Fréttablaðið - 09.12.2004, Side 2

2 9. desember 2004 FIMMTUDAGUR
Vatnsmýri:
Vinna að heildar-
skipulagi hafin
SKIPULAGSMÁL Vinna að heildar-
skipulagi Vatnsmýrar er að hefj-
ast aftur eftir um tveggja ára hlé.
Skipulagsnefnd Reykjavíkur hef-
ur skipað stýrihóp til að halda
utan um skipulagið.
Dagur B. Eggertsson, formað-
ur nefndarinnar, á sæti í stýri-
hópnum og segir að unnið verði
ötullega að skipulaginu á næsta
ári og verkáætlun verði kynnt
skömmu eftir áramót. Hann segir
að samráð verði haft við íbúa og
hagsmunaaðila. „Við viljum líka
reyna að laða fram hugmyndarík-
ustu hugsuði allra kynslóða
þannig að við nýtum þetta ein-
staka tækifæri vel. Þetta er mest
spennandi verkefni í borgarskipu-
lagi sem við höfum tekist á hend-
ur.“
Dagur segir að með þessu sé
komið í veg fyrir að skipulag
Vatnsmýrar verði tilviljanakennt
og einstakir reitir svæðisins
skipulagðir óháð hinum. „Það
verður hugað að heildarsvip
svæðisins, bæði á mannlífsásnum
svokallaða sem nær frá Nauthóls-
vík niður í bæ og á þekkingar-
ásnum frá Háskóla Íslands að
Landspítala - háskólasjúkrahúsi.“
Auk Dags sitja í stýrihópnum þær
Anna Kristinsdóttir og Hanna
Birna Kristjánsdóttir. - ghg
Nauðganir vopn
í stríðsátökum
Friðargæsluliðar og hjálparstarfsmenn hafa misnotað konur og stúlkur sem þeir
áttu að vernda segir meðal annars í skýrslu Amnesty International um ofbeldi
gegn konum í stríðsátökum. Samtökin standa fyrir herferð til að stöðva ofbeldið.
OFBELDI Friðargæsluliðar og
starfsmenn hjálparsamtaka sem
ráðnir eru til að vernda almenna
borgara hafa misnotað stúlkur og
konur sem þeir áttu að vernda,
segir meðal annars í nýútkominni
skýrslu Amnesty International.
Samtökin standa nú fyrir herferð
til að stöðva ofbeldi gegn konum.
Í skýrslunni segir að nauðganir
verði áfram notaðar sem vopn í
stríðum þar til ríkisstjórnir og
samfélög tryggja jafnan rétt
kvenna og binda enda á mismun-
un. Ofbeldi gegn konum eykst
mikið á stríðstímum eins og sögur
kvenna sem komist hafa af bera
merki um. Þær eru hræddar við
að segja frá reynslu sinni og leita
réttar síns af ótta við útskúfun og
hefnd. „Pabbi sagði mér að fela
mig. Þegar hermennirnir komu
skutu þeir mömmu og pabba beint
fyrir framan
augun á mér. Ég
faldi mig en her-
mennirnir fundu
mig og nauðguðu
mér.... þeir voru
margir,“ segir í
skýrslu Amnesty
International eftir
stúlku frá Kongó.
Hún var tíu ára
þegar ráðist var
á hana og fjöl-
skyldu hennar og
nú tveimur árum
síðar þjáist hún af
verkjum og þung-
lyndi. Þá segir
einnig að stúlkuna
langi til að fara aftur í skólann en
þori því ekki af ótta við að hinir
krakkarnir stríði henni og kalli
hana konu óvinanna.
