Fréttablaðið - 30.12.2004, Page 66

26 30. desember 2004 FIMMTUDAGUR
Við hrósum...
...knattspyrnukappanum Eiði Smára Guðjohnsen en hann hefur sópað til
sín verðlaunum að undanförnu. Hann var valinn Knattspyrnumaður ársins
fyrir skömmu af KSÍ, Íþróttamaður Fréttablaðsins og Vísis á þriðjudaginn
og í gær var hann valinn Íþróttamaður ársins af Samtökum
íþróttafréttamanna. sport@frettabladid.is
HVAÐ? HVENÆR? HVAR?
27 28 29 30 31 1 2
Fimmtudagur
SEPTEMBER
Við þökkum...
...þeim rúmlega 3.500 manns sem tóku þátt í
kosningunni um Íþróttamann ársins á Vísi dagana
8.–22. desember. Án ykkar hefði kjörið orðið
heldur hjákátlegt og það er von okkar að enn
fleiri taki þátt á næsta ári.
ÍÞRÓTTAMAÐUR ÁRSINS Knattspyrnu-
maðurinn Eiður Smári Guðjohn-
sen var í gær kjörinn íþróttamað-
ur ársins 2004 af Samtökum
íþróttafréttamanna. Þetta er í
fyrsta sinn sem Eiður Smári hlýt-
ur þennan titil en hann er fyrsti
knattspyrnumaðurinn sem hlýtur
hann í sautján ár. Síðasti knatt-
spyrnumaðurinn sem hlaut þenn-
an titil var faðir hans, Arnór
Guðjohnsen, en hann hlaut hann
árið 1987 eftir frábært tímabil
með belgíska liðinu Anderlecht.
Eiður Smári átti mjög gott ár
með Chelsea og mörk hans áttu
þátt í því að liðið hafnaði í öðru
sæti í ensku úrvalsdeildinni og
komst í undanúrslit Meistara-
deildarinnar. Hann var yfirburða-
maður í íslenska landsliðinu og
skoraði þrjú af fjórum mörkum
liðsins í undankeppni EM.
Eiður Smári er fimmti knatt-
spyrnumaðurinn sem hlýtur
þennan titil en áður höfðu Ásgeir
Sigurvinsson, í tvígang, Guðni
Kjartansson, Jóhannes Eðvalds-
son og Arnór Guðjohnsen fengið
þessa virtu viðurkenningu.
Eiður Smári tekur við kyndlin-
um af handknattleiksmanninum
Ólafi Stefánssyni en hann varð
efstur í kjörinu 2002 og 2003.
Eiður Smári var ekki viðstadd-
ur afhendinguna í gær þar sem
hann fékk ekki leyfi frá knatt-
spyrnustjóra Chelsea, Jose Mour-
inho, til að mæta vegna þess gíf-
urlega álags sem er á leikmönnum
þessa dagana. Þetta er í fyrsta
skipti síðan 1984 sem íþróttamað-
ur árins er ekki viðstaddur kjörið
en þá komst Ásgeir Sigurvinsson
ekki.
Eiður Smári og Arnór eru aðrir
feðgarnir sem hljóta þessi verð-
laun en áður höfðu þeir Vilhjálm-
ur Einarsson og Einar Vilhjálms-
son fengið þau.
Ítarlegt viðtal við Eið Smára
Guðjohnsen, Íþróttamann ársins,
mun birtast í Fréttablaðinu á
morgun. oskar@frettabladid.is
UNNUSTAN TÓK VIÐ BIKARNUM Unnusta Eiðs Smára Guðjohnsen, Ragnhildur
Sveinsdóttir, sést hér taka við bikarnum góða úr hendi Adolfs Inga Erlingssonar, formanns
Samtaka íþróttafréttamanna. Eiður Smári átti ekki heimangengt. Fréttablaðið/E. Ól
Eiður Smári í fótspor föður síns
Eiður Smári Guðjohnsen, leikmaður Chelsea og fyrirliði íslenska landsliðsins í knattspyrnu, var í gær-
kvöld valinn Íþróttamaður ársins 2004 af Samtökum íþróttafréttamanna. Hann er fyrsti knattspyrnu-
maðurinn sem hlýtur þennan titil síðan faðir hans, Arnór, fékk hann fyrir sautján árum.
■ ■ SJÓNVARP

17.30 Þrumuskot á Skjá einum.
Farið yfir leiki í ensku
knattspyrnunni.

