Fréttablaðið - 08.06.2005, Blaðsíða 12

12 8. júní 2005 MIÐVIKUDAGUR
Þeir Jesaja og Joeri eru vígreifir og
hressir en að drepast úr harðsperr-
um. Þeir eru nýkomnir af fjöllum
eftir mjög erfiða tíu daga ferð frá
Blönduósi að Hellu sem þeir fóru á
sérhönnuðum hlaupahjólum.
Þetta er önnur ferð þeirra hér á
landi en alls fara þeir þrjár ferðir
og í hvert sinn leitast þeir við að
safna peningum fyrir einhvern
sjaldgæfan sjúkdóm sem herjar á
börn. Að þessu sinni safna þeir fyr-
ir börn sem þjást af slímseigjusjúk-
dómi eða cystic fibrosis.
Þeir komu hingað fyrst í október
árið 2001 og renndu sér þá í kring-
um landið á línuskautum. Þeir
reyna að velja furðulegan ferða-
máta til að vekja athygli en á næsta
ári ætla þeir að renna sér yfir
Vatnajökul á seglbrettum.
Þeir hittust fyrst fyrir sex árum
þegar Jesaja gekk til liðs við fyrir-
tæki Joeri í Hollandi sem skipulegg-
ur alls kyns uppákomur fyrir fyrir-
tæki og hópa sem vilja gera eitt-
hvað allt annað . Þegar þeir eru
spurðir hvort þeir séu góðir vinir
líta þeir hvor á annan. „Ekki leng-
ur,“ segja þeir og hlæja dátt, „en við
verðum það aftur eftir tvær vikur“.
Það var hálfgerð tilviljun að Ís-
land varð fyrir valinu hjá þeim fé-
lögum. Fyrir ferð þeirra 2001 leit-
uðu þeir að eyju og datt fyrst í hug
að fara til Bahamaeyja en það hafði
enginn áhuga á að styrkja þá til
þeirrar ferðar. Þá duttu þeir niður á
Ísland sem þótti ævintýralegra og
hættulegra og lagðist betur í styrk-
veitendur.
Ferðin yfir landið sóttist mjög
hægt. Oft óðu þeir snjó upp að
hnjám og í raun voru hjólin meiri
byrði en hjálp. Minnast þeir þess að
þeir þurftu iðulega að ýta hjólunum
niður í móti. En langaði þá ekki
stundum til að henda hjólunum út í
hafsauga? „Allan tímann,“ segja
þeir hlæjandi.
Þeir lentu í ýmsum hremming-
um á leiðinni. Verst var þegar þeir
féllu þrjá metra ofan í holu í snjó í
Kerlingarfjöllum. Á rann þar undir
sem var þó ekki mjög djúp. „Við
vorum þrjá tíma að komast upp úr,“
segir Joeri en hjólin vega 32 kíló
hvert með farangri og síga því tölu-
vert í. „Joeri plataði mig út í þetta,“
segir Jesaja, „hann hélt því fram að
þetta yrði tveggja vikna létt ganga,
næstum eins og frí,“ segir hann og
gýtur augunum kankvís en ásak-
andi á félaga sinn.
Hægt er að skoða myndir af ferð
þeirra félaga á vefslóðinni
www.triplexpedition.com
solveig@frettabladid.is
ÁRIÐ 2003 VORU 165.242 VARP-
HÆNSNI Á ÍSLANDI.
Heimild: Hagstofan
SVONA ERUM VIÐ
Það er helst að frétta að bókin
mín Flateyjargáta kemur út í Þýska-
landi í júlí og heitir upp á þýsku Das
Rätsel von Flatey,“ segir Viktor Arnar
Ingólfsson rithöfundur.
Viktor segir að búið sé að kynna
bókina rækilega í Þýskalandi og
hann hlakkar mikið til útgáfunnar
þótt honum gefist ekki kostur á að
bregða sér til Þýskalands. Að hans
sögn rataði bókin á borð þýskra for-
leggjara í gegnum Colettu Bührling
sem hér hefur lengi búið. „Hún hef-
ur þýtt bækur eftir Arnald Indriðason,
Steinunni Sigurðardóttur og fleiri Ís-
lendinga á þýsku. Hún las bókina
mína og benti forlaginu Lübbe á
hana og þeir ákváðu að gefa hana út.
