Fréttablaðið - 27.02.2004, Síða 34

Erum á sýningunni
Matur 2004
27. febrúar 200412 Matur 2004
Léttþurrkaðir tómatar frá Saclà:
Skapa sælkerum nýja vídd
Það á að elda sandhverfu í aðal-rétt en forrétturinn er salat,“
segir Gissur Guðmundsson mat-
reiðslumeistari um hráefnið sem
matreitt verður í keppninni
Iceland food Express sem Norð-
urlandaþjóðirnar þreyta á sýning-
unni matur 2004. Gissur segir
reglugerðir í dómgæslunni ekki
strangar þannig að kokkarnir
megi leika sér ansi mikið. „Þeir
geta til dæmis búið til hvaða salat
sem er. Við viljum fá á tilfinning-
una hvað matreiðslumaður er að
hugsa þegar hann heyrir nafnið
salat. Þar er um margar útfærslur
að gera.“
Sandhverfan er einn dýrasti
fiskur á markaðinum og sú sem
keppendur fá í hendur kemur úr
eldi í Vogum á Vatnsleysuströnd.
Gissur segir sölu sandhverfu
strax hafa aukist eftir að kvisaðist
að hún yrði notuð í keppninni því
ýmis veitingahús hafi þá bætt
henni á matseðilinn.
Dómarar frá öllum Norður-
löndunum dæma í keppninni og
einnig er von á blaðamönnum frá
ýmsum matartímaritum.
„Það er góð auglýsing fyrir
land og þjóð ef hingað koma út-
lendingar á sýninguna. Markmið-
ið er að gera hana alþjóðlega með
tíð og tíma. Það er líka gaman að
kynna þetta fag í okkar þjóðfélagi
og auka áhuga fólks á því. Áhug-
inn er undirstaða þess gæðastand-
ards sem er á íslenskum veitinga-
húsum í dag. Þetta spilar allt sam-
an,“ segir Gissur sem bæði er for-
seti klúbbs matreiðslumeistara og
Norðurlandasamtaka matreiðslu-
manna. Hann segir einvalalið í
stjórnum beggja samtakanna og
er ánægður með árangur síðustu
ára. Íslendingar hafi unnið til
verðlauna í virtum keppnum og
séu líka farnir að dæma erlendis.
„Mitt áhugamál er að koma ís-
lenskri matargerð á framfæri
sem víðast,“ segir hann og bætir
við. „Þótt við séum lítil þjóð get-
um við orðið stór á sviði þeirrar
listar.“ ■
Viðbót á Húsavík:
Allt snýst um hreindýr
Hjá okkur mun allt snúast um hreindýr,“ seg-ir Stefán Magnússon hjá Viðbót á Húsavík
sem er eitt þeirra fyrirtækja sem verða með
sölubás á sýningunni í Fífunni. Þemað kemur
ekki á óvart þar sem viðmælandinn, Stefán, er
hreindýrabóndi á Suður-Grænlandi. Ásamt því
að kynna grafið, þurrkað og frosið kjöt og selja
það úr kjötborði mun hann hafa skjávarpa uppi
og sýna myndir af hreindýrunum í sínu upp-
runalega umhverfi, innan um kjarnagróður og
klappir Grænlands. ■
Ítalski framleiðandinn Saclà munkynna þrjár nýjungar á Matur
2004. Það er lína af suður ítölskum
tómötum sem skapa sælkerum
nýja vídd í ítalskri matargerð.
Þetta eru Saclà Pomodorino
dolce (sætir kirsu-
berjatómatar), Saclà Filetti
di pomodoro (plómutómat-
ar) og Saclà Pomodori
grigliati (grillaðir plómu-
tómatar). Tómatarnir
henta jafnt sem hrá-
efni í klassíska ítals-
ka rétti, bragðauki
eða meðlæti með kjöt-
og fiskréttum.
Þessar nýjungar voru
kynntar af fyrirtækinu fyrir
nokkrum vikum síðan og Ísland er
meðal fyrstu landa til að fá þær.
Saclà er í fremstu röð á Ítalíu í
matvælaframleiðslu og vörur
fyrirtækisins njóta mikilla
vinsælda hér á landi, en þær
eru fluttar inn af Karli K.
Karlssyni.
Ítalski matgæðingurinn
Marco Pilenga mun ráð-
leggja gestum sýningarinn-
ar um notkun tómatanna
og gefa gestum að
smakka. ■
TÓMATATURN
Einn af ótal möguleikum.
GISSUR GUÐMUNDSSON
Vill koma íslenskri matargerð á framfæri sem víðast.
VÍGALEGIR VEIÐIMENN
Feðgarnir Stefán og Manitsiaq John Stefánsson.
Norðurlandakeppnin:
Góð auglýsing
fyrir land og þjóð