Fréttablaðið - 04.05.2005, Qupperneq 12

MÓTMÆLA RÚNINGI
Meðlimir róttæku dýraverndunarsamtak-
anna PETA mótmæla rúningi sauðfjár og
meintri dýraníðslu við útflutning fjár á fæti
frá Ástralíu við Benetton-búð í miðborg
Mílanó á Ítalíu í gær.
12 4. maí 2005 MIÐVIKUDAGUR
Ekkert lát á skálmöldinni í Írak:
Uppreisnarmenn færast í aukana
BAGDAD, AP Uppreisnarmenn í Írak
hafa fært sig upp á skaftið undan-
farna daga. Síðan tilkynnt var um í
síðustu viku að ný ríkisstjórn hefði
verið mynduð hafa að minnsta
kosti 130 manns týnt lífi í árásum.
Í gærmorgun sprakk öflug bíl-
sprengja í verslunarhverfi í
Bagdad og fórust sex manns í til-
ræðinu en sjö slösuðust alvarlega.
Um svipað leyti létust þrír Írakar í
sprengingu við eftirlitsstöð lög-
reglu í öðru hverfi borgarinnar. Á
sunnudaginn fórust í það minnsta
36 landsmenn í árásum víðsvegar
um landið, þar af féllu 25 þegar
sjúkrabíl hlöðnum sprengiefnum
var ekið inn í líkfylgd í borginni Tal
Afar. Talið er að súnníar sem eru
ósáttir við sinn hlut í stjórn lands-
ins standi á bak við flestar árásirn-
ar.
Á sama tíma hafa hersveitir
handtekið fjölda meintra uppreisn-
armanna, 84 hafa verið gómaðir í
Bagdad síðustu tvo daga og 52
nærri Diyarah.
Talsmaður Ibrahim al-Jaafari
forsætisráðherra sagði í gær að
búið væri að fylla sex af þeim sjö
ráðherraembættum sem ekki náð-
ist samkomulag um í síðustu viku.
Þó á eftir að skipa í hið viðkvæma
embætti varnarmálaráðherra en
fastlega er búist við að það komi í
hlut súnnía. ■
Göngin milli Reyðarfjarðar og Fáskrúðsfjarðar:
Malbikun áfram eftir hvítasunnu
FJARÐABYGGÐ Fyrsta malbikunar-
áfanganum í göngunum milli Fá-
skrúðsfjarðar og Reyðarfjarðar
var lokið í síðustu viku. Þar með
hafa 40 prósent af göngunum
verið malbikuð frá endanum Fá-
skrúðsfjarðarmegin.
Næsti malbiksáfangi fer af
stað eftir hvítasunnu og lýkur
tíu dögum síðar. Síðasti áfang-
inn, í gegnum munnann við
Reyðarfjörð, verður ekki mal-
bikaður fyrr en um miðjan júní.
Verið er að gera göngin klár
til malbikunar, ljúka bergstyrk-
ingum, leggja drenlagnir í gegn-
um göngin og byggja upp veg-
inn. Vegurinn verður síðan mal-
bikaður og í framhaldi af því
verður unnið með raflagnir og
lýsingu og loftræstingu sem far-
ið verður af stað með á næst-
unni.
Verið er að steypa vegskál-
ann Reyðarfjarðarmegin og tek-
ur sú vinna fjórar til fimm vikur
til viðbótar.
Gísli Guðmundsson stöðvar-
stjóri segir að heilmikil vega-
vinna sé eftir í göngunum og
fyrir utan þau.
„Við verðum í því fram á
haust að klára þessa vegi. Það á
að leggja klæðningu á þá líka,“
segir hann.
- ghs
Veðurfar í apríl:
Hiti yfir
meðallagi
VEÐUR Hiti var vel yfir meðallagi
síðari hluta apríl, að tveimur síð-
ustu dögunum undanskildum, sam-
kvæmt samantekt Trausta Jónsson-
ar veðurfræðings.
Aprílmánuður var bæði hlýrri og
vætusamari í Reykjavík en í meðal-
ári. Meðalhiti var 4,2 stig sem er 1,3
stigum yfir meðallagi en samt kald-
ara en síðustu tvö ár. Mestur mæld-
ist hitinn fjórtán gráður og hefur
svo hár hiti ekki mælst í Reykjavík
í apríl síðan 1965. Þá var úrkoma
þriðjungi meiri en í meðalári.
Meðalhitinn á Akureyri var 2,9
stig, 1,3 stigi hlýrri en í meðalári, og
úrkoma í rétt tæpu meðallagi. - bþg
Sjálfsbjörg:
Reglugerð
mótmælt
FÉLAGSMÁL Sjálfsbjörg, félag fatl-
aðra á höfuðborgarsvæðinu,
mótmælir breytingu á reglu-
gerð um sjúkraþjálfun og óskar
eftir skýrri stefnu stjórnvalda
varðandi fatlaða á vinnumark-
aði. Þá átelur félagið breytingar
skuli gerðar án samráðs við fatl-
aða. Ályktun þessa efnis var
samþykkt á aðalfundi samtak-
anna um helgina.
„Með nýrri reglugerð um
kostnaðarþátttöku Trygginga-
stofnunar ríkisins í sjúkraþjálf-
un er þátttaka í kostnaði vegna
sjúkraþjálfunar fatlaðra á
vinnumarkaði stóraukin. Þessi
breyting bætist við aðra tekju-
tengda stoðþjónustu við fatlaða
s.s. heimilishjálp og aukinn
lyfjakostnað,“ segir í ályktun-
inni.
- óká




