Fréttablaðið - 07.04.2004, Blaðsíða 38

Í dag, miðvikudaginn 7. apríl, erhaldin splunkuný fegurðarsam-
keppni. Keppnin gengur undir
nafninu Fegurðarsamkeppni fram-
haldsskólanna, þrátt fyrir að hvor-
ki framhaldsskólarnir né nem-
endafélög þeirra komi þar nærri.
Keppnin, sem er skipulögð á þeirri
forsendu að um sé að ræða gott
tækifæri fyrir ungar konur sem
vilja ná langt í lífinu, er studd af
ýmsum fyrirtækjum. Keppendur
eru á aldrinum 16–19 ára.
Blessun ráðherra?
Okkur í staðalímyndahópi
Femínistafélags Íslands er spurn
hvort háttvirtur menntamálaráð-
herra, Þorgerður Katrín Gunnars-
dóttir, leggi blessun sína yfir að
keppni sem þessi sé haldin í nafni
framhaldsskólanna að nemenda-
félögum forspurðum? Okkur er
líka spurn hvort menntamálaráð-
herra hafi einhver úrræði til að
grípa inn í og sporna við þessari
þróun?
Okkar hugmyndir um metnað-
arfull markmið og það að ná langt
í lífinu eru að fólk komist áfram á
eigin verðleikum sem byggja
hvorki á kyni né útliti. Í dag dynja
sífellt þau skilaboð á ungu fólki að
lykillinn að árangri liggi í útlitinu.
Við heyrum sífellt sögur af því
hvernig þessi eða hin missti fimm
kíló og við það öðlaðist hún stór-
aukið sjálfstraust, varð ný mann-
eskja og lífið varð allt í einu svo
miklu, miklu betra. Fyrirmyndun-
um sem haldið er að ungu fólki
eru í miklum mæli fáklæddar dív-
ur með lokkandi augnaráð undir
þeim formerkjum að þetta sé það
besta sem konur hafi upp á að
bjóða.
Áhyggjuefni
Það hlýtur að vera áhyggjuefni
okkar allra að keppnir í því hver
er sætust færast sífellt neðar í
aldri og inn í skólana. Gylliboðum
er haldið að stelpunum. Ef þær
taka þátt fá þær námsstyrk. Ef
þær taka þátt öðlast þær sjálfs-
traust. Ef þær taka þátt fá þær
veglega vinninga. Ef þær taka
þátt mun þeim vegna vel í lífinu.
Skólarnir, sem að okkar mati
eiga að vera vettvangur til að efla
andlegt atgervi, félagslega hæfni
og búa unga fólkið undir fullorð-
insárin eru nú allt í einu orðinn
vettvangur þar sem etja á skólun-
um saman í keppni um hver
þeirra hefur fram að færa falleg-
asta kvenkyns nemandann. Þetta
eru ekki þau skilaboð sem nútíma-
samfélag á að senda ungu fólki,
hvorki stelpum né strákum. Það
hlýtur að fara að koma að því að
við fáum nóg og segjum stopp við
þessari útlits- og æskudýrkun
sem tröllríður öllu.
Enn þann dag í dag sjá fyrir-
tæki sér þó hag í því að ryðja
brautina fyrir keppni sem þessa
og leggja til styrki svo að keppnin
geti orðið að raunveruleika. Við
hljótum að spyrja okkur hvað sé
næst? Munum við áður en langt
um líður sækja keppendur inn í
grunnskólana eða jafnvel barna-
heimilin?
Blogg gegn staðalímynd
Í tilefni af keppni dagsins höf-
um við í staðalímyndahópi sett
upp bloggsíðuna meyjanam.blog-
spot. com. Við hvetjum mennta-
málaráðherra til að skoða síðuna
og velta fyrir sér leiðum til að
sporna við því að ungum stúlkum
sé kennt að lykillinn að árangri
þeirra í lífinu velti á því að vera
sæt og fín og þæg. Ekki síður
þurfum við að velta því fyrir okk-
ur hvað sé hægt að gera til að
sporna við því að ungum drengj-
um sé kennt að vega beri hæfni
kvenna út frá útlitinu. Þetta skipt-
ir máli því að ef við ætlum að ná
jafnrétti þá þýðir það að meta
þarf einstaklinginn út frá öðrum
eiginleikum en útliti.
