Fréttablaðið - 03.08.2005, Side 43

Heimsferðir festu nýverið kaup á ferðaskrifstofun-
um STS Solresor og STS Solia. Um er að ræða syst-
urfyrirtæki, Solresor með aðsetur í Svíþjóð og Sol-
ia í Noregi, sem áður voru í eigu STS International.
Velta fyrirtækjanna er áætluð á þessu ári tæpir
níu milljarðar króna og veltan að Heimsferðum
meðtöldum nemur tólf milljörðum. STS er stærsti
ferðaheildsali á Norðurlöndum og flytur á þessu ári
um 170 þúsund farþega í eigin flugi. Í ár er spáð
methagnaði í fimmtán ára sögu fyrirtækisins.
ENGIN SKYNDIÁKVÖRÐUN
Andri Már Ingólfsson er stjórnarformaður nýja
fyrirtækisins og segir kaupin ekki gerð í neinum
flýti: „Við höfum verið að líta í kringum okkur und-
anfarin þrjú ár, skoðuðum mörg fyrirtæki og gáfum
okkur góðan tíma“.
Heimsferðir höfðu ákveðna mælikvarða við leit-
ina. Fyrirtækið þurfti að vera vel rekið, skila hagn-
aði, hafa góða markaðsstöðu og gott stjórnun-
arteymi. Andri segir STS hafa uppfyllt alla þessa
mælikvarða: „Þegar við rákumst á STS var eftir-
leikurinn auðveldur. Söluferlið tók um sjö mánuði.“
Andri segir fyrirtækin í raun mjög lík. Þau séu
ung, fólkið drífandi og sífellt leitandi nýrra mark-
aða og tækifæra. Þá hafi snemma komið í ljós að
forgangsröðunin er sú sama: „Fyrsta boðorðið er
arðsemi en ekki markaðshlutdeild og hefur alltaf
verið. Þetta er lykillinn að góðri stöðu okkar og
þeim árangri sem náðst hefur.“
GOTT ORÐSPOR
Orðspor STS er gríðargott á Norðurlöndum að sögn
Andra og grundvöllur traustur til að byggja ofan á.
Hann segist líta á nýja fyrirtækið sem norrænt
ferðaþjónustufyrirtæki: „Við horfum líka til hinna
Norðurlandanna, Finnlands og Danmerkur. Þar
erum við komnir með ákveðið samstarf í gang og
stefnum að enn frekari stækkun.“
Skandinavíski markaðurinn er hundrað sinnum
stærri en sá íslenski og því ljóst að Heimsferðir
vinna nú með áður óþekktar stærðir. STS hefur
mest flogið í leiguflugi með SAS og eru ferðirnar
sem boðið er upp á skilgreindar í efri-milliflokki
verðs: „Fólk kemur aftur og aftur í ferðir hjá STS,
mikið af fastakúnnum. Það er í raun hið stóra verð-
mæti fyrirtækisins, það nýtur góðs orðspors fyrir
gæðaferðir“.
Engar stórvægilegar breytingar verða gerðar á
rekstri STS og Heimsferða. Framkvæmdastjórar
Solresor og Solia halda störfum áfram, enda engin
ástæða til þess að breyta því sem vel gengur.
SKILAR SÉR TIL VIÐSKIPTAVINA
Andri segir miklu muna að koma inn í fyrirtæki í
góðum rekstri, þar sem ekki þurfi að eyða fyrsta ár-
inu í að skera upp, breyta og bæta: „Ákvarðanataka
verður öll miklu hraðari. Við munum til að mynda
kynna sameiginlega nýja áfangastaði nú í ágúst.“
Hann segir að sú stærðarhagkvæmni sem fylgi
sameiningunni skili sér strax til viðskiptavina: „Við
erum nú til dæmis með 40 þúsund farþega til
Kanarí-eyja. Samningagerð, innkaup og flugsam-
göngur verða allar auðveldari. Þetta skilar sér beint
til viðskiptavinarins. Íslendingar fá aðgang að nýj-
um stöðum á áður óþekktu verði.“
Aðspurður um framtíðarsýn nýja fyrirtækisins
segir Andri því engin takmörk sett: „Heimurinn.
Það er viðeigandi í ljósi þess að við heitum Heims-
ferðir,“ en bætir við að mikilvægt sé að taka ekki of
stór stökk.
Tryggja þurfi að reksturinn haldi áfram að vaxa
með arðsemi að leiðarljósi: „Auðvitað er þetta stórt
skref en þetta er okkar kjarnarekstur, það sem við
kunnum best. Það er höfuðástæðan fyrir þessu
skrefi. Við vitum hvað við erum að fara út í.“
Tólf milljarða velta
Heimsferðir hafa fært út kvíarnar og festu nýlega kaup á tveimur skandinav-
ískum ferðaskrifstofum. Andri Már Ingólfsson, eigandi Heimsferða og stjórn-
arformaður nýja fyrirtækisins, segir arðsemi mikilvægari en markaðshlut-
deild. Jón Skaftason hitti Andra að máli og fræddist um nýja ferðarisann.
MARKAÐURINN MIÐVIKUDAGUR 3. ÁGÚST 2005 17
H É Ð A N O G Þ A Ð A N
Hlutabréf í Newcastle Utd. tóku
mikinn kipp í byrjun síðustu
viku þegar tilkynnt var að sir
John Hall, eigandi um 28,5 pró-
senta hlutar, hefði fengið tilboð
í bréfin sín. Ekki hefur verið
greint frá því hver bauð í hlut-
inn en talið er að Graham Wylie,
sem hefur hagnast á veðreiðum
og hugbúnaðarframleiðslu, sé á
bak við tilboðið.
Markaðsverðmæti New-
castle er um tíu milljarðar
króna og gæti því hlutur sir
Johns farið á 2,8 milljarða.
Hann eignaðist bréfin árið 1991
og er forseti félagsins til lífstíð-
ar.
Freddy Shepherd, stjórnar-
formaður Newcastle, á einnig
stóran hlut í félaginu og verður
félagið ekki yfirtekið án hans
blessunar. Douglas Hall, sonur
Sir Johns Hall, á um tólf pró-
sent en hann og Freddy eru
miklir félagar.
Önnur úrvalsdeildarfélög
sem eru skráð á breska hluta-
bréfamarkaðinn hafa heldur
ekki farið varhluta af yfirtöku-
orðrómi. Hlutabréf í Tottenham
Hotspur hafa einnig hækkað
mikið í bresku kauphöllinni að
undanförnu eða um 30 prósent í
júlímánuði. Bréf í Aston Villa
hafa hækkað um fimmtung frá
því í apríl vegna orðróms um
yfirtöku. - eþa
Fótboltaliðin
eftirsótt
Newcastle, Tottenham og Aston Villa hafa öll
hækkað undanfarnar vikur.
SHEARER SKORAR Stærsti eigandi Newcastle Utd. hefur fengið tilboð í bréfin sín. Önn-
ur úrvalsdeildarlið hafa einnig hækkað vegna orðróms um yfirtöku.
ANDRI MÁR INGÓLFSSON Í HEIMSFERÐUM Andri segir mikla stærðarhagkvæmni fylgja kaupum Heimsferða á STS-ferðaskrifstofun-
um: ,,Íslendingar fá aðgang að nýjum stöðum á áður óþekktu verði.“
Fr
ét
ta
bl
að
ið
/S
te
fá
n
16-17 Mark 17 lesið 16 hálfl 2.8.2005 15:53 Page 3