Fréttablaðið - 12.02.2004, Blaðsíða 10

10 12. febrúar 2004 FIMMTUDAGUR
MINNISMERKI SADDAMS
Bandarískur embættismaður skoðar minn-
ismerki sem Saddam Hussein, fyrrum for-
seti Íraks, lét reisa í Bagdad til heiðurs
íröskum hermönnum sem börðust í
stríðinu gegn Íran.
Heiftarlegir skotbardagar á Gaza-ströndinni:
Fjórtán Palestínumenn féllu í valinn
GAZA-STRÖNDIN, AP Að minnsta
kosti fjórtán Palestínumenn féllu
í átökum við ísraelskar hersveitir
á Gaza-ströndinni. Hátt í fimmtíu
manns særðust, þar af níu lífs-
hættulega.
Heiftarlegir skotbardagar
brutust út þegar ísraelski herinn
fór inn í Shajaiyeh-hverfinu í
Gaza-borg skömmu fyrir dögun í
gærmorgun. Sonur eins af leiðtog-
um Fatah-hreyfingarinnar og
háttsettur liðsmaður Hamas-
samtakanna féllu í valinn auk tíu
annarra Palestínumanna. Á fimm-
ta tug manna særðist, þar á meðal
þrír ungir drengir sem voru að
fylgjast með átökunum. Að sögn
ísraelska hersins var verið að
leita uppi herskáa Palestínumenn
sem skutu eldflaugum að land-
nemabyggðum gyðinga í nágrenni
Gaza-borgar.
Tveir Palestínumenn féllu og
fimm særðust þegar ísraelskar
hersveitir gerðu áhlaup á flótta-
mannabúðirnar í Rafah á Gaza-
ströndinni. Herinn fór með yfir
tíu skriðdreka og nokkrar jarð-
ýtur inn í búðirnar til að leita að
leynilegum göngum sem talið er
að Palestínumenn noti til að
smygla vopnum frá Egyptalandi.
Þrjú hús voru jöfnuð við jörðu og
sítrónu- og ólífuuppskera palest-
ínskra flóttamanna eyðilögð. ■
Vill frekar vera
vinstri rauður
Ólafur Þ. Jónsson er einn þeirra sem taka þátt í uppreisn öreiganna
innan VG. Hann gagnrýnir hægrislagsíðu í flokknum
en telur flokkinn eiga von. Svavarsvæðing fer fyrir brjóst manna.
STJÓRNMÁL „Á sama tíma og við
funduðum í MÍR-salnum, af því
það var ókeypis, sátu vinstri græn-
ir á fundi á Nordicahóteli. Þarna
kemur munurinn vel fram,“ segir
Ólafur Þ. Jónsson, félagi í Vinstri-
hreyfingunni - grænu framboði, og
einn þeirra sem
funduðu um
seinustu mán-
aðamót vegna
þeirrar slagsíðu
sem þeir telja
vera á VG, sósí-
alistum í óhag. Á
tveimur fundum,
í Hafnarfirði og
Reykjavík, um
þarsíðustu helgi komu saman um
40 manns úr VG sem telja flokkinn
hafa fjarlægst upphaflegar hug-
sjónir og ganga nú erinda efri
millistéttar í stað þess að halda
tryggð við sósíalisma og berjast
fyrir hag öreiga og láglaunastétta.
Telja margir að hinum sönnu sósí-
alistum hafi verið
markvisst ýtt út í
kuldann og „Svav-
arsvæðing“ tröll-
ríði nú flokknum.
Þar er vísað til
Svavars Gests-
sonar sendiherra
og ættmenna hans
sem náð hafi
góðri fótfestu.
Sonur Svavars,
Gestur, er for-
maður VG í Hafn-
arfirði og barna-
barn gamla
alþýðubandalagsformannsins,
Oddur Ástráðsson, er formaður
ungra VG. Dóttir Svavars, Svan-
dís, er formaður VG í Reykjavík.
Þá er systir Svavars, Guðný Dóra,
umdeildur kosningastjóri í Suð-
vesturkjördæmi, varaformaður
VG í Kópavogi.
