Fréttablaðið - 22.06.2005, Blaðsíða 64

24 22. júní 2005 MIÐVIKUDAGUR
Tónleikar í Roswell
Rokksveitin Foo Fighters, sem
spilar í Egilshöll 5. júlí, hélt tón-
leika í Roswell í Nýju Mexíkó á
dögunum. Lengi hefur verið uppi
orðrómur um að fljúgandi furðu-
hlutur hafi brotlent á staðnum
árið 1947.
Dave Grohl, forsprakki Foo
Fighters, er áhugamaður um
fljúgandi furðuhluti og ákvað að
bjóða vinningshöfum í léttri sam-
keppni að fara á tónleikana. Þess
má geta að Foo Fighter er slangur,
sem á uppruna sinn úr síðari
heimsstyrjöldinni, yfir undarleg-
an ljósagang á himni sem flug-
menn komu auga á. ■
Skrifa greinar í unglingavinnunni
Mary-Kate og Ashley
eins og svart og hvítt
Tvíburasysturnar Mary-Kate og
Ashley Olsen, sem eitt sinn var
ekki hægt að þekkja í sundur, eru
orðnar svo ólíkar í útliti að aug-
ljóst þykir að þær séu komnar
með nóg af því að vera ruglað
saman. Stúlkurnar eru nú orðnar
nítján ára og hafa leikið frá eins
árs aldri. Þær hafa í átján ár
byggt upp útgáfu- og afþreyingar-
veldi sem malar gull. Þær voru
yngstu framleiðendur Bandaríkj-
anna þegar þær voru aðeins sex
ára og yngstu sjálfsköpuðu millj-
ónamæringarnir tíu ára gamlar.
Núna eru þær í pásu frá leik-
listinni og vinna báðar í tísku-
heiminum þar sem Mary-Kate er
á nemasamning hjá ljósmyndar-
anum Annie Leibovitz og en
Ashley vinnur fyrir tískuhönnuð-
inn Zac Posen.
Mary-Kate hefur verið að berj-
ast við átröskun og þrátt fyrir að
hafa farið í meðferð síðasta sum-
ar er hún enn ekki búin að ná sér.
Ashley hefur hins vegar ekki látið
glepjast og segist gera sér grein
fyrir því hversu slæm áhrif það
hefur þar sem þær eru fyrir-
myndir milljóna ungra stúlkna.
Hún hefur lagt áherslu á heilbrigt
útlit og sagði í viðtali nýlega að
þær systur myndu að minnsta
kosti aldrei falla í þá gryfju að
reyna að vera kynbombur og
klæða sig á ögrandi og ósiðlegan
hátt. Að því leyti hafa systurnar
þótt vera góðar fyrirmyndir. Þær
eru mjög einbeittar og duglegar
að vinna; eru báðar í háskólanámi
í New York og ekki mikið úti á líf-
inu eins og flestar táningastjörn-
ur Hollywood. ■
Sjónvarpsstöðin Sirkus er alltaf í ólæstri dagskrá. Stöðin verður á rásinni þar sem Popp TíVí er núna. Popp Tíví verður á annarri rás á Digital Ísland.
SJÓNVARPSSTÖÐIN
SIRKUS FER
Í LOFTIÐ Á
FÖSTUDAGINN
FYLGSTU MEÐ!
AMERICAN DAD
FRÁ FRAMLEIÐENDUM „FAMILY GUY“
MÁNUDAGA KL. 21:00
OLSEN-TVÍBURARNIR Þessi mynd var
tekin rúmu árið áður en hinar myndirnar
tvær voru teknar.
ASHLEY Hún hefur ekki látið sjúklega
megrun systur sinnar hafa áhrif á sig.
MARY-KATE Systurnar láta aldrei sjá sig
fáklæddar og sitja ekki fyrir.
FOO FIGHTERS Rokksveitin Foo Fighters
spilar á Íslandi 5. júlí.
Hópur unglinga starfar vi› bla›amennsku í Gamla bókasafninu í Hafnarfir›i.
