Fréttablaðið - 08.06.2005, Blaðsíða 34

MIÐVIKUDAGUR 8. JÚNÍ 2005 MARKAÐURINN10
F R É T T A S K Ý R I N G
KB banka hafði einungis borist vilyrði fyrir
þrettán prósentum hlutafjár í Singer&Fried-
lander daginn áður en kauptilboð til hluthafa
breska bankans rann út síðastliðinn föstudag.
Markmiðið var að kaupa að minnsta kosti 75
prósent af hlutafé Singer&Friedlander, sem
ekki væri þegar í eigu KB banka. Niðurstað-
an var sú að hluthafar samþykktu að selja
rúm 69 prósent.
Tony Shearer, forstjóri Singer&Friedland-
er, segir að það komi varla á óvart í Bretlandi,
að þetta markmið náist ekki í fyrstu atrennu.
Yfirtökuferlið sé óskilvirkt og hluti af skýr-
ingunni sé hægvirk póstþjónusta. Margir séu
líka latir að senda inn samþykki sitt og bregð-
ist seint við. Þrátt fyrir að einungis hefði
borist vilyrði fyrir þrettán prósentum hluta-
fjár á fimmtudeginum hefði niðurstaðan orð-
ið sú að KB banki fékk vilyrði fyrir að kaupa
rúmlega 69 prósent þegar upp var staðið.
Frestur fyrir hluthafa, sem enn eiga hlut í
Singer&Friedlander og vilja samþykkja yfir-
tökutilboð KB banka, var framlengdur og
rennur út 14. júní næstkomandi. Tony Shear-
er er í litlum vafa um að KB banki nái að
eignast þessi 75 prósent í bankanum til við-
bótar því sem hann á fyrir. Til að það náist
þarf íslenski bankinn að kaupa tæp sex pró-
sent hlutafjár til viðbótar og eignast þá sam-
anlagt áttatíu prósent í breska bankanum.
Þess er því ekki langt að bíða að Kaup-
þingsmenn fari að skipta sér af daglegum
rekstri Singer&Friedlander. Eftir að
seinni tilboðsfresturinn rennur út
hafa bresk fjármálayfirvöld níutíu
daga til að samþykkja nýja eigend-
ur.
Forstjóri Singer&Friedlander
kynnti bankann fyrir fjárfestum,
greiningaraðilum banka og fjölmiðl-
um á kynningarfundi í Kaupmanna-
höfn síðastliðinn föstudag. Fundur-
inn var haldinn í danska bankanum
FIH sem KB banki tók yfir í fyrra.
Hreiðar Már Sigurðsson, forstjóri
KB banka, og Sigurður Einarsson
stjórnarformaður fóru yfir rekstur
og framtíðarsýn bankans. Þá flutti Steingrím-
ur Kárason erindi um áhættustýringu og Ár-
mann Þorvaldsson sagði frá helstu verkefn-
um undanfarin ár.
Bæði Hreiðar Már og Sigurður ítrekuðu að
eftir kaupin á Singer&Friedlander yrði Bret-
land mikilvægasti einstaki markaður bank-
ans. Það væri á vissan hátt misvísandi að
segja bankann skandinavískan eins og hann
hefði nýlega verið skilgreindur;
hann væri orðinn líkari alþjóða-
bönkum sem einbeiti sér að Norður-
Evrópu. Hreiðar sagði þá núna
horfa til þess að auka umsvif sín í
Bretlandi og Noregi. Á Íslandi, í
Sviþjóð, Danmörku, Lúxemborg og
Finnlandi væru umsvifin í sam-
ræmi við áætlanir bankans og ekki
væru áform uppi um aukin umsvif á
Færeyjum, í Bandaríkjunum eða
Sviss.
Sigurður benti þó á að þrátt fyrir
skýra framtíðarsýn bankans væri
starfsemi hans þannig upp byggð að
hægt væri að bregðast við ef góð tækifæri
byðust. Sveigjanleikinn væri mikill þó að
stefnan væri skýr. Markmiðið væri að auka
innri vöxt bankans, horfa áfram á mögulegar
yfirtökur og auka tekjur á hvern starfsmann.
„Við ætlum að stækka hraðar en helstu keppi-
nautar okkar,“ sagði hann.
„Hagnaður kemur alltaf fyrst, vöxtur
svo,“ sagði Hreiðar Már.
Bretland mikilvægasti markaður KB banka
Bretland verður mikilvægasti einstaki markaður KB banka eftir yfirtökuna á Singer&Friedlander. Yfirtökuferl-
ið var framlengt um fjórtán daga þar sem ekki barst vilyrði fyrir kaupum á því hlutafé sem KB banki hafði
stefnt að. „Kom ekki á óvart,“ segir forstjóri Singer&Friedlander. Björgvin Guðmundsson segir að KB banki
hafi þegar tryggt sér 75 prósent í breska bankanum og tekur rekstur hans yfir áður en langt um líður.
UMSVIF KB AUKAST Í BRETLANDI Sig-
urður Einarsson, stjórnarformaður KB
banka, segir markmiðið að stækka hraðar
en samkeppnisaðilarnir. Ljóst er að tæki-
færin til þess verða fleiri þegar bankinn
festir sig betur í sessi í Bretlandi með kaup-
um á Singer&Friedlander.