Ólafur, betur þekktur sem Óli
kommi, segist ala með sér þá von
að þeim takist að sveigja flokkinn
inn á upphaflegar brautir. Hann
segir að strax eftir stofnun Vinstri
grænna hafi komið um það teikn
að flokkurinn ætlaði sér ekki að
halla sér að sósíalismanum.
„Fljótlega eftir að við stofnuð-
um flokkinn var rokið til og haft
samband við svokallaða bræðra-
flokka á Norðurlöndunum. Það
var aldrei farið austar en að þeim
grænu. Í mínum kokkabókum er
sósíalisti auðvitað náttúruvernd-
arsinni um leið, annað gengur
ekki upp. Verndun lands og lýðs
er innbyggt í sósíalismann. En ég
vil miklu fremur teljast rauður en
grænn,“ segir Ólafur.
Hann segist vera bjartsýnn á
að takist að sveigja flokkinn inn á
upphaflega braut.
„Annars væri ég ekkert að
vasast í pólitík. Það er enginn
klofningur í gangi í flokknum og
ég stend með mínu fólki sem þó er
ekkert hafið yfir gagnrýni. Ég er í
þessum flokki til að sveigja hann
til vinstri og gagnrýni hiklaust
þau hægri sjónarmið sem tekið er
að örla alltof mikið á. Þeim sjónar-
miðum fylgir fjármálasukk. Ég
fullyrði að flokkurinn á von en
baráttan er rétt að byrja, And-
stæðingurinn er auðvitað auð-
valdsskipulagið með allri sinni
djöfuls rotnun,“ segir Ólafur.
rt@frettabladid.is
Varð fyrir lest:
Fórst við að
sækja síma
NEW YORK, AP Tæplega tvítug kona
varð fyrir neðanjarðarlest eftir að
hún fór niður á járnbrautarteina-
na til að sækja farsímann sem hún
hafði misst þangað.
Konan klifraði niður á brautina
á lestarstöð í Queens í New York
að sögn lögreglu. Hún sá lestina
nálgast en tókst ekki að klifra aft-
ur upp á brautarpallinn áður en
lestin lenti á henni. Konan var lát-
in þegar sjúkraliðar komu á vett-
vang.
„Þó fyrstu viðbrögðin kunni að
vera að klifra niður á lestartein-
ana til að sækja eitthvað sem þú
missir er ráðlegast að gera það
ekki,“ sagði talsmaður neðanjarð-
arlestanna. ■
„ Í mínum
kokkabókum
er sósíalisti
auðvitað
náttúru-
verndarsinni.
HLAUPIÐ Í SKJÓL
Ungir Palestínumenn hlaupa undan skotum ísraelskra hermanna í Gaza-borg.
Hjón rændu banka:
Dýr læknis-
meðferð
FLÓRÍDA, AP Maður á áttræðisaldri
rændi banka í Gainesville í Flór-
ída til að geta greitt fyrir læknis-
meðferð eiginkonu sinnar. Konan,
sem ók flóttabílnum, átti pantaðan
tíma hjá lækni um hálfri klukku-
stund eftir að ránið var framið.
Hjónin voru handtekin skömmu
síðar og ákærð fyrir vopnað rán.
Eiginmaðurinn fór inn í bank-
ann og hótaði að sprengja
sprengju. Við yfirheyrslur hjá
lögreglu sagði hann að sprengjan
hefði í raun verið sandpoki og
fullyrti að ránið hefði verið
framið til að greiða fyrir læknis-
meðferð konunnar.
Eiginmaðurinn á langan af-
brotaferil að baki og hefur meðal
annars setið inni fyrir bankarán. ■
Seðlum prýtt tún:
Löggur tína
upp peninga
IOWA, AP Átta bandarískir lög-
reglumenn vörðu klukkustund í
að eltast við peningaseðla sem
voru á víð og dreif á túni í Iowa-
ríki í Bandaríkjunum. Peningarn-
ir dreifðust yfir engið eftir að þeir
féllu af ókunnum ástæðum út úr
rammgerðum flutningabíl sem á
að þola árásir vopnaðra þjófa.