18.30 Evróputúrinn á Sýn. Sýnt frá
móti á evrópsku mótaröðinni í
golfi.

19.30 Sterkasti maður heims á Sýn.
Kraftajötnar reyna fyrir sér í
ýmsum þrautum.

20.00 Bestu bikarmörkin á Sýn.
Saga ensku bikarkeppninnar.

21.00 Bardaginn mikli á Sýn. Sýnd
viðureign Muhammad Ali og Joe
Frazier.

22.00 NFL tilþrif á Sýn. Svipmyndir
úr leikjum helgarinnar.
Tímaritið Birta - frítt fyrir þig
• Svanhildur Hólm er meiri töffari en pæja
• Glimmer, glans og galakjólar
• Áramótaskaup að eilífu
• Brynhildur Björnsdóttir stingur í samband
• Bíómyndir vikunnar
• Sjónvarpsdagskráin
• Persónuleikapróf
• Stjörnuspá og margt fleira
ÚTBREIDDASTA TÍMARIT LANDSINS KEM
UR
Í D
AG
Ásgeir Örn Hallgrímsson á leið til Þýskalands:
Náði samkomulagi
við þýska liðið Lemgo
HANDBOLTI Einn efnilegasti hand-
knattleiksmaður landsins, Ásgeir
Örn Hallgrímsson, mun skrifa
undir tveggja ára samning við
þýska stórliðið Lemgo í byrjun
næsta árs. Hann klárar þessa
leiktíð með Haukum en flytur síð-
an búferlum til Þýskalands næsta
sumar. Ásgeir Örn hefur verið
orðaður við fjölda erlendra liða
síðustu mánuði en hefur tekið sér
góðan tíma í að finna rétta félag-
ið.
„Ég fór utan til félagsins rétt
fyrir jól og leist gríðarlega vel á
allar aðstæður. Ég vildi taka minn
tíma og skoða allt vel áður en ég
tók ákvörðun um hvert ég færi.
Ef eitthvert lið vill virkilega fá
mann þá bíður það eftir manni.
Umgjörðin hjá Lemgo er frábær
og þetta er mjög metnaðarfullt fé-
lag sem stefnir hátt og ég er gríð-
arlega ánægður með val mitt,“
sagði Ásgeir Örn við Fréttablaðið
í gær.
Lemgo hefur verið með eitt
besta lið Þýskalands síðustu ár og
innan raða félagsins er fjöldi
reyndra landsliðsmanna. Þeir eru
margir hverjir að komast á aldur
og því er félagið smám saman að
sækja unga leikmenn eins og Ás-
geir og Loga Geirsson, sem gekk
til liðs við félagið fyrir tímabilið.
„Þetta leggst gríðarlega vel í
mig og það er gaman að hafa Loga
þarna á svæðinu. Það munar mik-
ið að hafa Íslending á staðnum og
við Logi höfum alltaf náð ágæt-
lega saman. Ég neita því ekki að
það er ákveðinn léttir að vera bú-
inn að fá botn í mín mál. Ég vildi
velja rétt og ég tel mig hafa gert
það,“ sagði Ásgeir Örn en hann er
ákveðinn í því hvernig hann ætlar
að kveðja Haukana. „Ég ætla að
kveðja með Íslands- og deildar-
meistaratitli. Svo fer ég sáttur til
Þýskalands.“ henry@frettabladid.is
Á LEIÐ TIL ÞÝSKALANDS Ásgeir Örn Hallgrímsson leikur með Lemgo næstu tvö árin.
Fréttablaðið/Vilhelm
ÚRSLIT Í KJÖRINU Í GÆR
Eiður Smári Guðjohnsen, knattsp. 329
Þórey Edda Elísdóttir, frjálsar íþr. 246
Rúnar Alexandersson, fimleikar 162
Kristín Rós Hákonardóttir, sund 159
Ólöf María Jónsdóttir, golf 127
Birgir Leifur Hafþórsson, golf 100
Ólafur Stefánsson, handknattleikur 94
Jón Arnór Stefánsson, körfuknattl. 43
Hermann Hreiðarsson, knattspyrna 25
Heimir Guðjónsson, knattspyrna 16
Jón Oddur Halldórsson, frjálsar íþr. 9
Gunnar Örn Ólafsson, sund 9
Margrét Lára Viðarsdóttir, knattspyrna 9
Edda Lúvísa Blöndal, karate 8
Jakob Jóhann Sveinsson, sund 8
Guðrún S. Gunnarsdóttir, knattspyrna 6
Ragnheiður Ragnarsdóttir, sund 6
Róbert Gunnarsson, handknattleikur 6
Guðmundur Stephensen, borðtennis 5
Laufey Ólafsdóttir, knattspyrna 4
Rúnar Jónsson, rall 4
Gylfi Einarsson, knattspyrna 3
Heiðar Helguson, knattspyrna 3
Heiðar Davíð Bragason, golf 2
Kristjana Sæunn Ólafsdóttir, fimleikar 2
Björn Jónsson, hestaíþróttir 1
Helena Sverrisdóttir, körfuknattleikur 1
66-67 (26-27) sport 1 29.12.2004 20:50 Page 2