Fréttablaðið - 12.02.2004, Blaðsíða 8

8 12. febrúar 2004 FIMMTUDAGUR
■ Norðurlönd
■ Evrópa
Hættuleg staða
„Það verður nú reyndar bara að við-
urkennast að það hefur sennilega
aldrei verið meiri sátt um mig og
mína persónu innan hreyfingarinnar
en í dag, þannig að ég þarf kannski
að fara að taka enn betur til hend-
inni.“
Eggert Magnússon, KSÍ, DV, 11. febrúar.
Óvinnandi verk
„Það er verðugt verkefni fyrir sál-
fræðinga að finna það út hvað veld-
ur óbeit Páls blaðamanns
[Vilhjálmssonar, innsk.] og raunar
alþingismanna á því að menn fái
gott verð fyrir eigur sínar.“
Jón Steinar Gunnlaugsson, Morgunblaðið 11. febrúar.
Skjótum boðberann
„Mér líka ekki þessi skilaboð því
eins og þau koma mér fyrir sjónir er
verið að segja okkur að laga okkur
að stöðluðum fyrirmyndum og við
eigum ekki að sætta okkur við smá-
vægilega óánægju með útlit okkar.“
Dagný Jónsdóttir, Fréttablaðið 11. febrúar.
Orðrétt
Krafa ASÍ um starfsmannabúðir við Kárahnjúka:
Heilsu og öryggi manna
ekki stefnt í hættu
STARFSMANNAMÁL „Það er afdráttar-
laus krafa verkalýðshreyfingarinn-
ar að svefnskálar sem settir eru upp
við þær erfiðuðu veðurfarslegu að-
stæður sem ríkja á þessu svæði séu
með þeim hætti að tryggt sé að heil-
su manna og öryggi sé ekki stefnt í
hættu og að starfsmenn þurfi ekki
að búa við vosbúð og kulda.“
Svo segir í kröfu ASÍ og lands-
sambanda sem aðild eiga að virkj-
unarsamningi vegna frétta undan-
farinna daga af Kárahnjúka-
virkjunarsvæðinu um leka og hrun
millilofta í svefnskálum starfs-
manna.
Alþýðusamband Íslands segir að
athygli Impregilo hafi verið vakin á
því í ágúst á síðasta ári að svefn-
skálar sem fyrirtækið vann að upp-
setningu á við Kárahnjúka hentuðu
ekki íslenskum aðstæðum. Góður
aðbúnaður í þeim sé nauðsynlegur
þáttur í því að starfsmenn fái notið
samfelldrar 11 klukkustunda lág-
markshvíldar á hverjum sólarhring,
sem þeir eiga rétt á lögum sam-
kvæmt, og séu úthvíldir þegar þeir
takast á við sín daglegu störf sem
oft eru framkvæmd við erfiðar og
hættulegar aðstæður.
„Verkalýðshreyfingin gerir þá
kröfu til Landsvirkjunar og stjórn-
valda að þau grípi nú þegar inn í
þessar aðstæður og leggi allan
þunga sinn á að þessum málið verði
komið í lag,“ segir ASÍ og jafn-
framt, að gerð sé krafa um að lögum
verði breytt á þann hátt að starfs-
mannabúðir við virkjunarfram-
kvæmdir verði úttektarskyldar af
byggingaryfirvöldum. ■
Veruleg fækkun
á biðlistum
Engin bið er nú eftir aðgerðum á tilteknum sviðum Landspítala - háskóla-
sjúkrahúss. Biðlistar á öðrum sviðum hafa styst allverulega. Ástæðan er
sögð vera sú að árangur af sameiningu sérgreina sé nú að koma fram.
HEILBRIGÐISMÁL Verulega hefur
fækkað á nær öllum biðlistum
Landspítala - háskólasjúkrahúss,
að því er fram kemur í bráða-
birgðauppgjöri spítalans vegna
rekstrar á síðastliðnu ári. Er nú
svo komið að á tilteknum sviðum
er engin bið eftir aðgerðum. Anna
Lilja Gunnarsdóttir fram-
kvæmdastjóri skýrir þessa batn-
andi stöðu meðal annars með því
að nú sé árangurinn af samein-
ingu sérgreina að koma fram.
