykjavík segist ekki hafa orðið
vör við skerðingu í þjónustu Tetra-kerfisins.
Tetra Ísland:
Leitar eftir nauðasamningum
GLAÐLEG TENGSL VIÐSKIPTA OG STJÓRNMÁLA
Davíð Oddsson, forsætisráðherra og Björgólfur Guðmundsson fóru fínt í mismunandi
skoðanir sínar á hræringum viðskiptalífsins. Þeir eru sammála um að ekki sé æskilegt að
bankar eigi í fyrirtækjum til lengri tíma. Davíð ráðleggur bönkunum að fara varlega með-
an Björgólfur varar við að breyta leikreglum í miðjum leik. Þeir áttu ekki neinum vand-
ræðum með að skemmta hvor öðrum milli ræðna á viðskiptaþingi Verslunarráðs Íslands.
„Mér þykir
líklegt að
sameining
nær alls
þingheims
um löggjöf
vegna
áforma
SPRON og
Kaupþings
snúi ekki
bara að því
máli, en sé
jafnframt eins
konar aðvör-
unarskot frá
Austurvelli.
EFRA BREIÐHOLT
Vettvangur átaka milli unglinga.
TVÖ SKOTFÖR VORU
Á RÚÐUNNI
Engin varð var við þegar
skotið var á rúðuna en
líklega var skotið
af loftriffli.