Fréttablaðið - 20.11.2004, Qupperneq 24

24 20. nóvember 2004 LAUGARDAGUR
Þ að er þriðjudagskvöld, komiðvel fram yfir miðnætti ogkráin á efri hæð veitingahúss-
ins A. Hansen í Hafnarfirði er þétt-
setin.
Í svörtum sófa gegnt inngangin-
um situr Karl Ingi Þorleifsson
ásamt félaga sínum og drekkur
bjór. Á neðri hæðinni og í tröppun-
um veita gestir aðkomumanni at-
hygli fyrir þær sakir að hann ber
vopn. Maðurinn strunsar rakleiðis
upp tröppurnar.
Karl Ingi sér mann, sem hann
þekkir ekki af góðu, koma inn um
dyrnar en veitir honum ekki frekari
athygli. Skömmu síðar er hann sleg-
inn með einhverju þungu í andlitið.
Honum bregður svo við að hann nær
ekki að bera hendurnar fyrir sig og
er sleginn aftur. Og tvisvar enn.
Karl Ingi finnur að hann er sleg-
inn með málmverkfæri, veit bara
ekki hvernig verkfæri. Félaga hans
og sessunaut er líka brugðið þegar
hann sér „hárbeitta eggina koma
niður“ og „það er blóð út um allt“.
Hann reynir að koma Karli til hjálp-
ar en fær í staðinn högg á eyrað.
Árásarmaðurinn hverfur á braut
jafn skjótt og hann kom. Karl liggur
í gólfinu alblóðugur í andliti. Kráar-
gestur hringir í Neyðarlínuna og
biður um sjúkrabíl. „Þetta var
Börkur,“ segja þeir sem til sáu. Karl
Ingi er fluttur á sjúkrahús, með
skurð á enni og brotin bein í andliti.
Sama kvöld er Börkur Birgisson,
hálfþrítugur Hafnfirðingur og
þekktur vandræðagemsi, handtek-
inn heima hjá sér fyrir manndráps-
tilraun og hefur hann setið í gæslu-
varðhaldi á Litla-Hrauni síðan.
Óvenjulega hvatvís
Á þessa leið var atburðarásin á A.
Hansen aðfaranótt 31. ágúst síðast-
liðinn samkvæmt framburði vitna.
Við húsleit heima hjá Berki lagði
lögreglan hald á öxi sem grunur
leikur á að Börkur hefði notað til
barsmíðanna.
Þessa dagana er málið tekið fyrir
í Héraðsdómi Reykjaness. Börkur
segist saklaus og ber við sjálfsvörn
og er frásögn hans á annan veg en
annarra. Hann kveðst hafa mætt
óvopnaður á A. Hansen þetta kvöld.
Þegar hann gekk inn um dyrnar sá
hann Karl Inga vopnaðan öxi,
standa upp og veitast að sér. Skelf-
ingu lostinn tókst honum að snúa
öxina úr hendi Karls Inga og kasta
henni frá sér. Fyrir slysni lenti
hún í andliti Karls og Börk-
ur flúði heim axarl-
aus.
Tækni-
d e i l d
l ö g -
r e g l -
u n n a r
fann ekk-
ert lífsýni
á öxinni sem
fannst á heimili
Barkar en útilokar
ekki að hægt hafi verið að afmá öll
verksummerki.
Samkvæmt geðrannsókn frá því
í október er Börkur ekki haldinn
geðveiki eða alvarlegum geðrofum
og hugsun hans er óbrengluð. Hann
hefur hins vegar tilhneigingu til að
fegra sinn hlut og varpa ábyrgð á
aðra og er „óvenjulega hvatvís“.
Honum finnst handtaka sín og
ákæra ómakleg; telur sig ekki hafa
gert neitt rangt.
Ryskingar við lögreglu
Í fyrra var Börkur dæmdur í
skilorðsbundið fangelsi fyrir að
kasta grjóti í andlit manns og fyrir
varðveislu á fíkniefnum. Auk axar-
árásarinnar er Berki gefið að sök að
hafa gengið í skrokk á átta manns á
síðastliðnu ári og að auki að hafa
ólöglegt skotvopn í fórum sínum.
