Fréttablaðið - 25.11.2004, Síða 10

25. nóvember 2004 FIMMTUDAGUR
Úthverfi Reykjavíkur:
Kuldi rekur mýs í hús
Eitthvað hefur verið um að mýs
hafi leitað í hús vegna kuldakasts-
ins undanfarna daga. Ómar F.
Dabney, rekstrarfulltrúi hjá
meindýraeyði Reykjavíkurborg-
ar, segir þó að frekar
hafi verið rólegt vegna
þessa hjá embættinu og
starfsmenn ekki fundið
fyrir því að útköllum
hafi fjölgað.
„Maður kallar ekki
tvö til þrjú músarútköll
á dag einhverja plágu,“
segir Ómar og bætir
því við að yfirleitt sé
það hagamúsin sem
sækir inn í hús í út-
hverfum borgarinnar
þegar kuldakast gengur yfir. „Það
er þá á stöðum á borð við Grafar-
vog, Árbæ og í Breiðholtinu, en
húsamúsin gerir engan mun á því
hvort það er vetur, sumar, vor, eða
haust.“ Ómar segir
bæði sveiflukennt og
staðbundið hvort
áhrifa kulda gæti í
auknum músagangi. „Í
kuldakasti sem varð í
fyrra eða hittifyrra
höfðu til dæmis mein-
dýraeyðar úti á landi
varla undan að panta
eitur, en við urðum lít-
ið varir við vandann
hér í Reykjavík.“
- óká
Tilbúnar tölur
frá ráðherra
Stúdentar segja upphæð innritunargjalda hafa verið ákveðna og forsendur
fundnar til að styðja hana. Þeir undrast að allir háskólar ríkisins telji sig
þurfa nær sömu upphæð. Alvarlegt ef stúdentar efast, segir Háskólinn.
SKÓLAMÁL Forsendur sem lagðar
eru til grundvallar hækkunar inn-
ritunargjalds í Háskóla Íslands
standast ekki að mati stúdenta-
ráðs Háskóla Íslands. Það telur að
hækkun gjaldsins úr 32.500 í
45.000 krónur, nái frumvarp
menntamálaraðherra fram að
ganga, hafi verið fyrirfram
ákveðna og forsendur fundar til
að réttlæta hana. Tæp 38,5 pró-
senta hækkun fylgi ekki verðlagi.
Þórður Kristinsson, fram-
kvæmdastjóri akademískrar
stjórnsýslu Háskóla Íslands, segir
að verið sé að leiðrétta innritunar-
gjöldin sem hafi ekki fengist
breytt fyrr: „Ekki er verið að búa
til tölur heldur er farið eftir stað-
reyndum um kostnaðarliði sem
teknar eru úr bókhaldinu.“
Forsvarsmenn Stúdentaráðs,
Jarþrúður Ásmundsdóttir for-
maður og Erla Ósk Ásgeirsdóttir
framkvæmdastjóri, segja að lið-
um í kostnaðaráætluninni sem
Háskólinn sendi menntamála-
ráðuneytinu hafi verið breytt
eftir gagnrýni stúdentaráðs. Í
fyrri áætlun hafi til dæmis verið
gert ráð fyrir að tuttugu prósent
af kostnaði deildarskrifstofa eigi
heima í innritunargjöldunum.
Upphæðin sé sögð 36 milljónir. Í
frumvarpinu sem lagt var fyrir
Alþingi sé sama hlutfall talið
nema 61 milljón króna.
Erla Ósk segir það tilfinningu
stúdentaráða Háskóla Íslands,
Háskólans á Akureyri og Kenn-
araháskólans að krafan um 45
þúsund króna innritunargjöld hafi
komið frá menntamálaráðuneyt-
inu að frumkvæði Háskóla Ís-
lands sem þurfi aukið fé. Allir
skólarnir hafi áætlað að nær sama
gjald þurfi til að standa undir
kostnaði við innritanir. Reiknaður
sé aukakostnaður á liðina í frum-
varpinu upp á tólf prósent til að
ná tilætlaðri tölu.
Þórður segir alvarlegt að stúd-
entaráð setji fram efasemdir um
útreikninga Háskólans: „Sjónar-
miðin geta verið ólík en það er
mat Háskólans að þetta sé upp-
hæðin sem innritunargjaldið þarf
að standa undir. Eins og það er í
dag er gjaldið of lágt. Rök hafa
verið færð fyrir því og farið yfir
