Fréttablaðið - 12.02.2004, Blaðsíða 38

38 12. febrúar 2004 FIMMTUDAGUR
VILLA!
Aaron Williams, leikmaður New Jersey
Nets, fiskar villu á Chauncey Billups, leik-
mann Detroit Pistons, í viðureign liðanna í
fyrrakvöld. Nets vann leikinn með 89 stig-
um gegn 78.
Körfubolti
HANDBOLTI Það vakti mikla athygli
þegar Þjóðverjar fögnuðu Evr-
ópumeistaratitlinum í handbolta í
Slóveníu á dögunum að þjálfarinn
Heiner Brand lét hið fornfræga
yfirvaraskegg sitt fjúka þegar tit-
illinn var í höfn. Brand var nánast
óþekkjanlegur án síns helsta sér-
kennis, sem var haldið til haga og
er nú til sölu fyrir handboltasjúka
Þjóðverja eða jafnvel safnara af
öðru þjóðerni. Þýska sjónvarps-
stöðin DSF og netmiðillinn Sport1
ætla bjóða upp skegg Brands og
er byrjað í 1.200 evrum, um 106
þúsund íslenskum krónum. „Rost-
ungsskeggið“ eins og það var
nefnt af mörgum er örugglega
frægasta yfirvaraskegg hand-
boltasögunnar og nú er að sjá
hvort einhver tímir að kaupa
skeggið, sem flestum þótti sóma
sér betur í ruslatunnunni en á efri
vör Brands. ■
FÓTBOLTI „Ég vissi að það yrði ekki
vandamál fyrir Thierry Henry að
ná 100 mörkum,“ sagði Arsene
Wenger, framkvæmastjóri Arsenal.
„Eftirvæntingin myndi aldrei bitna
á honum. Hann er í hæsta gæða-
flokki. Allir vita það. Hann er leik-
maður í heimsklassa.“
Frakkinn skoraði sitt 100. mark
í ensku úrvalsdeildinni þegar
Arsenal vann Southampton 2-0 á
þriðjudag. Fyrsta mark hans í
deildinni kom einmitt gegn South-
ampton 18. september 1999 og batt
enda á sjö leikja bið eftir marki.
Henry er ellefti leikmaðurinn sem
skorar 100 mörk í úrvalsdeildinni
en þar til á þriðjudag var Trínidad-
búinn Dwight Yorke eini erlendi
leikmaðurinn sem hafði náð þess-
um áfanga.
Thierry Henry hefur skorað
gegn öllum mótherjum Arsenal í úr-
valsdeildinni. Aston Villa og
Charlton hafa oftast fengið að
kenna á markheppni Henry en hann
hefur skorað átta sinnum gegn
hvoru liði. Henry hefur einnig geng-
ið vel gegn Chelsea og Manchester
United, helstu keppinautum
Arsenal um enska meistaratitilinn.
Arsenal á eftir að leika við Chelsea
á útivelli og United á heimavelli.
Henry hefur skorað tvisvar í þrem-
ur leikjum á Stamford Bridge og
fimm sinnum í fjórum leikjum gegn
United á Highbury.
Thierry Henry hefur hins vegar
aldrei skorað gegn Everton á Good-
ison Park og Bolton á Reebok-leik-
vanginum. Raunar hefur honum
ekki gengið vel í þessum lands-
hluta. Hann hefur skorað eitt mark
á Anfield Road í fimm leikjum, eitt
á Old Trafford í fjórum leikjum og
eitt í þremur útileikjum gegn
Manchester City.
Thierry Henry hóf feril sinn
árið 1994 hjá Monaco, sem þá var
undir stjórn Arsene Wenger. Hann
fór til Juventus í desember 1998 en
Arsenal keypti hann á 10,5 milljón-
ir punda 3. ágúst 1999.
