Fréttablaðið - 12.01.2005, Blaðsíða 2

2 12. janúar 2005 MIÐVIKUDAGUR
Klórverksmiðja Mjallar-Friggjar í Kópavogi:
Ekki talin ástæða til afskipta
KLÓRGAS Umhverfisráðuneytið
telur ekki ástæðu til að aðhafast
vegna vinnslu klórs í Kópavogi án
starfsleyfis á þessu stigi málsins.
Ráðuneytisstjóri segir að treysta
verði Heilbrigðiseftirliti bæjarins
til að tryggja öryggi íbúa svæðis-
ins.
Guðmundur H. Einarsson,
framkvæmdastjóri Heilbrigðis-
eftirlits Hafnarfjarðar og Kópa-
vogssvæðis, segir heilbrigðis-
eftirlitið ekki hafa fylgst með
hvort Mjöll-Frigg hafi klárað klór-
gasbirgðir sínar sem það fékk
leyfi til. Hætta á umhverfisslysi sé
lítil sem engin eftir að þrýstingi sé
létt af klórgasinu sem tilheyri
framleiðslunni, nema ef gat komi á
kerin sem geymi gasið. Hvort og
hve mikið sé eftir af klórgasinu
viti þeir því ekki.
Magnús Jóhannesson, ráðu-
neytisstjóri umhverfisráðuneytis-
ins, segir að komi fram ábendingar
um að heilbrigðiseftirlitið sé ekki
starfi sínu vaxið geti Umhverfis-
stofnun beitt sér í málinu. Þeir hafi
verið fullvissaðir um af hálfu heil-
brigðiseftirlitsins að engin hætta
sé á ferðum.
Forsvarsmenn Mjallar-Friggjar
hitta bæjarráð Kópavogs á
fimmtudag. Bæjarráð vill heyra í
þeim áður en framhaldið verði
ákveðið. - gag
Gætu fengið
fimmtán ára dóm
Tveir skipverjar Hauks ÍS hafa verið úrskurðaðir í sex mánaða gæsluvarð-
hald í Þýskalandi. Tuttugu til þrjátíu tollverðir og lögreglumenn með
fíkniefnaleitarhunda gerðu innrás í skipið í Bremerhaven.
FÍKNIEFNI Tuttugu til þrjátíu manns
úr þýska tollinum og lögreglunni
með tvo fíkniefnaleitarhunda
gerðu leit í Hauki ÍS-847 á
fimmtudagskvöldið í síðustu viku
og fundu um þrjú og hálft kíló af
kókaíni og svipað magn af hassi.
Fíkniefnin fundust falin í klefa
tveggja skipverjanna en þeir eru
38 og 50 ára. Þeir voru handteknir
og úrskurðaðir í sex mánaða
gæsluvarðhald í framhaldinu.
Ljóst er að efnin áttu að fara á
markað hér á landi þar sem skipið
var rétt ófarið frá Bremerhaven í
Þýskalandi þegar leitin var gerð
og ekki stóð til að skipið myndi
hafa viðkomu í öðrum höfnum á
leið sinni til Íslands. Mennirnir
gætu átt fimmtán ára fangelsi
yfir höfði sér verði þeir fundnir
sekir. Einn skipverja Hauks ÍS
sagði áhöfnina vera slegna yfir
málinu í samtali við Fréttablaðið.
Skipið hefur verið á karfaveiðum
fyrir Þýskalandsmarkað og var að
koma karfanum til kaupenda þar í
landi. Stoppað var í sólarhring til
að landa aflanum og rétt áður en
halda átti úr höfn gerðu lögreglan
og tollur innrás í skipið. Skipverj-
inn segir að eftir að fíkniefni
fundust hafi verið gerð leit víðar
um skipið en ekkert fundist.
Mennirnir tveir voru handteknir
en restin af áhöfninni fékk leyfi
til að fara úr landi eins og til stóð.
Haukur ÍS hóf aftur veiðar í októ-
ber en fyrir þann tíma hafði
skipið ekki verið á veiðum um
nokkurn tíma. Mennirnir tveir
hafa báðir verið í áhöfninni frá
því í október. Viðmælandi blaðs-
ins segir mennina ósköp venju-
lega og hafi ekki borið með sér að
þeir að þær væru líklegir fíkni-
efnainnflytjendur.
