Fréttablaðið - 28.04.2005, Blaðsíða 66

„Jú, ég hef sungið þetta í
nokkrum uppfærslum áður,“ segir
Kristinn Sigmundsson um hlut-
verk Mefistófelesar í Fordæm-
ingu Fásts, óperu eftir Hector
Berlioz sem flutt verður í
konsertuppfærslu á tónleikum
Sinfóníuhljómsveitar Íslands í
kvöld.
Verkið er meðal merkustu tón-
verka rómantíska tímans og hefur
aldrei áður verið flutt í heild sinni
hér á landi. Kristinn hefur hins
vegar tekið þátt í flutningi þess
víða um heim undanfarin tíu ár
eða svo, meðal annars í Ástralíu
og Bandaríkjunum.
„Fyrst söng ég þetta fyrir um
það bil tíu árum í Bastillunni í
París. Þetta var það fyrsta sem ég
söng þar, og svo hef ég sungið
þetta hér og þar, meðal annars á
Berlioz-hátíð í fæðingarborg
Berliozar.“
Á þeirri hátíð sungu með hon-
um þau Donald Kaasch tenór og
Beatrice Uria-Monzon, sem
einnig taka þátt í uppfærslunni
hér á landi í kvöld. Kristinn segir
þau bæði afburða góða söngvara
og það var hann sem stakk upp á
því að þau yrðu fengin til að
syngja með sér í þessari upp-
færslu. Ástæðan er sú að þau hafa
staðið sig betur en aðrir söngvar-
ar sem hann hefur sungið með í
þessu verki.
„Tenórhlutverkið er til dæmis
óskaplega krefjandi. Berlioz
skrifaði mjög svínslega fyrir ten-
óra og í rauninni er eins og þetta
sé skrifað fyrir tvo eða þrjá ten-
óra. Af þeim sem ég hef sungið
með er Donald Kaasch eiginlega
sá eini sem mér finnst geta gert
þetta allt saman.“
Ekki síður er Kristinn hrifinn
af mezzó-sópransöngkonunni Be-
atrice Uria-Monzon, sem fer með
hlutverk Margrétar, heitkonu
Fásts.
„Hún er til dæmis ein frægasta
Carmenin þeirra í Frakklandi og
er með rödd sem ég get varla
hlustað á nema fara að gráta.
Þetta er svo stór og mikil rödd,
hljómurinn safaríkur og fallegur.“
Fjórði einsöngvarinn er Ólafur
Kjartan Sigurðarson, sem reynd-
ar fer með frekar lítið hlutverk í
þessu annars stórbrotna verki.
„Hann syngur fullan þýskan
stúdent,“ segir Kristinn, „sem
syngur um ófarir rottu sem lendir
inni í ofni og stiknar þar. Síðan
syngur kórinn sálumessu yfir
rottunni.“
Hins ógæfusama Fásts bíða
reyndar svipuð örlög, því hann
þarf að stikna í helvíti fyrir að
hafa selt djöflinum sál sína.
Auk einsöngvaranna taka
glæsilegir kórar taka þátt í flutn-
ingi verksins. Karlakórinn Fóst-
bræður kemur fram undir stjórn
Árna Harðarsonar, Óperukórinn í
Reykjavík og unglingakór Söng-
skólans einnig og þar heldur
Garðar Cortes um stjórnartauma.
„Þetta er stórkostleg músík og
mjög aðgengileg, á köflum alveg
himnesk og svo á köflum náttúr-
lega alveg djöfulleg,“
Kristinn getur ekki stillt sig
um að hrósa Sinfónliuhljómsveit
Íslands, sem hann segir standa sig
hreint ótrúlega vel í þessu verki
sem hann hefur svo oft tekið þátt
í að flytja.
„Ég er að heyra hluti í hljóm-
sveitinni sem ég hef aldrei heyrt
áður, og þó tel ég mig þekkja þetta
verk vel.“ ■
38 28. apríl 2005 FIMMTUDAGUR
EKKI MISSA AF…
... glerlistarsýningum í Gerðar-
safni í Kópavogi, sem lýkur nú
um helgina. Gerður Helgadóttir,
Meistari glers og málma nefnist
sýning á efri hæð safnsins, en á
neðri hæð er sýning á verkum
bresku glerlistarkonunnar
Caroline Swash, sem er yfirmað-
ur glerlistardeildar St. Martin’s
Central College of Art and Design
í London.
... óperunni Apótekaranum
eftir Haydn, sem þáttakendur í
Óperustúdíói Íslensku óperunnar
og Listaháskóla Íslands frumsýna
í Íslensku óperunni.