Krakkarnir hafa skrifa› greinar í bæjarblö›in og vinna nú a› sjónvarpsflætti.
FJÖLMIÐLAHÓPURINN Unglingarnir í hópnum fá borgað fyrir blaðamennskuna eins og aðrir í Vinnuskólanum. Starfinu lýkur í lok júlí
og verður afraksturinn þá gefinn út í blaðinu Frumraun.
Í Vinnuskóla Hafnarfjarðar
vinnur nú hópur unglinga við
blaðamennsku. Teitur Árnason
heldur utan um hópinn, sem
starfar í Gamla bókasafninu í
Hafnarfirði. „Ég er flokksstjóri,
en þetta er í rauninni bara eins
og venjulegur hópur nema að
hann vinnur við að búa til grein-
ar og fréttir,“ segir Teitur. Viku-
lega eru birtar fréttir og greinar
eftir hópinn á unglingasíðu
Víkurfrétta sem gefnar eru út í
Hafnarfirði, Garðabæ og á Álfta-
nesi. Einnig er starfrækt net-
útgáfa á heimasíðu Vinnuskólans
og í lok sumars verður gefið út
blaðið Frumraun með verkum
unglinganna. „Svo erum við að
vinna að heimildarmynd með
jafningafræðslu Hafnarfjarðar,
Competo-hópnum, sem er eins
og fjölmiðlahópurinn nema að
krakkarnir fræða jafnaldra sína
um fordóma og annað slíkt,“
segir Teitur.
Krakkarnir í hópnum voru á
fjölmiðlanámskeiði síðasta vetur
sem Hlynur Sigurðsson sjón-
varpsmaður sá um og var tutt-
ugu krökkum úr þeim hóp boðið
að vinna við blaðamennsku í
Vinnuskólanum. „Þessi fjöl-
miðlahópur er hugmynd sem er
komin frá mér og ég þróaði í
samvinnu við Íþrótta- og tóm-
stundanefnd Hafnarfjarðar.
Þetta er þriðja sumarið sem hóp-
urinn starfar. Ég held að þetta sé
uppbyggilegt og skemmtilegt
starf fyrir krakkana,“ segir
Hlynur.
Andrea Fleckenstein er ein af
krökkunum í hópnum, en hún fer
í tíunda bekk næsta haust. „Ég
mæli með þessu, þetta er mjög
gaman,“ segir Andrea. „Ég hef
tekið viðtöl og núna er ég til
dæmis að skrifa grein um notuð
föt. Við tökum viðtöl við fólk og
skrifum um það sem er búið að
gerast í Hafnarfirði,“ segir hún.
Andrea sá auglýsingu í skólan-
um um námskeiðið síðasta vetur
og í framhaldi af námskeiðinu
var henni boðið að vinna í fjöl-
miðlahópnum. „Ég er búin að
læra ýmislegt,“ segir Andrea, en
viðurkennir að enn sem komið er
hafi hún ekki ákveðið að leggja
blaðamennskuna fyrir sig í
framtíðinni.
rosag@frettabladid.is
Karl Mueller, bassaleikari rokk-
sveitarinnar Soul Asylum, er lát-
inn 41 árs að aldri. Mueller, sem
hafði glímt við krabbamein í hálsi
í rúmt ár, lést á heimili sínu í
Minneapolis.
Mueller var einn af stofnend-
um Soul Asylum og spilaði með
sveitinni í yfir 20 ár, ásamt söngv-
aranum og gítarleikanum Dan
Murphy og Dave Pirner. Frægasta
lag sveitarinnar er án efa
Runaway Train af plötunni Grave
Dancers Union frá árinu 1992.
Skömmu fyrir dauða Mueller lauk
Soul Asylum við sína fyrstu plötu
með nýju efni síðan Candy From a
Stranger kom út 1998. ■
Bassaleikari Soul Asylum látinn
SOUL ASYLUM Karl Mueller, lengst til
vinstri, ásamt félögum sínum í Soul Asylum.