Fréttablaðið - 22.09.2005, Blaðsíða 10

MÓTI HERFORINGJASTJÓRN Ungur drengur
mótmælir á friðsaman hátt herforingja-
stjórninni í Myanmar, sem áður hét
Burma, í Nýju Delhi á Indlandi í gær.
10 22. september 2005 FIMMTUDAGUR
Þreifingar milli stjórnmálaflokka í Þýskalandi um stjórnarmyndun:
Græningjar vilja sí›ur hægri stjórn
ÞÝSKALAND, AP Valkostunum í
stjórnarmyndunarþreifingunum í
Þýskalandi virðist fara fækkandi.
Einn forsvarsmanna græningja
talaði þannig í gær að líkurnar
virðast hverfandi á að þeir verði
tilkippilegir til að ganga til við-
ræðna við kristilega og frjáls-
lynda demókrata um myndun rík-
isstjórnar þessara þriggja flokka.
Reinhard Bütikofer, einn
þriggja aðaltalsmanna flokksfor-
ystu græningja, sagði í útvarps-
viðtali að græningjar hefðu „eng-
an áhuga á því að vera hækja fyr-
ir þá nýfrjálshyggju- og nýíhalds-
stefnu sem meirihluti fékkst ekki
fyrir“ í kosningunum síðastliðinn
sunnudag, en með því átti hann
við að kristilegu flokkunum og
frjálslyndum, sem stefndu að rík-
isstjórnarsamstarfi, skyldi hafa
mistekist að fá skýrt umboð kjós-
enda til þess.
Hins vegar hafa forsvarsmenn
jafnaðarmanna mildað tóninn um
möguleikann á samstarfi við aðal-
keppinautinn. Franz Müntefering,
formaður Jafnaðarmannaflokks
Gerhards Schröder kanslara, sagði
í gær að hann og Schröder myndu
hitta forystumenn kristilegra
demókrata í dag, fimmtudag, til að
kanna hvort flötur væri á því að
flokkarnir gengju til stjórnar-
myndunarviðræðna. -aa
Segist eiga inni
sjö vikna hvíld
Unglæknir telur sig eiga inni yfir 300 klukkustundir
í hvíldartíma hjá Landspítalanum. Yfir hundra›
unglæknar eru í málaferlum vegna hvíldartíma.
KJARAMÁL Þess eru dæmi, að
unglæknir telji sig eiga inni yfir
300 klukkustundir í hvíldartíma
hjá Landspítala - háskólasjúkar-
húsi, að sögn Bergþórs Björnsson-
ar gjaldkera í stjórn Félags
unglækna. Bergþór segir að við-
komandi unglæknir styðjist við
vinnuskýrslur sem nái aftur í tím-
ann.
Læknafélag Íslands stendur nú
í málaferlum við LSH vegna
ágreinings um hvort lögboðinn
ellefu stunda lágmarkshvíldar-
tími hafi náð til unglækna frá því
að lögum um aðbúnað og hollustu-
hætti var breytt 7. apríl 2003. Þeir
hafa ekki fengið þann hvíldartíma
sem þeir telja sig eiga rétt á frá
gildistöku breyttra laga og þar til
í vor sem leið.
Félag unglækna gerir nú könn-
un á vefsíðu sinni þar sem félags-
menn eru beðnir að skrá hversu
marga hvíldartíma þeir telja sig
eiga inni hjá Landspítala háskóla-
sjúkrahúsi frá þessu tímabili. Að
sögn Bergþórs átti henni að vera
lokið en tafir hafa orðið vegna
tæknilegra örðugleika.
„Þess vegna hef ég ekki ná-
kvæmt meðaltal eða heildartölu
um hvíldarstundir sem unglækn-
ar telja sig eiga inni hjá spítalan-
um,“ segir hann. „Það hefur hins
vegar verið mismunandi milli
deilda hvað menn hafa verið að
ganga stífar vaktir. Vaktafyrir-
komulagið hefur einnig verið mis-
jafnt eftir deildum og þar með
hversu mikil hvíldartímaskerð-
ingin hefur verið. Þar sem vaktir
eru styttri og þéttari fá menn
meiri hvíldartíma á milli. Annars
staðar hefur þetta verið allt upp í
um og yfir sólarhring.“
Bergþór segir, að sú hvíld sem
unglæknar fái inni á spítalanum
yfir nótt þegar lítið er að gera
teljist ekki til lögboðins hvíldar-
tíma. Úr þessu hafi fengist skorið
fyrir Evrópudómstólnum, sem úr-
skurðaði að vera á vinnustað geti
á engan hátt talist hvíld.
