Fréttablaðið - 22.09.2005, Blaðsíða 80

44 22. september 2005 FIMMTUDAGUR
„Ástæðan fyrir því að ég hætti af-
skiptum af teiknimyndum var sú
að ég hafði ekki þolinmæði til að
vinna þær,“ sagði leikstjórinn Tim
Burton eitt sinn. Hann hafði
reynslu af slíkri vinnu eftir að
hann byrjaði feril sinn hjá Disney.
Hugmyndir hans þar þóttu hins
vegar of framúrstefnulegar fyrir
kvikmyndarisann. Hann skildi því
engar myndir eftir sig, aðeins
undarlegar hugmyndir. Burton ól
þó með sér þann draum að búa til
nokkurs konar brúðumynd um
persónur sem hann hafði skapað í
upphafi níunda áratugarins. Þótt
stjórnendum Disney fyndust
brúðurnar flottar og hugmyndin
skemmtileg hafði enginn kjark til
að setja verkefnið í framleiðslu.
Samkvæmt ráðningarsamningi
eignaðist Disney þó öll hugverk
Burtons og brúðurnar fengu því
að rykfalla í kjallarageymslu fyr-
irtækisins í tæpan áratug.
Pee Wee Herman skýtur upp
kollinum
Burton sneri sér að leiknum
myndum og gerði mynd um furðu-
fuglinn Pee Wee Herman. Hann
vakti síðan verðskuldaða athygli
fyrir Beetlejuice þar sem Michael
Keaton fór á kostum. Samstarf
þeirra tveggja var ekki síðra í
Batman-myndinni sem opnaði
Burton allar dyr í Hollywood. Leð-
urblökumaðurinn veitti honum
það frelsi sem hann þurfti og næst
fékk hann lítt þekktan leikara að
nafni Johnny Depp til að túlka
furðuverkið Edward Scissor-
hands. Velgengni þeirrar myndar
var þó ekki síst að þakka hálfund-
arlegu umhverfi sem minnti mest
á teiknimynd.
Burton saknaði þó brúðanna
sem hann hafði hannað á árum
áður hjá Disney. Leikstjórinn
gekk á fund forstjóra teikni-
myndadeildar Disney, Jeffrey
Katzenberg, og bað um að fá að-
gang að brúðunum. Honum var
neitað því þær væru hugmyndir
fyrirtækisins. Katzenberg, sem
hingað til hefur haft gott nef fyrir
hæfileikum, vissi vel hvað hann
var að gera. „Við framleiðum
myndina,“ sagði hann. Burton lét
til leiðast með því skilyrði að putt-
ar möppudýranna og markaðs-
fræðinga yrðu víðsfjarri. Burton
var í aðstöðu til að setja fram slík-
ar kröfur. Hann var í lykilaðstöðu
vegna þess að það yrði pínlegt
fyrir Disney ef það kvisaðist út að
þeir hefðu neitað björtustu von
Hollywood.
Martröð á jólanótt
The Nightmare Before Christmas
varð því að veruleika. Burton
fékk Danny Elfman til að semja
söngva við söguna en þeir áttu að
mynda heild utan um söguna af
Jack Skellington. Burton fékk síð-
an góðvin sinn, Henry Selick, til
að leikstýra myndinni.
Í kjölfar Mars Attacks! og
Planet of the Apes óttuðust marg-
ir að brunnur Burtons væri nú
tæmdur. Hann sneri þó á aðdáend-
ur sína, gerði snilldarverkið The
Big Fish og það þarf ekki að fjöl-
yrða um velgengni Charlie and
The Chocolate Factory sem er að
slá í gegn úti um allan heim þessa
dagana. Og enn á ný fylgir Burton
velgengninni eftir með brúðu-
mynd.
The Corpse Bride var frum-
sýnd bæði í Feneyjum og á
Toronto. Hún fékk frábæra dóma
og á netmiðlum er hún sögð vera
betri en The Nightmare Before
Christmas. Burton verður að éta
ofan í sig þau orð að hann hafi
ekki þolinmæði til að vinna við
teiknimyndir því hann leikstýrir
The Corpse Bride í samstarfi við
Mike Johnson sem var í tækni-
brelluliði Martraðarinnar. Þetta
gerir myndina enn forvitnilegri
fyrir vikið og Danny Elfman gerir
einnig tónlistina við þessa mynd.
Það sem aðgreinir The Corpse
Bride frá fyrri brúðumyndinni er
að í aðalhlutverkum eru stór-
stjörnur úr kvikmyndaheiminum.
Góðvinur Burtons, Johnny Depp,
talar fyrir aðalpersónuna Viktor,
Emily Watson er Viktoría og Hel-
ena Bonham Carter ljáir líkbrúð-
inni rödd sína.
Myndin gerist í litlu þorpi á
miðju Viktoríutímabilinu. Hún
segir frá Viktori sem er ungur
þvingaður til að giftast hinni of-
urfeimnu Viktoríu. Undur og stór-
merki gerast þegar Viktor og
Viktoría verða ástfangin þvert
ofan í skilgreiningar Viktoríu-
tímabilsins um hjónaband. Nótt-
ina fyrir hjónavígsluna er Viktor
að æfa heitin sín og leggur gift-
ingarhringinn á jörðina. Það sem
hann veit hins vegar ekki er að
Viktor hefur dregið hring á fingur
dauðrar stúlku sem nú rís upp frá
dauðum og leitar hins nýja heit-
manns síns.
The Corpse Bride verður frum-
sýnd um helgina í Bandaríkjunum
og má eitthvað mikið út af bregða
ef hún trónir ekki á toppnum þeg-
ar miðasalan verður gerð upp. ■
THE CORPSE BRIDE Viktor dregur óvart giftingarhringinn á fingur látinnar brúðar sem rís upp frá dauðum og vill kynnast sannri ást.
Burton gerir
aðra brúðumynd
Tim Burton er einhver óvenjulegasti og skemmtileg-
asti leikstjóri Hollywood. Hann kom ánægjulega á
óvart me› brú›umyndinni The Nightmare Before
Christmas og hefur nú endurteki› leikinn me›
brú›uteiknimyndinni The Corpse Bride.
TIM BURTON Eftir velgengni fylgir oft
brúðumynd. Þetta á við um Tim Burton en
nýja brúðumyndin hans hefur heldur betur
slegið í gegn hjá gagnrýnendum
JACK OG SALLY Myndin um martröðina fyrir jólin vakti mikla athygli þótt dómar um
hana hafi verið æði misjafnir. Hugmyndin og persónur myndarinnar höfðu rykfallið í
kompu hjá Disney-fyrirtækinu þar til Tim Burton gaf sögunni líf.