Fréttablaðið - 28.04.2005, Blaðsíða 16

16 28. apríl 2005 FIMMTUDAGUR
Stungið í samband eins og gsm-síma
Steinar Sörensson og Sig-
urður Finnsson hefja í
haust innflutning á raf-
magnsbílum frá Indlandi.
Þeir reikna með að bíl-
arnir kosti í kringum eina
milljón og nái um 120
kílómetra hraða.
„Í þessu felst fyrst og fremst
mikill sparnaður. Það er dýrt að
reka hefðbundinn bíl og þess
vegna held ég að það sé stór
markaður fyrir rafmagnsbíla,“
segir Steinar Sörensson sem um
nokkurt skeið hefur unnið að
markaðs- og viðskiptaáætlun
ásamt Sigurði Finnssyni félaga
sínum. Stefna þeir á innflutning
indverskra rafmagnsbíla af
Reva gerð og eiga von á fyrsta
bílnum með haustinu.
„Indverjarnir hafa hingað til
aðeins framleitt bíla með stýrinu
hægra megin en eru að koma
með bíla fyrir hægri umferð,“
segir Steinar og á von á fyrsta
rafmagnsbílnum til landsins í
haust.
Bílarnir hafa tekið miklum
framförum, fyrsta útgáfa þeirra
náði 65 kílómetra hraða á
klukkustund og komst 80 kíló-
metra vegalengd á einni hleðslu.
Nýjasta týpan kemst hins vegar
upp í 120 og fer 200 kílómetra á
hleðslunni.
Steinari reiknast til að ind-
versku rafmagnsbílarnir frá
Reva kosti í kringum eina millj-
ón króna komnir á götuna á Ís-
landi. „Það þarf ekki að greiða af
þeim tolla og í gangi eru viðræð-
ur um að fella niður hluta virðis-
aukaskatts. Fari svo býst ég við
að verðið verði innan við millj-
ón.“
Og rekstur rafmagnsbílsins
ætti ekki að koma illilega við
pyngju eigendanna, Steinar tel-
ur hann verða um 25 þúsund
krónur á ári. „Bílnum er bara
stungið í samband eins og gsm-
síma.
Og markaðssetningin er þeg-
ar hafin. „Við finnum þegar fyr-
ir talsverðum áhuga og höfum
heyrt hljóðið í fólki og fyrirtækj-
um. Margir sjá fyrir sér að nota
rafmagnsbílinn í fyrirtækja-
snatt og svo er hann tilvalinn
sem annar bíll á heimili.“ Að
auki nefnir Steinar að rafmagns-
bíll henti vel námsmönnum og
þeim sem hafa minna milli hand-
anna. bjorn@frettabladid.is
16.710 BÖRN ERU Á LEIKSKÓLUM
LANDSINS
Heimild: Hagstofan
SVONA ERUM VIÐ
„Ég var að koma heim frá Turku í Finn-
landi þar sem ég var að kenna í tónlist-
arakademíunni,“ segir Gunnar Kvaran
sellóleikari, sem fannst ferðin geysilega
áhugaverð þar sem nemendurnir voru
mjög agaðir en samt galopnir fyrir nýj-
um hugmyndum sem þeir tileinkuðu
sér strax og án mótstöðu. Gunnar segir
Finna vera mjög framarlega í öllu sem
lítur að menntun, þeir séu metnaðar-
fullir og leggi fjármuni og orku í að
mennta sitt fólk. Það hafi skilað sér í því
að þessi fimm milljón manna þjóð eigi
fjöldann allan af heimsnöfnum í tónlist-
arheiminum. „Ég tel að það sé eitthvað
sem Íslendingar ættu að læra og taka
eftir,“ segir Gunnar sem fór í þriggja
daga frí til Kaupmannahafnar eftir Finn-
landsferðina. Þar tóku börnin hans á
móti honum á flugvellinum en þau eru
búsett í Danmörku. „Það var ljúf og góð
tilfinning,“ segir Gunnar sem er þó alltaf
feginn að koma heim.
„Ég er óforbetranlegur Íslendingur og
þegar ég kom út úr Leifsstöð og sá í
fjarska fjöllin og birtu hafs og himins
varð ég gagntekinn eins og alltaf þegar
ég kem heim frá útlöndum. Það eru
einhverjir töfrar við Ísland sem hitta mig
alltaf í hjartastað.“
Sumarið verður allsérstakt hjá Gunnari.
Hann þarf að gangast undir uppskurð
á öxl og má ekki snerta hljóðfærið í
fimm vikur. „Ég held ég hafi aldrei þurft
að taka jafn langt frí frá sellóinu,“ segir
Gunnar sem telur þó að þetta gefi góða
möguleika fyrir hann til að opna sig fyrir
öðrum hlutum.
Í frí frá hljóðfærinu í sumar
HVAÐ ER AÐ FRÉTTA? GUNNAR KVARAN SELLÓLEIKARI
„Þetta er bara dauði og djöfull rétt eins
og allt annað sem þessi ríkisstjórn hef-
ur gert í mannréttindamálum og öðru,“
segir Kormákur Geirharðsson veitinga-
maður, en framkvæmdastjóri Mann-
réttindaskrifstofu Íslands sér fram á að
loka þurfi skrifstofunni eftir að ríkis-
stjórnin ákvað að skerða styrki til
hennar.
