Fréttablaðið - 28.04.2005, Blaðsíða 31

5FIMMTUDAGUR 28. apríl 2005
Eitt af hinum ævintýralegu þorp-
um við Gardavatn er Sirmione.
Þar hefur Íslendingurinn Fanney
Sigurðardóttir búið síðastliðinn
áratug og kann vel við sig. Fann-
ey sér um útleigu íbúða við vatn-
ið allt árið um kring og segir
hægt að leigja þær allt frá viku
upp í lengri tíma. Göngufæri er
frá húsunum að ströndum Garda-
vatns þar sem gott er að busla
yfir sumartímann. Vegir liggja til
allra átta frá vatninu og Veróna,
Feneyjar, Mílanó, Flórens og
fjallaþorp Alpanna eru upplagðir
áfangastaðir í grenndinni. Stein-
snar er í Gardaland sem er með
stærstu skemmtigörðum Evrópu
og Caneva er glæsilegur vatna-
garður í nágrenninu. Matargerð
er aðall Ítala og auðvelt er að
finna girnileg veitingahús við
vatnið. Auk þess er stutt út í
sveitirnar þar sem heimilislegir
matsölustaðir í fjölskyldueign
eru á hverju strái og ítölsk
„mamma“ sér um matargaldrana.
Þar er líka fjöldi vínekra.
Nánari upplýsingar gefur Fanney
Sigurðardóttir, fannar@inwind.it.
Íbúðir við rætur Alpafjalla
Gardavatn er meðal vinsælustu staða Ítalíu, umkringt róm-
aðri fegurð ítölsku Alpanna með sínum tignarlegu tindum.
Hægt er að leigja íbúðir í þorpum við vatnið þar sem gestrisn-
in er heimamönnum í blóð borin.
Mikið rapp á
Hróarskeldu
THE GAME, SNOOP DOGG OG FLEIRI
KOMA FRAM Á HÁTÍÐINNI Í SUMAR.
Hoppað úr og
í vagna
KYNNISFERÐIR OG SÉRLEYFISBIFREIÐ-
AR KEFLAVÍKUR, SBK, BYRJA MEÐ NÝJA
ÞJÓNUSTU Í MAÍ FYRIR FERÐAMENN Í
REYKJAVÍK.
Um er að ræða hringferð um höfuð-
borgina með „Hop On – Hop Off“ fyrir-
komulagi svokölluðu sem margir
þekkja eflaust frá helstu stórborgum
heimsins. Ferðirnar hefjast við Arnarhól
og verða stoppistöðvar í Ægisgarði,
Þjóðminjasafninu, BSÍ, Hótel Loftleið-
um, Perlunni, Kringlunni, Suðurlands-
braut við Hótel Nordica, Farfuglaheimil-
inu Laugardal og Hallgrímskirkju. Far-
þegar geta sem sagt hoppað úr og
hoppað inn á þessum stöðum, dvalið
þar eins lengi og þeir vilja og haldið
hringferðinni áfram. Farþegar verða
fluttir í tveim tveggja hæða vögnum
sem taka áttatíu manns í sæti. Í vögn-
unum er leiðsögukerfi á átta tungumál-
um: íslensku, ensku, dönsku, frönsku,
þýsku, spænsku, ítölsku og japönsku.
Ferðirnar eru farnar á klukkustundar-
fresti frá maí til september alla daga frá
klukkan 10 til klukkan 17. Verð er
1.500 krónur fyrir fullorðna, 750 krónur
fyrir 12 til 15 ára en frítt er fyrir 12 ára
og yngri. Sala í ferðirnar er hjá Kynnis-
ferðum á BSÍ, Hótel Nordica, Hótel
Loftleiðum og Hótel Sögu. Einnig er
hægt að kaupa miða í bílunum.
Vagnarnir sem flytja farþega eru á tveimur
hæðum og ansi litríkir.
The Game hefur bæst í hóp rappara
sem koma fram á Hróarskelduhátíð-
inni í sumar. Áður var búið að til-
kynna um rapparana Snoop Dogg,
The Perceptionists, Roots Manuva,
Timbuktu & Damn! og fleiri. The
Game var uppgötvaður af Dr. Dre og
kom fyrsta plata hans, The
Documentary, út í ár. Hægt er að for-
vitnast um The Game á vefsíðunni
thegameonline.net. Á vefsíðunni
roskilde-festival.is/index2.php?-
sida=bands er hægt að sjá allar
hljómsveitir sem spila á Hróarskeldu í
sumar en hægt er að kaupa miða hjá
Stúdentaferðum á exit.is.
Sirmione-tanginn er eitt af djásnum Gardavatns.
Kastalinn við enda tangans er vinsæll við-
komustaður og innan veggja hans er
fjöldi verslana og veitingastaða.
Íbúðirnar sem Fanney býður upp á eru bæði á tanganum og rétt fyrir utan. Sumar hafa
sameiginlega sundlaug í garðinum.
Á Heathrow er verið að grípa
til nýrra aðferða við öryggis-
eftirlit þessa dagana.
Farþegum sem ferðast reglulega
um Heathrow-flugvöll í London í
Englandi mun brátt bjóðast að
láta skanna lithimnu augna sinna í
staðinn fyrir að sýna öryggis-
verði vegabréfið sitt. Hér er á
ferð ný öryggisaðferð á flugvell-
inum sem gildir bara fyrir far-
þega sem eru frá löndum utan
Evrópusambandsins. Lithimna
augnanna er skönnuð og þær upp-
lýsingar geymdar í gagnagrunni.
Mun þessi aðferð líklegast
minnka biðraðir á flugvellinum til
muna og draga úr álagi meðal
öryggisvarða. Þessi nýja aðferð
verður kynnt í tveimur farþega-
sölum á Heathrow í lok þessa
mánaðar áður en kerfið verður
sett upp á öðrum breskum flug-
völlum. Stjórnendur á Heathrow
búast við að milljónir farþega geti
nýtt sér þessa þjónustu á næstu
fimm árum.
Milljónir manna ferðast um Heathrow-flugvöll á ári hverju.
Lithimna augna skönnuð