Þýska lögreglan hefur rann-
sóknina alfarið undir sínum hönd-
um og ekki liggur fyrir hvort lög-
regla hér á landi mun koma að
rannsókn málsins enda verst
lögreglan í Reykjavík frétta af
málinu. hrs@frettabladid.is
Járnblendifélagið:
Ósamið um
örfá atriði
KJARAMÁL Ákveðið hefur verið að
fresta kjaraviðræðum samninga-
nefnda eigenda og starfsmanna
Íslenska járnblendifélagsins á
Grundartanga í nokkra daga.
Vilhjálmur Birgisson, formað-
ur Verkalýðsfélags Akraness sem
um 90 prósent starfsmanna eiga
hlut að, segir örfá atriði standa út
á borðinu: „Það er einlæg von mín
að það takist að leysa þetta far-
sællega sem fyrst.“
Samninganefndirnar hafa
fundað stíft frá októberbyrjun.
Búist er við að ríkissáttasemjari
boði samninganefndirnar á fund
síðar í vikunni. - gag
■ RÍKISSTJÓRNIN
DAVÍÐ Í FRÍ Davíð Oddsson flaug
til útlanda í fyrradag en þá hóf
hann mánaðarleyfi frá störfum
utanríkisráðherra. Í forföllum
hans mun Halldór Ásgrímsson
forsætisráðherra gegna störfum
utanríkisráðherra.
Kristall Plús:
Ölgerðin
kærir
NEYTENDAMÁL Ölgerð Egils Skalla-
grímssonar hefur kært úrskurð
Umhverfis- og
heilbrigðisstofu
R e y k j a v í k u r
vegna banns við
dreifingu á
drykknum Krist-
al Plús.
Fram kemur í
kærunni ekki sé
séð að tugir inn-
fluttra vítamín-
bættra drykkja
hafi fengið leyfi.
Þá kemur fram
að Umhverfis- og heilbrigðisstofa
hafi ekki verið falið að veita leyfi
til notkunar bætiefna, né grípa til
aðgerða sé ekki sótt um slíkt leyfi.
Þá nái reglugerðin sem vísað er til
vegna umsóknarinnar ekki yfir
þau aukaefni sem er að finna í
Kristal Plús. Því sé bannið brot á
jafnræðisreglu og áskilur Ölgerð-
in sér rétt til að krefja Reykjavík-
urborg um skaðabætur vegna
banns á dreifingu drykkjarins. - ss
SPURNING DAGSINS
Guðjón Ólafur, verður þetta
„Amazing Race“ um fyrsta
sæti flokksins í borginni?
Þetta verður æsispennandi eins og
alltaf hjá okkur framsóknarmönnum.
Guðjón Ólafur Jónsson, varaþingmaður Fram-
sóknarflokksins, segir á vefnum Hriflu.is að ferill
Alfreðs Þorsteinssonar, leiðtoga framsóknar-
manna í borginni, sé senn á enda. Þróun borgar-
málanna hafi valdið honum vonbrigðum. Styrkur
Alfreðs sé mikill en vinsældirnar ekki eftir því.
Upplýsingar og miðasala: Sími: 551 1200
midasala@leikhusid.is www.leikhusid.is
Sýning annað kvöld!
HAUKUR ÍS 847
Skipið lagði að bryggju í Hafnarfirði um klukkan tíu í gærkvöldi. Áhöfnin fékk að
halda til Íslands á fimmtudagskvöld en lenti meðal annars í óveðri í Norðursjó
sem tafði för þeirra til landsins.
FR
ÉT
TA
B
LA
Ð
IÐ
/V
IL
H
EL
M
Stuðningshópur Bobbys Fischer:
Ætla að þrýsta á um svör frá Japan
STJÓRNMÁL Japanska dómsmála-
ráðuneytið gefur ekki upp
hvenær niðurstöðu sé að vænta í
skoðun þess á máli skákmeistar-
ans Bobbys Fischer.
