Fréttablaðið - 03.06.2004, Blaðsíða 2

2 3. júní 2004 FIMMTUDAGUR
Já. Það er lítið en liður í því sem verið er
að gera. Við verðum að veiða meira
næst. Ég trúi ekki öðru en að nokkur
maður láti sér detta annað í hug.
SPURNING DAGSINS
Konráð, tekur því að veiða 25 hrefnur?
Algjör óvissa
um framhaldið
Algjör óvissa blasir við um framhaldið, segir formaður Framsóknarflokksins um ákvörðun for-
seta að synja fjölmiðlalögum staðfestingu. Lítur á ákvörðun forseta sem gagnrýni á ríkisstjórnina.
Öruggt er að boðað verður til þjóðaratkvæðagreiðslu.
MÁLSSKOT Í kjölfar ákvörðunar for-
seta Íslands um að synja fjölmiðla-
lögunum staðfestingar hefur kom-
ið upp fullkomið óvissuástand sem
ríkisstjórnin bjóst ekki við að gæti
skapast. Þetta kom fram í máli
Halldórs Ásgrímssonar, formanns
Framsóknarflokksins, í gær og
sagði hann jafnframt að ríkis-
stjórnin þyrfti ráðrúm til að átta
sig á framhaldinu. „Þetta kom okk-
ur algjörlega í opna skjöldu,“ sagði
hann. Halldór sagði ákvörðun for-
seta ekki muni hafa nein áhrif á
ríkisstjórnarsamstarfið.
Að sögn Halldórs tilkynnti for-
setinn honum símleiðis um ákvörð-
un sína um klukkan hálf fjögur í
gær. „Ég tjáði honum að mér þætti
það óskynsamleg ákvörðun og við
ákváðum að ræða það í sjálfu sér
ekki frekar heldur ætlaði hann að
senda mér yfirlýsinguna um
ástæður sínar fyrir því að hann
gerði þetta. Ég spurði hann þá um
það hvernig hann liti á framhaldið
og hann sagði að það væri skýrt
samkvæmt stjórnarskránni en tók
það sérstaklega fram að hér væri
ekki um að ræða gagnrýni á Al-
þingi né ríkisstjórn og ég sagðist
eki sjá hvernig það gæti farið heim
og saman,“ sagði Halldór.
Aðspurður hvernig hann líti á
framhaldið sagðist hann telja að
kalla þurfi til lögfræðinga til að
fara yfir málið vegna þess að
staða sem þessi hafi aldrei áður
komið upp. Hann segir að það hafi
komið sér verulega á óvart að for-
setinn kysi þetta tilefni til að beita
því valdi sem hann hefur sam-
kvæmt stjórnarskránni, því áður
hafi komið upp stór mál þar sem
hann hafi kosið að nýta ekki mál-
skotsréttinn.
Hann sagði það öruggt að boð-
að yrði til þjóðaratkvæðagreiðslu.
„Það liggur ekkert fyrir um
það hvernig hún á að fara fram. Í
stjórnarskránni er aðeins tekið
fram „svo fljótt sem verða má“ og
það ber að virða, en það þarf að
gefast ráðrúm til að fara vel yfir
það. Ljóst er að það verður að
setja löggjöf um þjóðaratkvæða-
greiðslu og aðeins Alþingi getur
sett slíka löggjöf. Fyrst þurfum
við ráðrúm og tíma til þess að átta
okkur á því hvernig verði brugð-
ist við. Ég held við getum ekki
gert það án þess að fá valinkunna
lögfræðinga til þess að fara yfir
þetta. Ríkisstjórnin og meirihluti
Alþingis hlýtur að þurfa að undir-
búa það. Það er ljóst að um það
eru menn sammála að ríkisstjórn-
armeirihluti Alþingis þarf að
standa fyrir þeim undirbúningi,
það er enginn annar í landinu sem
getur gert það,“ sagði Halldór.
Aðspurður sagði hann að það
kæmi ekki til greina að setja
bráðabirgðalög um þjóðarat-
kvæðagreiðslu.
Halldór fundaði með ráðherr-
um Framsóknarflokksins þar sem
rætt var um stöðuna og hvert
framhaldið yrði. Hann sagðist
ekki hafa náð að ræða við forsæt-
isráðherra um málið í gær.
sda@frettabladid.is
Þorgerður Katrín Gunnarsdóttir:
Stjórnin stendur föstum fótum
MÁLSKOT „Ríkisstjórnin stendur
föstum fótum,“ segir Þorgerður
Katrín Gunnarsdóttir mennta-
málaráðherra.
„Þetta er skoð-
un Ólafs Ragn-
ars Grímssonar
og hann var
ekki að lýsa yfir
neinu van-
trausti á ríkis-
stjórnina með
þessu.“
Þ o r g e r ð u r
Katrín segist
pollróleg þrátt
fyrir ákvörðun forseta um að
staðfesta ekki fjölmiðlalögin.
„Þetta er ósköp einfalt, nú fær
þjóðin tækifæri til þess að kynna
sér þessi lög og hvort hún vilji að
auðhringir eigi fjölmiðla,“ segir
Þorgerður Katrín. „Þjóðin þarf að
taka efnislega afstöðu til þessarar
löggjafar.“
Þorgerður Katrín segist virða
það sem Ólafur Ragnar er að gera
en lýsir þó undrun sinni á því að
þessi lög skuli hafa orðið fyrir
valinu. „Mér finnst sérstakt að í
fyrsta sinn frá lýðveldisstofnun
þá er verið að fara að kjósa um
þessi lög. Ég hefði haldið að mikil-
vægari löggjöf hefði átt að leggja
undir dóm þjóðarinnar en akkúrat
þessi lög.“ ■
Hjálmar Árnason:
Kemur mér
á óvart
MÁLSKOT „Ég er svolítið undrandi.
