Fréttablaðið - 30.11.2005, Side 25

MIÐVIKUDAGUR 30. nóvember 2005
Vegna aukins kostnaðar við
gerð umferðaröryggisáætlunar
mun öryggisgjald hækka úr
200 krónum í 400 krónur eða
um 100%.
Nú liggja fyrir Alþingi breyt-
ingatillögur þess efnis að hækka
eigi öryggisgjald um 100%.
Öryggisgjald, sem greitt er við
nýskráningu bíla og við eigenda-
skipti, rennur til Umferðarstofu.
Hækkunin er til komin vegna
kostnaðar við gerð umferðarör-
yggisáætlunar.
Samkvæmt samgönguáætlun
2005-2008 er Umferðarstofu
ætlað að verja 368 milljónum
króna í þessa áætlunagerð og
framkvæmd hennar en með
hækkun öryggisgjaldsins safn-
ast 280 milljónir króna til verk-
efnisins.
Umferðarstofa ætlar meðal
annars að nýta fjármagnið til
aukinnar umferðaröryggis-
fræðslu í leik- og grunnskólum,
gerð fræðsluefnis um notkun
öryggisbelta, gerð kynningar-
efnis fyrir erlenda ferðamenn og
aukinnar fræðslu fyrir atvinnu-
bílstjóra.
Meira fé varið til
öryggisfræðslu
Umferðaröryggisgjald er nýtt í umferðarfræðslu fyrir yngstu kynslóðina.