Sæmundur Pálsson, fyrrver-
andi lögreglumaður og vinur
Fischers, segir lítið annað að
gera en að bíða niðurstöðu ráðu-
neytisins og telur óráðlegt að
halda til Japan til að sækja
Fischer fyrr en eftir að hún
liggur fyrir. „Mér finnst ólíklegt
að það myndi setja einhvern
þrýsting á stjórnvöld þar þótt
við færum til að sækja hann,“
segir hann.
Stuðningshópur Fischers hér
heima fundaði í gær um leiðir til
að koma hreyfingu á málið.
Ákveðið var að leggja spurning-
ar fyrir japönsk stjórnvöld
varðandi varðhald Fischers og
verða þær afhentar sendiráði
Japans hér.
„Það er enda óeðlilegt að halda
manninum svona lengi. Núna 13.
janúar verður þetta komið í hálft
ár,“ segir Sæmundur og bætir við
að varðhaldið hafi slæm áhrif á
heilsu Fischers. „Hann þjáist af
höfuðverk og fær ekki að fara út
nema 45 mínútur á dag, fimm
sinnum í viku.“ - óká
SÆMUNDUR PÁLSSON
Sæmundur, vinur skákmeistarans Bobbys
Fischer sem setið hefur í haldi í Japan í
tæplega hálft ár, segir standa til að þrýsta
á um svör frá japönskum yfirvöldum um
hvort Fischer verði heimiluð Íslandsför, en
hann er eftirlýstur í Bandaríkjunum.
■ BANDARÍKIN
SÍÐUSTU BRETUNUM SLEPPT
Bandarísk stjórnvöld hafa
ákveðið að sleppa fjórum síðustu
bresku föngunum sem haldið er
í fangabúðunum í Guantanamo.
Ákvörðunin var tekin í kjölfar
margra mánaða langra viðræðna
breskra og bandarískra stjórn-
valda. Svo kann að fara að
breska lögreglan handtaki menn-
ina þegar þeir snúa heim.
RÁÐHERRA HEIMAVARNA
George Bush hefur tilnefnt
Michael Chertoff, dómara við
áfrýjunardómstól, sem nýjan
ráðherra heimavarna. Chertoff
hefur verið einn helsti ráðgjafi
Bush í stríðinu gegn hryðju-
verkum. Hann tekur við starfinu
af Tom Ridge.
ÞÓR ÁSGEIRSSON
Bæjarfulltrúi Samfylkingar sagði
vinnubrögð í verksmiðju Mjallar-Friggjar
frumstæð á bæjarstjórnarfundi í Kópavogi.
Reynishverfi við Vík:
Átta af níu
komnir heim
SNJÓFLÓÐ Snjóflóðahættu í Reynis-
hverfi við Vík í Mýrdal hefur að
hluta verið aflétt. Heimilisfólki á
bæjunum Lækjarbakka og Reyni
hefur verið leyft að snúa heim.
Aðalvarðstjóri lögreglunnar í
Vík, Alexander Alexandersson,
segir ábúanda á bænum Görðum
hafa fengið tilmæli um að gista að
heiman þar sem spáin hafi ekki ver-
ið nógu hagstæð. Alls eru sex bæir í
Reynishverfi við Vík. Íbúum þrem-
ur þeirra, níu manns, var gert að
yfirgefa bæina á mánudag. - gag
Kópavogur:
Stjórinn á
fyrsta fundi
SVEITARSTJÓRNARMÁL Hansína
Björgvinsdóttir sat sinn fyrsta
fund sem bæjarstjóri í bæjar-
stjórn Kópavogs í gær.
Fulltrúar bæj-
arstjórnarinnar
óskuðu henni til
hamingju áður en
tekist var á um
b æ j a r m á l i n .
Málefni klórverk-
smiðju Mjallar-
Friggjar, sem hóf
starfsemi í bæn-
um án tiltekinna
leyfa, bar hæst á
fundinum. Auk þess voru ræddar
almenningssamgöngur í nýjum
hverfum bæjarins, ásamt fleiru.
- gag
HANSÍNA
BJÖRGVINS-
DÓTTIR
ANDRI ÞÓR
GUÐMUNDSSON
Forstjóri
Ölgerðarinnar.