Þetta kemur mér á óvart,“ sagði
Hjálmar Árnason, þingflokksfor-
maður Framsóknarflokksins, sem
staddur í Þýskalandi, þegar fregnir
bárust af ákvörðun Ólafs Ragnars
Grímssonar, forseta Íslands. Hann
sagðist þurfa að hugsa þessa nýju
stöðu sem upp væri komin mjög
vandlega.
Hjálmar sagði þó að honum
þætti ekki sem grafið væri undan
Alþingi með ákvörðun forseta. „En
mér finnst þetta breyta svolítið
stöðu Alþingis og svo forsetans sem
sameiningartákns. Það eru þeir
hlutir sem ég velti fyrir mér.“ ■
KRISTINN H. GUNNARSSON
Ákvörðun forseta ber að virða.
Kristinn H. Gunnarsson:
Góð áhrif á
lýðræðið
MÁLSKOT „Ákvörðun Ólafs brýtur
blað í sögu lýðveldisins og styrkir
lýðræðið,“ segir Kristinn H. Gunn-
arsson, þingmaður Framsóknar-
flokksins, eini þingmaður stjórnar-
flokkanna sem greiddi atkvæði
gegn fjölmiðlafrumvarpinu.
Kristinn segir að ákvörðun for-
seta beri að virða og hefja þurfi
undirbúning á þjóðaratkvæða-
greiðslu við fyrsta tækifæri.
Hann telur að þetta komi til með
að hafa góð áhrif á þingið til
lengri tíma litið: „Það er þinginu
hollt að vita að mikilvægum mál-
um kunni að vera skotið til þjóðar-
innar og að það taki mið af því í
störfum sínum.“
Kristinn telur málið ekki koma
til með að hafa áhrif á stjórnar-
samstarfið. ■
„Nú fær
þjóðin tæki-
færi til þess
að kynna sér
þessi lög og
hvort hún vilji
að auðhringir
eigi fjölmiðla.
ANNRÍKI HJÁ RÁÐHERRA
Menntamálaráðherra fylgdist með lands-
leik á Laugardagsvelli sem hófst tæpum
klukkutíma eftir að forseti tilkynnti
ákvörðun sína um að staðfesta ekki fjöl-
miðlalögin.
HALLDÓR ÁSGRÍMSSON FORMAÐUR FRAMSÓKNARFLOKKSINS
Segist ekki skilja hvernig forseti Íslands geti haldið því fram að ákvörðun hans um að synja fjölmiðlalögunum staðfestingar sé ekki áfell-
isdómur á ríkisstjórnina og Alþingi.
MÁLSKOT „Þetta kom mér á óvart.
Einfaldlega vegna þess að mér
finnst þetta vera órökrétt viðbrögð.
Hin rökréttu viðbrögð eru þau sem
komu fram í yfirlýsingu forsetans,
þar sem hann vakti athygli á því að
það væri verkefni dómstóla að
skera úr um ágreiningsefni um lög-
mæti laga gagnvart stjórnarskrá.
Ég hefði talið með vísan til þess og
var röksemd forsetans þegar sett
voru lög í framhaldi af umdeildum
öryrkjadómi, að forsetinn brygðist
eins við í þessu máli.“
Einar segir ljóst að forsetinn hafi
ekki vísað til þessara atriða í rök-
semdum sínum. „Með því er verið
að opna á miklu víðtækari heimild
um notkun þessarar heimildar sem
menn greinir á um hvort forsetinn
hafi. Þetta setur af stað ferli sem
menn sjá ekki fyrir endann á.“
Einar segir erfitt að spá í fram-
haldið. „Það þarf að meta ástandið
og taka skynsamlega ákvörðun í
kjölfarið.“ Hann segir ekki tíma-
bært að kalla Alþingi saman. Ríkis-
stjórnin þurfi fyrst að fara yfir
málið. Einar reiknar með að fram-
haldið geti orðið erfitt.
„Ég geri ráð fyrir því að þetta
geti orðið harðskeyttar umræður,
þó að ég voni að svo verði ekki.
Þetta er mál af því taginu að þarna
eru á bak við gríðarlegir hagsmunir
og þeir sem telja sig hafa hagsmuna
að gæta og verja munu beita sér
eins og þeir hafa verið að gera.“ ■
EINAR K. GUÐFINNSSON
Telur ekki tímabært að kalla Alþingi strax
saman og býst við að umræður í fram-
haldinu geti orðið harðskeyttar.
Einar K. Guðfinnsson, þingflokksformaður Sjálfstæðisflokksins:
Viðbrögð forseta órökrétt
FR
ÉT
TA
B
LA
Ð
IÐ
/R
Ó
B
ER
T
R
EY
N
IS
SO
N
Skipstjórinn Konráð Eggertsson hefur haft hrefnuveiði-
byssu á bát sínum þrátt fyrir þrettán ára hvalveiðibann.
Guðni Ágústsson:
Mikil
vonbrigði
MÁLSKOT „Niðurstaða forseta kem-
ur mér á óvart. Þetta eru mér von-
brigði og ég hef áhyggjur af störf-
um Alþingis til framtíðar,“ segir
Guðni Ágústsson landbúnaðarráð-
herra. Hann segist ekki ætla að
leiða að því getum hvað hafi ráðið
ákvörðun forseta: „Hann verður
sjálfur að gera grein fyrir því.“
Guðni telur stjórnarsamstarfið
ekki vera í hættu vegna málsins. ■