Fréttablaðið - 20.02.2004, Blaðsíða 10

10 20. febrúar 2004 FÖSTUDAGUR
■ Bandaríkin
VEISLA Í SVISS
Það var mikið um dýrðir í Luzern í Sviss í
gær við upphaf árlegra veisluhalda, nokk-
urs konar kjötkveðjuhátíðar. Trúðurinn á
myndinni fór mikinn þegar hann skemmti
fjölda fólks á opnunarhátíð veisluhald-
anna.
ALÞINGI „Með 1.000 kílómetra löng-
um múr sem ísraelska ríkisstjórn-
in er að reisa inni í miðju landi er
ekki verið að stefna að friði heldur
skapa styrjaldarástand. Það er
verið að hernema svæði Palestínu-
manna, eyðileggja innviði samfé-
lagsins og grafa undan stjórn
Arafats. Þetta er brot á alþjóðalög-
um,“ sagði Mörður Árnason, Sam-
fylkingunni, en hann var máls-
hefjandi í utandagskrárumræðu á
Alþingi um málefni Palestínu-
manna. Hann sagði ekki hægt að
sitja hjá og spurði Halldór Ás-
grímsson utanríkisráðherra um
afstöðu íslenskra stjórnvalda.
Halldór sagði það grundvallar-
atriði að íslensk stjórnvöld hefðu
stutt stofnun og öryggi Ísraelsrík-
is og talað fyrir réttindum Palest-
ínumanna, meðal annars því að
stofnað yrði sjálfstætt ríki þeirra.
„Við höfum fordæmt byggingu
múrsins ásamt öðrum Norður-
löndum og ríkjum ESB á vett-
vangi Sameinuðu þjóðanna. Ég tel
að múrinn sé ekki í samræmi við
alþjóðalög og vegvísi að friði og
að hann torveldi friðarumleitanir
á svæðinu. Það er skylda alþjóða-
samfélagsins að reyna að ein-
angra þau öfgaöfl beggja megin
sem tekist hefur að torvelda frið-
samlega lausn,“ sagði Halldór og
bætti því við að íslensk stjórnvöld
væru reiðubúin að leggja sitt af
mörkum með til að bæta ástandið
á svæðinu. ■
Yfir 100 milljarðar
í múrinn umdeilda
Ísraelar ætla að reisa yfir 700 kílómetra langan öryggismúr á Vesturbakkanum. Áætlaður kostn-
aður við framkvæmdina er sem svarar um 100 milljörðum íslenskra króna. Skiptar skoðanir eru
um lögmæti múrsins.
ÍSRAEL Á meðan Ísraelar standa
frammi fyrir gífurlegum efna-
hagsvanda og hafa skorið niður
útgjöld til velferðarmála hafa
þeir hafist handa við að reisa
öryggismúr á Vesturbakkanum
sem kostar sem svarar yfir 100
milljörðum íslenskra króna.
Bygging múrsins hefur verið
gagnrýnd af stjórnvöldum og
ráðamönnum um allan heim. Al-
þjóða Rauði krossinn hefur gefið
út þá yfirlýsingu að múrinn brjóti
í bága við alþjóðleg lög um mann-
réttindi þar sem hann hafi alvar-
legar afleiðingar í för með sér
fyrir íbúa hinna hernumdu svæða
Palestínu. Samtökin hafa hvatt
Ísraela til að hverfa frá áformum
sínum.
Í næstu viku hefst málsókn
vegna byggingar múrsins við Al-
þjóðadómstólinn í Haag en í des-
ember samþykkti Allsherjarþing
Sameinuðu þjóðanna ályktun þess
efnis að óskað yrði eftir því að
dómstólinn skæri úr um lögmæti
múrsins. ■
Alþingishúsið:
Vatnsleki í
þingsal
ALÞINGI Vatn lak inn um þakglugga
og niður í þingsal Alþingishússins
í gærmorgun, en lekinn varð með
flaggstöng sem er á þakinu.
Halldór Ásgrímsson utanríkis-
ráðherra var í ræðustól þegar
lekans varð vart og vakti hann at-
hygli manna á honum. Strax var
brugðist við lekanum og hann
stöðvaður.
