Fréttablaðið - 04.04.2004, Qupperneq 2

2 4. apríl 2004 SUNNUDAGUR
“Það er hæpið að telja mig fulltrúa
fyrir þá sem eru þögulir.“
Jón Steinar Gunnlaugsson hefur gagnrýnt dóm-
stóla harðar en flestir lögmenn á undanförnum
árum. Ný könnun sýnir að dómstólar njóta
minnsts trausts allra stofnana en aðeins 37 pró-
sent landsmanna treysta þeim.
Spurningdagsins
Jón Steinar, ert þú fulltrúi hins þögla
meirihluta?
■ Íraksdeilan
■ Lögreglufréttir
■ Lögreglufréttir
Óvissa vegna
lífeyrisréttinda
Mörg sérmál eru enn óleyst hjá einstökum aðildarfélögum Starfsgreinasambands-
ins í samningaviðræðum við ríkið. Félögin hafa áhyggjur af því að einn miðlægur
samningur tryggi ekki eins góð kjör og sérsamningar hafa hingað til gert.
KJARASAMNINGAR „Við erum að
bera saman hvað það er sem kem-
ur út úr þessu tilboði og förum að
nálgast það að sjá einhverjar töl-
ur. Þegar það gerist þá förum við
að skoða í kringum okkur. Það er
þó ekki hægt að nefna einhverjar
krónutölur að
svo stöddu,“
segir Halldór
Björnsson, for-
maður Starfs-
g r e i n a s a m -
bandsins.
F u l l t r ú a r
S t a r f s g r e i n a -
sambandsins og
samninganefnd-
ar ríkisins fund-
uðu stíft vegna
kjaradeilu sinn-
ar hjá ríkissátta-
semjara í gær
og fór mesta vinnan í að skoða
nýtt tilboð sem ríkið hefur lagt
fram til lausnar deilunni. Tölu-
verður viðsnúningur hefur orðið
hjá ríkinu eftir að starfsmenn að-
ildarfélaga lýstu sig reiðubúna að
hefja verkfallsaðgerðir um miðj-
an mánuðinn. Formaður Starfs-
greinasambandsins segir ganginn
í viðræðunum góðan og eðlilegan
og er vongóður um að fundir um
helgina skili einhverjum árangri.
Almenn atriði kjarasamnings-
ins hafa verið skoðuð ítarlega og
til stendur að fara yfir ýmis sér-
mál sem út af standa hjá einstök-
um félögum. Aðalsteinn Baldurs-
son, formaður Verkalýðsfélags
Húsavíkur, segir þetta í raun
stóra aðgerð því áður fyrr hafi
flestir verið með sína sérsamn-
inga, en nú sé búið að steypa öllu
inn í einn samning.
„Það kemur í ljós að ákvæði í
sumum samningum eru miklu
betri en í þessum miðlæga samn-
ingi og aðildarfélögin hafa eðli-
lega áhyggjur af því og vilja ekki
missa þau út. Það er of snemmt
að segja til um það hvort tilboð
ríkisins sé ásættanlegt, það ríkir
enn óvissa, meðal annars vegna
þess að enn vantar heildarmynd-
ina á lífeyrisréttindin og jöfnun
launa,“ segir Aðalsteinn, en rætt
hefur verið um að taka upp nýja
launatöflu, svipaða þeirri sem
Starfsgreinasambandið samdi
um á dögunum við Samtök at-
vinnulífsins.
„Staðan er fjarri því þannig að
gengið verði frá samningum um
helgina,“ segir Aðalsteinn.
bryndis@frettabladid.is
VR fellst á lífeyristilboð Samtaka atvinnulífsins:
Mótframlag
hækkað í 8%
KJARASAMNINGAR Verslunarmanna-
félag Reykjavíkur hefur ákveðið
að fallast á tilboð Samtaka at-
vinnulífsins í tengslum við lífeyr-
isréttindi verslunarmanna. Til-
boðið er það sama og Starfs-
greinasambandið og Flóabanda-
lagið sömdu um.
„Við höfum samþykkt að taka
þetta skref að þessu sinni, en það
þýðir að framlag vinnuveitanda
hækkar úr 6% í 8% á samnings-
tímanum,“ segir Gunnar Páll Páls-
son, formaður.
Samningafundur var haldinn
hjá ríkissáttasemjara í gær og
hefur annar fundur verið boðaður
á morgun. Rætt hefur verið um
launaliði undanfarna daga, en enn
ber mikið í milli.
„Það er ljóst að ekki tekst að
ganga frá samningum fyrir páska.
Fermingar setja enn fremur strik
í reikninginn í því sambandi.
Þetta mjakast þó engu að síður,“
segir Gunnar Páll. ■
ANGEL ACEBES
Innanríkisráðherra Spánar segir of snemmt
að draga einhverjar ályktanir um það
hverjir hafi komið sprengjunni fyrir.
Sprengjan á Spáni:
Eins og
sprengjan
11. mars
MADRID, AP Sprengjan sem fannst
undir lestarteinum hraðlestar
sem fer milli Madrídar og Sevilla,
er sömu gerðar og sprengjan sem
varð 191 manni að bana í hryðju-
verkaárásunum í Madríd 11.
mars.
