Fréttablaðið - 03.06.2004, Blaðsíða 40

28 3. júní 2004 FIMMTUDAGUR
Þetta er þriðja árið í röð sem viðhöldum Menningarhátíð Grand
Rokk,“ segir Jón Proppé en sú hátíð
hefst í dag klukkan 18 og stendur
eitthvað fram á aðfaranótt mánu-
dags. „Það er búið að taka þessi þrjú
ár síðan hugmyndin kviknaði að
koma henni í fastar skorður en þetta
er að spyrjast úr. Við höldum áfram
með það sem heppnaðist vel á síð-
asta ári.“
Eftir að hátíðin hefur verið sett
mun Karlakór Grand Rokk taka lagið.
Jón segir þetta vera eina nýlunduna á
menningarhátíðinni sem hann vonast
til að verði meira úr í framtíðinni.
„Þetta eru 15 til 20 menn sem hafa
verið við æfingar í síðustu viku. Bæði
eru þetta ýmsir fastagestir Grand
Rokk og aðrir áhugamenn sem koma
að kórnum, enda margir söngfærir
menn sem kíkja oft þarna inn.“
Fleira nýtt verður í boði á þessari
hátíð og má nefna glæpasmásagna-
keppni sem Grand Rokk stendur fyr-
ir í samstarfi við Hið íslenska glæpa-
félag. Í kvöld klukkan 21 verða kynnt
úrslit í þeirri keppni. „Það voru yfir
40 sögur sem komu inn í keppnina,
þar á meðal sögur eftir helstu glæpa-
sagnahöfunda landsins.“
Annað á hátíðinni er komið í fast-
ari skorður og hefur öðlast sinn sess,
eins og stuttmyndakeppni en mynd-
irnar sem keppa þar til verðlauna eru
framleiddar sérstaklega fyrir keppn-
ina og eru veitt peningaverðlaun fyr-
ir. Einnig er heilmikið um tónlist og
myndlist eins og áður hefur verið. Þá
verður einnig keppt í kotrufjöltefli á
sunnudag þar sem fólki gefst tæki-
færi til að tefla við sjálfan Íslands-
meistarann í kotru. „Það verða uppá-
komur alla helgina og lýkur þeim
ekki fyrr en eftir miðnætti á sunnu-
dag. Ef veður verður gott er óhætt að
lofa góðri stemningu á Grand Rokk,“
segir Jón að lokum.
Frekari upplýsingar um hátíðina
má finna á grandrokk.is ■
Menningarhátíð sett í kvöld
KOTRUKEPPNI Á GRAND ROKK
Kotrufjölkeppni er eitt af því sem í boði verður á Menningarhátíð Grand Rokk sem stend-
ur yfir þessa helgi.
■ MENNING
■ NÝTT GALLERÍ
■ MYNDLIST
FJÖLDAKONSERT
Kínversk börn spila samtímis á 160 píanó
í borginni Hangzhou, í austurhluta Kína.
Tilefnið er að kynna sjöundu kínversku
listahátíðina sem hefst eftir 99 daga.
AÐ MÍNU SKAPI
AGNAR JÓN EGILSSON LEIKARI OG HANDRITSHÖFUNDUR
Leið eins og Gúmmí Tarzan
TÓNLIST „Diskurinn minn í augnablik-
inu er tónlist úr mynd sem ég veit ekk-
ert um og hef ekki séð. Diskurinn heit-
ir Time of the Gypsis og inniheldur
fallega sígaunatónlist.“
BÓK „Var að lesa bók sem ég les alltaf
einu sinni á ári. Hún heitir Davíð og er
eftir konu sem heitir Anne Holm, að ég
held. Mér skilst að hún sé hollenskur
barnabókahöfundur og þetta er um
það bil 25 ára bók sem var verðlaunuð
á sínum tíma. Hún fjallar um dreng
sem er í fangabúðum og gengur yfir
Alpafjöllin að vetri til í leit að móður
sinni. Þessi bók er svona mín biblía,
hugljúf, falleg og átakanleg saga sem
virkar á mig eins og bæn.“
BÍÓMYND Sú mynd sem ég horfi oftast
á aftur, en ég er mjög lítið fyrir að
horfa á myndir tvisvar, er Seven. Þegar
ég sá hana fyrst þá fannst mér ég ekki
þurfa að horfa á aðra mynd en svo var
ég líka að horfa á Once Upon a Time in
America og hún er algjört meistara-
verk. Það má engin deyja án þess að
sjá hana.“
BORG Það er hafnarborg í Tyrklandi
sem heitir Fethiyé. Ég hélt upp á af-
mælið mitt þarna fyrir tveimur árum
síðan og finnst borgin vera sambland
af mónakóskum glæsileika, költstemn-
ingu frá Amsterdam og svona arabísk-
um ævintýrablæ í anda Þúsundar og
einnar nætur. Algjörlega frábær borg.
