Fréttablaðið - 20.11.2004, Page 30

Bloomberg um útrás
Útrás Íslendinga vekur sífellt meiri athygli
erlendis. Á fjármálavef Bloomberg er
grein um útrásina. Þar eru Íslandsbanki
og KB banki nefndir til sögunnar sem og
flugfélögin. Þar eru þeir Hannes
Smárason og Magnús Þorsteinsson
sagðir fylgja í fótspor Jóns Ásgeirs
Jóhannessonar í alþjóðlegum fjár-
festingum. Blaðamaður Bloom-
berg segir íslensku flugfélögin
ætla að nýta sér staðsetningu Ís-
lands til flutninga milli Evrópu
og Ameríku.
Magasin hafnað
Berlingske Tidende hefur eftir
Jóni Ásgeiri að Baugur hafi skoð-
að kaup á Magasin du Nord um
það leyti sem Debenhamsversl-
un var opnuð í Fields fyrir ári. Þá
hafi áhuginn ekki verið fyrir
hendi. Jón Ásgeir segir efnahagsástand hafa
batnað síðan. Blaðið segir íslensku fjárfest-
ana ekki hafa staðist verðið sem sett var á
Magasin du Nord og stefna að því að
snúa við rekstrinum.
Skortur á golfvöllum
Fjárfestingar eru áhættusamar og
ekki á vísan að róa með ávinn-
inginn. Íslenska útrásin mun
skila talsverðum ávinningi fyrir
þjóðarbúið ef hún heppnast vel.
Fjölmargir hluthafar útrásarfyrir-
tækjanna myndu njóta hagnaðar,
auk þess sem hann myndi skila
sér með óbeinni hætti inn í hag-
kerfið. Þeir bjartsýnustu telja að
höfuðvandamál skipulagsyfirvalda
á næstu árum verði að finna pláss
fyrir golfvelli fyrir alla þá sem geta
lifað af eignum sínum og stundað
íþróttina óáreittir.
MESTA HÆKKUN
ICEX-15 3.402*
KAUPHÖLL ÍSLANDS [ HLUTABRÉF ]
Fjöldi viðskipta: 132
Velta: 1.890 milljónir
-0,27%
MESTA LÆKKUN
MARKAÐSFRÉTTIR...
Stjórn Burðaráss ákvað í gær að
hækka hlutafé félagsins um kr. 260
milljónir króna, en áður hafði hlutafé
félagsins verið hækkað um 860 millj-
ónir og er hlutafé félagsins því 5,5
milljarðar.
Kauphöll Íslands hefur samþykkt
afskráningu hlutabréfa Kaldbaks. Kald-
bakur mun renna inn í Burðarás.
Viðræður standa yfir um samruna
HB Granda hf., Tanga hf. og Svans
RE-45 ehf. og er gert ráð fyrir að leggja
tillögu þar að lútandi fyrir stjórnarfundi
í félögunum 23. nóvember.
Seðlabankastjóri Bandaríkjanna,
Alan Greenspan, segir viðvarandi við-
skiptahalla geta skaðað bandarískt við-
skiptalíf. Dollarinn hefur veikst gagnvart
helstu gjaldmiðlum vegna viðskipta-
hallans.
30 20. nóvember 2004 LAUGARDAGUR
Sterkt gengi íslensku krón-
unnar veldur óstöðugleika í
rekstri íslenskra útflutnings-
fyrirtækja. Forstjóri Marels
bendir á að Marel, Actavis
og Össur skili hvert um sig
jafnmiklum virðisauka í
hagkerfið eins og álver.
Taka þurfi tillit til þessa í
efnahagsstefnunni.
Rekstrarskilyrði íslenskra þekk-
ingarfyrirtækja í útflutningi eru
um margt óheppileg um þessar
mundir sökum sterkrar stöðu
krónunnar. Gengisvísitala krón-
unnar er nú með lægsta móti á
síðustu árum og við þetta bætist
að gengi Bandaríkjadals er veik-
ara nú en um langt árabil og hef-
ur reyndar ekki verið lægra síð-
an um vorið 1995.
Þetta þýðir að útflutningsfyrir-
tæki fá færri krónur fyrir vörur
sínar sem þau selja erlendis.
Ekki er útlit fyrir að krónan
veikist á næstunni meðal annars
sökum mikilla stóriðjufram-
kvæmda sem nú standa yfir.
Að mati Harðar Arnarsonar,
forstjóra Marels, verður efna-
hagsstefna stjórnvalda einnig að
taka tillit til íslensku útflutnings-
fyrirtækjanna sem eru að skila
miklum arði í þjóðarbúið. „Þessi
þekkingarfyrirtæki eru til dæm-
is Marel, Actavis og Össur.
Hvert og eitt þessara fyrirtækja
er að skila virðisauka sem jafn-
gildir einu álveri,“ segir Hörður.
„Fjárfestingin sem nú er að eiga
sér stað í stóriðju heldur gengi
krónunnar uppi,“ segir hann.
Marel fær um 98 prósent
tekna sinna frá útlöndum en
nokkuð stór hluti útgjalda er í ís-
lenskum krónum. Hörður segir
að rekstrarskilyrði á Íslandi séu
um margt góð, meðal annars sök-
um skattaumhverfisins, en
óvissa og óstöðugleiki í ytri að-
stæðum vegna breytinga á gengi
krónunnar vegi upp á móti þess-
um kostum.
Hörður segir að síaukinn hluti
alþjóðlegra viðskipta eigi sér
stað í evru og Bandaríkjadal.