Fjölgun hefur orðið á aðgerð-
um í nær öllum sérgreinum utan
augnlækninga enda hefur bið eft-
ir skurðaðgerð á augasteini
lengst. Vegna biðlistans hefur Jón
Kristjánsson heilbrigðismálaráð-
herra aukið framlögin til augnað-
gerða sérstaklega og er gert ráð
fyrir 550 fleiri aðgerðum í ár en á
liðnu ári vegna þessa.
Í takt við stefnu spítalans og
þróunina í hinum vestræna heimi
fer innlögnum á sólarhringsdeild-
ir fækkandi og komum á dag- og
göngudeildir fjölgandi. Legum á
sólarhringsdeildir fækkar um 1,4
prósent og legu-
dögum um 5,8
prósent á
einu ári.
Meðal -
l e g u -
t í m i
heldur áfram að styttast og
fer úr 9,3 dögum í 8,8 daga
á spítalanum í heild. Ef að-
eins er litið til bráðadeilda
þá styttist meðallegutíminn
úr 5,3 dögum í 5,1 dag. Kom-
um á dagdeildir fjölgaði um 5,2
prósent á þessu ári og um 1,6
prósent á göngudeildum. Vegna
aukinnar starfsemi fjölgaði
starfsmönnum spítalans á árinu. Í
heildina fjölgaði starfsmönn-
um um 116 en um þriðjung-
ur þeirrar aukningar
skýrist með því að Sjúkra-
húsapótekið ehf. varð
hluti af spítalanum og
urðu starfsmenn þess
starfsmenn spítalans.
Þessi staða á
biðlistum styður
ummæli Arons
Björnssonar, sviðs-
stjóra lækninga á skurð-
lækningasviði Landspítala
í Fréttablaðinu fyrir skömmu.
Hann sagði þá að biðlistar
væri „algjör tímaskekkja“ og
myndu brátt heyra sögunni
til. Miðað við góðan ár-
angur í lok síðasta árs
teldu menn sig vera
komna á þá ferð
með aðgerðaferli
o g
skipulagi, að hægt ætti að vera að
halda „þeim dampi“ sem sviðið
væri á núna. Stefnt væri að
ákveðnum markmiðum, sem fælu
í sér að eiginlegir
biðlistar yrðu úr
sögunni í byrjun
næsta árs.
jss@frettabladid.is
Netagerðin Ingólfur:
Ísfell kaupir
VIÐSKIPTI Samningar hafa tekist
um kaup Ísfells ehf. á Netagerð-
inni Ingólfi í Vestmannaeyjum af
Ísfélagi Vestmannaeyja. Neta-
gerðin Ingólfur hefur verið meðal
stærstu og virtustu netagerða
landsins um langt árabil en
Ingólfur Theódórsson netagerðar-
meistari stofnaði fyrirtækið árið
1947. Ísfell rekur nú þegar neta-
verkstæði á sex stöðum á landinu
undir nafninu Ísnet. Ekki eru fyr-
irhugaðar neinar starfsmanna-
breytingar en viðskiptavinir
munu eiga greiðan aðgang að öllu
vöruúrvali Ísfells. ■
- Lengd: 210 stundir. - Næsta námskeið: 23. feb.
- Kennslutími: 2 kvöld og laugard. - Stgr.verð: 155.800
Á námskeiðinu læra nemendur að hanna, viðhalda
og setja upp gagnagrunna og gagnagrunnstengdar
vefsíður með þeim forritum sem mest eru notuð
á markaðnum í dag.
Þeir sem hafa hug á þessu námi þurfa að hafa
haldgóða tölvukunnáttu og þekkja vel til Windows
stýrikerfisins og notkun internetsins.
