Fréttablaðið - 20.02.2004, Blaðsíða 33
25FÖSTUDAGUR 20. febrúar 2004
Kvikmyndatakan tók rúmlegaheilan árshring eða átján mán-
uði. Við fylgdumst grannt með
merinni Kolku í stóði og lágum yfir
henni þrír á átta tíma vöktum í
rúman mánuð og biðum þess að
hún kastaði. Merar kasta á ör-
skammri stundu og eins gott að
vera viðbúinn. Þetta lukkaðist. Við
náðum meira að segja tveimur
köstum en myndin endar þegar hún
skilur við fyrra folaldið og nýtt
kemur í heiminn,“ segir Þorfinnur
Guðnason kvikmyndagerðarmaður
um náttúrulífsmyndina Hestasögu.
Hestasaga segir frá fyrsta árinu
í lífi folalds í stóði í íslenskri nátt-
úru og móður þess, merarinnar
Kolku. Myndin er byggð upp sem
dramatísk frásögn þar sem hest-
arnir sjálfir
eru aðalper-
sónur. Í
g e g n u m
augu og eyru
hestanna er
fylgst með
l í fsbarát tu
þeirra þar
sem þeir
ferðast milli
b e i t a r h a g a
sinna eftir
árstíðum.
Þorfinnur
gerði mynd
um íslenskar
hagamýs fyrir nokkrum árum og
hún hefur verið sýnd í um eitt
hundrað löndum á sjónvarpsstöðv-
um á borð við National Geographic
Television. „Hestasaga er erfiðasta
myndin sem ég hef gert. Við bjugg-
um í tjöldum og ríkjandi norð-
austanátt var allan tímann og mikil
vosbúð.“
En er hann ánægður með út-
komuna? „Ég er aldrei ánægður
með neitt sem ég geri. Það er nauð-
synlegt að hafa einhvern efa. Hann
heldur mér skörpum og hvetur mig
til enn frekari dáða.“ ■
Myrkir hugar er ljóðabók ímáli og myndum sem gefin
er út af Signýju Kristinsdóttur og
Silju Þorgeirsdóttur ljóðahöfund-
um og Jónatani Grétarssyni ljós-
myndara en saman mynda þau
listahópinn .k.u.k.l. Markmið
hópsins er að sameina krafta sína
í því sem tengist dulvitund
mannsins og koma skúmaskotum
sálarinnar á yfirborðið. Þau fengu
svo til liðs við sig Örnu Fríðu
Ingvarsdóttur, sem sá um mynd-
vinnslu. „Mottóið er að myrkir
hugar njóta birtunnar til fulln-
ustu,“ segir Signý Kristinsdóttir.
„Innihald bókarinnar er þungt og
virkar svartsýnt á fólk en við
erum í raun að reyna að sýna
bjartsýnina í svartsýninni. Mann-
veran nýtur hamingjunnar til
fullnustu þegar hún hefur kynnst
sorg. Við erum þó ekki að segja að
fólk hafi þurft að lenda í erfiðri
lífsreynslu til að geta notið lífsins
en hún fær það til að meta það
betur þegar vel gengur.“
Signý segir að þessi ljóðabók
sé aðeins lítill hluti af skrifum
þeirra. „Við skrifum líka um gleð-
ina í lífinu, þó þessi bók sýni rosa-
lega hörku og þunglyndi. Við mun-
um líklegast gera eitthvað meira
af þessu en við munum líklega
gera það í allt öðrum stíl, mun
bjartsýnni.“
Þeir sem hafa áhuga á bókinni
þurfa að hafa svolítið fyrir henni,
því hún fæst ekki hvar sem er.
„Bókin fæst bara í Búðinni á
Laugavegi 12A og fornbókabúð-
inni á Hverfisgötu. Hún höfðar
ekki til allra en hvort sem list
vekur upp góðar tilfinningar eða
slæmar er það tilgangurinn að
vekja upp tilfinningar. Til að geta
elskað aðra þarf maður að læra
að elska sjálfan sig fyrst og
þekkja allar hliðar, bæði dökkar
og bjartar.“ ■
ATRIÐI ÚR HESTASÖGU
Hestasaga sýnir hvernig folöldin læra smátt og smátt á stóðið og hver staður þeirra er í
virðingarstiganum. Þorfinnur segir að áhersla hafi verið lögð á að sýna samspil hestanna
og náttúrunnar, sumar sem vetur, á heiðum og á hálendi Íslands.
ÞORFINNUR
GUÐNASON
„Ég er aldrei ánægður
með neitt sem ég geri.
Það er nauðsynlegt að
hafa einhvern efa.“
Hestar
ÞORFINNUR GUÐNASON
■ frumsýndi Hestasögu í gær.
Vosbúð og hvassviðri gerði honum erfitt
fyrir við gerð myndarinnar.
Ljóð
MYRKIR HUGAR
■ Vilja koma skúmaskotum
sálarinnar á yfirborðið.
Efinn heldur mér skörpum
JÓNATAN GRÉTARSSON OG SIGNÝ KRISTINSDÓTTIR
Gáfu út ljóðabókina Myrkir hugar, sem á að sýna bjartsýnina í svartsýninni. Á myndina
vantar Silju Þorgeirsdóttur, sem er flugfreyja erlendis.
Myrkir hugar njóta
birtunnar til fullnustu