Fréttablaðið - 24.09.2004, Blaðsíða 55

FÖSTUDAGUR 24. september 2004 39
Robert Rodrigues sýndi brot úr
Sin City-myndinni sinni á
Comic-Con ráðstefnunni á dög-
unum og þeir sem fengu að sjá
héldu vart vatni af hrifningu.
Rodrigues virðist nefnilega,
með hjálp tölvutækninnar, hafa
tekist að flytja svarthvítar og
myrkar teikningarnar úr bókum
Millers beint yfir á filmu.
Samtölin eru líka jafn harðsoðin
og texti Millers og film noir-
andrúmsloftið jafn þrúgandi.
„Í stað þess að gera bók að
bíómynd ákvað ég að gera bíó-
mynd að bók“, segir Rodriguez í
samtali við Empire. „Ég ætlaði
mér að gera Sin City nákvæm-
lega eins og Frank Miller sér
hana.“
Rodriguez teflir fram frá-
bærum leikurum sem flestir
ættu að smellpassa í hlutverk
sín. Það er í það minnsta ekki
erfitt að sjá Mickey Rourke
fyrir sér sem brjálaða hálf-
tröllið Marv og sjálfur segist
Rodriguez ekki hafa getað hugs-
að sér neinn annan en Bruce
Willis til að leika heiðarlegu
lögguna Hartigan sem bjargar
ungri stúlku úr klóm viður-
styggilegs barnaníðings. Stúlk-
an vex síðan úr grasi og verður
eftirsóttasta súlustelpan í lasta-
bælinu og þá kemur það í hlut
Jessicu Alba að túlka hana. ■ JESSICA ALBA Þessi skutla, sem hingað til hefur gert garðinn frægastan sem erfða-
breytta ofurgellan Max í Dark Angel-sjónvarpsþáttunum, leikur Sue Storm í Fantastic Four
sem verður frumsýnd næsta sumar. Sagan segir að hún hafi haft mikið fyrir að troða sér í
þröngan búninginn en í þessum galla mun hún berjast ásamt félögum sínum gegn hin-
um illa Doctor Doom. Myndin er byggð á samnefndum teiknimyndasögum frá Marvel
sem notið hafa mikilla vinsælda í gegnum árin.
ANCHORMAN
Gagnrýnandi Fréttablaðsins skemmti sér
vel yfir bullinu í Will Ferrell.
Anchorman
Ef bíó á að leysa einhverjar lífsgátur þá er þessi
mynd auðvitað tímaeyðsla. Það er ekkert merkilegt
í henni. En ef fólk vill akkúrat sjá eitthvað þannig –
svona sæmilegan fíflaskap með kæruleysislegu
yfirbragði – er hægt að mæla með þessari. GS
Before Sunrise
Þó svo mynd um tvær heimspekilega sinnaðar
manneskjur að daðra í París í rauntíma hljómi
óneitanlega dálítið tilgerðarlegt, þá tekst leikstjór-
anum að búa til ótrúlega góða mynd fyrir þá sem
hafa áhuga á manneskjum í allri sinni dýpt, til-
raunakenndri kvikmyndalist og afspyrnugóðum
leik. Snilld. GS
The Terminal
„Spielberg kann auðvitað öðrum fremur að spila á
tilfinningar áhorfenda og því er nánast óhjákvæmi-
legt annað en að gleðjast og þjást með Viktori.
Það eykur svo enn á samkenndina með persón-
unni að Tom Hanks, sem á það til að vera hund-
leiðinlegur, er í toppformi og gerir aðalpersónunni
prýðileg skil.“ ÞÞ
Dís
„Myndin er í raun runa af misfyndnum og
skemmtilegum atriðum sem mynda frekar veika
heild. Dís skilur því ekki mikið eftir sig en er hins
vegar fyrirtaks skemmtun og þar sem Íslendingum
er ekkert sérstaklega lagið að gera skemmtilegt
bíó er ekki hægt að segja annað en að Dís sé
himnasending. Skemmtilegar persónur og
skondnar uppákomur eru aðall myndarinnar sem
fær fólk oft til þess að skella upp úr.“ ÞÞ
Ken Park
„Larry Clark er á svipuðum nótum í Ken Park en
gengur þó enn lengra í bersöglinni og hikar ekki
við að flagga getnaðarlimum og sýna sáðlát í nær-
mynd. Þetta er sem sagt mynd sem ætlað er að
stuða.“ ÞÞ
The Bourne Supremacy
„Hraðinn er slíkur í atburðarás, klippingu og öðru
að varla er hægt að mæla með því að fara á
myndina nema maður sé tiltölulega skýr í kollin-
um. Sem sagt ekki of þunnur eða með nef-
rennsli á háu stigi. Annars er hætt við að þráður-
inn tapist. Reyndar má þó segja um þessa mynd
að þó svo að þráðurinn tapist á stöku stað má
samt hafa gaman að henni. Hún er nefnilega vel
gerð, vel leikin og í alla staði hin ánægjulegasta
afþreying.“ GS
Hellboy
„Það vantar ekki hasarinn og flottar tæknibrellurnar
og þeir sem þekkja Hellboy úr myndasögublöðun-
um virðast almennt sammála um að þessi lögun
að kvikmyndaforminu sé býsna vel heppnuð. Þar
munar sjálfsagt mest um að myndin gefur húmorn-
um mikið pláss og leyfir kostulegri persónu vítis-
engilsins góða að njóta sín en hann þarf til að
mynda að glíma við ástina á milli þess sem hann
bjargar heiminum. Þetta þýðir auðvitað að myndin
missir dampinn inn á milli og þá er hætt við að
þeim sem ekki þekkja kauða láti sér leiðast og
finnist myndin vera ómarkviss og langdregin.“ ÞÞ
The Village
„Þorpið er ekkert sérlega æsandi fyrir aðdáendur
þess konar mynda, en það sem Shyamalan gerir
betur í þessari mynd en í Sjötta skilningavitinu og
Unbreakable að minnsta kosti er að koma í gegn
ógnvænlegri sýn á eðli samfélaga í anda Thomas
Hobbes; það er óttinn sem heldur samfélaginu
saman, hversu einfalt sem það er.“ SS
Myndasaga beint á filmu
SIN CITY Film noir-stemningin er allsráð-
andi í Sin City-teiknimyndasögum Franks
Miller og Robert Rodrigues ætlar að halda
því til haga í kvikmyndaútgáfu sinni.
[ SMS ]
UM MYNDIRNAR Í BÍÓ