Tíminn - 21.12.1975, Blaðsíða 11

Sunnudagur 21. desember 1975.
TÍMINN
n
JHJI jji!! ll,, SmMmm
í trú og kærleika
Þorsteinn Briem:
Himinn i augum
Kirkjuræður
útgefandi Hallgrims-
deild Prestafélags fs-
lands
Umsjón með útgáfu sr.
Jón E. Einarsson.
Þetta ræðusafn er eins og hús-
postillurnar gömlu að þvi leyti,
að hér er prédikun fyrir hvern
helgidag þjóðkirkjunnar árið
um kring, með viðeigandi guð-
spjalli að ræðutexta. Þessar
ræður eru þvi margar að meira
eða minna leyti um þau atriði
guðspjallanna, sem kirkjan
hefur mjög haldið fram i boð-
skap sinum og byggt kenningu
sina á.
Það er engin nýlunda, að bæk-
ur um slikt efni komi út hér.
Tveir núlifandi fyrirmenn þjóð-
kirkjunnar eiga slik ræðusöfn og
ritgerða, nýlega komin út. A ég
þá við Um ársins hring eftir
Sigurbjörn biskup, útgefið árið
1964, og frá Haustnóttum til há-
sumars eftir Björn Magnússon
prófessor, útgefið 1965. Þó að
annað form sé þar á að nokkru,
eru allar þessar bækur um
undirstöðu kristins boðskapar i
samtið okkar.
Þess gætir auðvitað i ræðu-
safni sr. Þorsteins um sumar
ræðurnar, hvenær þær voru
fluttar. Eðlilega visar hann til
þess sem þá var og sótti á hugi
manna. Þetta gerir þó ekkert
til. Flest á það enn við, þó að
sumu hafi svipað frá i bili. Sé
eitthvað sem myndar baksvið
þessara prédikana liðið hjá, svo
að það heyrir sögunni til, þá ætti
ræðan að hjálpa til skilnings á
sögunni.
Það er ekki mikil guðfræði
eða trúfræði i þessari bók, en
mikil trú. Ræðan um kvöldmál-
tið Drottins er þar gott dæmi.
Höfundur fer ekki að þrefa um
lútherskan, kaþólskan eða kal-
vinskan skilning á altarissakra-
mentinu. Hann nefnir það sem
átakanlegasta dæmi um deilur '
og ófrið i kristninni innbyrðis.
En til skilningsauka gerir hann
grein fyrir þvi, hvernig sam-
eíginleg páskamáltið var
Gyðingum heilög athöfn,
bræðralagstákn, trúarsam-
félagstákn, tákn þakkar-
gjörðarinnar fyrir gjafir guðs
og tákn hinna sameiginlegu
minninga um vernd og varð-
veizlu drottins.
Sr. Þorsteinn var vel að sér i
guðfræði. Hann gerir sér oft far
um að skýra umhverfi þess,
sem guðspjöllin greina frá. En
þótt hann væri merkur og glögg-
ur trúfræðingur, var hann fyrst
og fremst trúmaður. 1 prédikun
sinni á boðunardegi Mariu tekur
hann að visu afstöðu með
kenningunni um meyjarfæðing-
una, en hún er honum ekki aöal-
atriði. Fyrir honum er Kristur
mesta kraftaverkið. Hvernig
sem menn meti það, að heilög
ritning segir að Jesús Kristur sé
I heiminn kominn fyrir sérstakt
og einstætt kraftaverk, og
hvernig sem menn vilji afgreiöa
kraftaverkasögurnar almennt,
er þó eftir og yfir þær hafið
kraftaverk kraftaverkanna,
Jesú sjálfur, afstaða hans til
guðs og manna, lif hans og fórn.
Slik var trú séra Þorsteins.
Það væri freistandi að fara
hér að vitna i einstakar ræður.