Konur sem misst hafa vernd
sem karlkyns ættingjar og samfé-
lög þeirra veita eiga mjög á hættu
að verða fyrir kynbundnu ofbeldi
eins og nauðgunum. Rannsóknir
samtakanna hafa leitt í ljós að
konur og stúlkur eru neyddar til
kynmaka og fá þá í staðinn að fara
í gegnum svæði, fá mat, húsaskjól
eða skilríki. Í skýrslunni segir frá
viðtali við unga flóttakonu í Gíneu
sem þarf að selja sig til að geta
fætt sig og barnið sitt og segir
hún hjálparstarfsmenn borga
betur fyrir þjónustuna. „Þeir
borga þrjú hundruð fyrir hvert
skipti, en ef ég er heppin og næ í
hjálparstarfsmann getur hann
borgað mér fimmtán hundruð.“
hrs@frettabladid.is
FORSETI NÆSTA ÁRS VALINN
Svissneska þingið hefur val-
ið Samuel Schmid varnar-
málaráðherra til að gegna
embætti forseta á næsta ári.
Í svissneskri stjórnskipan
er forsetaembættið viðbót
við starf ráðherra ríkis-
stjórnarinnar. Einn þeirra er
kosinn af þinginu í árslok til
að gegna embættinu á kom-
andi ári, samhliða ráðuneyti
sínu.
LÉST Í SPRENGINGU Einn
lést og sjö særðust lítillega í
sprengingu í fjölbýlishúsi í
Lissabon, höfuðborg Portú-
gals. Mikill eldur braust út
og voru 132 slökkviliðsmenn
kallaðir á vettvang til að
ráða niðurlögum hans.
Vestmannaeyjar:
Versnandi
samgöngur
STJÓRNMÁL Hjálmar Árnason, þing-
maður Framsóknarflokksins, lýsti
miklum áhyggjum af versnandi
samgöngum við Vestmannaeyjar í
utandagskrárum-
ræðum á Alþingi í
gær, en strandsigl-
ingum Eimskips
var hætt 1. desem-
ber.
Hjálmar sagði
f l u g s a m g ö n g u r
ófullnægjandi og
benti á að fimmta
hver ferð félli nið-
ur vegna veðurs.
Sama gilti um sigl-
ingar því nú væri
aðeins ein ferð á dag þrjá daga vik-
unnar með Herjólfi sem þýddi að
ferð til læknis á fastalandið gæti
tekið 2 daga. Sagði þingmaðurinn
nauðsynlegt að farnar væru 2 ferðir
á dag milli lands og eyja.
Sturla Böðvarsson samgöngu-
ráðherra sagði að brugðist hefði
verið við niðurfellingu strandsigl-
inga. Þá hefði ferðum Herjólfs
fjölgað um 42 prósent frá 1999 til
2003.
„Vestmannaeyjar standa bæri-
lega að vígi eftir þær aðgerðir sem
gripið hefur verið til,“ sagði Sturla.
- ás
■ LÖGREGLUFRÉTTIR
■ EVRÓPA
,,Þeir
borga þrjú
hundruð
fyrir hvert
skipti, en ef
ég er hepp-
in og næ í
hjálpar-
starfsmann
getur hann
borgað mér
fimmtán
hundruð.
LEONÍD KÚTSJMA
Forsetinn sést sjaldan í þinginu en var þar
í gær til að ýta á samþykkt þess að dregið
yrði úr völdum forseta.
Kjörstjórn rekin:
Veiktu völd
forsetans
ÚKRAÍNA, AFP Úkraínska þingið sam-
þykkti í gær að draga úr völdum
forsetans og ruddi þar með úr vegi
einni hindrun í deilum stjórnar og
stjórnarandstöðu um framtíð Úkra-
ínu og framkvæmd forsetakosning-
anna 26. desember. Þingið
samþykkti einnig að víkja yfirkjör-
stjórn landsins frá og skipa aðra í
hennar stað til að sjá um fram-
kvæmd kosninganna.
Leoníd Kútsjma, fráfarandi for-
seti, hefur um eins árs skeið beitt
sér fyrir því að dregið yrði úr völd-
um forseta, að sögn andstæðing-
anna til að tryggja að hann hefði
áfram áhrif þó stjórnarandstæðing-
ur næði kjöri sem forseti. ■
„Var þetta ekki bara axarskaft?
