Fréttablaðið - 09.12.2004, Side 8

8 9. desember 2004 FIMMTUDAGUR
KASTAÐ AF BAKI
Zack Oakes fékk að fljúga þegar nautið
sem hann sat í úrslitum bandarísku lands-
keppninnar í alls kyns kúrekaleikjum
kastaði honum af baki.
Aldurstakmörk á gagnvirka tölvuleiki kynnt verslunum:
Tilmæli um aldurstak-
mörk á tölvuleikjum
TÖLVULEIKIR Samtök myndréttar-
hafa á Íslandi hafa tekið upp nýtt
samevrópskt flokkunarkerfi um
aldurstakmörk á gagnvirka tölvu-
leiki. Því er ætlað að tryggja að
ólögráða börn fari ekki í leiki sem
ekki hæfa þeim. Þórhildur Líndal,
umboðsmaður barna, fagnar
framtaki samtakanna. Nú sé það
foreldra að standa sig og fara
eftir merkingunum.
Hallgrímur Kristinsson, fram-
kvæmdastjóri SMÁÍS, segir
merkingarnar tilmæli til neyt-
enda og seljenda en ekki lög. Sam-
tökin skipi þó fulltrúa í kæru-
nefnd sem taki á ágreiningsmál-
um. Þau ætli að leita til mennta-
málaráðuneytisins um aðstoð við
val á fulltrúa í nefndina.
Þórhildur segir kerfið skref í
rétta átt: „Af stórum hluta myndi
kerfið vera efni í þá reglugerð
sem ætti að koma fram. Þetta er
það sem ég hefði viljað sjá.“
Hallgrímur segir flokkunar-
kerfið sem kallast PEGI vera í
nær öllum löndum Evrópu og því
mun hagkvæmara en að halda úti
séríslensku eftirlitskerfi. Aldurs-
flokkunarkerfið verði kynnt
verslunum og neytendum á næstu
dögum.
- gag
Fuglaflensa leggst
á fleiri dýrategundir
Nýjustu rannsóknir benda til þess að fuglaflensuveiran sé að færa út kvíarnar.
Hún er farin að leggjast á spendýr af kattakyni. Eitt tilfelli um smit milli
manna hefur verið tilkynnt frá Taílandi, en það hefur ekki fengist staðfest.
HEILBRIGÐISMÁL Veira sú, sem veld-
ur fuglaflensu í Asíulöndum, er
ekki lengur bundin við hænsn-
fugla, heldur virðist hún hafa
aukið sýkingarmátt sinn í öðrum
dýrategundum, svo sem spendýr-
um, að því er nýjustu rannsóknir
benda til. Þetta á við um ketti og
önnur dýr af kattakyni, sem áður
höfðu ekki verið talin móttækileg
fyrir inflúensu.
Þetta kom meðal annars fram í
viðtali Fréttablaðsins við Davíð Á.
Gunnarsson ráðuneytisstjóra í
heilbrigðisráðuneytinu og for-
mann framkvæmdastjórnar Al-
þjóða heilbrigðismálastofnunar-
innar um stöðu fuglaflensuvíruss-
ins illræmda, sem menn óttast nú
mjög að geti valdið skæðum
faraldri á heimsbyggðinni. Heil-
brigðisyfirvöld um víða veröld
gera nú allt sem í þeirra valdi
stendur til að undirbúa hugsan-
legar varnaraðgerðir gegn inflú-
ensufaraldrinum sem menn telja
fullvíst að fari af stað af völdum
fuglaflensuvírussins.
Davíð sagði, að engin merki
væru á lofti um að veiran væri
farin að smitast á milli manna, en
faraldurinn færi ekki af stað fyrr
en það gerðist. Að vísu hefði
borist tilkynning frá Taílandi þess
efnis að smit hefði borist á milli
manna í fjölskyldu. Það hefði ekki
verið staðfest, né nein önnur smit
á milli manna þrátt fyrir afar
strangt eftirlit.
Hann sagði ennfremur að í
fyrstu hefði fólk veikst af
fuglaflensuvírusnum í Kína,
Taílandi og Víetnam. Þá hefði fólk
tekið að veikjast í Indónesíu og í
ágúst hefði borist tilkynning frá
Malasíu um veikindi í fólki þar af
völdum fuglaflensuvírussins. Það
hefði verið níunda Asíulandið sem
sent hefði frá sér tilkynningu þess
efnis. Dánartíðni þeirra sem
veikst hefðu væri um 72 prósent.
Davíð sagði ennfremur að um
miðjan nóvember hefði Alþjóða-
heilbrigðismálastofnunin efnt til
fundar með forsvarsmönnum
allra helstu framleiðenda bólu-
efnis í heiminum til að ræða
möguleika á framleiðslu bóluefnis
gegn inflúensufaraldri af völdum
veirunnar. Þar hefðu verið settar
fram hugmyndir um hvernig haga
mætti baráttunni gegn henni.
Á tveggja daga aukafundi fram-
kvæmdastjórnar Alþjóðaheil-
brigðismálastofnunarinnar, sem
hefst í Reykjavík í dag, er meðal
annars fyrirhugað að fjalla um
hugsanlegar afleiðingar og við-
brögð við flensufaröldrum á borð
við drepsóttir fyrri ára, svo sem
spænsku veikina og svarta dauða.
Meðal þeirra sem sækja fundinn
er æðsti yfirmaður Alþjóða-
heilbrigðismálastofnunarinnar
dr. Lee Jong-wook.
jss@frettabladid.is
Fuglaflensa:
Greina smit
miklu fyrr
HONG KONG, AP Vísindamenn í
Hong Kong segjast hafa þróað að-
ferð til að greina fuglaflensusmit
í mönnum mun fyrr en áður. Nú sé
hægt að greina það á fáeinum
klukkustundum en gömlu prófin
voru þess eðlis að það tók nokkra
daga og upp í viku að greina smit.
Skjót greining smits er afar
mikilvæg í baráttunni við sjúk-
dóminn, sem hefur kostað 32
manns í Taílandi og Víetnam lífið
það sem af er árinu.
Nýja aðferðin felst í því að
leita eftir mótefnisvökum líkam-
ans gegn veirunni frekar en
veirunni sjálfri. ■
jólagjöf
Hugmynd að
fyrir hann
Smáralind
Sími 545 1550
Glæsibæ
Sími 545 1500
Kringlunni
Sími 575 5100
www.utilif.is
Gönguskór
Colorado GTX - fyrir kröfuharða.
Verð áður 17.990 kr.
Jólatilboð kr.14.990
Göngustafir
Komperdell og Leki.
Verð frá kr.4.990
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
TI
2
66
32