Það hamlar konum í starfi
þegar hlutverk þeirra í samfélag-
inu er skilgreint sem skrautmun-
ir. Það hamlar jafnrétti inni á
heimilum, inni í skólum og úti á
vinnumarkaði. Hvernig getum við
komið þessum skilaboðum á fram-
færi og veitt þannig mótvægi við
öllum þeim áróðri sem segir að
lykillinn að velgengni liggi í útliti
kvenna? ■
26 7. apríl 2004 MIÐVIKUDAGUR
Þegar menn grípa til þess ráðsað kalla umræðu sem byggir
á staðreyndum og raunveruleg-
um atburðum pólitískar árásir,
þá vilja þeir einhverra hluta
vegna ekki taka þátt í málefna-
legri umræðu. Ég tala nú ekki
um þegar þeir fjasa mikið um
vanþekkingu þess, sem reynir
að fá fram þessa málefnalegu
umræðu um ákveðið mál, þá eru
þeir á harðahlaupum frá stað-
reyndum og misnota pólitík á
þeim flótta. Sunnudaginn 4. apr-
íl skrifar formaður Heimis (fé-
lags ungra sjálfstæðismanna í
Reykjanesbæ) Jóhann Friðrik
Friðriksson um Heilbrigðis-
stofnun Suðurnesja (HSS), hér í
Fréttablaðið og beitir óspart
þeirri taktík sem að ofan er lýst.
Að ata mótherja auri
Ég hélt satt að segja að það
væri liðin tíð að menn leyfðu sér
að ata mótherja sína í pólitík auri
eins og þessi ungi maður leyfir sér
að gera í grein sinni, sem styðst
nánast í engu við staðreyndir eða
raunverulega atburði heldur er
uppfull af misfærslum og dylgj-
um. Ég vona í framtíðinni að hann
leiti sér betri upplýsinga en hann
hefur bersýnilega gert nú, áður en
hann setur frá sér frekari greinar
og láti ekki mata sig á einhverjum
samsæriskenningum sem ekki
eiga við rök að styðjast.
Hagsmunagæsla?
Hann kallar grein sína „Hverra
hagsmuna gætir Samfylkingin?“
og reynir að gera deilu sem upp er
komin um vinnubrögð stjórnenda
á Heilbrigðisstofnun Suðurnesja
að pólitískri deilu Samfylkingar-
innar og einhverra andstæðinga
hennar. Eftir að hafa unnið mikið
með öðrum sveitarstjórnarmönn-
um á Suðurnesjum að málefnum
HSS get ég fullyrt að ekki hefur
skort á samstöðu þeirra og
flokkspólitík ekki komið þar
nærri. Honum verður tíðrætt um
vanþekkingu mína á málefnum
HSS og virðist ekki hafa kynnt sér
á nokkurn hátt hver mín störf hafa
verið að málefnum stofnunarinnar
og D-álmu frá því að ég settist í
stjórn stofnunarinnar árið 1986 og
síðan í samninganefnd um bygg-
ingu D-álmunnar sem nú er loks
risin.
Jóhann Friðrik setur fram
kenningu sína um flokkspólitísk
afskipti á þeim grunni að bæði ég
og Jóhann Geirdal, bæjafulltrúi í
Reykjanesbæ, hefðum kallað eftir
því að staðið yrði við að D-álma
gengdi því hlutverki sem hún var
reist til að gegna, að því gefnu að
enn væri raunveruleg og brýn
þörf væri fyrir langlegurými fyrir
aldraða íbúa Reykjanesbæjar.
Hann sleppir því að geta um að
bæjarfulltrúi Framsóknarflokks-
ins hafi haft uppi svipaðar kröfur í
blaðaskrifum, því þá félli náttúr-
lega þessi undarlega kenning hans
um að Samfylkingin væri að ráð-
ast að spítalanum í einhverjum
pólitískum tilgangi.
Ég hef skömm á svona vinnu-
brögðum og ekki hægt að sjá af
hvaða hvötum slík fásinna er fram
sett. Einu hagsmunirnir sem eiga
að koma til skoðunar við umræðu
og ákvörðun um framtíð D-álm-
unnar eru hagsmunir sjúkling-
anna sem D-álman var reist til að
þjóna.