Vettvangur barsmíðanna var í flest-
um tilfellum A. Hansen, þar sem
Börkur hefur endurtekið verið
til vandræða, þrátt fyrir
að hafa verið sett-
ur í bann á
staðn-
um.
S a m -
kvæmt málsskjöl-
um var Börkur á salerni
staðarins í október 2003 þar
sem iðnaðarmaður hitti hann og
bauð honum vinnu við hellulagning-
ar. Berki mun hafa misboðið að vera
ekki boðin veglegri nafntylla en að-
stoðarmaður og kýldi manninn
nokkrum sinnum í andlitið.
11. janúar er lögreglan kvödd að
heimili Barkar og sambýliskonu
hans. Þau höfðu nýlega skilið að
skiptum en Börkur og félagi hans
meina henni og föður hennar inn-
göngu. Þau hugðust taka föggur
hennar. Lögreglan aðstoðar feðginin
en allt keyrir um þverbak þegar
faðir hennar ætlar að taka sjónvarp
sem Börkur telur að hann eigi.
Kemur til ryskinga milli hans og
lögreglu sem lýkur þannig að Börk-
ur er settur í járn og táragasi úðað í
andlit félaga hans. Faðir sambýlis-
konunnar liggur eftir rifbeinsbrot-
inn. Einn lögreglumannanna á vett-
vangi man til þess að hafa séð Börk
taka tengdaföður sinn fyrrverandi
hálstaki og kýla hann. Börkur segir
það ósatt. Annar lögregluþjónn man
ekki sérstaklega eftir þessu atviki.
Við húsleit finnur lögregla hagla-
byssu og við athugun kemur í ljós
að Börkur hefur ekki leyfi fyrir
henni.
Síðan þetta gerðist hafa Börkur
og stúlkan tekið saman á ný og hef-
ur hún mætt samviskusamlega í
réttarsal og verið honum til stuðn-
ings.
Málsmeðferð tefst
Tveimur kvöldum síðar lendir
Börkur enn og aftur í útistöðum á
A. Hansen. Stúlka ber að hann hafi
veist að henni með munnsöfn-
uði og hrækt á hana. Þá hafi
kærasti hennar komið
aftan að Berki og lagt
höndina „létt“ á
öxl hans.
V i ð
þ a ð
sveiflar
Börkur bjór-
flösku og brotnar
hún á andlit mannsins.
Börkur kýlir manninn í kjölfarið
og ræðst svo á tvo félaga hans og
kýlir að auki stúlku sem var með
þeim.
Annað vitni að þessum atburði
segir Börk ekki hafa verið tekinn
neinum vettlingatökum; honum
hafi verið haldið aftan frá og hann
hrist sig til að losna.
Formlegar kærur á hendur
Berki eru ekki fleiri
fyrr en axarmál-
ið kemur upp en
honum og Karli
Inga átti eftir
að lenda
saman,
að minnsta
kosti, einu sinni
fyrir þann atburð. Þeir
hafa lengi eldað grátt silfur
og telur Karl Ingi það vera
vegna þess að hann er vinur
barnsföður sambýliskonu
Barkar.
Karl segir að um það bil ári
fyrir axarmálið hafi þeir rifist
harkalega á A. Hansen og ver-
ið vísað út. Í það skipti áttu
þeir þó aðeins orðaskipti en
12. mars bar til tíðinda, enn og
aftur á A. Hansen. Telur Karl að
til þess kvölds megi rekja orsök ax-
arárásarinnar. Þeir saka hvor ann-
an um að hafa gengið í skrokk hvor
á öðrum að tilefnislausu. Karl Ingi
segir Börk hafa barið sig „í klessu“
inni á salerni staðarins en Börkur
segir að Karl Ingi hafi kýlt sig í
andlitið með þeim afleiðingum að
tönn brotnaði. Stúlka sem sat með
Berki til borðs staðfesti frásögn
hans.
