Fréttablaðið - 20.02.2004, Blaðsíða 46

38 20. febrúar 2004 FÖSTUDAGUR
FYLGST MEÐ ÆFINGU
Tveir áhorfendur fylgjast með Rússunum
Alexander Zubkov og Philippe Egorov á
æfingu í Königssee í Þýskalandi.
Sleðakeppni
Einar Hólmgeirsson með samning á borðinu:
Mjög líklega til Grosswaldstadt
HANDBOLTI Einar Hólmgeirsson,
leikmaður ÍR í RE/MAX-úrvals-
deildinni í handbolta, er að öllum
líkindum á förum til þýska liðsins
Grosswaldstadt. Einar, sem er örv-
hent skytta, fékk í fyrradag loka-
tilboð frá félaginu og ætlar hann
að svara því annaðhvort í dag eða á
morgun.
„Það er mjög líklegt að ég fari,“
sagði Einar í samtali við Frétta-
blaðið. „Ég á eftir að tala betur við
Júlíus Jónasson [þjálfara ÍR] og fá
ráð frá honum. Þetta verður komið
í ljós eftir helgi.“ Að sögn Einars
er um tveggja ára samning að
ræða og myndi hann fara út í júlí
ef allt gengur að óskum.
Grosswaldstadt er í tíunda sæti
þýsku Bundesligunnar eftir tutt-
ugu umferðir. Með félaginu leika
tveir úr Evrópumeistaraliði Þjóð-
verja, þeir Christian Leichtlein og
Heiko Grimm.
ÍR-ingar taka á móti Völsurum í
Austurbergi í kvöld. ÍR er í þriðja
sæti deildarinnar, einu stigi á eftir
toppliði Vals. Einar játar að leikur-
inn sé mikilvægur eins og reyndar
allir í deildinni. „Það eru allir að
vinna alla en við vinnum þennan
leik, það er engin spurning.“ ■
Hrefna til reynslu
hjá Medkila
Hrefna Jóhannesdóttir, landsliðskona úr KR, er á leiðinni til norska
liðsins Medkila þar sem hún verður til reynslu í viku.
FÓTBOLTI Medkila, sem er staðsett í
Nardvik í norðurhluta Noregs,
varð bikarmeistari á síðustu leik-
tíð eftir óvæntan sigur á Kolbotn,
liði Katrínar Jónsdóttur. Á sama
tíma komst liðið upp í efstu deild.
Það gerist ekki á hverjum degi
að lið úr annarri deild fagni bikar-
meistaratitli og því ljóst að upp-
gangurinn er mikill hjá félaginu.
Hrefna segir að þjálfari liðsins
hafi haft samband við sig og beðið
sig um að kíkja á aðstæður.
„Senterinn hjá þeim er ófrísk þan-
nig að ég ætla bara að fara út að
skoða,“ segir Hrefna. „Liðið spilar
tvo æfingaleiki helgina 6.–7. mars
og ég á að spila annan leikinn eða
báða.“
Að sögn Hrefnu fer hún út fyr-
ir milligöngu Trygga Guðmunds-
sonar landsliðsmanns sem lék um
árabil í Noregi en skipti nýlega
yfir í sænska félagið Örgryte.
Mun hann hafa bent þjálfara Med-
kila á Hrefnu og Olgu Færseth,
landsliðskonu úr ÍBV. Ef Hrefna
gengur til liðs við Medkila verður
það mikil blóðtaka fyrir Íslands-
meistara KR, enda var hún
markahæsti leikmaður deildar-
innar síðasta sumar með 21 mark
í aðeins fjórtán leikjum. „Ég er
samningsbundin KR en ég er búin
að fá leyfi til að skoða og ég efast
um að þeir myndu standa í vegin-
um fyrir mér,“ segir hún.
Hrefna, sem er 23 ára, hefur
leikið sjö A-landsleiki og skorað í
þeim þrjú mörk. Hún hefur jafn-
framt leikið 38 leiki með yngri
landsliðunum og skoraði í þeim
átta mörk. Hún hóf feril sinn í KR
en lék um hríð með Eyjastúlkum
og Breiðabliki áður en hún skipti
aftur yfir í sitt heimafélag í vest-
urbænum fyrir þremur árum.
Hrefna tók við fyrirliðastöðu KR
á síðustu leiktíð og mun gegna
henni áfram flytji hún sig ekki um
set til Noregs. ■
Roy Keane, fyrirliði Manchester United:
Arsenal klikkar ekki aftur
FÓTBOLTI Roy Keane, fyrirliði
Manchester United, varar félaga
sína við því að halda að Arsenal
muni gefa eftir á lokasprettinum
um enska meistaratitilinn líkt og
þeir gerðu í fyrra en Arsenal hef-
ur fimm stiga forystu á ensku
meistarana fyrir leiki helgarinn-
ar.
„Ég sé ekki að Arsenal missi
fótanna líkt og þeir gerðu í
fyrra. Forysta þeirra er fimm
stig nú og við getum ekki leyft
okkur að missa þá meira fram
úr okkur. Þeir hafa spilað vel í