Vindasamt var á svæðinu þeg-
ar þetta átti sér stað og pening-
arnir dreifðust því yfir mikið
svæði. Það hjálpaði lögreglu-
mönnunum hins vegar að jörð var
snævi lögð og því auðvelt að sjá
græna dollaraseðlana, sem sam-
svöruðu sex milljónum króna að
verðmæti. ■
FÁ ÁHEYRNARRÉTT Alþjóða við-
skiptastofnunin hefur veitt Írök-
um áheyrnarrétt á fundum sín-
um. Þetta er fyrsta skrefið í átt
að því að Írak fái aftur fulla aðild
að stofnuninni. Meðan Írakar
hafa aðeins áheyrnarrétt hafa
þeir hvorki áhrif á ákvarðana-
töku né eru þeir bundnir af
ákvörðunum stofnunarinnar.
Vísitala neysluverðs:
Lækkun vegna
samnings lækna
VÍSITÖLUR Vísitala neysluverðs í
febrúar er 229,4 stig og lækkaði
hún um 0,3 prósent frá því í janúar
samkvæmt upplýsingum frá Hag-
stofunni. Undanfarna þrjá mánuði
hefur vísitala neysluverðs hækkað
um 0,04 prósent sem jafngildir 0,2
prósent verðbólgu á ári.
Það sem hafði mest áhrif á lækk-
un vísitölunnar var samningur sér-
fræðilækna við ríkið um miðjan
janúar. Eftir samningana lækkaði
þjónusta sjálfstætt starfandi sér-
fræðilækna um 39,4 prósent og
hafði það 0,2 prósent áhrif til lækk-
unar á vísitölunni. Vetrarútsölur
leiddu til 3,6 prósenta lækkunar á
fötum og skóm. Útsölurnar ásamt
0,7 prósenta lækkun á mat og
drykkjarvöru höfðu einnig veruleg
áhrif á vísitölunar til lækkunar.
Vísitala neysluverðs án húsnæð-
is er 223,5 stig, 0,45 prósentum
lægri en í janúar. ■
■ Mið-Austurlönd
■ Evrópa
RÉTTARHÖLDUM FRESTAÐ Réttar-
höldum yfir meintum morðingja
Zorans Djindjic, fyrrum forsætis-
ráðherra
Serbíu, var
frestað í
gær meðan
hæstiréttur
landsins
íhugaði
beiðni
verjenda
um að dómarinn viki sæti vegna
ásakana um tengsl við glæpa-
gengi. Réttarhöldum verður fram-
haldið í næstu viku.
MÓTMÆLA KENNSLUHÁTTUM Um
5000 rússneskumælandi nemar í
Lettlandi mótmæltu í gær nýjum
lögum sem gera skólum skylt að
kenna að mestu á lettnesku. Bann-
ið gildir jafnvel þó allir nemendur
skólans eigi rússnesku fyrir móð-
urmál. Mótmælin eru þau þriðju á
einum mánuði gegn lögunum sem
voru samþykkt í síðustu viku.
RANNSAKA HVARFIÐ Evrópskir
vísindamenn hafa gefið upp á bát-
inn vonir um að ná sambandi við
Beagle 2, farið sem lenda átti á
Mars á jóladag. Ekkert hefur
heyrst frá farinu frá því það yfir-
gaf geimfar sem flutti það til
plánetunnar rauðu. Nú leita menn
skýringa á því hvað varð um farið.
ÓLAFUR Þ.
JÓNSSON
Var á báðum fund-
um óánægjuhóps-
ins í Reykjavík og
Hafnarfirði.
TOGSTREITA
Hópur innan VG krefst þess að flokkurinn hverfi aftur til sósíalisma í stað þess að horfa til
efri millistéttar. Steingrímur J. Sigfússon er í eldlínunni. Hér er hann á góðri stundu í
reiptogi í Nauthólsvík.