Fréttablaðið - 20.02.2004, Blaðsíða 37
29FÖSTUDAGUR 20. febrúar 2004
PRÓFAÐU OG ÞÚ FINNUR MUNINN!
… bara hreina
og ferska húð
NIVEA VISAGE YOUNG
Nú eru fáanlegar mildar húðvörur fyrir unga húð sem
hreinsa húðina, koma jafnvægi á fituframleiðsluna og gera hana
matta. Nivea Visage Young inniheldur náttúruleg sjávarefni sem
hreinsa og gefa raka þannig að húðin verður falleg og fersk.
Sif Konráðsdóttir hæstaréttar-lögmaður heldur sér í formi
með því að arka daglega um
Öskjuhlíðina, í hvaða veðri sem
er. „Á veturna fer ég í kraftgöng-
ur en það hentar mér vel því
þetta er bæði útivera og líkams-
rækt. Ég er náttúrlega í skrif-
borðsstarfi og því er þetta mér
mjög mikilvægt. Ég er búin að
stunda kraftgöngurnar í fjögur
ár og stekk hér út í dagslok, þeg-
ar það er mögulegt fyrir fundum,
og veð upp í Öskjuhlíðina. Ég fer
helst á hverjum virkum degi,
nema náttúrlega á föstudögum.“
Sif segir kraftgönguna ekki
ólíka stafagöngu, sem nú er mjög
vinsæl. „Við erum ekki með stafi
en notum bolvindur og ég geng
með lóð um úlnliðina. Svo gerum
við æfingar, bæði inni í Perlunni
og úti í Öskjuhlíðinni.“ Hún hlær
við þegar hún er spurð að því
hvort veðrið skipti engu máli.
„Þeim mun naprara og hvassara,
því betra. Það er hluti af upplifun-
inni, að vera úti í hálku eða forar-
svaði. Þá kemur upp útivistarfrík-
ið í mér, því ég er fjallgöngukona
og kem þaðan inn í þetta. Að vera
úti er lykilatriði. Og ég er ekki
fyrir hlaup.“
Sif segir kraftgönguna algjör-
lega nauðsynlegan þátt í sinni
líkamlegu og andlegu heilsu.
„Bæði hreyfingin og útiveran.
Núna tek ég til dæmis eftir því að
það er orðið bjart um sexleytið
en fyrir þremur vikum var myrk-
ur á þessum tíma. Svo hætti ég í
kraftgöngunni á sumrin og þá
stunda ég fjallgöngur. Ég hef
meðal annars nýlega gengið um
Þjórsárver, á Hvannadalshnjúk,
Snæfell og Herðubreið.“ Sif seg-
ist þegar byrjuð að skipuleggja
gönguferðirnar næsta sumar.
„Ég hef mjög gaman af þessu og
fer í allt að vikulangar göngu-
ferðir, með mismunandi hópum.
Grunnurinn er tíu ára gamall
gönguhópur, en einn gönguklúbb-
ur er ekki nóg fyrir mig.“ ■
SIF KONRÁÐSDÓTTIR
Hæstaréttarlögmaður sem stundar dagleg-
ar kraftgöngur á veturna en gengur á fjöll
á sumrin.
Hvernig heldurðu þér í formi?
Kraftganga í hvaða veðri sem er
Hver er munurinn á því að verafylgjandi og nemandi? Í stuttu
máli má segja að fylgjendur trúi
blint, efist aldrei og fylgi foringj-
um sínum eða kennisetningum
möglunarlaust. Fylgjendur finnast
víða. Augljóslega þurfa öll trúar-
brögð að eiga sína fylgjendur.
Stjórnmálaflokkar og íþróttalið
eiga sér einnig stóran hóp fylgj-
enda. Margir hafa t.d. kosið sama
flokkinn eða fylgt sama íþróttalið-
inu í háa herrans tíð án þess að
vera sammála ráðamönnum eða
neitt sérlega hrifnir af íþróttum.
Stjórnmál, trúarbrögð og íþrótta-
félög myndu vart þrífast án fylgj-
enda. Fylgjendur eru fljótir að
samþykkja það sem kemur frá yf-
irvaldinu og fljótir að mótmæla
öllu sem samræmist ekki þeirra
skoðunum við fyrstu sýn.
Þeir sem kjósa að vera nem-
endur hafa hins vegar ákveðið að
taka fulla ábyrgð á eigin lífi og
standa á eigin fótum. Í stað þess
að fylgja blint eða andmæla í sí-
fellu eru nemendur að eðlisfari
forvitnir og vilja vita meira um
heiminn. Góðir nemendur spyrja,
prófa sig áfram og dæma ekki að
fyrra bragði án þess að hafa að
fullu reynt hlutina eða lagt sig
fram um að skilja þá. Þeir hafa sig
alla við til að
læra, finna það
sem er ólíkt og
það sem er sam-
eiginlegt. Þeir
taka leiðsögn og styðja
stundum menn og mál-
efni en skoða alltaf uppruna upp-
lýsinga og færa rök fyrir máli
sínu. Nemendur fylgja í fótspor
meistara en skilja að á endanum
getur enginn tekið ákvarðanir
fyrir þá. Þeir skorast ekki undan
ábyrgð og líta á allt lífið sem eina
stóra kennslustund. Þeir líta á
mistök sem tækifæri til lærdóms
og eru færir um að læra af mistök-
um annara. Nemendur hafa einnig
lesti. Þeir geta eytt of miklum
tíma í að efast og eru stundum
seinir til við að prófa nýjar hug-
myndir, eiga það jafnvel til að
verða fylgjendur ef þeir festast
um of við eina kennisetningu.