þau með menntamálaráðuneyt-
inu.“ Gjald Háskólans sé hans út-
reikningur. Hann geti ekki svarað
fyrir útreikninga annarra ríkis-
rekinna háskóla.
gag@frettabladid.is
NJÓSNARI DÆMDUR Rússneskur
eðlisfræðingur hefur verið
dæmdur í fjórtán ára fangelsi
fyrir njósnir. Hann var sakfelld-
ur fyrir að hafa selt Kínverjum
upplýsingar um geimáætlun
Rússa. Maðurinn segir að upplýs-
ingarnar hafi ekki verið leynileg-
ar og ætlar að áfrýja dómnum til
Hæstaréttar Rússlands og líklega
Mannréttindadómstóls Evrópu.
FJÓRTÁN TONN AF HASSI Portú-
galska lögreglan hefur lagt hald á
fjórtán tonn af hassi á síðustu
dögum. Í gær voru tveir eistnesk-
ir menn handteknir þegar land-
helgisgæslan fór um borð í bát
skammt frá ströndum Portúgals.
Ríflega þrjú tonn af hassi voru í
bátnum.
■ EVRÓPA
Hálsmen
verð: kr.5.990.-
í dag: 4.792.-
Einstakt tæki færi í dag.
Frábærir demantss l ípaðir
SWAROVSKI skar tgr ipir
með 20% afs læt t i .
Ofnæmisprófaðir skartgripir
fyrir þig og hinar stjörnurnar.
Eyrnalokkar
verð: kr.3.750.-
í dag: 3.000.-
Hringir 3saman
verð: kr. 7.990.-
í dag: 6.392.-
Hálsmen
verð: kr.6.990.-
í dag: 5.592.-
Hálsmen
verð: kr. 7.990.-
í dag: 6.392.-
Opið í Faxafeni til 6
og Kringlunni til 9 í kvöld.
fallegt fyrir þig
Kringlunni S:568 9955 - Faxafeni S:568 4020
Nýi læknirinn á
sömu kjörum
og erfir gervi-
hnattadisk
milljóna-
læknanna
LÆKNIR Á HÓLMAVÍK
KOSTAR 25
MILLJÓNIR
OG ÁSKRIFT
AÐ STÖÐ 2
– hefur þú séð DV í dag?
TOYOTA COROLLA, MV-776
Bílnum var stolið í Kópvogi í síðustu viku. Þeir sem geta veitt upplýsingar um bílinn eru
beðnir að láta lögregluna vita.
Reykjavík:
Anna er
eini umsækj-
andinn
FJÁRMÁLASVIÐ Aðeins einn umsækj-
andi er um starf sviðsstjóra fjár-
málasviðs hjá Reykjavíkurborg
og er það Anna Skúladóttir, fjár-
málastjóri Reykjavíkurborgar.
Stefnt er að því að ganga frá ráðn-
ingunni í vikunni og leggja fyrir
borgarráð á fimmtudag.
- ghs
Sameining:
Kosið í apríl
SAMEINING Atkvæði verða greidd
um sameiningu Borgarbyggðar,
Borgarfjarðarsveitar, Hvítársíðu-
hrepps og Skorradalshrepps auk
Kolbeinsstaðahrepps í apríl á
næsta ári. ■
LÖGREGLA 25 bílum hefur verið
stolið á höfuðborgarsvæðinu síð-
an fyrsta nóvember. Nítján bílum
var stolið í Reykjavík, fimm í
Kópavogi og einum í Hafnarfirði.
Toyota Corolla, árgerð 1996,
sem stolið var í Grænahjalla í
Kópavogi aðfaranótt fimmtu-
dagsins í síðustu viku, er enn
ófundin. Bíllinn er steingrár að
lit með skráningarnúmerið MV-
776.
Þeir sem geta veitt upplýsing-
ar um bílinn eru beðnir að hafa
samband við lögregluna í Kópa-
vogi í síma 560-3050. ■
Höfuðborgarsvæðið:
25 bílum stolið í nóvember
MÚS Í GILDRU Í BÍL
Rekstrarfulltrúi hjá mein-
dýraeyði borgarinnar segir
að þótt mýs kunni að þykja
fallegar þá megi ekki gleym-
ast að þær séu skemmdar-
vargar, enda nagdýr.
JARÞRÚÐUR ÁSMUNDSDÓTTIR OG ERLA ÓSK ÁSGEIRSDÓTTIR
Forsvarsmenn Stúdentaráðs Háskóla Íslands segja að fyrst hafi verið ákveðið að hækka
innritunargjöldin í 45 þúsund krónur síðan hafi rök verið sett fram til að réttlæta upp-
hæðina. Talsmaður Háskólans segir tölur ekki búnar til. Farið sé eftir staðreyndum.

Smáauglýsingasíminn er 550 5000

auglysingar@frettabladid.is