Henry hefur oft að undanförnu
verið orðaður við Real Madrid en
hefur jafnan ítrekað að hann vilji
eingöngu leika fyrir Arsenal. „Ég
er ánægður hér. Punktur og basta,“
sagði hann í viðtali á heimasíðu
félagsins. „Fólk virðist ekki geta
komið því í hausinn á sér. Ég hef
sagt þetta svo oft að ég er að verða
leiður á þessu. Hvað annað get ég
sagt? Hvað annað get ég sýnt? Ég
er ánægður hjá Arsenal og það sést
á vellinum.“ ■
Mál
Fannars Ólafssonar:
Yfirlýsing
KÖRFUBOLTI Yfirlýsing frá stjórn-
um körfuknattleiksdeilda Kefla-
víkur og Njarðvíkur:
Vegna fólskulegrar árásar sem
Fannar Ólafsson, leikmaður
Keflavíkur, varð fyrir aðfaranótt
sunnudags á Bikargleði Keflvík-
inga í Stapanum vilja stjórnir
körfuknattleiksdeilda Keflavíkur
og Njarðvíkur koma eftirfarandi
á framfæri:
Keflavík og Njarðvík eru sig-
ursælustu félögin í íslenskum
körfubolta á undanförnum árum.
Eitt af því sem heldur þessum fé-
lögum á toppnum er stöðug og öfl-
ug samkeppni milli félaganna.
Þessari samkeppni fylgir heil-
brigður rígur sem hvetur menn til
dáða og eykur stemninguna á
kappleikjum. Enda eru leikir
þessara félaga engu öðru líkir.
Rígurinn birtist yfirleitt sem góð-
látlegt grín og oft mont ef vel
gengur og í mesta lagi eru illkvitt-
in orð látin falla í hita leiksins.
Þetta þekkja menn úr íþróttum
þar sem nálægðin er mikil.
En á bak við samkeppnina og
ríginn er öflugt samstarf deild-
anna og oft á tíðum vinskapur
meðal leikmanna, stjórnarmanna
og stuðningsmanna. Sem dæmi
um samstarf má nefna að félögin
starfa mikið saman að mótahaldi
og ýmiss konar uppákomum. Gott
dæmi er nýafstaðinn úrslitaleikur
KKÍ & Lýsingar þar sem stjórnir
félaganna funduðu stíft saman og
unnu saman að framkvæmd leiks-
ins, sem heppnaðist vel í alla staði.
Árásin á Fannar var fólskuleg,
tilefnislaus og grimm. En að
gefnu tilefni viljum við taka fram
að þessi árás er engan veginn
sprottin úr téðum ríg, heldur er
hún einstakt og einangrað atvik
ógæfumanns sem eflaust á um
sárt að binda. Það var enginn und-
anfari þessarar árásar okkur vit-
andi, engar deilur, engin rifrildi,
engin slagsmál milli Keflvíkinga
og Njarðvíkinga. Því þykir okkur
afar leitt að borið hefur á því að
sumir vilja tengja þetta atvik við
ríginn milli félaganna. Slík um-
ræða er afar skaðleg og gæti
hugsanlega stuðlað að óæskilegri
hegðun í kjölfarið. Við viljum því
árétta að þrátt fyrir mikla sam-
keppni er mikill vinskapur milli
þessara félaga og þetta atvik mun
engu breyta í því sambandi. Mikil-
vægt er að stuðningsmenn félag-
anna geri sér grein fyrir þessu.
Fannar er góður drengur og bar-
áttuglaður, allir kunna vel að meta
hans kröftugu framgöngu á leik-
vellinum. Körfuboltasamfélagið á
Íslandi er furðu lostið eftir þetta
atvik og fjölmargir hafa fordæmt
árásina og óskað Fannari góðs
bata. Við viljum taka undir það í
sameiningu og lýsa því yfir að of-
beldi hefur aldrei verið og mun
aldrei verða partur af okkar sam-
keppni. Við erum miklir keppnis-
menn, eins og dæmin sanna, en
við útkljáum ávallt okkar deilur á
vellinum.
Með keppniskveðju, Hrannar
Hólm, formaður KKDK, og Haf-
steinn Hilmarsson, formaður KKD
UMFN.
