Fréttablaðið - 24.09.2004, Qupperneq 21

21FÖSTUDAGUR 24. september 2004
BARNAEFNI Sjónvarpið hefur tryggt
sér sýningarrétt á þáttunum um
Latabæ (eða Lazytown). Gengið
var frá samningum um miðja
vikuna í höfuðstöðvum Latabæjar
í Garðabæ, þar sem þættirnir eru
teknir upp.
Hluti þáttanna hefur verið
sýndur í Bandaríkjunum og hafa
vakið mikla athygli og að sögn náð
til milljóna áhorfenda. Þættirnir
eru sagðir vinsælasta barnaefni
sem þar er í boði fyrir aldurshóp-
inn frá tveggja til ellefu ára.
„Þættirnir eru eitt stærsta verk-
efni sem Íslendingar hafa ráðist í á
þessu sviði.
Ráðgert er að hefja sýningar á
þáttunum á Íslandi upp úr áramót-
um. Þættirnir, sem voru teknir upp
á ensku, verða talsettir á íslensku
fyrir sýningu í Sjónvarpinu,“ segir
í tilkynningu Sjónvarpsins.
Undir samninginn rituðu Bjarni
Guðmundsson, framkvæmdastjóri
Sjónvarpsins og Magnús Scheving,
sjálfur íþróttaálfurinn. Viðstaddur
var bæjarstjórinn í Latabæ og
fleiri góðir gestir. ■
Amnesty:
Vilja láta
sleppa fanga
AÞENA, AP Mannréttindasamtökin
Amnesty International hafa hvatt
grísk stjórnvöld til að sleppa
flotaforingja úr fangelsi. Hann
var dæmdur til rúmlega þriggja
ára fangelsisvistar fyrir að neita
að gegna herþjónustu í Persaflóa
meðan á innrásinni í Írak stóð.
Hann sagði samvisku sína ekki
leyfa slíkt.
Amnesty álítur flotaforingjann
samviskufanga og hvetur því til
þess að honum verði sleppt úr
haldi. ■
JOHN KERRY
Demókratinn sækir að Bush samkvæmt
nokkrum nýjum könnunum.
Forsetakosningar:
Bush heldur
forystunni
BANDARÍKIN, AP George W. Bush
Bandaríkjaforseti hefur naumt
forskot á helsta keppinaut sinn,
John Kerry, samkvæmt nýrri
skoðanakönnun sjónvarpsstöðvar-
innar CBS og dagblaðsins Wall
Street Journal. Samkvæmt könn-
uninni kysu 48 prósent Bush, 45
prósent Kerry og tvö prósent
óháða frambjóðandann Ralph
Nader.
Skekkjumörk könnunarinnar
eru þrjú prósent og því er forskot
Bush innan skekkjumarka. Fimm
prósent þátttakenda höfðu ekki
gert upp hug sinn. ■
SJÓNVARPIÐ OG LATIBÆR
Þegar samningurinn við Sjónvarpið var
undirritaður. Á myndinni eru Haukur
Gíslason, íþróttaálfurinn Magnús
Scheving, bæjarstjórinn í Latabæ, Bjarni
Guðmundsson og Rúnar Gunnarsson.
M
YN
D
A
RN
AL
D
U
R@
PI
X.
IS
Latibær í Sjónvarpið:
Á sjónvarpsskjáinn upp úr áramótum
Lokið við breytingar
í Spönginni:
Bónus opnar
VERSLUN Verslun Bónuss í Spöng-
inni verður opnuð á ný í dag
eftir miklar breytingar.
Verslunin hafði verið lokuð
um tíma þar sem verið var
stækka hana. Gamla verslunin
var um 680 fermetrar og með 5
afgreiðslukassa en eftir breyt-
ingarnar verður hún um 1.400
fermetrar og með 9 afgreiðslu-
kassa.
Guðmundur Marteinsson,
framkvæmdastjóri Bónuss, seg-
ir að framkvæmdir hafi gengið
betur en áætlanir gerðu ráð
fyrir. Með auknu rými verði í
fyrsta skipti hægt að bjóða upp á
sérvöru í Spönginni. ■
Ástralía:
Tóbak má
ekki sjást
HEILBRIGÐISMÁL Ástralar ætla að
feta í fótspor Íslendinga með lög-
gjöf sem bannar að tóbak sé sjá-
anlegt á sölustöðum, að því er
fram kemur á vef Lýðheilsustöðv-
ar. Lög þessa efnis tóku gildi hér á
landi 1. ágúst árið 2001.
Á vefnum kemur fram að í
Ástralíu hafi einhverjir mótmælt
lögunum, m.a. tóbaksframleiðend-
ur. Bent er á að sífellt fleiri lönd
taki upp sambærilega stefnu og
fjölmörg hafi þegar bannað tó-
baksauglýsingar. „Við gleðjumst
yfir því að tekið er eftir því sem
vel er gert í tóbaksvörnum á Ís-
landi og að við getum verið for-
dæmi fyrir aðrar þjóðir,“ segir
þar. ■