Fréttablaðið - 12.02.2004, Blaðsíða 33

FIMMTUDAGUR 12. febrúar 2004
Forsalan er hafin
Tryggðu þér gott borð strax á Kaffi
Reykjavík, í síma 5523030 eða á
kaffireykjavik@kaffireykjavik.is.
Á KAFFI REYKJAVÍK
Það verður sérstaklega
mikið um dýrðir á Kaffi Reykjavík fjögur
laugardagskvöld í febrúar og mars. Þá gefst þér kostur á að njóta
bestu laga Bubba Morthens eftir ljúffengan þriggja rétta kvöldverð.
Bubbi Morthens kemur fram á Kaffi Reykjavík ásamt hljómsveit
skipaðri þeim Guðmundi Péturssyni, Jakobi Magnússyni og Arnari
Geir Ómarsyni. Á efnisskrá tónleikanna eru öll bestu lög Bubba,
gömul og ný, allt frá ljúfum ballöðum til kjarnyrtra
blúsa, sem þjóðin kann utan að. Á milli laga segir
Bubbi frá og ræðir menn og málefni eins og honum
einum er lagið. Misstu ekki af þessari skemmtun!
Þriggja rétta kvöldverður og tónleikar
á einstöku verði, aðeins 4.500 kr.
Matur er borinn fram frá kl. 19 en
tónleikarnir hefjast kl. 21:30.
Athugið,
aðeins
fernir tón
leikar.
Laugardag
ana
14. febrúa
r
21. febrúa
r
6. mars
13. mars
Munið Veislukvöldin
á Kabarettloftinu
með Eddu Björgvins
BÓKAÐU FYRIR
ÞINN HÓP NÚNA!
VEISLU- OG RÁÐSTEFNUHÚS
6. mars
13. mars
20. mars
27. mars
Hollt í magann á Sólon
MATUR „Þessi heilsumatseðill hjá
okkur er mjög vinsæll. Fólk gerir
þetta alltaf í einhverju heilsuátaki
eftir áramótin, og við erum fyrst
og fremst að koma til móts við
þær þarfir,“ segir Freysteinn
Gíslason, matreiðslumaður á
Kaffi Sólon, þar sem sérstakir
heilsuréttir hafa verið í boði und-
anfarnar vikur.
„Í hverri viku bjóðum við upp á
sex rétti sem allir eru í heilsu-
línunni. Í þessum mat er lítill sykur,
pastað er heilhveitipasta og það er
enginn rjómi. Þetta er svona í
ítölskum og mexíkóskum anda, og
eingöngu grænmeti og fiskur. Og
við breytum um rétti í hverri viku.“
Heilsuréttirnir eru viðbót við
venjulegan matseðil staðarins,
sem reyndar er hvort eð er
almennt á léttari nótunum, með
áherslu á fisk og salatrétti, kjúk-
linga og hvítt kjöt. ■
Guðrún syngur
á tveimur stöðum
TÓNLEIKAR Guðrún Gunnarsdóttir
söngkona ætlar heldur betur að láta
í sér heyra í kvöld, og það ekki á
einum stað heldur tveimur.
Klukkan átta hefjast tónleikar í
Salnum í Kópavogi þar sem hún
syngur með Kjalnesingakórnum. Á
efnisskránni eru vinsæl dægurlög
frá fyrri tíð á borð við Marína og
Hvíta máva, sem snillingurinn Ósk-
ar Einarsson hefur útsett sérstak-
lega fyrir Guðrúnu og kórinn.
Síðar um kvöldið hefjast svo tón-
leikar á Hótel Borg, þar sem Guð-
rún syngur ásamt hljómsveit sinni,
sem skipuð er Eyþóri Gunnarssyni
hljómborðsleikara, Sigurði Flosa-
syni saxófónleikara, Birgi Braga-
syni á kontrabassa og Erik Qvick á
trommur. Þar verða í hávegum lög
sem Ellý Vilhjálms gerði vinsæl.
Sérstakur gestur Guðrúnar á
Hótel Borg verður Stefán Hilmars-
son. ■
Spreyta sig
með Sinfóníunni
TÓNLEIKAR „Þegar ég hætti í Múm var
ég mjög óviss hvað ég ætti að gera,“
segir Gyða Valtýsdóttir, sem hefur
einbeitt sér að sellónámi frá því hún
hætti í hljómsveitinni Múm fyrir
hálfu öðru ári.
„Ég var í tveimur ólíkum tónlist-
arheimum og vissi ekki alveg í
hvorum þeirra ég vildi vera. Og veit
það í raun og veru ekki ennþá.“
Í kvöld leikur hún einleik með
Sinfóníuhljómsveit Íslands ásamt
þremur öðrum ungum hljóðfæra-
leikurum, sem allir stefna á að
útskrifast frá tónlistardeild Lista-
háskóla Íslands í vor.
Auk Gyðu, sem leikur á selló,
verða einleikarar tónleikanna þær
Melkorka Ólafsdóttir, sem leikur á
flautu, og fiðluleikararnir Helga
Þóra Björgvinsdóttir og Ingrid
Karlsdóttir. Hver þeirra um sig
valdi sér einn einleikskonsert til
þess að flytja með Sinfóníunni í
kvöld.
„Ég spila fiðlukonsert Brahms,“
segir Helga. „Það kemur ekkert
annað til greina, ég er svo mikill
Brahms-aðdáandi. Þessi konsert er
svo ótrúlega fallegur og mikil orka í
honum. Um leið er hann mjög krefj-
andi fyrir mig að spila.“
Hún hefur verið að æfa þennan
konsert í rúmt ár og segist varla
trúa því að í kvöld standi hún á svið-
inu með Sinfóníuhljómsveit Íslands.
„Þetta er búið að vera draumur
minn ofsalega lengi og skrýtið að
þetta sé að gerast núna.“
Í vor útskrifast fyrsti árgangur
tónlistarnema frá Listaháskóla Ís-
lands. Í fyrra var haldin á vegum
skólans einleikarakeppni, og ein-
leikarar kvöldsins sigruðu einmitt í
þeirri keppni. Gert er ráð fyrir að
slík keppni verði árlegur viðburð-
ur.
„Það er rosalega gaman að fá að
spila með svona prófessjónal hljóm-
sveit,“ segir Melkorka, sem ætlar
að flytja flautukonsert eftir
Jacques Ibert. „Við stefnum held ég
allar á framhaldsnám, en síðan velt-
ur á ýmsu hvernig það gengur. Sam-
keppnin er rosalega hörð.“
Gyða ætlar að flytja sellókonsert
eftir Sjostakovitsj og Ingrid flytur
fiðlukonsert eftir Sibelíus. ■
KAFFI SÓLON
Býður upp á sérstakan heilsumatseðil.
FJÓRIR UNGIR EINLEIKARAR
Allar útskrifast þær í vor frá tónlistardeild. Í kvöld leika þær einleik með Sinfóníunni.
Í STUÐI Á BORGINNI
Stebbi Hilmars og Guðrún Gunnars voru í
miklum ham á Borginni síðastliðinn
fimmtudag. Í kvöld endurtaka þau leikinn.