Sr. Þorsteinn á erindi við samtið
okkar. Hér má nefna, auk þess
sem áður er sagt, hvernig hann
talar um byrði kærleikans, lykil
himnanna, sigur i ósigri, Surts-
helli vantrúarinnar, eða að afla
sér eilifra vina. Hér er gripið til
nokkurra ræðuheita. En svo
mætti lengi telja. Og skyldi ein-
hver halda, að þetta sé eitthvað,
sem ekki varði daglega lifsbar-
áttu, kjaramál eða afkomu
manns og velfarnaðar gæti
hann reynt að gripa niður i upp-
haf ræðunnar Þegar náungans
veggurbrennur.erminum hætt.
Hún byrjar svona:
„Ég hef ef til vill áður sagt
yður sögu um ungan mann, ekki
gamla.
Hann varð fyrir þvi happi eða
óhappi, að honum tæmdist
arfur, er nam nokkrum þúsund-
um.
Hann átti heima I fjölmenni,
og þegar hann hafði fengiö féð
handa á milli, varð honum gott
til félaga.
Vinirnir vildu skemmta hon-
um og hann þáði það.
Þeir leigja bifreið og draga aö
föng. Þeir fylgja honum I
sumargistihús. Þeir leigja þar
herbergi og halda sér. og vinin-
um dýrar veizlur.
Eftir nokkurra daga veizlu-
fagnað vaknar hinn nýriki, ungi
maður úr vimu sinni.
Hann er þá orðinn einn, þvi að
veizluföngin eru þrotin og arfur-
inn ekki lengur til. Og þá skilja
vinirnir hann eftir meö skömm-
ina og skaðann.
Maður nokkur ferðaðist frá
Jerúsalem til Jerikó og féll i
hendur ræningjum, sem ílettu
hann klæðum og börðu hann og
fóru siðan burt og skildu hann
eftir hálfdauðan.
Aldir eru á milli. En eru ekki
sögurnar svipaðar?”
Hér verður staðar numið.
Sr. Þorsteinn taldi, að guð
væri minnkaður, ef hann yröi að
fullu skiljanlegur mannlegum
huga. Hann vissi lika, að lifið og
hið mikla undur þess væri
minnkað, ef mannlegur
skilningur ætti allskostar við
það. Hins vegar vissi hann og
fann, að vissa þætti úr lögmáli
eiliföarinnar og kærleikans er
okkur auöiö að skilja. Og það
var honum nóg.
Bók eins og þessi hefur þann
kost, að það þarf ekki að lesa
hana alla i einu. Hver ræða fyrir
sig er sérstök heild. En það má
lika lesa hana alla i einni lotu,
þó að þess þurfi ekki.
Þessi bók er vitnisburður
þess, hvernig kristindómur var >
boðaður fyrir miðju þessarar
aldar. En hún á jafnframt erindi
við þá, sem með opnum huga
vilja meta og móta lifsskoðun
sina og lifsstefnu. Og enda þótt
menn eigi ekki samleið með trú
höfundar, munu þó allir dóm-
bærir menn viðurkenna, að
margt er þar velsagt, satt, rétt
og timabært.
H.Kr.
BRflun
RAF-, BORÐ- OG VASA-
KVEIKJARAR
seldirá sérstöku
KYNNINGARVERÐI
i söludeild okkar.
Braun gas fyrir
alla Braun kveikjara
fyrirliggjandi.
BRAUN-UMBODIÐ:
Ægisgötu 7
Simi sölumanns 1-87-85
Raftækjaverzlun
islands h.f.
BRflun
KRON
DOMUS • LIVERPOðL
8 MATVÖRUVERSLANIR OG
BYGGINGAVÖRUVERSLUN
Kaupfélag Reykjavikur og nágrennis rekur 8 matvöru-
verslanir viðs vegar i Reykjavik og Kópavogi.
Byggingavöruverslun KRON er að Hverfisgötu 5?.
Vöruhúsið DOMUS, Laugavegi 91, selur búsáhöld, gjafa-
vörur, heimilistæki, fatnað, leikföng, skó, sportvörur o.fl.
Liverpool, Laugavegi 18a, selur gjafavörur, búsáhöld, raf-
magnstæki, leikföng og sportvörur.
Kaupfélag Reykjavíkur og nágrennis gætir eingöngu hagsmuna viðskiptavina sinna
KRO
KAUPFÉLAG REYKJAVÍKUR OG NÁGRENNIS