Fréttablaðið - 28.04.2005, Blaðsíða 38

4 ■■■ { LANDBÚNAÐUR } ■■■■■■■■■■■■■■■■■■■■■■■■■■■■■■■■■■■■■■■■■■■■■

 









 





  






 
„Sveitalífið í Eyjafirði er gott,“ segir
Gunnar Gíslason, forstöðumaður
Vélatorgs við Glerártorg á Akureyri.
Vélatorg er ungt fyrirtæki, stofnað
árið 2003 gagngert til að taka við
Caese-umboðinu. „Vélatorg er lítið
fyrirtæki og boðleiðirnar því stuttar.
Það gerir það að verkum að við
erum í meiri nánd við viðskiptavini
og suma þekkjum við persónulega,“
segir hann. „Viðskiptin hafa verið
að aukast smátt og smátt en góðir
hlutir gerast hægt.“
Þó fyrirtækið sé staðsett norður í
landi veitir það þjónustu um allt
land. Bændur geta pantað dráttar-
vélar í gegnum síma og þær eru
síðan fluttar landleiðina. „Við erum
með viðskiptavini um allt land,“
segir Gunnar.
Caese-dráttarvélarnar hafa hlotið
góðar viðtökur enda segir hann
þetta vera nýjar vélar byggðar á
gömlum merg. „Þær hafa reynst
vel og eru hagstæðu verði.“
Caese-dráttarvélarnar eru til í
fjórum gerðum, frá 85 hestöflum
til 190 hestafla. „Tvær eru fram-
leiddar í Austurríki og svo fáum
við vél frá Ítalíu og Bretlandi.“
Ending dráttarvéla er ekki um
margt ólík endingartíma bíla en
það fer allt eftir umhirðu. „Það
eru Caese-vélar í notkun hér á
landi sem voru framleiddar á átt-
unda áratugnum. Bóndi sem er
með sæmilega stórt bú er hins
vegar að endurnýja aðalvélina
sína á fimm ára fresti,“ segir
Gunnar.
„Ég hef áhuga á öllu mögulegu og
þetta hentar mér ágætlega því hér er
fullt af ögrandi verkefnum,“ segir Ingi-
björg brosandi. Hún kennir viðskipta-
og rekstrargreinar við skólann og stýr-
ir tveimur kúrsum við ferðamálabraut-
ina sem heita Framreiðsla og veitingar
og Matur og menning. Auk þess vinn-
ur hún að rannsóknarverkefni í hesta-
tengdri ferðaþjónustu. Ingibjörg segir
hrossaræktarbrautina standa á göml-
um merg því tamning og þjálfun hesta
hafi verið stór hluti af búfræðináminu
sem var við lýði á Hólum til 1996.
„Hrossaræktarbrautin er sívinsæl og
alltaf þarf að vísa frá því aðstaðan tak-
markar fjöldann,“ segir hún. Námið
við brautina skiptist í þrjú ár og hvert
ár gefur vissar gráður. Hestafræðingur
og leiðbeinandi verður sá sem stenst
próf fyrsta árs. FT prófið er tekið eftir
annað árið. Það gefur réttindi inn í
félag tamningamanna og eftir þriðja
árið verða menn reiðkennarar og þjálf-
arar. „Það getur verið ágætt að vinna
við hestamennsku um tíma á milli
annars og þriðja árs því það þarf dá-
litla reynslu til að komast gegnum
lokaáfangann,“ segir Ingibjörg.
Fiskeldisbrautin er að mestu leyti á
Sauðárkróki í nýju 1.500 fermetra
húsnæði. „Mér skilst á þeim sem til
þekkja að það sé stærsta og fjöl-
breyttasta rannsóknarrými sem til
sé í fiskeldi í heiminum,“ segir Ingi-
björg stolt. Brautin útskrifar fisk-
eldisfræðinga eftir eins árs nám og
nú er að bætast við meira líffræði-
tengt nám til BS-prófs.
Svo er það ferðafræðinámið á Hólum,
sem var það fyrsta sem kennt var á
háskólastigi árið 1996. Nú er hægt að
ljúka BA-námi í greininni. Staðar-
varðanám er líka ein af nýjungunum.
„Það er fyrir starfsfólk staða sem
þarfnast umsjónar og leiðsagnar um,“
útskýrir Ingibjörg og nefnir Hóla,
Gásir og hin ýmsu minjasöfn sem
dæmi um slíka staði. Af ferðamála-
braut útskrifast fólk með diplóma í
ferðamálum dreifbýlis og fær land-
varðaréttindi líka. „Það þarf fullt af
landvörðum til starfa yfir sumarið,“
bendir Ingibjörg á. „Þjóðgörðum er
að fjölga og það er aukinn áhugi á
umhverfismálum meðal þjóðarinnar.
Hún segir marga læra ferðafræðina í
fjarnámi og vinna ýmis verkefni út
frá sinni eigin ferðaþjónustu. „Þá
fær fólk álit sérfræðinga á því hvað
það er að gera vel og hvað mætti
bæta og þetta hefur mörgum þótt
góð leið til að taka eigið fyrirtæki í
gegn. Svo er líka þroskandi fyrir
okkur kennarana að kynnast þessu,“
segir hún að lokum.
gun@frettabladid.is
Caese-dráttarvélarnar eru til í fjórum gerðum og því ættu allir bændur að finna eitthvað
við sitt hæfi.
Lítið en persónu-
legt fyrirtæki
Ending dráttarvéla er í kringum fimm ár en það veltur að
sjálfsögðu á umhirðu.
Þau Sara Arnbro, Ísólfur Líndal, Birna Tryggvadóttir og Filippa Motan eru öll á þriðja ári
hrossaræktarbrautar og eru því verðandi reiðkennarar.
Hólaskóli á Hólum í Hjaltadal stendur á gömlum merg en er í stöðugri þróun.
Fagnám á gömlu
frægðarsetri
Margur bóndinn hefur sótt menntun sína heim að Hólum. Þar skiptist kennslan nú í þrjár
brautir: hrossarækt, fiskeldi og ferðamál í dreifbýli. Ingibjörg Sigurðardóttir í Víðinesi
í Hjaltadal starfar bæði við kennslu og rannsóknir á Hólum.
„Hrossaræktarbrautin er
sívinsæl og alltaf þarf að
vísa frá því aðstaðan tak-
markar fjöldann.“
Ingibjörg þekkir bæði hvernig er að vera nemandi og kennari á Hólum auk þess sem hún veitti mötuneytinu forstöðu um tíma.