BÚÐ „Finnst rosalega leiðinlegt að ver-
sla föt og í rauninni allt nema kaffivör-
ur. Ég verslaði þær síðast hjá mann-
eskju sem bankaði upp á og var að
selja kaffi fyrir gott málefni.“
FARARTÆKI „Það eru bara öll reiðhjól-
in sem ég hef átt í gegnum tíðina. Þeim
hefur öllum verið stolið og ég hef alltaf
séð rosalega eftir þeim öllum þar til ég
kaupi mér nýtt. Ég man sérstaklega eft-
ir einu hjóli sem ég keypti í þremur
hlutum og tjasslaði saman. Það var
ofsalega ljótt en mér þótti vænt um
það og enginn vildi stela því. Mér leið
alltaf eins og ég væri Gúmmí Tarzan
þegar ég var á þessu hjóli.“
VERKEFNI „Er að koma Reykjavíkur-
nætum á koppinn en það er sjónvarps-
þáttasería sem ég er að skrifa og leik-
stýra fyrir Stöð 2. Ég vona að allt gangi
stórslysalaust fyrir sig í tökunum og við
skemmtum okkur öll vel. Svo langar
mig kannski að kaupa mér íbúð áður
en ég verð fertugur.
 

INGIBJÖRG OG HULDA Í 101 GALLERÍ
Hulda Hákon opnar sýningu í nýju galleríi Ingibjargar við Hverfisgötuna.
Mér finnst mjög gaman að fáað sýna í þessu nýja galleríi,“
segir Hulda Hákon myndlistar-
kona, sem í dag opnar sýningu í
101 gallerí, nýju galleríi við
Hverfisgötu 18a. „Þetta er torfan
mín í miðbænum og hefur alltaf
verið. Ég er búin að eiga heima
hérna frá því ég komst á legg ligg-
ur við, og fjölskylda mín hefur
búið meira og minna í þessu húsi
frá 1930.“
Sýning Huldu verður sú fyrsta
í galleríinu, og verður sýningin og
galleríið formlega opnað klukkan
fimm í dag.
„Ég ákvað að vinna alfarið út
frá nánasta umhverfi mínu fyrir
þessa sýningu, þannig að verkin
fjalla meira og minna um bara
þennan blett milli Hverfisgötu og
Laugavegs, Ingólfsstrætis og
Traðarkotssunds.“
Hulda hefur búið til lágmyndir
af húsunum, fuglunum og fólkinu
á þessu svæði.
„Fólkið á myndunum er allt
nafngreint. Ýmist eru það vinir
mínir og kunningjar eða einhverj-
ir sem ég þekki ekki persónulega
en eru samt þekkt fólk í bænum.
Allt saman fólk sem hefur verið
að þvælast á þessari torfu.“
„Við Hulda höfum verið ná-
grannakonur í mörg ár,“ segir
Ingibjörg Pálmadóttir, eigandi
gallerísins, sem ákvað að láta
þessa nágrannakonu sína ríða á
vaðið og vera með fyrstu sýning-
una í Gallerí 101.
Ingibjörg segist hafa langað til
þess í nokkur ár að koma upp gall-
eríi, en ekki látið verða af því fyrr
en nú.
„Ég hef verið pæla svolítið í
þessu, kannski út af því að mér
finnst vanta fleiri gallerí hérna.
Þau þyrftu að vera svona þrjú eða
fjögur í viðbót í þessari galler-
íflóru okkar. Svo hef ég bara
áhuga á myndlist.“
Ingibjörg stefnir að því að vera
með fjórar eða fimm stærri sýn-
ingar á ári, og nú þegar er búið að
skipuleggja næstu sýningar. Í
haust verður það Steingrímur Ey-
fjörð sem sýnir verk sín.
„Svo verða inni á milli kannski
styttri sýningar.“ ■
Á litlum bletti í miðbænum
McCarthy og Rhoads staddir hér á landi
Hinir heimsfrægu myndlistar-menn Paul McCarthy og Jason
Rhoads eru mættir hingað til lands
til að fylgjast með vinnslu á lista-
verkum sem þeir koma til með að
sýna hér á landi í lok júní. „Þeir eru
að taka þátt í Fantasy Iceland sem
er haldið á vegum Hallormsstaða-
skógar í samvinnu við Skriðuklaust-
ur,“ segir myndlistarkonan Hekla
Dögg Jónsdóttir. „Ég hef haft um-
sjón með framkvæmd listaverks
þeirra hér á landi en tíu sjálfboða-
liðar, íslenskir listamenn og lista-
nemar, hafa af örlæti sínu unnið
hörðum höndum til að verkið verði
að veruleika. Stórar framkvæmdir
eru jafnframt hafnar á vegum
Fantasy Iceland fyrir austan og
opnun á verkum þeirra verður á
Eiðum þann 19. júní.“
Hekla segir að kapparnir komi
einnig til með að sýna verk sín í
Reykjavík. „Ég er einn af eigendum
Klink og Bank gallerís og þeir ætla
að gera sér lítið fyrir og sýna hluta
af verkum sínum þar í leiðinni,“
segir Hekla en hún vann sem að-
stoðarmaður Jasons Rhoads frá ár-
inu 1999 eftir að hafa kynnst honum
er hún var í myndlistarnámi í Los
Angeles.
Verk Jason og Paul sem sýnt
verður í Reykjavík heitir Sheep
plug. „Við höfum unnið verkið í
Klink og Bank vinnustofunni og við
erum að framleiða þrjú tonn af sápu
með því að bræða tólg og hér angar
því allt af tólglykt,“ segir Hekla en
vill ekki láta meira uppi um lista-
verk myndlistarmannanna. Jason
og Paul kveðja Ísland í bili um helg-
ina en koma svo aftur hingað til að
vera viðstaddir opnanir listasýning-
anna í lok júní. ■
HEIMSFRÆGIR LISTAMENN
Þeir Paul McCarthy og Jason Rhoads eru hér á landi í stuttu stoppi á vegum Fantasy
Iceland til að vinna að listaverkum sem sýnd verða á Eiðum í lok júní.