Skýr skýrsla
Var það þá einnig einhvers kon-
ar flokkspólitík af minni hálfu
þegar ég hvatti sveitarstjórnar-
menn til að fylkja sér á bak við
stjórnendur stofnunarinnar á aðal-
fundi Sambands sveitarfélaga á
Suðurnesjum, sem fram fór í októ-
ber á sl. ári? Á þeim fundi taldi ég
að stjórnendur ætluðu sér að fara
eftir þeim tillögum sem voru í
bráðabirgðaniðurstöðum starfs-
hóps um framtíðaruppbyggingu,
þróun og skipulag HSS 2004–2010.
Ég vann að þessari skýrslu sem
fulltrúi Sambands sveitarfélaga á
Suðurnesjum með fulltrúum HSS
og heilbrigðisráðuneytis. Skýrsl-
unni var skilað til heilbrigðisráð-
herra 18. nóvember á sl. ári og þar
kemur m.a. eftirfarandi fram um
D-álmuna: „2. hæð er nýinn-
réttuð og fullbúin. Hún var tekin í
notkun í apríl 2003 og er aðstaða
þar til fyrirmyndar. Sjúkir aldrað-
ir einstaklingar eiga forgang inn á
deildina. Auk þess verða laus pláss
nýtt fyrir skurðlækningar, endur-
hæfingu og almennar lyflækning-
ar eftir því sem þörf krefur
hverju sinni“.
Hér kemur ákaflega skýrt fram
til hvers á að nota D-álmu sjúkra-
hússins, enda væru menn löngu
farnir að krefjast byggingar
hjúkrunarheimilis í jafnstóru bæj-
arfélagi og Reykjanesbær er, ef
það hefði hvarflað að einhverjum
að D-álma væri ekki til nota fyrir
sjúka aldraða sem þyrftu á lang-
tímahjúkrun að halda.
„Viðvarandi atkvæðaveiðar“
Vegna viðtals við Sigurð Árna-
son lækni og einnig greinar eftir
hann í sama blaði og grein
Jóhanns Friðriks birtist í, verð ég
að lýsa þeirri skoðun minni að það
er aumt af lækninum að hrópa
„viðvarandi atkvæðaveiðar“ þeg-
ar sett er fram réttmæt gagnrýni
á störf stjórnenda og skyndilega
stefnubreytingu þeirra, sem er
með öllu óskiljanleg fjölda fólks,
sem unnið hefur að því að gera
drauminn um D-álmu að veru-
leika.
Það er tvennt sem styrinn um
Heilbrigðisstofnun Suðurnesja
snýst um: Annarsvegar hugmynd-
ir um að leggja af heilsugæslu í
Sandgerði, Garði og Vogum og
hinsvegar að nokkrir aldraðir ein-
staklingar sem verið hafa á
Sjúkrahúsinu í Reykjanesbæ fái
að vera þar áfram, ef það er ósk
þeirra og aðstandenda þeirra. Það
hefur aldrei staðið á mér, þegar
óskað hefur verið liðsinnis til þess
að efla þá heilbrigðisstarfssemi
sem fram fer á Suðurnesjum og
hef ég komið þar að bæði sem
sveitarstjórnarmaður og alþingis-
maður. Það er lágmarkskrafa að
þeir sem maður starfar með í slík-
um verkefnum starfi af heilindum
og að orð og æði fari saman. Á það
hefur skort hjá stjórnendum HSS í
seinni tíð.
Vantar svör
Það er mikilvægt að staðið verði
við þá stefnumótun sem lögð hefur
verið fram og aldraðir sjúkir í
Reykjanesbæ sem þess æskja fái
inni í hinni nýju D-álmu og hluti 2.
hæðarinnar sem nú er tilbúin verði
tekin til þeirra nota í samræmi við
staðfesta þörf aldraðra hjúkrunar-
sjúklinga. Nauðsynlegt er að stað-
reyna hver hin brýna þörf er, en
þær tölur hafa verið nokkuð á reiki
eftir því við hvern er talað hverju
sinni. Þegar tölurnar liggja endan-
lega fyrir þarf að ákveða í samráði
við bæjaryfirvöld og ráðuneyti
heilbrigðismála hvort reisa eigi
nýtt hjúkrunarheimili í Reykjanes-
bæ, eða hvort mæta eigi eðlilegri
og nauðsynlegri þörf fyrir hjúkr-
unarrými í heimabyggð með öðrum
hætti. Íbúar Reykjanesbæjar hafa
beðið lengi eftir staðbundnum úr-
ræðum fyrir hina öldruðu sjúku og
langlundargeð þeirra verið mikið í
þeirri bið. Ekki er undanlegt í ljósi
þess sem á undan er gengið að
svara sé krafist.
