Fréttablaðið - 09.12.2004, Page 56

F2 22 9. desember 2004 FIMMTUDAGUR
Hvaða matar gætir þú síst
verið án?
Fisks því mér finnst hann svo góður.
Það er alveg sama hvort hann er soð-
inn, steiktur eða bara hvernig sem er.
Hann má þó alls ekki vera siginn eða
úldinn.
Finnst þér einhver matur vond-
ur?
Já, ég borða ekki heila, hrútspunga,
hjörtu og kynfæri.
Fyrsta minningin um mat?
Söltuð murta úr Þingvallavatni. Ég
átti heima þarna í nágrenninu þegar
ég var lítill og fólk lifði á því sem kom
úr vatninu. Mér fannst afar slæmt að
ekki væri hægt að veiða kindur í
net svo maður fengi nú
kjöt annað slagið.
Besta máltíð
sem þú hef-
ur fengið?
Ég hef fengið
svo margan
góðan bitann
um dagana. Mér
líður þó aldrei úr minni þegar ég var
að koma úr reiðtúr frá Heklu í
aftakaveðri. Þar var mér boðið til
stofu á efsta bænum undir Heklurót-
um og var boðið upp á íslenskt mat-
arhlaðborð. Þetta er fæði sem Krist-
ján Jóhannsson hefði ekki fúlsað við.
Þó það séu um tíu ár síðan þetta var
verð ég að viðurkenna að þetta er
besta veisluborð sem ég hef verið
leiddur að.
Hvað borðar þú þegar þú þarft
að láta þér líða betur?
Ég veit það ekki. Mér finnst óskap-
lega gott að fá mér grænt te. Mér líð-
ur vel af því.
Hvað áttu alltaf í ísskápnum?
Það er alltaf til mjólk í ísskápnum
mínum og matarleifar sem eru ívið of
gamlar til að borða. Vísir að forn-
matarsafni. Því miður er ís-
skápurinn hjá mér
ekki eins og hann
ætti að vera.
Ég er svodd-
an átvagl að
ef ísskápur-
inn væri
alltaf fullur af
kræsingum þá
væri ég 200 kíló.
Ef þú yrðir fastur á eyðieyju,
hvaða rétt myndir þú taka
með þér?
Humm ... ef það væru góð fiskimið
í kringum eyðieyjuna þá myndi ég
taka með mér flösku af tabaskósósu.
Matgæðingurinn Þráinn Bertelsson
Vildi að kindur væru veiddar í net
Lykill að Hótel Örk
FRÁBÆR JÓLAGJÖF
Innifalið i lyklum: Gisting fyrir 2,
morgunverður af hlaðborði
og þrírétta kvöldverður hússins.

Tilvalin gjöf handa:
Starfsmönnum - Eiginkonunni -Eiginmanninum
Kærustunni - Kærastanum - Ömmu og afa
Frænku - Frænda - Vinum

