Fréttablaðið - 07.12.2005, Qupperneq 29

MIÐVIKUDAGUR 7. desember 2005
Coca-cola jólalestin heldur í
sína árlegu jólaferð á laugar-
daginn. Páll Ólafsson, stjórn-
andi lestarinnar, segir það
ávallt hátíðlega stund þegar
lestin málar bæinn rauðan.
Páll segir að í lestinni verði einum
bíl færra en í fyrra en það komi
ekki að sök. „Þetta árið verðum við
með fjóra bíla en við erum í stað-
inn með stærri bíla þannig að lest-
in styttist ekki neitt,“ segir Páll en
þetta er í tíunda sinn sem Vífilfell
sendir út jólalest sína. Hugmyndin
kviknaði út frá erlendri auglýsingu
og að sögn Páls var Vífilfell fyrst
allra til þess að senda sína eigin
jólalest. „Þetta vakti strax mikla
lukku og við ætlum ekki að hætta
þessu á meðan fólki finnst þetta enn
gaman.“
Leiðin sem farin verður í ár er
þannig skipulögð að fyrst verður
stoppað í Spönginni í Grafarvogi,
svo verður keyrt um nokkur hverfi
áleiðis að Laugaveginum. Þaðan
verður haldið í Vesturbæinn og
síðan endar lestin í Smáralind þar
sem hún er hluti af jólaskemmtun.
Páll segir að það sé afar ánægju-
legt að fá að stýra lestinni. „Það
er svo gaman að sjá gleðina úr
andlitum fólks og að það hafi gaman
af þessu. Lestin virðist oft á tíðum
koma fólki í almennilegt jólaskap,“
segir Páll að lokum. ■
Jólalestin brunar
Það gleður mörg hjörtun að sjá jólalest Coca-Cola rétt fyrir sjálf jólin. FRÉTTABLAÐIÐ/E.ÓL.