 





  


  

 !"#$




%$&$





#



     
'()
*#( 
#+

)+  #
#$,
   (
#-  #).#
  
+ 
 /

0

 
 
 12


# $



 34 51
 
/
#
 5
 # 


#    # )
$
3-#
 
 /


 0# # *


#  


# *



/
# /

$




 
 $  67$28 9 
 !  
"#$ %% #& %%
/

 
  # *)
'''
( $  




!

) 
* 

 



+!,
,  ■ INDÓNESÍA
■ LEIÐRÉTTING
FR
ÉT
TA
B
LA
Ð
IÐ
/V
IL
LI
VIÐ TENGIVINNU Í GÖNGUNUM
Gunnar Skarphéðinsson, starfsmað-
ur í tengivinnu hjá Rarik, tengir
saman 66 kílóvolta rafmagnskapla.
VIÐ GÖNGIN Í REYÐARFIRÐI Unnið við vegskál-
ann Reyðarfjarðarmegin. Verið er að steypa vegskál-
ann og tekur sú vinna um mánuð í viðbót.
FR
ÉT
TA
B
LA
Ð
IÐ
/A
P
HELSÆRÐUR
Hussein Ali lenti í sprengingu í Karadah-
hverfinu í Bagdad í gær sem kostaði þrjú
mannslíf.
VALDAMENN
Koizumi hitti í gær þá Jose Manuel Bar-
roso, forseta framkvæmdastjórnar ESB, og
Jean Claude Juncker (t.h.).
Vopnasala til Kína:
Japanar
uggandi
LÚXEMBORG, AP Leiðtogar Evrópu-
sambandsins reyna nú að róa Jun-
ichiro Koizumi, forsætisráðherra
Japans, en hann hefur varað ein-
dregið við að vopnasölubanni sam-
bandsins til Kína verði aflétt.
Jean Claude Juncker, forsætis-
ráðherra Lúxemborgar, sagði að
sambandið myndi alltaf taka hags-
muni Japana með í reikninginn þeg-
ar lokaákvörðun um málið verður
tekin í júní, en Lúxemborgarar fara
með formennsku í ráðherraráði
ESB.
Þjóðverjar og Frakkar hafa
áhuga á að aflétta banninu en stefna
Kína gegn nágrönnum sínum veldur
ugg víða um heim. ■
FR
ÉT
TA
B
LA
Ð
IÐ
/A
P
Ellý K. Guðmundsdóttir, forstöðu-
maður Umhverfis- og heilbrigðis-
stofu, var rangnefnd Ellý J. Vil-
hjálmsdóttir í frétt í blaðinu í gær
og titluð sviðsstjóri umhverfissviðs.
LÖMUNARVEIKI AFTUR EFTIR
TÍU ÁR Fyrsta lömunarveikitil-
fellið í tíu ár hefur greinst í
Indónesíu. Tilfellið greindist í
farandverkamanni og virðist
vera sambærilegt þeim tilfell-
um sem komið hafa upp í Afr-
íku og Miðausturlöndum að
sögn Alþjóðaheilbrigðisstofnun-
arinnar.