Lyklar frá 13.800,- krónum
Nánari upplýsingar á www.hotel-ork.is

Jólalyklar afhendast í fallegum jólagjafapoka
Gjafalyklar eru til sölu
á Hótel Örk í síma 483 4700
og á Hótel Cabin, Borgartúni 32
Reykjavík, í síma 511 6030
Hvar er staðurinn?
Café Milanó, Faxafeni 11, 108 Reykjavík.
Hvernig er stemmningin?
Heimilislegt andrúmsloft og notaleg
stemmning lýsa Café Milanó ákaflega
vel. Staðurinn hefur verið rekinn af
sömu fjölskyldunni frá upphafi eða síð-
astliðin fjórtán ár. Staðurinn hefur ætíð
átt sinn trygga kúnnahóp enda hefur
fátt tekið stökkbreytingum þau ár sem
hann hefur verið til. Café Milanó er
mjög miðsvæðis og laðar að sér fjöl-
breyttan kúnnahóp, allt frá miðbæjar-
rottum upp í fínar frúr úr Grafarholt-
inu. Staðurinn er líka vinsæll fundar-
staður og þar eiga saumaklúbbar auð-
velt með að fá sér kaffi saman enda hátt
til lofts og vítt til veggja. Café Milanó er
hlýlega innréttaður; þó að innrétting-
arnar séu kannski ekkert rosalega „hipp
og kúl“ þá koma þær ágætlega út. Í há-
deginu er reykingabann milli tólf og
hálf tvö. Boðið er upp á fjölbreytt úrval
af mat. Allt frá fullorðinslegu snittu-
brauði upp í nútímaleg kjúklingasalöt
og allt þar á milli. Þjónustan er lipur og
manneskjuleg.
Hvað er á matseðlinum?
Ýmist brauðmeti eins og beyglur, rún-
stykki og smurbrauð. Súpa dagsins er
breytileg frá degi til dags. Hægt er að
kaupa hana eina og sér en ef þú pant-
ar þér rétt af matseðli dagsins fylgir
hún með. Boðið er upp á fimm mis-
munandi rétti á degi hverjum, tvo
fiskrétti, einn pastarétt, ýmiss konar
salöt með laxi, kjúklingi eða öðru fisk-
eða kjötmeti. Á matseðli eru líka sam-
lokur af ýmsu tagi.
Mest seldi rétturinn?
Pastað er alltaf jafnvinsælt og trónir það
í fyrsta sæti. Þar á eftir kemur salat og
fiskur dagsins.
Hvað kostar máltíðin?
Pastaréttur dagsins kostar 1.050 kr. og
súpa og salat kosta 1.120 kr.
Café Milanó
Hlýr og heimilislegur
Hróbjartur Árnason, forstöðu-maður framhaldsdeildar umfullorðinsfræðslu í Kennara-háskóla Íslands, bjó í Ísrael í
þó nokkurn tíma og kynntist þar vel
ísraelskri matargerð. „Það sem ein-
kennir ísraelska matargerð er fyrst og
fremst þessi sambræðingur á gömlu
hefðunum úr gettóunum í Evrópu og
svo Mið-Austurlandaeldhúsinu.“
Hann segir að þannig geti menn
borðað fiskkássu sem hefur soðið í heil-
an sólarhring, og er ættuð frá Varsjá, á
sunnudegi, en næsta dag er svo hefð-
bundinn Mið-Austurlandamatur, sem
einkennist af fersku og soðnu grænmeti
og baunum. „Til þess að ná fram ísra-
elskri stemmningu þarf að útbúa marga
litla rétti og fullt af alls konar græn-
meti, fersku og súrsætu, ásamt fjöl-
breyttu úrvali af ídýfum sem búnar eru
til úr baunum, sesanlauki og jógúrt.
Annað sem einkennir líka ísraelska
matargerð er að pítubrauð er alltaf boð-
ið með öllum réttum.“ Hróbjartur seg-
ir kosher-hefðina vera mjög mikilvæga í
gyðinglegri hefð. „Það má alls ekki
blanda saman kjöti og mjólkurvörum.
Hins vegar er vel hægt að gratinera fisk
með osti.“
Uppskrift
Jerúsalem-kjúklingur
kanil
kúmen
kjúklingur, skorinn niður í bita
möndlur
Það á að krydda kjúklinginn með kanil
og kúmen eftir smekk hvers og eins.
Alls ekki of mikið en heldur ekki of lít-
ið, því þetta á að vera bragðgóður rétt-
ur. Svo er kjúklingurinn steiktur.
Möndlunum er síðan bætt við seinna,
svo að þær brenni ekki heldur nái að
ristast eðlilega.
Með þessu eru borin fram hrísgrjón
sem saffrani er bætt út í.
Jerúsalem-salat
tómatar
gúrkur
möndlur
Hummus
ein dós af kjúklingabaunum
einn og hálfur bolli af tahini
einn bolli af sítrónusafa
kúmen
eitt hvítlauksrif
Allt sett saman í blandara og maukað
saman.
Meðlæti: Það er nauðsynlegt að bera
fram súrar gúrkur með hummusinum.
Rakatúí (mauk)
eggaldin
súkkini
paprika
tómatur
laukur
Brytjað niður í smáa bita og soðið í
klukkutíma og stappað saman.
Ávaxtasalat
epli
appelsínur
mandarínur
döðlur
fíkjur
möndlur
appelsínusafi (slatti)
Skorið niður og sett í skál og látið
standa í dágóðan tíma þannig að döðl-
urnar og fíkjurnar verði mjúkar.
Möndlunum er síðan bætt ofan á.
Hróbjartur Árnason, forstöðumaður.
Sambræðingur hefða
Gyðinglegt góðgæti
Boomerang Bay Cabernet Shiraz frá Ástralíu, sem kom á
markað fyrr á þessu ári, hefur náð þeim einstaka árangri á
skömmum tíma að verða söluhæsta 75 cl vínið í Vínbúðum og
seldust 2.842 flöskur af því í ÁTVR í nóvember.
Rauðvínið Boomerang Bay Cabernet Shiraz kemur frá hin-
um virta víngerðarmanni Grant Burge. Vínið er þægileg blan-
da af þrúgunum cabernet og shiraz og á mjög hagstæðu verði -
þau eru nú ekki mörg vínin frá Ástralíu sem fást fyrir minna en
þúsund krónur. Nafnið dregur vínið af flóanum sem vínekrurn-
ar standa við, Bjúgverpilsflóa, eins og hin skemmtilega útlegg-
ing á Boomerang Bay er á okkar ástkæra ylhýra. Von er á fleiri
tegundum af Boomerang Bay í Vínbúðir á komandi mánuðum
að sögn innflutningsaðilans Rolfs Johansen & Company.
Verð í Vínbúðum 990 kr.
Boomerang Bay
Söluhæsta vínið
í Vínbúðum