Fréttablaðið - 20.02.2004, Blaðsíða 8
8 20. febrúar 2004 FÖSTUDAGUR
■ Evrópa
Sagan endalausa
„Nú hefur Jón Steinar fullan rétt
á því að setja SPRON-málið í
hvaðeina það samhengi sem
honum sýnist. Hann hefur hins
vegar ekki tilkall til þess að
vera álitinn trúverðugur álits-
gjafi í málinu.“
Páll Vilhjálmsson „blaðamaður“ sendir Jóni
Steinar Gunnlaugssyni „álitsgjafa“ enn einu
sinni tóninn í Morgunblaðinu 19. febrúar.
Sérþekking?
„Spurningin sem vaknar er sú
hvort menn hafi verið að stunda
fjárhættuspil með fjármuni bæj-
arins eða hvort fyrrverandi bæj-
arstjóri hafi talið sig búa yfir
meiri sérþekkingu en rándýrir
ráðgjafar að sunnan.“
Lúðvík Bergvinsson, bæjarfulltrúi í Eyjum, um
frammistöðu Guðjóns Hjörleifssonar, fyrrverandi
bæjarstjóra Vestmannaeyinga, sem tók risastórt
dollaralán en fór að sögn ekki eftir milljón
króna ráðgjöf Kaupþings og bærinn
tapaði milljónatugum.
Orðrétt
ESB, AP Silvio Berlusconi, forsætis-
ráðherra Ítalíu, gagnrýndi Gerhard
Schröder, kanslara Þýskalands,
Jacques Chirac Frakklandsforseta
og Tony Blair, forsætisráðherra
Bretlands, fyrir að funda þrír sam-
an um framtíð Evrópusambandsins.
Hann segir að það verði til þess að
þau aðildarríki Evrópusambandsins
sem voru skilin útundan eigi erfitt
með að sætta sig við tillögur þre-
menninganna um hvernig eigi að
efla efnahag álfunnar.
Þremenningarnir hvöttu til þess
að nýtt átak yrði gert til að draga úr
skrifræði innan sambandsins, mæltu
með auknu fjárframlagi til rann-
sókna og sögðu að taka yrði velferðar-
kerfi aðildarlandanna til endurskoð-
unar áður en það yrði of seint. Mest
fer þó fyrir brjóstið á sumum ríkjum
að þeir lögðu áherslu á nýtt embætti
innan ESB sem réði miklu um stefnu
sambandsins í efnahagsmálum.
Schröder sagði eftir fund þre-
menninganna að eina leiðin til að
halda í velferðarkerfi aðildarríkj-
anna væri sú að breyta þeim og
gera þau ódýrari. ■
Afslátturinn hærri
í Skandinavíu
Sævar Gunnarsson boðar hörku ef hreyft verði við skattaafslætti sjó-
manna. Hann hafnar skiptum á auðlindagjaldi og sjómannaafslætti.
SJÁVARÚTVEGUR „Við munum verja
þessi kjör alveg gjörsamlega út í
eitt. Við höfum mjög skýr skilaboð
sjómanna þar um,“ segir Sævar
Gunnarsson, forseti Sjómannasam-
bandsins, um þann vilja innan
stjórnarflokk-
anna að afnema
sjómannaafslátt
í áföngum. Geir
Haarde fjár-
m á l a r á ð h e r r a
lagði fram frum-
varp um afnám
afsláttarins sem
seinna var tekið af dagskrá Alþing-
is. Nú hefur Einar Oddur Krist-
jánsson, alþingismaður Sjálfstæð-
isflokks, komið fram með þá hug-
mynd að í skiptum fyrir sjómanna-
afsláttinn verði létt af útgerðinni
auðlindagjaldi. Í því felst að út-
gerðin létti sjómannaafslættinum
af ríkissjóði og greiði sjómönnum
bætur sem nema 746 krónum á
hvern úthaldsdag. Sævar segist
vera orðinn þreyttur á marklaus-
um slagorðaflaumi stjórnmála-
manna og hann krefst þess að þeir
láti afsláttinn í friði eða mæti
fullri hörku ella.
„Fyrst er boðað frumvarp sem
átti að afgreiða á vorþinginu en síð-
an kemur einhver hugmynd um
auðlindagjald. Ég treysti ekki þess-
um stjórnmálamönnum og tek ekki
mark á þessu,“ segir Sævar.