„Við lánum ríku fólki“
Með yfirtöku á Singer&Friedlander eignast KB banki flesta
sjúkrabíla í London og fjölda leigubíla.
Eftir sameiningu KB banka og Singer&Friedlander verður til stærra fjármálafyrirtæki, fjár-
mögnun starfseminnar verður ódýrari og hægt verður að samnýta upplýsingatækni fyrir-
tækjanna. Þetta eru þeir þrír þættir sem Tony Shearer, forstjóri breska bankans, telur mik-
ilvæga í samþættingu fyrirtækjanna.
Í máli forstjórans á kynningarfundi KB banka í Kaupmannahöfn á föstudaginn kom fram
að mestur hagnaður kemur vegna hefðbundinnar bankastarfsemi til einstaklinga og fyrir-
tækja. Singer&Friedlander er þó ekki með viðskiptabankastarfsemi og útibúanet eins og
þekkist á Íslandi. Shearer sagði að í einföldu máli væri hægt að segja að bankinn lánaði ríku
fólki. Stór hluti af þeim lánum færi til kaupa á húsnæði og öðrum eignum. Einkabankaþjón-
ustan byggði mikið á því og einnig að taka við innlánum.
„Dæmigerður viðskiptavinur okkar er líklega Bandaríkjamaður sem kemur til London í
þrjú til fjögur ár til að vinna fyrir Goldman Sachs eða eina af stóru lögfræðistofum Banda-
ríkjanna. Hann vill kaupa íbúð í Mayfair eða á álíka stöðum og greiða fyrir hana fimm millj-
ónir punda án þess að selja húsið sitt heima í Hamptons eða íbúðina á Manhattan,“ sagði
Shearer. Viðskiptavinurinn hefði traustar tekjur, góða bónusa og vildi ekki selja hlutabréf úr
eignasafni sínu. Því kæmi hann til Singer&Friedlander til að fá lán fyrir íbúðinni í London.
Breski bankinn fjármagnar líka hin ýmsu verkefni eins
og starfsemi heilsugæslu, kaup á bílum og öðrum at-
vinnutækjum. Shearer sagði að Singer&Fried-
lander ætti í kringum tíu þúsund sjúkrabíla og
ef fólk sæi einn þjóta um götur London væri
hann líklega í þeirra eigu. Einnig lánaði bank-
inn til kaupa á leigubílum í London og því væru
margir þeirra einnig í þeirra eigu.
Fjárfestingarstarfsemi bankans byggist mik-
ið á því að ávaxta sjóði fyrir einkaaðila. Shearer
eyddi ekki miklum tíma í að útskýra þennan
þátt starfseminnar, en hagnaður af þess-
ari starfsemi var 6,5 milljón punda í
fyrra samanborið við 23 milljónir
punda hagnað af bankaþjónustu.
Tony Shearer varð forstjóri Sing-
er&Friedlander í byrjun þessa árs
eftir að hafa gegnt stöðu fjármála-
stjóra. Forsvarsmenn KB banka
hafa sagt að þeir hafi ekkert út á
stjórnendur bankans að setja
þegar kemur að sameiningu.
Markmiðið sé að auka tekjur
bankans með núverandi
stjórnendum. Mun Tony
Shearer vera byrjaður að
vinna að því og mun því
gegna stöðu forstjóra enn
um sinn að minnsta kosti.
Óvenjulegir
athafnamenn
Íslenskir athafnamenn koma
Dönum óvenjulega fyrir sjónir
segir Johannes Bøggild blaða-
maður Berlinske Nyheds
Magasin. „Þeir eru ungir og
óhefðbundnir í útliti,“ segir
hann og vísar til dæm-
is á Jón Ásgeir Jó-
hannesson. Þegar
Baugur Group keypti
Magasin Du Nord
hefði fólk spurt hvað-
an Íslendingarnir
hefðu fengið alla
þessa peninga. Af
hverju þeir væru að
kaupa fyrirtæki sem
ekki hefði sýnt góða
afkomu.
Johannes segir
ekki endilega rétt að
raddirnar séu mjög neikvæðar
í garð íslenskra athafnamanna.
Fólk sé frekar hissa og vilji
svar við ákveðnum spurning-
um. Þeim spurningum ætlar
hann sjálfur að reyna að svara
á síðum síns blaðs í Danmörku.
Sótti hann meðal annars fund
sem Útflutningsráð stóð fyrir
til að kynna íslensk
fyrirtæki ásamt ís-
lenska sendiráðinu og
kynningarfund KB
banka í FIH á föstu-
daginn.
Sigurður Einars-
son, stjórnarformað-
ur KB banka, segir
mikilvægt að koma
réttum skilaboðum
áleiðis í upphafi þegar
sótt er fram á erlend-
um mörkuðum. Erfitt
sé að snúa neikvæðri
umræðu við því margir taki
upp vitleysuna hver eftir öðr-
um. Því séu kynningarfundir,
eins og KB banki hafi sótt og
staðið fyrir, árangursríkir.
TONY SHEARER
FORSTJÓRI
SINGER&
FRIEDLANDER
SIGURÐUR
EINARSSON
▲
HREIÐAR
MÁR SIGURÐSSON
▲