Viktor er með mörg járn í eldin-
um og vinnur að nýrri skáldsögu
sem hann stefnir á að gefa út á
næsta ári, en Lübbe hefur líka
keypt útgáfuréttinn að henni. Sam-
hliða ritstörfunum vinnur Viktor
hjá Vegagerðinni en þar sem hann
fékk starfslaun í fyrra og í ár sér
hann fram á að geta tekið sér frí til
að einbeita sér að skrifum. Hann
er þó ekki viss um að sér gefist
tími til að taka sumarfrí. „Ég er að
minnsta kosti ekki búinn að ráð-
stafa því, en það er ekki ólíklegt að
ég bregði mér til Skagafjarðar með
fjölskyldunni. Norðurlandið er
svæði sem ég hef verið að kynnast
undanfarið.“
Vinnur a› skáldsögu og útgáfu í fi‡skalandi
HVAÐ ER AÐ FRÉTTA? VIKTOR ARNAR INGÓLFSSON RITHÖFUNDUR
„Mér líst ágætlega á þetta ef ekki hljótast
nein náttúruspjöll af,“ segir Guðrún Dögg
Guðmundsdóttir, framkvæmdastjóri
Mannréttindaskrifstofu Íslands, um fyrir-
ætlanir Orkuveitu Reykjavíkur um að
hanna gistiaðstöðu og baðsvæði á Nesja-
völlum.
Ætlunin er að nýta náttúrulegt afrennsli
frá jarðhitasvæðinu sem svipar til þess
rekstrar sem Bláa lónið er með í Svarts-
engi. Saga heilsa og spa mun sjá um
reksturinn ef af verður en líklega verður
baðsvæðið þó ekki jafn umfangsmikið og
Bláa lónið. Guðrún segir einnig jákvætt ef
slík náttúruvæn ferðaþjónusta getur eflt
atvinnulíf á svæðinu. Hún segir ekki ólík-
legt að hún muni prófa aðstöðuna, hins
vegar fari hún mjög sjaldan í sund og því
veki þessi nýja baðaðstaða engar sérstak-
ar kenndir hjá henni.
GUÐRÚN DÖGG GUÐMUNDSDÓTTIR
Vekur engar
sérstakar kenndir
ORKUVEITAN Í BAÐREKSTUR
SJÓNARHÓLL
Frumleg smygltilraun:
Fiskar undir
pilsfaldinum
Tollverðir í Ástralíu fundu
óvenjulegt góss á óvenjulegum
stað á dögunum þegar þeir stöðv-
uðu konu á flugvellinum í Melbo-
urne. Við leit á konunni fundu þeir
51 lifandi fisk sem svömluðu um í
þar til gerðri svuntu undir pilsi
konunnar.
Tollayfirvöld segja verðina
hafa grunað að það væri maðkur í
mysunni þegar þeir heyrðu tor-
kennileg hljóð berast frá skauti
konunnar. Við nánari skoðun kom
í ljós að konan var með fimmtán
plastpoka innanklæða sem í voru
51 hitabeltisfiskur af óþekktri
tegund. Konunnar bíður ákæra
eftir að kennsl hafa verið borin á
fiskana. Verði hún fundin sek um
að smygla villtum dýrum á konan
yfir höfði sér allt að fimm milljón
króna sekt eða tíu ára fangelsi.
FISKASVUNTAN Það er ábyggilega ekki
hlaupið að því að rogast með þessa byrði
framan á sér eftirtektarlaust.
Fur›ulegur fer›amáti
HOLLENSKIR GARPAR Jesaja og Joeri með allan útbúnaðinn.
ERFITT YFIRFERÐAR Þeir félagar gátu lítið rennt sér á hjólunum og þurftu meira og
minna að draga og ýta þeim alla leið.
Hollendingarnir Jesaja Bouman og Joeri Rooij hafa nýlokið tíu daga ferð þvert yfir há-
lendið á hlaupahjólum. Þeir eru að safna peningum fyrir veik börn. Árið 2001 fóru þeir í
kringum landið á hjólaskautum og á næsta ári ætla þeir á seglbrettum yfir Vatnajökul.
VIKTOR ARNAR INGÓLFSSON