AP
/M
YN
D
FÓTBOLTI Arsene Wenger, knatt-
spyrnustjóri Arsenal, er ósáttur
við framgöngu Carlos Queiroz,
þjálfara Real Madrid, sem hefur
lýst því yfir að hann vilji kaupa
Frakkann Thierry Henry.
„Ef ég vil leikmann frá Real
Madrid hringi ég fyrst í Real Ma-
drid. Ég myndi ekki tala við dag-
blöðin fyrst,“ sagði Wenger.
„Svona framkoma er ósanngjörn
gagnvart eigin leikmönnum,
ósanngjörn gagnvart Arsenal og
maður hefði eiginlega reiknað
með meiri fágun hvað þetta varð-
ar.“ ■
FÓTBOLTI Í nýrri skýrslu breskra
stjórnvalda eru forráðamenn
ensku úrvalsdeildarinnar hvattir
til að íhuga að koma á launaþaki
fyrir leikmenn. Úrvalsdeildin er
einnig hvött til að nýta sjónvarps-
tekjurnar sem hún fær til að tvö-
falda þá fjárupphæð sem hún læt-
ur af hendi rakna til félaga í neðri
deildum.
Alan Keen, sem vann að gerð
skýrslunnar, segir mikilvægt að
knattspyrnuíþróttin taki á þeirri
fjárhagslegu gjá sem hafi mynd-
ast á milli félaga á undanförnum
árum. Í skýrslunni er einnig lagt
til að allar greiðslur til umboðs-
manna vegna félagaskipta leik-
manna verði gerðar opinberar.
Á leiktíðinni 2001/02 námu
tekjur ensku úrvalsdeildarinnar
um 130 milljörðum króna. Samt
sem áður fóru 11 af 72 félögum í
neðri deildunum þremur í
greiðslustöðvun. ■
Þjálfari Evrópumeistara Þýskalands:
Skeggið á Heiner
Brand er til sölu
SKEGGIÐ Á SÍNUM STAÐ
Heiner Brand, þjálfari þýsku Evrópumeistar-
anna í handbolta, áður en að skeggið fauk.
SKEGGIÐ HORFIÐ
Heiner Brand, þjálfari þýsku Evrópumeist-
aranna í handbolta, eftir að skeggið fauk.
WENGER
Er ósáttur við framgöngu Carlos Queiroz,
þjálfara Real Madrid.
Arsene Wenger:
Reiður út
í Real
CHELSEA
Verði launa-
þaki fyrir
leikmenn
komið á
gæti það
haft slæmar
afleiðingar
fyrir Chel-
sea.
Skýrsla breskra
stjórnvalda:
Launaþak
fyrir leik-
menn
THIERRY HENRY
(f. 17. ágúst 1977)
Mótherjar, leikir og mörk
í ensku úrvalsdeildinni
Aston Villa 9 8
Birmingham 3 3
Blackburn 5 2
Bolton 4 1
Bradford 4 1
Charlton 6 8
Chelsea 8 6
Coventry 3 1
Derby 6 4
Everton 7 4
Fulham 5 3
Ipswich 4 2
Leeds 9 6
Leicester 6 5
Liverpool 9 3
Manchester City 6 5
Manchester United 8 6
Middlesbrough 9 5
Newcastle 7 4
Portsmouth 1 1
Sheffield Wednesday 2 1
Southampton 9 4
Sunderland 8 3
Tottenham 7 3
Watford 2 2
West Bromwich Albion 2 1
West Ham 7 4
Wimbledon 2 2
Wolves 2 3
Samtals 160 101
Enginn óhultur
Thierry Henry hefur skorað gegn öllum mótherjum Arsenal
í ensku úrvalsdeildinni.
THIERRY HENRY
Fagnar 101. deild-
armarki sínu fyrir
Arsenal. Thierry
Henry hefur skor-
að 101 mark í 160
leik í ensku úrvals-
deildinni.