Tafir á málsmeðferð
Aðalmálsmeðferðin gegn Berki
fyrir Héraðsdómi hefur ekki geng-
ið þrautarlaust fyrir sig og dregist
mjög á langinn. Gæsluvarðhald
yfir honum rennur út 26. nóvem-
ber, en þegar það var ákveðið á sín-
um tíma var talið að málsmeðferð
yrði þá lokið. Tvísýnt er um máls-
lok. Fyrir það fyrsta hefur gengið
illa að fá vitni til að mæta, til dæm-
is mættu Karl Ingi og sessunautur
hans ekki til að bera vitni á boðuð-
um tíma og ekki náðist í þá þrátt
fyrir ítrekaðar tilraunir og fyrir-
spurnir. Karl Ingi átti reyndar ann-
að erindi fyrir dóminn þennan dag
því það átti að birta honum sjálfum
ákæru fyrir líkamsárás frá því í
febrúar á síðasta ári.
Þá hefur gengið illa að fá önnur
vitni til að mæta. Mánudaginn 15.
nóvember voru sjö vitni fjarver-
andi, þar af fimm af ókunnum or-
sökum. Hlé var gert á þinghaldinu
þess vegna.
Þriðjudaginn 16. nóvember
komu Karl Ingi og sessunautur
hans fyrir dóminn og báru vitni.
Sagðist Karl hafa sofið yfir sig
deginum áður þar sem hann var
nýkominn af sjó.
Athugun leiddi svo í ljós að
þrjú vitnanna mættu ekki af
ótta við Börk og fóru fram á
nafnleynd. Þau voru öll vitni
að axarárásinni. Hin vitnin
fjögur hafa samþykkt að
koma fram undir nafni.
Miðvikudaginn 17.
nóvember ákvað dóm-
urinn að verða við
kröfu vitnanna um
nafnleynd þrátt fyr-
ir mótmæli verj-
anda Barkar.
Hann hefur
nú kært úr-
skurðinn til
Hæstaréttar og hef-
ur þinghaldi því verið
frestað um óákveðinn tíma
þangað til Hæstiréttur fellir dóm.
Á meðan bíður Börkur Birgisson á
Litla-Hrauni þar sem hann stundar
fjarnám á framhaldsskólastigi. Og
gengur víst vel.
bergsteinn@frettabladid.is
Ógnarlangur ofbeldisferill
Hlé hefur verið gert í óákveðinn tíma í málsmeðferð Barkar Birgissonar sem
er kærður fyrir að ráðast á annan mann með öxi. Hann er ákærður fyrir að
hafa ráðist á alls átta manns, þar á meðal tengdaföður sinn.
KARL INGI ÞORLEIFSSON
Hann og Börkur hafa lengi eldað saman grátt silfur.
BÖRKUR BIRGISSON
Segir Karl Inga hafa ráðist á sig með öxi. Hann hafi afvopnað hann,
kastað öxinni frá sér og flúið.
DÓMAR OG ÁKÆRUR Á HEND-
UR BERKI BIRGISSYNI:
September 2003: Er dæmdur í þriggja
ára skilorðsbundið fangelsi fyrir að kasta
grjóti í andlit manns og fyrir varðveislu á
fíkniefnum.
30. október 2003: Kýlir mann margsinnis
í andlitið á salerni A. Hansen.
11. janúar 2004: Kýlir mann í kviðinn
svo hann rifbeinsbrotnar og hefur í fórum
sínum haglabyssu í leyfisleysi.
13. janúar 2004: Slær mann í andlitið
með bjórflösku svo hún brotnar. Slær auk
þess tvo aðra menn og eina konu í and-
litið.
31. ágúst 2004: Ræðst á Karl Inga Þor-
leifsson með öxi auk þess sem annar
maður fær högg á sig.
VEITINGASTAÐURINN A. HANSEN
Berki hefur verið meinað að koma inn á staðinn.