Angel Acebes, innanríkisráð-
herra Spánar, segir of snemmt að
draga einhverjar ályktanir um
það hverjir hafi komið sprengj-
unni fyrir. Spænski herinn og lög-
reglan hefur nú eftirlit með
lestarteinum víða um Spán eftir
að sprengjan fannst á föstudag-
inn. Umferð um lestarteinana
milli Madrídar og Spánar hefur
aftur verið opnuð, en ferðum um
teinana var hætt um tíma eftir að
sprengjan fannst. ■
SAUTJÁN SKAMMTAR AF E-PILL-
UM Lögreglan í Hafnarfirði
stöðvaði bíl aðfaranótt laugar-
dags vegna gruns um fíkniefna-
misferli. Fjórir voru í bílnum og
við leit fannst sem samsvarar
sautján skömmtum af e-pillum.
Mennirnir voru teknir til yfir-
heyrslu en þeim síðan sleppt og
telst málið upplýst.
TÖLUVERT UM ÖLVUNARAKSTUR
Lögreglan í Hafnarfirði tók fimm
menn grunaða um ölvunarakstur
aðfaranótt laugardags og tvo á
laugardagsmorgun. Í Reykjavík
voru sjö ökumenn stöðvaðir fyrir
ölvunarakstur. Á Akureyri voru
tveir teknir grunaðir um að aka
undir áhrifum.
AUNG SAN SUU KYI
Suu Kyi hefur verið í haldi herforingja-
stjórnarinnar síðan í maí í fyrra.
Myanmar:
Suu Kyi
sleppt?
MYANMAR, AP Haft var eftir Win
Aung, utanríkisráðherra Myan-
mar, í gær að herforingjastjórnin
hygðist láta Aung San Suu Kyi,
leiðtoga lýðræðissinna og stjórn-
arandstæðinga, lausa úr haldi 17.
maí.
Eitthvað virðist það þó vera á
reki hvort meining utanríkisráð-
herrans hafi verið í samræmi við
túlkun fjölmiðla. Í viðtali við jap-
anskar og taílenskar sjónvarps-
stöðvar sagði hann að Suu Kyi
yrði boðið að sitja stjórnarskrár-
ráðstefnu 17. maí. Fréttamaður
spurði hann á ensku hvort Suu Kyi
yrði sleppt úr haldi fyrir 17. maí
og svaraði hann: „Já, 17. maí.“ Eft-
ir að fréttir birtust af viðtalinu
sagði talsmaður utanríkisráðu-
neytisins að hugsanlega væri ein-
hver misskilningur á ferðinni. ■
Sönnunargögn sem Bandaríkjastjórn lagði fyrir Öryggisráð Sameinuðu þjóðanna:
Powell dregur í land
BANDARÍKIN, AP Colin Powell, ut-
anríkisráðherra Bandaríkj-
anna, hefur viðurkennt að sönn-
unargögnin sem Bandaríkja-
stjórn hafi lagt fyrir öryggisráð
Sameinuðu þjóðanna til þess að
réttlæta innrásina í Írak hafi ef
til vill ekki verið mjög traust.
Samkvæmt gögnunum sem
lögð voru fyrir fund öryggis-
ráðsins í febrúar í fyrra áttu
Írakar að búa yfir tækni til þess
að framleiða efnavopn. Þrátt
fyrir að gögnin hafi verið lögð
fram dugði það ekki til þess að
sannfæra ráðið um að styðja
innrásina en þau hjálpuðu til
við að afla áformum um innrás
vinsælda innan Bandaríkjanna.
Powell hefur margsinnis lýst
því yfir að upplýsingarnar sem
lagðar hafi verið fram hafi ver-
ið réttar en nú segist hann efast
um gildi þeirra. Powell vill að
þingnefnd sem rannsakar gögn
leyniþjónustunnar í aðdrag-
anda innrásarinnar fari vel yfir
gögnin sem lögð voru fyrir ör-
yggisráðið til þess að komast að
því hvort rétt hafi verið að setja
þau fram. ■
VEGUM LOKAÐ Loka þurfti veg-
arköflum á Austurlandi í gær
þegar risastór bor var fluttur á
Kárahnjúkasvæðið. Flutningur-
inn gekk vel að sögn lögreglu.
HRAÐAKSTUR FYRIR AUSTAN Lög-
reglan á Vopnafirði hafði um
miðjan dag í gær stöðvað sjö bíla
fyrir hraðakstur. Sá sem fór
hraðast var mældur á 138 kíló-
metra hraða á klukkustund.
SAMNINGAFUNDUR
Fulltrúar VR og Samtaka atvinnulífsins
funduðu hjá ríkissáttasemjara í gær.
FR
ÉT
TA
B
LA
Ð
IÐ
/P
JE
TU
R
COLIN POWELL
Powell hefur margsinnis lýst því yfir að
upplýsingarnar sem lagðar hafi verið fram
hafi verið réttar en nú segist hann efast
um gildi þeirra.
TEKINN MEÐ KÓKAÍN Lögregla á
Sauðárkróki og Akureyri tóku í
fyrrinótt höndum mann sem
hafði um fimmtán grömm af
kókaíni í fórum sínum. Söluand-
virði kókaínsins er talið vera á
þriðja hundruð þúsund krónur.
Maðurinn, sem er rúmlega tví-
tugur, var látinn laus eftir yfir-
heyrslur.
FULLTRÚAR STARFSGREINASAMBANDSINS FUNDA
Fulltrúar Starfsgreinasambandsins funduðu í gær og fóru yfir tilboð frá ríkinu.
„Við erum
að bera sam-
an hvað það
er sem kemur
út úr þessu
tilboði og för-
um að nálg-
ast það að
sjá einhverjar
tölur.“
FR
ÉT
TA
B
LA
Ð
IÐ
/P
JE
TU
R