Fréttablaðið - 28.08.2005, Page 67

Talið er að fyrsta smáskífulagið af þriðju plötu
The Strokes verði Juicebox. Lagið mun heyrast
í útvarpi um miðjan október og myndband
við það verður tekið upp í næsta mánuði.
Nýja platan kemur væntanlega út 24.
janúar á næsta ári. Julian Casablancas
og félagar í The Strokes eru um þessar
mundir önnum kafnir í hljóðveri í New
York við að endurhljóðblanda fjórtán
lög með upptökustjóranum Andy
Wallace. Á meðal annarra laga á plötunni
verða Vision of Division, Razor Blade, Ask
Me Anything og Heart in a Cage. ■
Breska rokksveitin Oasis ætlar
ekki að gefa út nýtt efni fyrr en í
fyrsta lagi eftir tvö ár. Jafnvel
getur svo farið að næsta hljóð-
versplata komi ekki út fyrr en
árið 2010.
Að sögn Noel Gallagher, for-
sprakka sveitarinnar, er væntan-
leg B-hliða safnplata á næsta ári.
Þar fyrir utan verður sveitin í
fríi mest allt næsta ár eftir að
tónleikaferð hennar um heiminn
lýkur í mars. „Við gerum aldrei
framtíðaráætlanir. Við höfum
hvort sem er engan plötusamn-
ing, sem er frábær staða til að
vera í,“ segir Gallagher. „Við
erum að leita eftir plötusamningi
sem hentar okkur. Þótt það taki
okkur fimm ár að gera nýja plötu
yrði mér alveg sama.“
Noel segist eiga 25 lög á lager
sem hafi ekki komist á síðustu
plötu, Don’t Believe the Truth,
þar á meðal lagið Stop the
Clocks. Hann bætir því við að
sveitin ætli ekki að gefa út safn-
plötu fyrr en hún leggi upp
laupana. ■
Juicebox fyrsta
smáskífan
JULIAN CASABLANCAS Rokksveitin The Strokes
gefur út sína þriðju plötu snemma á næsta ári.
Næsta plata 2010?
OASIS Breska rokksveitin gefur úr B-hliða
plötu á næsta ári.