vetur og virðast ekki vera lík-
legir til að klikka aftur. Það sem
veldur mér áhyggjum er að við
höfum tapað fimm leikjum í vet-
ur en Arsenal ekki einum ein-
asta því að það er löngu þekkt
staðreynd að það lið sem tapar
færri leikjum stendur betur að
vígi varðandi meistaratitilinn.
Við höfum sett mikla pressu á
okkur og eigum enn eftir að
mæta sterkum liðum. Þetta þýð-
ir að þegar við mætum Arsenal,
Chelsea og Liverpool þá verðum
við að vinna. Við verðum að
sækja á þessi lið og það skilur
okkur eftir brothætta varnar-
lega,“ sagði Keane. ■
Konur og íþróttir:
Stelpurnar
okkar
ÍÞRÓTTIR Íþróttasamband Íslands
og Kennaraháskóli Íslands standa
á morgun fyrir ráðstefnu um kon-
ur og íþróttir sem ber yfirskrift-
ina „Stelpurnar okkar!“.
Markmiðið með ráðstefnunni
er að skoða þætti sem hafa áhrif á
íþróttaþátttöku stúlkna. Auk ís-
lenskra fyrirlesara munu tveir er-
lendir fyrirlesarar vera með er-
indi. Dr. Mari Kristin Sisjord, dós-
ent við Íþróttaháskólann í Ósló,
mun fjalla um unglinga, menn-
ingu og snjóbretti og dr. Fiona
Dowling mun fjalla um skóla-
íþróttir út frá sjónahorni
kynjanna. ■
Úlfar Jónsson:
Hefur varla
snert á kylfu
GOLF Úlfar Jónsson, margfaldur
Íslandsmeistari í golfi, hefur
varla snert á golfkylfu í vetur og
býst ekki við að keppa að ráði í
sumar. Kennir hann tímaskorti
um. Auk þess að vera í fullu starfi
hjá Karli J. Karlssyni er hann að
þjálfa meistaraflokk GKG, er að-
stoðarþjálfari unglingalandsliðs-
ins, lýsir golfi á Sýn og sér um
golfkennsluvef. „Það er ekki mik-
ill tími fyrir æfingar og það er
nokkuð ljóst að ég mun spila mjög
lítið golf í sumar,“ segir Úlfar.
Hann hefur spilað töluvert
undanfarin ár en langt í frá eins
mikið og fyrir tíu árum þegar
hann var upp á sitt besta. „Ég hef
keppt aðeins undanfarin ár og
bara gengið mjög vel. Ég hef alla
vega komið inn á milli með góða
hringi. Annars finnst mér mjög
gaman að taka að mér afreksþjálf-
un og ég mun ekki hafa tíma til að
spila mikið golf sjálfur.“ ■
Leikbann Mark Viduka:
Algjört
hneyksli
FÓTBOLTI Trevor Birch, fram-
kvæmdastjóri hjá Leeds, segir
að fimm daga keppnisbann
Mark Viduka, sé hneyksli. Fé-
lagið ætlar að kanna lagastöðu
sína í málinu, enda missir
Viduka af mikilvægum leik
gegn Manchester United um
helgina.
Viduka hafði verið boðaður í
leik Ástralíu og Venezuela sem
var háður í fyrradag en ákvað
að láta ekki sjá sig. Sagðist hann
eiga við meiðsli að stríða.
Alþjóðaknattspyrnusam-
bandið setti hann þá í leikbann.
„Framtíð Leeds er í húfi og við
þurfum að eiga við þetta, allt
vegna einhvers knattspyrnu-
leiks sem átti sér stað hinum
megin á hnettinum,“ sagði
Birch. ■
Yfirmaður knattspyrnu-
mála hjá Molde:
Sverrir verð-
ur með FH
FÓTBOLTI Varnarmaðurinn Sverrir
Garðarsson mun spila með FH-
ingum í Landsbankadeildinni á
komandi tímabili en eins og
Fréttablaðið greindi frá í gær þá
vill Sverrir komast burtu frá
norska liðinu Molde og spila með
FH næsta sumar. Snorre Strand,
yfirmaður knattspyrnumála hjá
Molde, staðfesti í samtali við
Fréttablaðið í gær að Sverrir
myndi spila með FH í sumar og
unnið væri að því að ganga frá
smáatriðum varðandi samnings-
lok hans hjá norska félaginu.
„Sverrir vildi því miður ekki vera
hjá okkur áfram heldur spila á Ís-
landi. Við skiljum afstöðu hans
fullkomlega og erum að hnýta alla
lausa enda varðandi félagskiptin,“
sagði Strand í gær. ■
hvað?hvar?hvenær?
17 18 19 20 21 22 23
FEBRÚAR
Föstudagur
HREFNA
Verður til reynslu í eina viku hjá Medkila í Norður-Noregi.
EINAR
Gerir að öllum líkindum tveggja ára samn-
ing við þýska liðið Grosswaldstadt.
ROY KEANE
Roy Keane, fyrirliði Manchester United, hefur ekki trú á því að Arsenal gefi aftur eftir.

