Fréttablaðið - 04.04.2004, Side 51

SUNNUDAGUR 4. apríl 2004
BEÐIÐ EFTIR LEYFI
Bjórkraninn hefur þegar verið settur upp í Egilshöll.
Borgaryfirvöld hafa nú til meðferðar ósk veitingasalans í Egilshöll um að fá að selja gest-
um léttvín og bjór. Óskin var samþykkt í borgarráði í vikunni en borgarstjórn vísaði mál-
inu aftur til meðferðar ráðsins. Íþrótta- og Ólympíusambandið leggst öndvert gegn hug-
myndinni enda stefna þess að áfengi og íþróttir fari ekki saman.
Bolti og bjór
Egilshallarmálið virðist snúastum skilgreiningu. Það snýst um
hvort Egilshöll sé íþróttamiðstöð
eða alhliða þjónustumiðstöð. Stefnt
er að starfrækslu ýmissa þjónustu-
fyrirtækja í húsinu og má þar nefna
gistiheimili, banka, apótek og hár-
greiðslustofu og í því ljósi telja að-
standendur veitingasölunnar í hús-
inu að eðlilegt sé að vín og bjór fáist
keypt með þeim mat sem seldur er.
Þeir benda og á að áfengir drykkir
séu á boðstólum í ýmsum húsum
sem hýsa íþróttastarfsemi og nefna
golfskála, keilusali og heilsurækt-
ina í Laugum máli sínu til stuðnings.
Golf og bjór
Óumdeilt er að vínið er víða þar
sem íþróttir eru stundaðar og raun-
ar tengjast þessir tveir þættir nokk-
uð traustum böndum í sumum til-
vikum. Þannig eru haldin golfmót
víða um land í nafni áfengistegunda
og bjórauglýsingar eru áberandi á
mörgum golfvöllum. Áfengi er auk-
inheldur gjarnan vinningur á golf-
mótum. Flestir golfskálar landsins
státa af vínveitingaleyfi og sama
gildir um keilusalina tvo í Reykja-
vík, líkt og bent var á að ofan.
Handbolti og bjór
Tæp 10 ár eru liðin síðan
heimsmeistaramótið í handbolta
var haldið á Íslandi. Mótshaldarar
sóttu stíft að fá að selja bjór á
keppnisstöðunum og fengu, eftir
snarpar deilur þar um. Þýski bjór-
framleiðandinn Warsteiner var
einn af helstu styrktaraðilum
mótsins og voru auglýsingar fyr-
irtækisins áberandi við keppnis-
vellina.
Áfengisframleiðendur eru raun-
ar dyggir bakhjarlar íþróttanna í
heiminum og virðast fáar greinar
undanskildar. Áfengisauglýsingar
sjást t.d. í ensku og raunar allri evr-
ópsku knattspyrnunni, handbolta
víða um álfuna, formúlukappakstr-
inum, snóker, pílu og golfinu eins og
áður kom fram.
Kappakstur og bjór
Áfengi er víða notað til að fagna
sigri eða öðrum góðum árangri og
sést eitt gleggsta dæmið á tveggja
vikna fresti í Sjónvarpinu þegar
formúluökuþórar sprauta freyði-
víni hver yfir annan og helst fleiri.
Þeir drekka reyndar ekki mikið af
því sjálfir en vínið þykir engu að
síður nauðsynlegur þáttur í fagn-
aðarlátunum.
Lengi tíðkaðist hið sama hjá sig-
urvegurum á handbolta- og fótbolta-
mótum á Íslandi en þeim sið (eða
ósið) var hætt fyrir nokkrum árum
eftir athugasemdir forsvarsmanna
æskulýðs- og forvarnarmála.
Knattspyrna og bjór
Hvort sem mönnum líkar betur
eða verr er áfengi, og þá sér í lagi
bjór, snar þáttur í umgjörð margra
íþróttaáhugamanna í kringum leiki.
Krár eru vinsælar til áhorfs á er-
lenda knattspyrnuleiki og þegar
mikið liggur við á innlendum vett-
vangi safnast áhangendur liða sam-
an á öldurhúsum og kneyfa öl og
berja í sig stemningu í leiðinni.
Á erlendum knattspyrnuvöll-
um er seldur bjór en áhorfendum
jafnan meinað að hafa hann með
sér á sjálfa áhorfendapallana. Í
afmörkuðum stúkum fyrirtækja
og helstu stuðningsmanna er vín
hins vegar veitt. Víða um lönd er
líka sá háttur hafður á að menn
safnast saman á krám fyrir leiki
og ræða möguleika sinna manna
yfir ölkrús.
Rokk og bjór
Víst er að áfengisneylsa verður
ekki skilin svo glatt frá íþróttum og
breytir þar engu um hvort hægt
verði að kaupa hvítvín og bjór í
Egilshöllinni eða ekki. Í því máli
munu hins vegar vilji og afstaða
reykvískra borgaryfirvalda birtast
og líklegt að litið verði til niðurstöð-
unnar þegar fleiri sambærilegar
óskir berast inn á borð.
Hitt er svo annað mál að hvernig
sem málið æxlast er ólíklegt annað
en að áhugasamir geti sötrað bjór í
Egilshöllinni í sumar. Næsta víst er
að slíkar veigar verði á boðstólum á
hljómleikum Metallica í júlíbyrjun
enda þykir mörgum gott að kæla sig
niður á rokkhljómleikum með ein-
um köldum. ■
KNATTSPYRNA OG CARSLBERG
Carlsberg-bjórframleiðandinn er einn helsti stuðningsaðili Liverpool.
Krár eru vinsælar til
áhorfs á erlenda
knattspyrnuleiki og þegar
mikið liggur við á innlendum
vettvangi safnast áhangend-
ur liða saman á öldurhúsum
og kneyfa öl og berja í sig
stemningu í leiðinni.“
,,