Hann telur að það kæmi sér vel
fyrir íslenskt efnahagslíf ef hætt
yrði að notast við íslensku krón-
una. Hann segir að þar sé evran
eini kosturinn sem komi til
greina en í veginum séu pólitísk-
ar hindranir. „Ég tek ekki póli-
tíska afstöðu til þess hvort við
eigum að ganga í Evrópusam-
bandið en það er algjörlega aug-
ljóst að við eigum samleið með
Evrópu,“ segir Hörður.
thkjart@frettabladid.is
vidskipti@frettabladid.is
Peningaskápurinn…
Actavis 40,30 +0,25% ... Bakkavör
23,40 -0,43% ... Burðarás 11,95 +0,42% ... Atorka 5,45 - ... HB Grandi
8,00 - ... Íslandsbanki 11,55 -0,86% ... KB banki 450,00 -0,22% ...
Landsbankinn 11,60 -1,69% ... Marel 55,00 +1,48% ... Medcare 6,10 - ...
Og fjarskipti 3,30 -1,49% ... Opin kerfi 27,50 -0,36% ... Samherji 12,60 -
1,56% ... Straumur 9,15 - ... Össur 83,50 -
*TÖLUR FRÁ KL. 15.40 Í GÆR. NÝJUSTU UPPLÝSINGAR Á VISIR.IS
Marel 1.48%
Burðarás 0,42%
Actavis 0.25%
SÍF -1,80%
Landsbankinn -1,69%
Samherji -1,56%
HLUTABRÉF Í ÚRVALSVÍSITÖLU:
nánar á visir.is
Hagnaður Flugleiða á þriðja árs-
fjóðrungi nam tæpum 2,7 millj-
örðum króna. Hagnaðurinn
fyrstu sex mánuði ársins var
óverulegur og rekstarniðurstaða
fyrstu níu mánuðina því um 2,7
milljarðar. Flugleiðir birtu
bráðabirgðaniðurstöðu fyrir
skemmstu vegna hlutafjárút-
boðs og er niðurstaða endur-
skoðaðs uppgjörs ívið betri en
fram kom í því uppgjöri.
Sigurður Helgason, forstjóri
Flugleiða, segist ánægður með
niðurstöðuna. „Flugleiðir eru að
ná góðum rekstrarárangri þriðja
árið í röð á sama tíma og flug-
félög í okkar heimshluta eiga
flest mjög á brattann að sækja.
Þetta hefur skapað félaginu
grundvöll til að sækja fram og
stefna á bæði innri og ytri vöxt.“
Fjárfesting í skyldum rekstri
er á stefnuskrá félagsins og
hefur félagið meðal annars
keypt tíu prósenta hlut í lág-
gjaldaflugfélaginu easyJet.
Fjármálavefurinn Bloomberg
hefur það eftir Hannesi Smára-
syni, stjórnarformanni Flug-
leiða, að ekki sé loku fyrir það
skotið að sá hlutur verði aukinn.
Farþegum í millilandaflugi
fjölgaði um átján prósent frá
fyrra ári. Að sögn forsvars-
manna Flugleiða stefnir í að af-
koman í ár verði sú næstbesta í
sögu félagsins. -hh
Þriðja hagnaðarárið
Afkoma Flugleiða var heldur lakari en meðalspár
greiningardeilda sögðu til um. Flugleiðir segja stefna í
næstbesta ár í sögu félagsins.
BETRI EN HINIR Sigurður Helgason, forstjóri Flugleiða, er ánægður með uppgjör
félagsins. Hann segir félagið ná góðum rekstrarárangri á sama tíma og önnur flug-
félög í okkar heimshluta eigi á brattann að sækja.
SPÁR UM HAGNAÐ FLUGLEIÐA
Á ÞRIÐJA ÁRSFJÓRÐUNGI:
Íslandsbanki 3.122 milljónir
KB banki 2.626 milljónir
Landsbankinn 3.177 milljónir
Niðurstaða 2.670 milljónir
FR
ÉT
TA
B
LA
Ð
IÐ
/G
VA
HAGFRÆÐINGAR HEIÐRAÐIR Seðlabankinn heiðraði í gær fjóra virta íslenska hag-
fræðinga á ráðstefnu sem haldin var í tilefni þess að hálf öld er liðin frá því Fjármálatíð-
indi Seðlabankans komu út. Í pontu er Jóns Sigurðsson bankastjóri Norræna fjárfestingar-
bankans. Hann stýrði athöfn þar sem Jónas Haralz, Jóhannes Nordal, Bjarni Bragi Jónsson
voru heiðraðir.
FR
ÉT
TA
B
LA
Ð
IÐ
/S
TE
FÁ
N
Oftar til
Færeyja
Í framhaldi af opnun nýrrar skrif-
stofu Samskipa í Þórshöfn í Fær-
eyjum í lok september hefur nú
verið ákveðið að fjölga ferðum
félagsins þangað. Frá og með
annarri viku í desember munu
skip félagsins, Arnarfell og
Helgafell, hafa viðkomu í Þórs-
höfn á leið sinni frá Evrópu til
Reykjavíkur.
Þetta er gert til að bæta enn
frekar þjónustu Samskipa við inn-
flytjendur og aðra viðskiptavini í
Færeyjum því félagið verður nú
vikulega með beinar siglingar til
Þórshafnar frá Evrópu og Norður-
löndunum. -hh
EIGUM SAMLEIÐ MEÐ EVRÓPU Hörður Arnarson, forstjóri Marels, segir að óstöðugleiki í gengi íslensku krónunnar komi sér illa fyrir
íslensk þekkingarfyrirtæki í útflutningi.
Krónan erfið fyrir iðnaðinn
FR
ÉT
TA
B
LA
Ð
IÐ
/E
.Ó
L.