Fréttablaðið - 04.04.2004, Side 8

8 4. apríl 2004 SUNNUDAGUR
Spilafíkn Háskólans
„Sjálfur tel ég spilakassa Há-
skóla Íslands verstu tegund
kassa hér á landi og langt fyrir
neðan virðingu Háskólans að
hafa fé af fólki með brögðum
eins og gert er með þessum
kössum.“
Ögmundur Jónasson þingmaður. Fréttablaðið 3.
apríl.
Frændur vorir Kanar
„Bandaríska þjóðin er vinaþjóð
okkar Íslendinga og ekki bara í
orði.“
Guðlaugur Þór Þórðarson þingmaður. Morgun-
blaðið 3. apríl.
Ófrísk í skóla
„Ég var dálítið í því að eiga
börn í skólum, svona rétt til að
gera mér þetta aðeins erfiðara.“
Edda Björgvinsdóttir leikkona. DV 3. apríl.
Orðrétt
Verslunarráð Íslands:
Varar við nýjum
ríkisstofnunum
STJÓRNMÁL Þór Sigfússon, fram-
kvæmdastjóri Verslunarráðs Ís-
lands, varar við hugmyndum um
að settar verði á laggirnar nýjar
sjálfseignarstofnanir að for-
göngu ríkisvaldsins. Nefnd á
vegum félagsmálaráðherra hef-
ur lagt til að sett verði á laggirn-
ar sjálfseignarstofnun um inn-
flytjendamál.
„Á síðustu árum má segja að
reynt hafi verið að fegra nýjar
ríkisstofnanir með því að nefna
þær „stofur“ eða „umboðs-
menn“. Nú bætist síðan „sjálfs-
eignarstofnun“ í þetta safn,“
segir hann.
Hann bendir á að ýmsar
sjálfseignastofnanir séu settar á
laggirnar í góðgerðaskyni og af
hugsjónaástæðum og að ríkið sé
ekki að bæta skilyrði slíkra aðila
með því að hefja sjálft starfsemi
með því rekstrarfyrirkomulagi.
Þór ítrekar að málefni inn-
flytjenda séu brýn og telur að
Alþjóðahús geti sinnt þeim
verkefnum eða að verkefni á
þessu sviði séu boðin út. „Það
þarf ekki alltaf nýjar ríkis-
stofnanir til að sinna brýnum
verkefnum eða samhæfingu
eins og þessi nýja stofnun á að
sinna.“ ■
Bráðabirgðaákvæði
verður tekið út
Bráðabirgðaákvæði um hækkun Laxárstíflu verður tekið út úr frumvarpi um verndun Mývatns og
Laxár segir Siv Friðleifsdóttir. Hún fagnar samkomulagi Landsvirkjunar og Landeigendafélagsins um
að leita lausna varðandi Laxárvirkjun. Landeigendur ánægðir með að fallist sé á sjónarmið þeirra.
LAXÁRVIRKJUN „Ég er mjög ánægð
með samkomulag Landsvirkjunar
og Landeigendafélagsins. Nú eru
þessir aðilar að ræða saman með
nákvæmum hætti og ljóst að verið
er að ræða saman af alvöru um
lausnir og ég
fagna því mjög.
Fyrst þetta ligg-
ur fyrir þá verð-
ur bráðabirgða-
ákvæðið tekið út
úr frumvarpinu,
þannig að frum-
varpið geti farið
í áframhaldandi
vinnslu í þinginu,“ segir Siv Frið-
leifsdóttir, umhverfisráðherra.
Friðrik Sophusson, forstjóri
Landsvirkjunar, greindi frá því á
samráðsfundi fyrirtækisins að
Landsvirkjun og stjórn Landeig-
endafélagsins hefðu ákveðið að
óska sameiginlega eftir því að sú
breyting yrði gerð á frumvarpi
umhverfisráðherra, um verndun
Mývatns og Laxár, að bráða-
birgðaákvæði um heimild til að
hækka Laxárstíflu yrði tekið út.
Ákveðið hefði verið að skipa við-
ræðunefnd til að finna lausn á
málinu, en næðist niðurstaða yrði
sameiginlega óskað eftir því við
Alþingi að heimilað yrði að láta
meta umhverfisáhrif þeirra
lausna með lagabreytingu. Um-
hverfisráðherra óttast ekki að
þetta sé skref afturábak í málinu,
enda sé samkomulagið í anda
stefnu stjórnvalda.
„Það er enn óljóst hvort af
framkvæmdum verður eða ekki
og það hefur alltaf verið stefna
stjórnvalda að Landeigendafélag-
ið þyrfti að samþykkja fram-
kvæmdirnar í kjölfar umhverfis-
mats,“ segir Siv og bætir því við
að aðalatriðið sé að menn ræði
saman og leiti lausna.
Atli Vigfússon, formaður Land-
eigendafélags Laxár og Mývatns,
segir samkomulagið við Lands-
virkjun afar jákvætt.
„Ég fagna því mjög að Lands-
virkjun skuli koma til móts við
sjónarmið Landeigendafélagsins
og vona að það bréf sem við höf-
um nú skrifað sameiginlega til
umhverfisráðuneytisins og um-
hverfisnefndar Alþingis verði til
þess að bráðabirgðaákvæðið verði
fellt út,“ segir Atli Vigfússon, for-
maður Landeigendafélags Laxár
og Mývatns.