Heilbrigðisráðherra þarf
einnig að svara því hvernig
tryggja á fjármuni til að ráðast í
þau verkefni sem stefnumótunin
gerir ráð fyrir, en ekki er gert ráð
fyrir þeim fjármunum í fjárlög-
um, sem þarf til þeirra verka sem
framkvæma átti á þessu ári. ■
Göfugt markmið en...
Það er í sjálfu sér göfugt mark-
mið hjá honum Bjössa að reyna
að ná tökum á ofbeldimönnum og
auka öryggi okkar með fjölgun í
sérsveitinni. Ætli hann líti ekki til
vina sinna í Bandaríkjunum, því
þeim hefur gengið svo vel, er það
ekki? Staðan í Bandaríkjunum er
sú að þeir hafa aldrei eytt jafn
miklu af fjármunum í lögreglu og
réttarkerfi á sama tíma og tíðni
afbrota er hvergi hærri. Það er
ekki langt síðan að heildarútgjöld
til réttarkerfisins, þar með talið
lögregla, dómstólar og fangelsi,
fór yfir útgjöld til menntamála.
Með öðrum orðum Bandaríkja-
menn eru að eyða meiri pening-
um til lögreglunnar en í mennta-
kerfið. Er það virkilega það sem
við viljum? Þá held ég að ég velji
frekar þá sem að vilja bæta heil-
brigðiskerfið og leggja áherslu á
menntamál.
REYNIR ÖRN JÓHANNSSON Á POLITIK.IS
Flokkun á plasti
Þó að ég reyni að kaupa í þannig
pakkningum, sem er hægt að end-
urnýta, þá er það aðallega plast
sem fer í ruslið hjá mér. Spurn-
ingin hjá mér er hvort opinberir
aðilar sem eru í sorphirðunni geti
ekki flokkað það plast sem kemur
frá heimilum og nýtt það.
Það sem mér dettur í hug er að
nota það sem hitagjafa á köldu
svæðunum. Olía er aðaluppistað-
an af plasti og ef það væri brennt
í þannig ofnum sem næðu að
brenna burt díoxíð, sem er enginn
vandi, væri enginn vandi að nýta
það þannig. Það ætti samt ekki
að vera neinn vandi að láta ró-
bota vera í því að flokka plastið.
Sú tækni er til í Frakklandi og
ætti að vera hægt að nota hana
hérna innanlands eins og hjá
þeim. Þetta er bara spurning um
vilja.
KIDDI Á NATTURUVAKTIN.COM
Pólitísk misnotkun?
■ Af netinu
■ Opið bréf til menntamálaráðherra, Þorgerðar Katrínar Gunnarsdóttur
Fegurðarsamkeppni framhaldsskólanna
Með Avis kemst þú lengra
Pantaðu AVIS bílinn áður en þú
leggur af stað – Það borgar sig
Hringdu til AVIS í síma 591-4000
Innifalið í verði er ótakmarkaður akstur, trygging, vsk. og
flugvallargjald. (Verð miðast við lágmarksleigu 7 daga).
Ekkert bókunargjald - Gildir til 31. mars 2005.
Verð háð breytingu á gengi.
Benidorm kr. 1.900,- á dag m.v. A flokk
Alicante kr. 1.900,- á dag m.v. A flokk
Costa del Sol kr. 2.100,- á dag m.v. A flokk
www.avis.is
Við
gerum
betur
Spánn
AVIS Knarrarvogi 2 - 104 Reykjavík - Sími 591 4000 Fax 591 4040 - Netfang avis@avis.is
Munið Visa
afsláttinn
HEILBRIGÐISSTOFNUN SUÐURNESJA
Ekkert lát er á deilum um starfsemi stofnunarinnar
Umræðan
JÓN GUNNARSSON
■ alþingismaður skrifar um
Heilbrigðisstofnun Suðurnesja.
Umræðan
KATRÍN ANNA
GUÐMUNDS-
DÓTTIR
■ skrifar fyrir hönd
staðalímyndahóps
Femínistafélags Íslands.
UMRÆÐAN