... kóramóti íslenskra kvenna-
kóra, sem haldið verður í Hafnar-
firði um helgina. Þar hefja sex
hundruð konur upp raust sína og
syngja af hjartans lyst.
Vistaskipti hafa orðið hjá tékkneska rithöfund-
inum Milan Kundera á Íslandi. JPV útgáfa hef-
ur tekið við íslenska útgáfuréttinum á verkum
hans af Máli og menningu.
Samningar þessa efnis tókust fyrr í þessum
mánuði milli JPV útgáfu og höfundarins, sem
er einn virtasti og vinsælasti rithöfundur
heims. Í framhaldi af því mun ein vinsælasta
skáldsaga hans á heimsvísu, Lífið er annars
staðar, koma út hjá JPV í haust. Sagan fjallar
um ungskáldið Jaromil og einlæga en fremur
grátbroslega leit hans að ást og fullkomnun.
Friðrik Rafnsson þýðir þessa bók eins og aðrar
bækur Kundera hérlendis.
Milan Kundera er sennilega þekktastur fyrir
skáldsöguna Óbærilegur léttleiki tilverunnar.
Nýjasta bók hans, ritgerðasafnið Tjaldið, kom
út í París nú í byrjun apríl og hefur hlotið afar
lofsamlega dóma í Frakklandi, en hún er líka
nýkomin út í Þýskalandi, á Ítalíu og víðar.
Mál og menning hefur frá árinu 1986 gefið út
verk Kundera, alls sjö skáldsögur, smásagna-
safn og ritgerðasafn, en hann hefur nú ákveð-
ið að færa sig yfir til JPV sem mun eftirleiðis
sjá um útgáfu á verkum hans.
Kl. 20.30
Vorbókahátíð bókaforlagsins Bjarts
verður haldin á Súfistanum við Lauga-
veg í tilefni af útgáfu bókanna Útgöngu-
leiðir eftir Steinar Braga, Steinsteypa
eftir Thomas Bernhard og Stríðsmenn
Salamis eftir Javier Cercas. Lesið verð-
ur úr bókunum þremur, auk þess sem
þýðendur kynna sína höfunda.
menning@frettabladid.is
JPV tekur við Kundera
FÁST FYLGIST MEÐ MEFISTÓFELESI Kristinn Sigmundsson sést þarna ásamt banda-
ríska tenórnum Donald Kaasch á æfingu með Sinfóníuhljómsveit Íslands í Háskólabíói.
Í kvöld verður Fordæming Fásts eftir Berlioz flutt í fyrsta sinn hér á landi.
Á köflum alveg djöfullegt
!
Sjá sýningar í dálk Borgarleikhússins
STÓRA SVIÐ
DRAUMLEIKUR
e. Strindberg. Samstarf: Leiklistardeild LHÍ.
Í kvöld kl 20 - UPPSELT,
Fö 6/5 kl 20 - AUKASÝNING,
Fö 20/5 kl 20 - AUKASÝNING,
Fö 27/5 kl 20 - AUKASÝNING,
Síðustu sýningar
HÍBÝLI VINDANNA
leikgerð Bjarna Jónssonar eftir
Vesturfarasögu Böðvars Guðmundssonar
Lau 30/4 kl 20, Su 8/5 kl 20, Fö 13/5 kl 20
Su 22/5 kl 20, Fi 26/5 kl 20
- Síðustu sýningar
HÉRI HÉRASON
e. Coline Serreau
Fö 29/4 kl 20, Lau 7/5 kl 20, Lau 21/5 kl 20
- Síðustu sýningar
KALLI Á ÞAKINU
e. Astrid Lindgren
Í samstarfi við Á þakinu
Su 1/5 kl 14 - UPPSELT Su 1/5 kl 17,
Fi 5/5 kl 14, Lau 7/5 kl 14, Su 8/5 kl 14,
Lau 14/5 kl 14
NÝJA SVIÐ/LITLA SVIÐ/ÞRIÐJA HÆÐIN
TERRORISMI
e. Presnyakov bræður
Í kvöld kl 20, Fi 5/5 kl 20, Fi 12/5 kl 20.
ALVEG BRILLJANT SKILNAÐUR
Einleikur Eddu Björgvinsdóttur.