Hægt er að nota önnur orð en
fylgjendur og nemendur en hug-
myndin er alltaf sú sama. Það er
auðvelt að fylgja, auðvelt að and-
mæla en erfitt að standa á eigin
fótum. Hvort ert þú, nemandi eða
fylgjandi?
Viltu spyrja Guðjón um andlega
eða líkamlega heilsu? Sendu spurn-
ingu á gbergmann@gbergmann.is
Ertu fylgjandi
eða nemandi?
Líkamiog sál
GUÐJÓN
BERGMANN
■ jógakennari og
rithöfundur skrifar
um andlega og
líkamlega heilsu.
400 mg sterkar kalktöflur
með D vítamíni
Byggir upp bein og tennur.
Biomega
Á miðvikudag var haldinnfræðslufundur um kvenna-
heilsu á vegum Lions-hreyfingar-
innar á Íslandi. Fjórir fyrirlestrar
voru fluttir á ráðstefnunni og reið
Guðbjörg Sigurgeirsdóttir, heim-
ilislæknir á Seltjarnarnesi, á vað-
ið með erindi sem hún nefndi
„Hvers vegna þessa umræðu?“.
Þar benti hún á ýmsa heilsufars-
lega þætti sem greina að konur og
karla. Hún benti á að konur fá
aðra sjúkdóma en karlar, sömu
sjúkdómar birtast með mismun-
andi hætti hjá kynjunum, konur
eru öðruvísi neytendur og félags-
legar aðstæður þeirra eru ann-
arra en karla.
„Sumir sjúkdómar sem herja
bæði á konur og karla lýsa sér á
annan hátt hjá konum. Til dæmis
byrja hjartasjúkdómar seinna hjá
konum og byrjunareinkennin
geta verið önnur en karla og
þarf að hafa það í huga,“ segir
Guðbjörg. Hún telur að þekk-
ing á muninum milli kynja hafi
skilað sér vel til íslenskra lækna
og þar með sjúklinga.
Á hinn bóginn eru sjúkdómar
eins og langvinn lungnateppa,
sem áður fyrr var nánast ein-
göngu karlasjúkdómur. „Þetta er
sjúkdómur sem nær eingöngu
reykingafólk fær. Nú orðið eru
jafn margar konur með lungna-
teppu og karlar og
það er að koma í
ljós að það er
enn skaðlegra
fyrir konur að
reykja en
karla.“ ■
Rafmagnstannburstar reynastbetur en góðu gömlu tann-
burstarnir þegar kemur að því að
koma í veg fyrir sýkingu í gómi
og tannholdi. Þetta er niðurstaða
nýrrar rannsóknar sem greint er
frá á fréttavef breska ríkisút-
varpsins, BBC. Breskir vísinda-
menn skoðuðu 1.786 manns og
komust að þeirri niðurstöðu að
gómur þeirra sem höfðu notað
rafmagnstannbursta var í betra
ástandi en þeirra sem notuðust
við venjulega tannbursta.
Í grein í The Journal of
Dentistry kemur fram að meiri
rannsókna sé þörf áður en ljóst sé
hvaða rafmagnstannburstar eru
bestir.
Sala á rafmagnstannburstum
hefur aukist gríðarlega í Bret-
landi á undanförnum árum. Samt
sem áður hafa fáar rannsóknir
verið gerðar sem sýna fram á
hvort og þá hversu mikill árangur
er af þeim. En niðurstöðurnar tala
sínu máli.
„Hvernig maður notar tann-
bursta er jafn mikilvægt og sá
sem maður velur,“ segir talsmað-
ur breskra tannlækna, sem mælir
með að notaðir séu burstar með
litlum haus sem auðvelt er að
hreyfa í munninum. Bent er á að
best er að bursta í hringhreyfing-
ar, sem skýrir meðal annars hvers
vegna hausinn á rafmagnstann-
burstum snýst í hringi. ■
Svefnleysi:
Veldur þung-
lyndi og kvíða
Samkvæmt niðurstöðum rann-sóknar vísindamanna við
Massachusetts-háskólann þjást
skólabörn sem ekki fá nægilegan
svefn oft af þunglyndi og kvíða.
Rannsóknin náði til 2.259 barna á
aldrinum 11 til 13 ára og kemur
einnig fram í niðurstöðunum að
greinileg tengsl séu á milli
slæms námárangurs og svefn-
leysis.
Þar segir einnig að stúlkur
virðist eiga erfiðara með að ná
nægilegri hvíld, líklega vegna
þess að þær taki kynþroskann út
fyrr og hafi þess vegna þörf fyrir
meiri svefn. ■
Ný rannsókn:
Rafmagnstannburstar
betri en venjulegir
Kvennaheilsa:
Lungu kvenna við-
kvæmari en karla
GUÐBJÖRG SIGURGEIRSDÓTTIR
Guðbjörg leggur áherslu á að reyk-
ingar séu enn skaðlegri konum en
körlum. Því hvetur hún allar konur
til að hætta að reykja.