Hingað til hefur skrifstofunni verið
skammtað fé í fjárlögum, en nú ákvað
ríkisstjórnin að hverfa frá því fyrir-
komulagi og útdeila styrkjum til ein-
stakra verkefna. Í ár fær staða sérfræð-
ings í mannréttindum hjá Öryggis- og
samvinnustofnun Evrópu styrk. Kor-
máki finnst þetta afleitt. „Þessi ríkis-
stjórn hefur enga tilfinningu fyrir því
hvað á að vera forgangsverkefni og
hvað ekki.“
Kormákur prísar sig þó sælan að Ís-
lendingar séu ágætlega staddir hvað
mannréttindi varðar en segir brýnt að
sofna ekki á verðinum.
KORMÁKUR GEIRHARÐSSON
Ósáttur við
forgangsröðun
FRAMLÖG TIL MANNRÉTTINDA-
SKRIFSTOFUNNAR
SJÓNARHÓLL
Söngur
Ólafur Kjartan Sigurðarson syngur
og Jónas Ingimundarson leikur á píanó
Ársreikningar LSH
Anna Lilja Gunnarsdóttir
framkvæmdastjóri fjárreiðna
og upplýsinga
Ávörp
Birna Kr. Svavarsdóttir
formaður stjórnarnefndar LSH
Jón Kristjánsson
heilbrigðis- og tryggingamálaráðherra
Erindi
Magnús Pétursson forstjóri LSH:
Samfélagslegt gildi heilbrigðisþjónustu
Vi›urkenningar
Afhending verðlauna fyrir vísindastörf
Starfsmenn á LSH heiðraðir fyrir
vel unnin störf
Framtí›arspítalinn
Jóhannes M. Gunnarsson
settur forstjóri LSH:
Nýtt sjúkrahús, ný hugsun
Susan Frampton forseti Planetree
samtakanna í Bandaríkjunum
og einn af höfundum bókarinnar
„Putting Patients First: Designing
and Practicing Patient-Centered Care”
flytur erindi um nýjustu strauma
í hönnun sjúkrahúsa og
sjúklingamiðaða heilbrigðisþjónustu
Allir velkomnir
Ársfundur
Landspítala - háskólasjúkrahúss
29. apríl 2005 í Salnum í Kópavogi
kl. 14:00 - 16:30
Mannlíf er nú með öðru móti en
vanalega í Vík í Mýrdal því Raul-
arinn 2005 fer fram á laugardag.
Raularinn er söngvakeppni þar
sem keppt er um besta söngvar-
ann, bestu sviðsframkomuna og
besta umboðsmanninn og eru skil-
yrði um sönghæfileika keppenda
ekki í forgrunni.
„Þetta gengur út á að umboðs-
menn keppenda auglýsa sinn um-
bjóðanda vikuna fyrir keppni og
hefur bærinn tekið stakkaskipt-
um þessa daga fyrir keppni,“ seg-
ir Sædís Ína Elíasdóttir skipu-
leggjandi Raularans.
Því til sönnunar má nefna að
starfsemi KB banka í bænum lam-
ast degi fyrir mót því þar er sleg-
ið upp Raularakaffi sem starfs-
fólkið sér um. Ku baksturinn vera
eins og í meðal fermingar-
veislu og allir velkomnir.
Sjö atriði eru skráð til
keppni þetta árið en mismarg-
ir taka þátt í hverju atriði. All-
ir syngja við undirleik
h l j ó m s v e i t a r i n n a r
Granít en þar fer
fremstur í flokki
g í t a r l e i k a r i n n
Sveinn Pálsson
sem auk þess er
sveitarstjóri í
Mýrdalnum.
R a u l a r i n n
varð til þegar
Sædís Ína var í
fæðingarorlofi
fyrir níu árum og
langaði að brydda upp á ein-
hverju skemmtilegu. Hún
hafði numið við Samvinnuhá-
skólann á Bifröst þar sem
hin þekkta keppni Bifrovi-
sjón er haldin ár hvert. Sædís
Ína sendi bréf til fólks og
fyrirtækja í Vík og kynnti
hugmyndina og fékk slík
viðbrögð að Raularan-
um var komið á fót.
Hann er nú haldinn í
níunda sinn og er
löngu orðinn að há-
punkti skemmtana-
lífsins í Vík og ná-
grenni. - bþs
Raularinn 2005:
Allt vitlaust í Vík í Mýrdal
SVEINN SVEITARTJÓRI
Leikur á gítar í hljómsveit-
inni Granít.
REVA Svona lítur nýjasta gerðin af hinum
indverska Reva rafmagnsbíl út.
STEINAR SÖRENSSON Hyggur á innflutning Reva rafmagnsbíla og segir þá henta vel námsmönnum og þeim sem hafa lítið milli
handanna.