Fö 29/4 kl 20 - UPPS., Lau 30/4 kl 20 - UPPS.,
Su 1/5 kl 20 - UPPS., Mi 4/5 kl 20 - UPPS.,
Fi 5/5 kl 20 - UPPS., Fö 6/5 kl 20 - UPPS.,
Lau 7/6 kl 20 - UPPS., Su 8/5 kl 20 - UPPS.,
Fi 12/5 kl 20
SVIK
eftir Harold Pinter
Samstarf: Á SENUNNI,SÖGN ehf. og LA
Í kvöld kl 20 - Aukasýning
RIÐIÐ INN Í SÓLARLAGIÐ
e. Önnu Reynolds.
Í samstarfi við leikhópinn KLÁUS.
Lau 30/4 kl 20, Fö 6/5 kl 20, Lau 7/5 kl 20
DANSLEIKHÚSIÐ
AUGNABLIKIÐ FANGAÐ
fjögur tímabundin dansverk
Su 1/5 kl 19:09 Síðasta sýning
Börn 12 ára og yngri fá frítt í
Borgarleikhúsið í fylgd
fullorðinna
- gildir ekki á barnasýningar
Miðasölusími 568 8000 • midasala@borgarleikhus.is
Miðasala á netinu www.borgarleikhus.is • Miðasalan í Borgarleikhúsinu er opin:
10-18 mánudaga og þriðjudaga, 10-20 miðviku-, fimmtu- og föstudaga
12-20 laugardaga og sunnudag
FR
ÉT
TA
B
LA
Ð
IÐ
/G
VA
■ ■ TÓNLEIKAR
 19.30 Einsöngvararnir Kristinn Sig-
mundsson, Ólafur Kjartan Sigurð-
arson, Beatrice Uria-Monzon og
Donald Kaasch flytja Fordæmingu
Fásts eftir Hector Berlioz ásamt Sin-
fóníuhljómsveit Íslands, Óp-
erukórnum í Reykjavík og Karla-
kórnum Fóstbræðrum á tónleikum í
Háskólabíói. Kórstjórar eru Garðar
Cortes og Árni Harðarson, en
hljómsveitarstjóri er Rumon Gamba.
 20.00 Karlakórinn Þrestir í Hafnar-
firði heldur vortónleika í Hafnarborg í
Hafnarfirði. Örn Árnason leikari
syngur einsöng með kórnum, en
stjórnandi er Jón Kristinn Cortez.
 21.00 Djasskvintettinn AutoReverse
stígur á stokk á síðustu Múlatónleikum
vetrarins á Hótel Borg. Á efnisskránni
er kraftmikill jazz úr ýmsum áttum.
 Hljómsveitirnar The Fucking
Champs og Dark Harvest spila á
Grand Rokk.
■ ■ SKEMMTANIR
 20.00 Trúbadorakeppni Suður-
nesja verður haldin í Ránni í Keflavík.
■ ■ FYRIRLESTRAR
 17.15 Rektor Háskóla Íslands og
Sendiráð Frakklands á Íslandi efna til
opins fyrirlestrar Frédéric Baleine du
Laurens um þátt Frakklands öryggis-
og varnarmálastefnu Evrópu. Hann
verður haldinn í Háskóla Íslands,
Lögbergi, stofu 101.
■ ■ FUNDIR
 07.45 Félagsfræðingafélag Íslands
stendur fyrir opnum morgunverðar-
fundi á Grand hóteli í Reykjavík um
foreldrahlutverkið og atvinnulífið. Þrír
félagsvísindamenn, þau Gyða Mar-
grét Pétursdóttir, Gísli Hrafn Atla-
son og Hildur Friðriksdóttir kynna
niðurstöður nýrra rannsókna um
samþættingu fjölskyldulífs og at-
vinnu.
■ ■ SAMKOMUR
 20.30 Bókaforlagið Bjartur efnir til
Vorbókahátíðar á kaffihúsinu Súfist-
anum, Laugavegi 18. Tilefni hátíðar-
innar er útgáfa bókanna Útgöngu-
leiðir eftir Steinar Braga, Steinsteypa
eftir Thomas Bernhard og Stríðs-
menn Salamis eftir Javier Cercas.
Lesið verður úr bókunum þremur,
auk þess sem Hjálmar Sveinsson
og Jón Hallur Stefánsson, þýðendur
þeirra Bernhards og Cercasar, kynna
sína höfunda. Einnig mun huldu-
sveitin Yellow Monkey Flower troða
upp.
Upplýsingar um viðburði og sýningar
sendist á hvar@frettabladid.is ekki
síðar en sólarhring fyrir birtingu.
HVAÐ? HVENÆR? HVAR?
25 26 27 28 29 30 1
Fimmtudagur
APRÍL