12
/2
00
4

Áramótaveisla
í Sviss
Frá 29.990.-
Heimsferðir bjóða nú einstakt tækifæri til að njóta áramótaveislu í Sviss
á ótrúlegum kjörum. Beint flug til Zürich með Loftleiðum. Zürich er
stærsta borg Sviss og liggur í hjarta landsins við hið fagra Zürichvatn.
Hér er að finna heillandi stemmningu um jól og áramót, hin
stórkostlega flugeldasýning um hver áramót er stærsta partý í Sviss og
hingað koma þúsundir til að fylgjast með stemmningunni og njóta
matar og drykkjar á hverju götuhorni fram eftir nóttu.
Kr. 29.990.-
Flugsæti með sköttum.
Kr. 39.890.-
Flug, gisting og skattar á mann í
tvíbýlí á hótel Novotel, 4 stjörnur.
Beint flug Heimsferða,
29.desember
Brottför frá Keflavík kl. 8.00
1.janúar
Brottför frá Zürich kl. 19.30
SKÓLAMÁL Björgvin
G. Sigurðsson, full-
trúi Samfylkingar í
menntamálanefnd,
hefur óskað eftir um-
ræðu við mennta-
málaráðherra utan
dagskrár á Alþingi
um niðurstöður PISA-
könnunarinnar um
námsárangur ís-
lenskra grunnskóla-
barna.
Ástæður eru m.a.
þær að niðurstöður
könnunarinnar kalla
á það að lyft verði
grettistaki í skólamálum Íslend-
inga til að koma þjóðinni í fremstu
röð í menntamálum.
Þó að sumt í PISA-
könnuninni sé jákvætt
og horfi til framfara
þá er hún samt sem
áður staðfesting á
óviðunandi stöðu
skólamála.
Hann telur að setja
þurfi í gang vinnu við
að greina ástæður
þess að árangurinn er
ekki betri en raun ber
vitni. Sérstaklega
þurfi að kanna um-
hverfi og aðstæður
finnska grunnskólans
sem samkvæmt könnuninni skar-
ar fram úr á öllum sviðum. ■
Alþingi:
Óskað eftir umræðu
um niðurstöður Pisa
HALLGRÍMUR KRISTINSSON
Samkvæmt aldursflokkunarkerfi PEGI eru
gagnvirkir tölvuleikir merktir á eftirfarandi
hátt: 3+, 7+, 12+, 16+ og 18+. PEGI-kerfið
er eingöngu tillaga til foreldra og forráða-
manna sem hvattir eru til að virða aldurs-
takmörkin.
BJÖRGVIN G. SIGURÐSSON
Björgvin situr í menntamála-
nefnd Alþingis. Hann hefur
óskað eftir umræðu utan dag-
skrár um niðurstöður PISA.
DAVÍÐ Á. GUNNARSSON
Formaður framkvæmdastjórnar Alþjóðaheilbrigðismálastofnunarinnar. (WHO)