Allar nánari upplýsingar um námið er að finna á ntv.is
Námskeiðinu er skipt
í þrjá hluta:
Myndvinnsla fyrir
vefinn Fireworks
MX 2004 - 54 stundir
Almenn vefsíðugerð
Dreamweaver
MX 2004 - 72 stundir
Gagnagrunnstengd
vefsíðugerð Dreamweaver
MX 2004 - 84 stundir
NÁMSGREINAR:
MEIRA UM HATURSGLÆPI Sam-
kynhneigðir Svíar verða oftar
fyrir árásum vegna kynhneigðar
sinnar nú en áður. Fjöldi árása á
þá tvöfaldaðist á fyrri hluta síð-
asta árs. Á sama tíma fjölgaði
árásum á innflytjendur um fjórt-
án prósent. Árásum á gyðinga
hefur hins vegar fækkað.
NETVAFRA Í SÍMANN Norska
hugbúnaðarfyrirtækið hefur
samið við Motorola um að sjá
fyrirtækinu fyrir skjávöfrum í
farsíma og annan símabúnað.
Motorola hefur lýst þeirri
stefnu sinni að bjóða upp á
tæknilega fullkomnari síma fyr-
ir farsímanotendur sem vilja
komast á Netið í símanum.
FÉLL Á FJÁRMÁLAHNEYKSLI Dan-
ir eiga von á nýjum sendiherra
frá Kanada eftir að fyrrverandi
sendiherra landsins í Kaup-
mannahöfn og fyrrum ráðherra
var rekinn fyrir þátt sinn í fjár-
málahneyksli heima fyrir. Brott-
reksturinn kom í kjölfar þess að
rannsókn leiddi í ljós að fjármun-
um sjóðs í eigu ríkisins hafði ver-
ið sólundað.
MUNCHEN, AP Forystumenn í Ind-
landi og Pakistan þvertóku fyrir
að gerast aðilar að samningnum
um að stöðva útbreiðslu kjarn-
orkuvopna á ráðstefnu um
kjarnorkuvopn í Munchen.
Mhamud Kasuri, utanríkisráð-
herra Pakistans, þvertók fyrir að
land sitt skrifaði undir samning-
inn en sagði að Pakistanar myndu
virða ákvæði hans enda ekki í
þeirra þágu að fleiri ríki réðu yfir
gereyðingarvopnum.
„Það er engin leið að Indland
undirriti samninginn,“ sagði
Brajesh Mishra, þjóðaröryggis-
ráðgjafi indversku ríkisstjórnar-
innar. ■
FÆKKUN Á BIÐLISTUM LSH
Janúar Janúar
2003 2004
Vélindabakflæði/þindarslit 385 220
Gerviliðaaðgerð á hné 170 114
Gerviliðaaðgerð á mjöðm 146 72
Hjartaþræðing 149 110
FJÖLGUN AÐGERÐA
Skurðaðgerðir 2,9%
Hjartaþræðingar 16,0%
Kransæðavíkkanir 9,3%
Fæðingar 2,7%
Tæknifrjóvganir 5,7
Röntgenrannsóknir 2,4%
MHAMUD KASURI
Utanríkisráðherra Pakistans þvertók fyrir að
skrifa undir samninga.
Heftun útbreiðslu kjarnorkuvopna:
Gerast ekki aðilar
Á KÁRAHNJÚKAVIRKJUNARSVÆÐINU
Alþýðusamband Íslands krefst þess að aðstaða starfsmanna við Kárahnjúka verði bætt.
STYTTING BIÐLISTA
Verulega hefur saxast á biðlista á Landspítala -
háskólasjúkrahúsi á síðastliðnu ári. Er það talið stafa af
hagræðingaráhrifum vegna sameiningar stóru spítalanna.
KARADZIC OG MLADIC Í BELGRAD
Carla Del Ponte, yfirsaksóknari
stríðsglæpadómstólsins í Haag,
segist hafa heimildir fyrir því að
Radovan Karadzic og Ratko
Mladic, fyrrverandi leiðtogar
Bosníu-Serba, séu í felum í
Belgrad. Báðir eru þeir eftirlýst-
ir fyrir stríðsglæpi og þjóðar-
morð í Bosníustríðinu. Del Ponte
segir að Karadzic og Mladic njóti
verndar landsmanna sinna, sem
líti á þá sem hetjur.