Hann segir full rök vera fyrir
skattaívilnun til sjómanna.
„Það er nú eins og þessi ágæta
þjóð viti ekkert á hverju hún lifir
langtímum saman. Það sem þreytir
mann mest er að einhverjir skuli
sjá ofsjónum yfir því að sjómenn,
sem borið hafa þá
á höndum sér í
gegnum áratug-
ina, skuli njóta
s m á v æ g i l e g s
skattaívilnunar
fyrir störf sín,“
segir Sævar.
Hann segir að
sjómannaafslátt-
ur sé síður en svo
einsdæmi ef litið
sé til nágranna-
landanna.
„Á öllum Norðurlöndum er sjó-
mannaafsláttur og það er einfald-
lega rangt, sem haldið hefur verið
fram, að þetta sé eitthvað sérstakt
hérna á Íslandi. Sjómannafsláttur-
inn er víða í nágrannalöndunum
hærri en hér,“ segir Sævar.
rt@frettabladid.is
Afkomuviðvörun hjá Flögu:
Óvænt
vonbrigði
VIÐSKIPTI Medcare Flaga sendi frá
sé afkomuviðvörun í gær. Þar
kemur fram að allt að 1,5 milljón
dollara tap verði á rekstrinum í
fyrra. Afkoman er mun lakari en
gert var ráð fyrir í útboðslýsingu
fyrirtækisins í nóvember. Skýring
viðvörunarinnar er að sögn
félagsins endurmat á birgðum og
lækkandi framlegð af vörusölu.
Greiningardeild Íslandsbanka
segir þessa afkomuviðvörun koma
á óvart og valda vonbrigðum. Sér-
staklega í ljós þess hversu skammt
er frá útboðslýsingu félagsins.
Bréf Flögu lækkuðu um 16 prósent
við opnun markaða í gær. ■
LÖGGUR BRJÓTA LÖG Lögreglan í
Glouchesterskíri í Englandi braut
lög þegar hún stöðvaði 120 friðar-
sinna sem voru á leið til flugbæki-
stöðvar þaðan sem bandarískar B-
52 sprengjuþotur flugu til árása á
Írak síð-
asta vor.
Fólkið
ætlaði að
mótmæla
við hlið
stöðvar-
innar en
lögreglan flutti það í rútur og
keyrði það til London. Dómari hef-
ur nú úrskurðað það lögbrot.
LÝÐRÆÐISUMBÓTA ÞÖRF Nefnd á
vegum Evrópusambandsins sem
hefur skoðað aðstæður í Rússlandi
segir að flýta verði lýðræðisumbót-
um í landinu svo það geti orðið að-
ili að Evrópusambandinu árið 2007.
Sumir nefndarmenn vildu hætta
aðildarviðræðum við Rúmeníu af
þessum sökum en meirihlutinn
hafnaði því. Draga verður úr póli-
tískum afskiptum af dómkerfinu,
stöðva lögregluofbeldi og tryggja
frelsi fjölmiðla.
Nýjar eldflaugar:
Stjörnustríð
gagnslaus
MOSKVA, AP Rússar hafa prófað
frumgerð nýrrar langdrægrar
eldflaugar sem getur komist til
skotmarka sinna í gegnum eld-
flaugavarnakerfi eins og það sem
Bandaríkjamenn hyggjast byggja
upp og hefur verið uppnefnt
stjörnustríðsáætlunin.
„Við tilraunir sem fóru fram í
gær sýndum við fram á að það er
hægt að þróa vopn sem gera
hvaða eldflaugavarnakerfi sem er
gagnslaust,“ sagði Yuri Baluyev-
sky hershöfðingi. Hann segir eld-
flaugina geta breytt um stefnu og
hæð í flugi og þannig vikið sér
undan hverju því sem er skotið að
henni.
Vladimir Pútín Rússlandsfor-
seti hefur lagt áherslu á að nýju
eldflaugunum sé ekki beint gegn
Bandaríkjunum. ■
NESKAUPSTAÐUR
Sævar Jónsson á Mónesinu og Eysteinn Gunn-
arsson á Snorra bera saman bækur sínar.
