Fréttablaðið - 20.02.2004, Blaðsíða 29

Finnur Árnason, forstjóri Hagkaupa, segir frá aðild
fyrirtækisins að e-kortinu.
Traust samband
Hagkaup leggur mikið upp úr því að rækta sambandið við
viðskiptavini sína. Við teljum okkur hafa náð góðum
árangri á því sviði. Stór hluti viðskiptavina Hagkaupa
kemur oftar en einu sinni í viku í verslanir okkar og
kannanir okkar sýna að viðskiptavinum líður vel og
finnst þægilegt að versla hjá okkur. Við fáum líka góða
einkunn fyrir þjónustu, enda er mikið af okkar fólki með
langan starfsaldur og kann sitt fag. Raunar hafa
margítrekaðar kannanir sýnt að Íslendingum finnst
skemmtilegast að versla í Hagkaupum. Af þessu erum við afar stolt. Við teljum að
stærstu þættirnir í þessari velgengni séu vöruúrvalið, gæði vörunnar og rúmar og bjartar
verslanir.
Við lítum á e-kortið sem leið til að umbuna tryggum viðskiptavinum og það er þess
vegna sem við kusum að taka þátt í því. Það er líka mikill munur að tryggðarkortið er
hluti af greiðslukorti, en ekki sérstakur hlutur. Slíkt fyrirkomulag einfaldar alla
framkvæmd og skilar viðskiptavinum okkar miklum ávinningi.
Viðskiptavinir sem nota e-kortið fá 0,65% endurgreiðslu af öllum innkaupum sínum í
verslunum Hagkaupa. Það er að sjálfsögðu til viðbótar við föstu 0,5% endurgreiðsluna,
þannig að alls munu viðskiptavinir Hagkaupa njóta 1,15% endurgreiðslu af viðskiptum
sínum við fyrirtækið. e-kortið gefur Hagkaupum líka tækifæri til þess að bjóða sértilboð,
sem við munum gera reglulega. Slík tilboð geta verið verulegur ávinningur fyrir
viðskiptavini.
Gríðarlegt úrval
Ein stærsta sérstaða Hagkaupa á íslenskum markaði er vöruúrvalið, og á það bæði við
um matvöru og sérvöru. Við höfum afgerandi forystu á sviði matvöru og það er gaman að
nefna að að jafnaði eru í boði vel yfir tvö hundruð tegundir af grænmeti og ávöxtum frá
um fimmtíu löndum í verslunum okkar. Auk þess hefur Hagkaup verið leiðandi í því að
bjóða vörur sem fylgja nýjum straumum í matargerð. Það eru mörg dæmi um að við fáum
fyrirspurnir um vörur sem viðskiptavinir hafa séð erlendis. Við leitum þær uppi og fyrr en
varir eru þetta góðar söluvörur í okkar verslunum. Þessi samvinna okkar og
viðskiptavina þykir okkur afar skemmtileg.
Í sérvörunni er úrvalið líka afbragðsgott hjá okkur og kannanir sýna að stærstur hluti
okkar tryggu viðskiptavina kaupir bæði matvöru og sérvöru hjá okkur. Við erum með
mesta úrval landsins af fatnaði og skóm og leggjum allt kapp á að bjóða góðar vörur á
mjög hagstæðu verði, vörur sem henta íslenskum aðstæðum mjög vel, auk þess að fylgja
tísku. Af þessum sökum skipar Hagkaup stóran sess hjá íslensku barnafjölskyldunni en
við erum þess fullviss að hagur hennar vænkast enn með tilkomu e-kortsins.
Auk þessa býður Hagkaup mikið úrval af snyrtivörum, leikföngum, heimilisvörum, ýmis
konar skemmtiefni, s.s. tónlist, myndböndum og mynddiskum, raftækjum og ýmsa
árstíðarbundna vöru á borð við útigrill, jólaskraut og reiðhjól. Allar þessar vörur skila
e-korthöfum 1,15% endurgreiðslu, auk þess sem búast má við allskyns girnilegum
sértilboðum til korthafa.
Öflugt, stórt og vinsælt
Um 800 starfsmenn vinna að jafnaði hjá Hagkaupum. Hagkaup hefur 120 starfsmenn,
sem eru skilgreindir sem stjórnendur og um 80% stjórnenda Hagkaupa eru konur.
Hagkaup leggur áherslu á að stjórnendur séu ábyrgir og góðar fyrirmyndir. Hagkaup
rekur nú 7 verslanir, 6 á höfuðborgarsvæðinu og eina á Akureyri. Hagkaup fær að
meðaltali rúmlega 400.000 heimsóknir viðskiptavina í hverjum mánuði og var skv.
könnun Frjálsrar verslunar á síðasta ári næst vinsælasta fyrirtæki landsins.
Við höfum lagt áherslu á það hugarfar innan Hagkaupa að við eigum engan
viðskiptavin að morgni. Við þurfum að standa okkur vel á hverjum einasta degi. Byrja
daginn vel og eiga til þær vörur sem viðskiptavinurinn vill kaupa og veita honum þá
þjónustu sem hann vill fá. Það er ekki sjálfgefið að viðskiptavinir flæði inn um dyr okkar
þegar við opnum. Við þurfum að taka vel á móti viðskiptavinum okkar, við þurfum að
hafa eitthvað að bjóða, þ.m.t. góða vöru á hagstæðu verði. Við þurfum að standa okkur
það vel á hverjum einasta degi að viðskiptavinurinn sjái ástæðu til þess að koma til
okkar aftur.
Við teljum að kostir e-kortsins eigi eftir að skila sér í miklum ávinningi til íslenskra
neytenda sem aftur mun skila sér til okkar í formi tryggara sambands við þá.
Við viljum verðlauna
trygga viðskiptavini
Tilboð gilda til loka mars 2004.