Atli segir að verði ákvæðið
fellt út og verði frumvarpið að
lögum í vor þá sé kominn góður
grundvöllur til viðræðna um
rekstrarvanda Laxárvirkjunar.
„En tíminn einn mun leiða í ljós
hverju þær viðræður muni skila,“
segir Atli.
bryndis@frettabladid.is
AUKIÐ ÖRYGGI
Bandarísk stjórnvöld munu einnig taka
fingraför og myndir af gestum helstu
bandalagsríkja sinna.
Gestir til Bandaríkjanna:
Fingraför
af öllum
WASHINGTON, AP Áætlun banda-
rískra stjórnvalda um að taka
fingraför og myndir af erlendum
ríkisborgurum sem koma inn í land-
ið mun frá og með 30. september
einnig ná yfir gesti frá helstu
bandalagsríkjum landsins.
Breytingin hefur áhrif á ríkis-
borgara þeirra 27 landa, þar á með-
al Íslands, sem hingað til hafa ekki
þurft vegabréfsáritun til að ferðast
til Bandaríkjanna. Bandaríkjastjórn
tók þessa ákvörðun eftir að hafa
komist að þeirri niðurstöðu að þessi
lönd myndu ekki ná að taka upp
nýja gerð af vegabréfum með líf-
fræðilegum upplýsingum á borð við
fingraför fyrir lok október. ■
Iceland Express:
Ferðafjöldi
tvöfaldaður
FLUGSAMGÖNGUR Iceland Express
hefur tvöfaldað framboð á ferð-
um bæði til Kaupmannahafnar
og Lundúna. Nú er flogið til
beggja áfangastaða bæði að
morgni til og síðdegis.
Í fréttatilkynningu frá félaginu
segir meðal annars að með morg-
unflugi til Lundúna gefist farþeg-
um færi á að taka tengiflug sam-
dægurs frá Stanstead-flugvelli til
yfir hundrað áfangastaða með
öðrum lággjaldaflugfélögum.
Félagið tók einnig í notkun
nýja Boeing 737 þotu á miðviku-
daginn og tilkynnti um niður-
stöðu í samkeppni um nöfn á
þotur félagsins. Í tilkynningu
frá félaginu segir að yfir tutt-
ugu og fimm þúsund tillögur
hafi borist. Fyrir valinu urðu
nöfninn Ásinn og Tvisturinn en
átta tillögur bárust þess efnis og
var nafn vinningshafans dregið
úr hópi þeirra. Vinninginn hlaut
Þorbjörg Lilja Þórsdóttir.
Alls hafa yfir þrjú hundruð
þúsund farþegar ferðast með
Iceland Express á fyrsta starfs-
árinu og segir í fréttatilkynn-
ingu að sérstök áhersla verði nú
lögð á markaðssetningu flugfé-
lagsins erlendis.
Í fyrradag flutti Iceland Ex-
press 1.034 farþega og er það í
fyrsta skiptið sem farþegafjöld-
inn fer yfir þúsund á einum
degi. ■
Verkalýðsfélagið Hlíf:
Áminning
til stjórnar-
flokka
KJARAMÁL Stjórn verkalýðsfélagins
Hlífar í Hafnarfirði vill minna nú-
verandi stjórnarflokka á að enn
hafa engar efndir verið á kosninga-
loforðum þeim er þeir gáfu þjóðinni
fyrir síðustu alþingiskosningar.
Ályktar stjórnin að mikilvægt sé að
létta sem fyrst skattbyrði af þeim
lægst launuðustu og skorað er á
stjórnmálamenn að hækka skatt-
leysismörk verulega. Helst þurfi
hækkunin að vera það mikil að lág-
markslaun í landinu verði undir
þeim mörkum. ■
ÞÓR SIGFÚSSON
Segir ríkið dulbúa nýjar stofnanir með því að kalla þær öðrum nöfnum.
Leðurblökur ráðast á fólk
í Brasilíu:
13 manns
látnir
BRASILÍA, AP Leðurblökur hafa orðið
13 manns að bana í Norðausturhluta
Brasilíu.
Brasilíska heilbrigðisráðuneytið
segir að leðurblökurnar, sem eru af
tegund sem er á stærð við þumal-
fingur manns, hafi verið smitaðar
af hundaæði. Ráðuneytið segir að
óvenju mikið hafi verið um að leð-
urblökur hafi ráðist á fólk að undan-
farið. Venjulega ráðist þær á önnur
dýr en undanfarnar vikur hafi um
300 manns orðið fyrir barðinu á
þeim í fylkinu Para sem er við
Amazon-fljótið. ■
OFTAR FLOGIÐ ÚT
Nú flýgur Iceland Express tvisvar á dag bæði til Kaupmannahafnar og Lundúna.
FR
ÉT
TA
B
LA
Ð
IÐ
/H
AR
I
SIV FRIÐLEIFSDÓTTIR
Umhverfisráðherra fagnar samkomulagi
Landsvirkjunar og Landeigendafélags Laxár
og Mývatns um að ræða saman og leita
lausna við rekstrarvanda Laxárvirkjunar.
LAXÁRVIRKJUN
Formaður Landeigendafélagsins er ánægður með að fallist sé á sjónarmið félagsins í málinu.
„Fyrst þetta
liggur fyrir þá
verður bráða-
birgðaákvæð-
ið tekið út úr
frumvarpinu.“