Fjarðabyggð:
Mokafli hjá
smábátum
SJÁVARÚTVEGUR Þeir þrír netabátar
sem róa frá Neskaupstað þessa
dagana hafa rótfiskað innanfjarð-
ar. Aflinn hefur verið allt að
þremur tonnum á dag og hefur
Snorri NK landað tvisvar sinnum
á dag síðustu þrjá daga, alls um
átta tonnum.
Fiskurinn er frekar smár og
fullur af loðnuúrgangi frá
vinnsluskipunum á firðinum. Á
meðan á síldarvertíð stóð var fisk-
urinn sem veiddist, fullur af síld.
Það má því segja um þorskinn að
hann sé ekkert ólíkur mannfólk-
inu, hann sækir þangað sem
gnægð matar er. ■
HEILBRIGÐISMÁL Forstöðumaður
Skólaskrifstofu Suðurlands hefur
lagt til að við sjúkrahúsið á Selfossi
verði stofnuð í tilraunaskyni dag-
deild fyrir geðfötluð börn. Á Suður-
landi eru um 20 börn með alvarleg-
ar geðraskanir inni í almennum
bekkjardeildum, oft of veik börn
sem ekki geta verið í skóla. Með
dagdeild yrði ekki um sérstakan
skóla að ræða, heldur myndi
kennsla í deildinni falla í hlut þess
skóla sem næstur væri og reiknað
með því að börnin yrðu á deildinni
í mislangan tíma, eftir því hversu
alvarleg veikindi þeirra væru.
Margrét Frímannsdóttir, Sam-
fylkingunni, mælti á Alþingi í gær
fyrir frumvarpi um stofnun sér-
kennslu- og meðferðardagdeildar
fyrir börn með geðrænan og fé-
lagslegan vanda. Hún sagði nauð-
ynlegt að taka nú þegar til skoðun-
ar stöðu barna á grunnskólaaldri
sem ættu við slíkan kvilla að stríða.
„Það er löngu ljóst að ekki er
hægt að sinna lögboðinni kennslu
þessara barna í almennum bekkj-
ardeildum og víða skapast veruleg
vandamál vegna þessa, bæði hvað
varðar líðan barnanna og fyrir
skóla þeirra. Grunnskólinn getur
ekki veitt þeim þá sérhæfðu með-
ferð sem þau þurfa vegna veikinda
sinna,“ sagði Margrét. ■
SUÐURLAND
Forstöðumaður Skólaskrifstofu Suðurlands hefur lagt til að við sjúkrahúsið á Selfossi verði
stofnuð í tilraunaskyni dagdeild fyrir geðfötluð börn. Á Suðurlandi eru um 20 börn með
alvarlegar geðraskanir inni í almennum bekkjardeildum.
Málefni geðfatlaðra barna á Suðurlandi:
Um 20 geðfötluð börn
í almennum bekk
VLADIMIR PÚTÍN
Hefur fylgst með margvíslegum æfingum
og tilraunum síðustu daga.
Falun Gong:
Fjórtán ár
í fangelsi
PEKING, AP Kínverskur dómstóll
hefur dæmt fimm félaga í Falun
Gong til allt að fjórtán ára fang-
elsisvistar. Félagarnir fimm voru
fundnir sekir um að hafa nítt
stjórnvöld með því að dreifa upp-
lognum sögum um ofsóknir á
hendur iðkendum Falun Gong.
Fimmmenningarnir voru
ákærðir fyrir að dreifa frásögn-
um af ungri konu sem hefði verið
fangelsuð fyrir að iðka Falun
Gong. Rétturinn komst að þeirri
niðurstöðu að umrædd kona væri
ekki til og sagan tilbúningur.
Kínversk stjórnvöld bönnuðu
Falun Gong árið 1999. ■
LEIÐTOGAR ÞRIGGJA STÆRSTU LANDANNA
Nær helming íbúa Evrópusambandsins og meira en helming auðs þess er að finna
í Bretlandi, Frakklandi og Ítalíu.
Fundur Chiracs, Schröders og Blairs veldur deilum:
Berlusconi skammar þremenningana
SJÓMANNSLÍF
Sjómenn hafa um áratugaskeið notið umdeilds skattafsláttar vegna starfa sinna á hafi úti.
SÆVAR
GUNNARSSON
Sjómannaafsláttur-
inn verður varinn.
„Við munum
verja þessi
kjör alveg
gjörsamlega
út í eitt.