Svona gera ekki víkingar í dag.“
Smeyk vitni þurftu að bera vitni í máli í gær gegn
Berki Birgissyni sem ákærður er fyrir að slá mann
nokkur högg með öxi í höfuðið inni á veitinga-
staðnum A. Hansen í byrjun september. Jóhannes
Viðar Bjarnason, eigandi Fjörukrárinnar, er einn af
forsprökkum víkingahátíðar í Hafnarfirði.
SPURNING DAGSINS
Jóhannes Viðar, er þessi hugmynd um
víkingabæ ekki að verða fulllangt
gengin?
Iðnaðarráðherra:
Vonir um kísilduft heyra sögunni til
STJÓRNMÁL Valgerður Sverrisdóttir
iðnaðarráðherra skýrði frá því á
Alþingi í gær að norska fyrir-
tækið Promex, handhafi einka-
leyfis til kísilvinnslu við Mývatns
hefði óskað eftir gjaldþrota-
skiptum. „Þar með eru vonir um
stofnun kísilduftverksmiðju við
Mývatn að engu orðnar“ sagði
Valgerður á Alþingi. „Við erum
komin aftur á byrjunarreit.“
Ummælin féllu í utandag-
skrárumræðum að beiðni
Kristjáns L. Möller, þingmanns
Samfylkingarinnar. Kristján
gagnrýndi ráðherra fyrir að
veikja væntingar, sérstaklega
fyrir síðustu þingkosningar, með
því að lofa 200 milljóna framlagi
til þessa verkefnis. Benti þing-
maðurinn á að 80-100 störf hefðu
tapast í allt þegar Kísiliðjan lok-
aði um síðustu mánaðamót. Væri
þetta sambærilegt við að 10.000
störf töpuðust í Reykjavík.
Stjórnarandstöðuþingmenn
gagnrýndu stjórnvöld fyrir að
fljóta sofandi að feigðarósi og
sagði Steingrímur J. Sigfússon,
Vinstri-grænum að ljóst hefði
verið í 10-12 ár að hverju
stefndi.
- ás
Húsbrot:
Einn hand-
tekinn
LÖGREGLA Einn maður var handtek-
inn í fyrrakvöld vegna húsbrots í
Fossvogi í síðustu viku. Hann gaf
sig ekki fram til skýrslutöku og brá
lögreglan þá á það ráð að handtaka
manninn. Hann gisti í fanga-
geymslu lögreglunnar yfir nótt.
Rannsókn málsins stendur enn.
Samkvæmt lögreglu miðar henni
vel þó ekki sé búið að yfirheyra alla
sem komu við sögu. Ekki er vitað
hvað árásarmönnunum gekk til en
þeir skutu með haglabyssu á úti-
hurð hússins. - ghg
ÞYRLAN KÖLLUÐ ÚT Þyrla Land-
helgisgæslunnar var kölluð til
vegna meðvitundarlausrar konu á
bæ í uppsveitum Árnessýslu á ní-
unda tímanum í gærkvöldi. Þegar
Fréttablaðið fór í prentun var
ekki vitað um afdrif konunnar.
TEKINN Á 114 Maður sem grun-
aður er um ölvun við akstur var
tekinn á 114 kílómetra hraða á
Suðurlandsvegi á móts við Strönd
á Rangárvöllum. Hann var með
lítið barn í bílnum. Þá var annar
maður, sem ók án réttinda, tekinn
í Brekknaholti í Holtum.
REYKJAVÍKURFLUGVÖLLUR
Reykjavíkurborg er að hefja heildarskipu-
lagningu á Vatnsmýrarsvæðinu.
FÓRNARLAMB KYNFERÐISOFBELDIS Í SÍERRA LEÓNE
Íslandsdeild Amnesty International leitar eftir stuðningi Íslendinga í fjárframlögum. Eins
eru allir þeir sem vilja leggja hönd á plóg velkomnir í samtökin.
KÍSILIÐJAN
Vonir um kísilduftverksmiðju eru að engu orðnar, upplýsti ráðherra á þingi í gær.
HJÁLMAR
ÁRNASON
Þingmaðurinn tel-
ur samgöngur
óviðunandi eftir
að strandsiglingar
Eimskips hættu.