Spurður um stöðuna í hvíldar-
málum unglækna nú segir Berg-
þór að eftir að framkvæmda-
stjóri lækninga LSH ritaði sviðs-
stjórum á spítalanum bréf, þar
sem áhersla er lögð á að vaktir
séu með þeim hætti að unglækn-
ar fái lögboðna hvíld, hafi orðið
veruleg breyting til batnaðar á
réttindum þeirra í þessum efn-
um.
jss@frettabladid.is
LÖGREGLUFRÉTTIR
ÞJÓFAR STAÐNIR AÐ VERKI Inn-
brotsþjófar voru staðnir að verki
í iðnaðarhverfi í Hafnarfirði í
fyrrinótt. Þeir voru handteknir,
færðir í fangageymslur og síðar
yfirheyrðir. Málið er enn í rann-
sókn.
NOTUÐU EKKI ÖRYGGISBELTIN
Alls hafa sautján verið sektaðir í
Hafnarfirði síðastliðinn sólar-
hring fyrir að nota ekki öryggis-
belti. Sérstakt átak stendur yfir í
Hafnarfirði þar sem athyglinni
er beint að öryggi barna í bílum
og notkun öryggisbelta.
BERGÞÓR BJÖRNSSON Segir verulega breytingu hafa orðið til batnaðar á Landspítala - há-
skólasjúkarhúsi hvað varðar lögboðinn hvíldartíma unglækna.
LÆKNAR AÐ STÖRFUM Deilt er um rétt unglækna til lögboðins hvíldartíma.
Tyrkland og Evrópusambandið:
Ver›a a› vi›urkenna
a›ild K‡pur a› ESB
EVRÓPUSAMBANDIÐ, AP Fulltrúar að-
ildarríkja Evrópusambandsins
komu sér saman um það í gær að
Tyrkir yrðu að viðurkenna ESB-
aðild Kýpur á meðan á aðildarvið-
ræðum þeirra stendur. Standi
Tyrkir ekki við það verða engar
viðræður.
Frá þessu greindu erindrekar
ESB-ríkjanna í gær, en fastafull-
trúar þeirra allra sátu á rökstól-
um í Brussel til að leita lausnar á
þeim hnút, sem neitun Tyrkja á að
viðurkenna ríkisstjórn gríska
hluta Kýpur hefur valdið og tefur
áform um að hefja aðildarviðræð-
ur við þá þann 3. október næst-
komandi. Togstreitan um það
hvernig ESB-ríkin eiga að bregð-
ast við þessari afstöðu Tyrkja hef-
ur staðið í margar vikur.
Kýpurstjórn hefur með þess-
um fyrirvara fallist á að standa
ekki í vegi fyrir því að viðræður
við Tyrki verði hafnar. Búist er
við því að þær muni taka að
minnsta kosti tíu ár. -aa
KÝPUR-TYRKIR UGGANDI Mehmet Ali Talat,
forseti Kýpur-Tyrkja, segir Kýpur-Tyrki alls
ekki geta fallist á kröfu ESB um að Tyrk-
land viðurkenni Kýpurstjórn.
M
YN
D
/A
P
GRÆNINGJAR ÚR LEIK? Reinhard Bütikofer og Claudia Roth, forsvarsmenn græningja,
svara spurningum er þau gengu til viðræðna við fulltrúa SPD í Berlín í gær.
ASÍA
HERMENN MYRTIR AF ÞORPSBÚ-
UM Íbúar í þorpi í suðurhluta
Taílands myrtu tvo hermenn í
gær vegna gruns um aðild þeirra
að skotárás úr bíl í þorpinu. Sök-
uðu sumir þá um að tilheyra
dauðasveitum yfirvalda. Undan-
farið eitt og hálft ár hafa 900
fallið þarna í átökum.