Fyrirhugaðar eru fram-
kvæmdir þar sem gert verður við
gamlar skemmdir í lofti þing-
salarins, en lengi hefur staðið til
að endurbæta aðra hæð þing-
hússins. ■
AFSLÁTTUR AF ALLRI VETRARVÖRU
RÝMUM FYRIR GLÆSILEGRI VOR- OG SUMARVÖRU
Kringlunni - sími 581 2300
OUTLET DAGAR
EINSTAKT TÆKIFÆRI
70%
Frummaðurinn
20. febrúar
Betri Heilsa – Betra Líf
kynna:
Þróun eða hnignun?
27. febrúar&
Fyrirlesari er Chad Kreuzer
Kl. 18:30 í Ingólfsstræti 19, Aðventkirkjunni
AÐGANGUR ÓKEYPIS!
Uppruni
Hvaðan kemur maðurinn?
SKOTBARDAGI Á KJÖTKVEÐJU-
HÁTÍÐ Kona lést og þrír aðrir
særðust þegar skot-
bardagi braust út á
kjötkveðjuhátíð í
New Orleans í Banda-
ríkjunum. Lögreglan
handtók tólf manns
og lagði hald á tvær byssur. Skot-
hríðin hófst í kjölfar slagsmála en
að sögn lögreglu voru fórnarlömb-
in öll saklausir vegfarendur.
FRAMKVÆMDASTJÓRI ENRON
ÁKÆRÐUR Jeffrey Skilling, fyrr-
um framkvæmdastjóri banda-
ríska orkufyrirtækisins Enron,
hefur verið ákærður fyrir fjár-
svik og innherjaviðskipti. Skilling
gaf sig fram við bandarísku al-
ríkislögregluna, FBI. Hann er
æðsti starfsmaður Enron sem
ákærður hefur verið í tengslum
við rannsókn á gjaldþroti fyrir-
tækisins.
HERMAÐUR ÁKÆRÐUR Banda-
rískur hermaður hefur verið
ákærður fyrir að reyna að selja
hryðjuverkasamtökunum al
Kaída upplýsingar um vopn og
hergögn bandaríska hersins.
Ryan Anderson getur átt yfir
höfði sér dauðarefsingu verði
hann fundinn sekur. Talið er að
Anderson hafi reynt að komast í
samband við liðsmenn al Kaída á
Netinu en ekkert bendir til þess
að það hafi tekist.
Málefni Palestínumanna rædd á Alþingi:
Aðskilnaðarmúr stríðir
gegn alþjóðalögum
HALLDÓR ÁSGRÍMSSON
Utanríkisráðherra segir að íslensk stjórn-
völd hafi fordæmt byggingu aðskilnaðar-
múrs á Vesturbakkanum, ásamt öðrum
Norðurlöndum og ríkjum ESB á vettvangi
Sameinuðu þjóðanna.
• Áætluð lengd öryggismúrsins
er 728 kílómetrar. 200 kíló-
metrar hafa þegar verið
reistir.
• Múrinn er víðast hvar um
fimmtíu metra breiður og
þriggja metra hár og er sam-
settur af vírgirðingu, skurði
og vegi sem er ætlaður ísra-
elsku landamæralögreglunni.
Steyptur veggur, sex til átta
metra hár og 45 sentímetra
þykkur, verður reistur á um
fimm prósentum leiðarinnar.
• Áætlaður kostnaður við fram-
kvæmdina nemur um 100
milljörðum íslenskra króna.
Verkinu á að vera lokið síðla
árs 2005.
• Öryggismúrinn fylgir landa-
mærum Ísraels og hernumin-
na svæða Palestínu að mestu
en sums staðar nær hann þó
allt að sjö kílómetra inn á
Vesturbakkann. Hundruð
þúsunda Palestínumanna
koma til með að búa á milli
landamæranna og múrsins, á
innilokuðum svæðum. Sam-
einuðu þjóðirnar segja að
þegar múrinn verði full-
byggður muni hann valda
ómældum þjáningum fyrir
yfir 700.000 Palestínumenn
sem ekki hafi aðgang að heil-
brigðisþjónustu, menntun eða
atvinnu.
• Hryðjuverkaárásum í Ísrael
hefur fækkað töluvert síðan
hafist var handa við að reisa
múrinn. 446 Ísraelar biðu
bana í sjálfsmorðsárásum
Palestínumanna frá október
2001 til september 2002 en
aðeins 241 frá október 2002
til september 2003.
UMDEILDUR ÖRYGGISVEGGUR
Átta metra hár steinveggur aðskilur
úthverfi Jerúsalem og hernumin
svæði Palestínu á Vesturbakkanum.