Fréttablaðið - 04.04.2004, Page 19
19SUNNUDAGUR 4. apríl 2004
Musica Nova rís úr dvala
Fyrir tæpri hálfri öld var stofn-aður í Reykjavík félagsskapur-
inn Musica Nova, sem stóð fyrir
flutningi á nýrri tónlist og stóð við
bakið á hvers kyns nýsköpun á
sviði tónlistar. Meðal stofnenda
voru tónskáldin Jón Nordal, Magn-
ús Blöndal Jóhannsson og Fjölnir
Stefánsson.
Musica Nova starfaði af miklum
krafti á sjöunda áratug síðustu ald-
ar, en starfsemin hefur legið niðri
lengi þótt formlega hafi þetta félag
aldrei verið lagt niður.
Starfsemi félagsins hefur nú
verið endurreist með stofnun
sjóðs, sem hefur það hlutverk að
styrkja flytjendur tónlistar til þess
að panta ný verk hjá tónskáldum.
„Það skiptir okkur ógurlega
miklu máli, bæði tónlistarmenn og
tónskáld, að þessi sjóður hafi verið
endurvakinn. Og það er ekki síður
mikilvægt að hann vaxi og dafni og
verði alltaf til,“ segir Steinunn
Birna Ragnarsdóttir píanóleikari
en hún er nú formaður Musica
Nova.
„Það er bráðnauðsynlegt að til
sé farvegur fyrir flytjendur, þann-
ig að þeir geti pantað sér tónverk
hjá tónskáldum. Fyrirkomulagið er
líka þannig að flytjandinn ábyrgist
flutning verksins um leið og hann
sækir um, þannig að þetta ýtir und-
ir það að verkið verði flutt um leið
og það er viðurkenning á vinnu
flytjandans.“
Nú þegar hefur verið úthlutað í
fyrsta sinn úr hinum nýja sjóði. All
bárust 45 umsóknir og voru átján
verkefni af þeim styrkt.
Í tilefni af fyrstu úthlutun úr
sjóðnum var í gær efnt til hátíðar-
tónleika í Listasafni Íslands, þar
sem Hamrahlíðarkórinn flutti ís-
lensk kórverk sem mörg hver voru
samin sérstaklega fyrir kórinn og
stjórnanda hans, Þorgerði Ingólfs-
dóttur.
Þess má geta að í stjórn sjóðsins
situr Jón Nordal tónskáld, sem var
einn af stofnendum Musica Nova
árið 1959.
„Það má því segja að þarna
mætist fortíð og framíð í einum og
sama manninum,“ segir Steinunn
Birna og bætir því við að Musica
Nova mæti hvarvetna miklum hlý-
hug. ■
STEINUNN BIRNA RAGNARSDÓTTIR, FORMAÐUR MUSICA NOVA
Musica Nova hefur enn sem fyrr það hlutverk að styðja og hvetja til nýsköpunar á sviði
tónlistar.
Nýsköpun
MUSICA NOVA
■ Úthlutað hefur verið úr Nýsköpunar-
sjóði tónlistar í fyrsta sinn eftir að félagið
var vakið af dvala með myndarlegu fram-
lagi borgarinnar og þátttöku bæði Ís-
lensku óperunnar og tónskáldasjóðs Rík-
isútvarpsins.
GUÐMUNDUR KARLSSON
Miklar annir eru framundan en vonir
standa til að um hægist eftir ólympíuleik-
ana og frídögum fjölgi eitthvað í kjölfarið.
Langt síðan
ég átti síðast
frídag
Guðmundur Karlsson er önnumkafinn maður og hefur í mörg
horn að líta. Það er ekki nóg með að
hann sé þjálfari frjálsíþróttalands-
liðsins heldur er hann líka fast-
eignasali á Höfða og í ofanálag rek-
ur hann, ásamt eiginkonu sinni
Björgu Gilsdóttur, íþróttavöru-
verslunina Fjölsport í Hafnarfirði.
Þeir eru því ekki mjög margir frí-
dagarnir sem Guðmundur fær en
hann er nú ekkert að kvarta yfir
því.
„Undanfarið ár hefur verið ansi
mikið að gera hjá mér og það er nú
orðið nokkuð langt síðan ég fékk
síðast frídag, það verður að viður-
kennast, en það er nú í góðu lagi fyr-
ir unga menn að hafa nóg að gera.
Það held ég nú. Hins vegar kemur
alltaf af og til dagur og dagur þar
sem maður getur gefið sér aðeins
meiri tíma með fjölskyldunni eða
slappað af yfir enska boltanum.“
En hvernig er góður frídagur að
mati Guðmundar? „Það fer nú nokk-
uð eftir hvaða árstíð er,“ segir hann
og bætir við: „En nú þegar vorið er á
næsta leyti þá nefni ég sérstaklega
ferð á golfvöllinn eftir góðan morg-
unmat,“ en Guðmundur er með 6,5 í
forgjöf og er í sífelldri framför.
„Síðan yrði dagurinn fullkomnaður
með góðum grillmat í faðmi fjöl-
skyldunnar. Þetta er nú eiginlega
draumafrídagurinn í hnotskurn, það
er nú ekkert flóknara en það.“
Guðmundur segir að auðvitað sé
hægt að finna sér margt skemmti-
legt að gera á frídegi en augljóslega
liggi áhugamálin hjá honum í sport-
inu. „Og ég er í sannleika sagt
sportidjót í bak og fyrir“, segir hann
og hlær. „Maður reynir sem mest að
sinna fjölskyldunni og svo áhuga-
málunum þegar tími gefst til og ég
hef til að mynda mjög gaman af því
að bregða mér í veiði í góðra vina
hópi og vonandi næ ég að fjölga
veiðitúrunum á næstunni en þeir
hafa því miður ekki verið margir
upp á síðkastið.“
En sér Guðmundur fyrir sér að
frídögunum fjölgi eitthvað á næst-
unni? „Já, það er ég er að vona en
hins vegar verður mjög mikil törn
hjá mér með frjálsíþróttalandsliðinu
fram að ólympíuleikunum í ágúst en
það fer svo að rofa aðeins til í þeim
efnum eftir þá,“ segir athafnamað-
urinn Guðmundur Karlsson. ■
FR
ÉT
TA
B
LA
Ð
IÐ
/G
VA
Frídagurinn
GUÐMUNDUR KARLSSON
■ Hefur í mörg horn að líta og á ekki
marga náðuga daga framundan.