18.30 Fylkir og Haukar leika í Eg-
ilshöll í deildabikarkeppni karla í fót-
bolta.

19.15 Keflavík keppir við Grinda-
vík í Keflavík í Intersportdeildinni í
körfubolta.

19.15 Breiðablik og Snæfell leika í
Smáranum í Intersportdeildinni í körfu-
bolta.

19.15 Þór og KR keppa í Þorláks-
höfn í Intersportdeildinni í körfubolta.

19.15 ÍR leikur við Val í íþróttahús-
inu við Austurberg í RE/MAX-deild karla
í handbolta.

19.15 KA keppir við HK í KA-heim-
ilinu í RE/MAX-deild karla í handbolta.

20.15 Þór Ak. og Grindavík leika í
Boganum í Deildabikarkeppni karla í
fótbolta.

20.30 KR mætir Njarðvík í Egils-
höll í deildabikarkeppni karla í fótbolta.

20.30 KA keppir við Þrótt Nes. í
KA-heimilinu í 1. deild kvenna í blaki.

21.00 ÍBV og Stjarnan leika í Fíf-
unni í deildabikarkeppni karla í fótbolta.

18.00 Olíssport á Sýn. Fjallað er
um helstu íþróttaviðburði heima og er-
lendis.

18.30 Trans World Sport (Íþróttir
um allan heim) á Sýn.

19.30 Gillette-sportpakkinn á
Sýn.

20.00 Alltaf í boltanum á Sýn.

20.30 UEFA Champions League á
Sýn. Fréttaþáttur um meistaradeild
UEFA.

21.00 Supercross (Reliant Stadi-
um) á Sýn. Nýjustu fréttir frá heims-
meistaramótinu í Supercrossi.

22.00 Motorworld á Sýn. Kraft-
mikill þáttur um allt það nýjasta í heimi
akstursíþrótta.
ÚLFAR
Ætlar að einbeita sér að þjálfun
næsta sumar.