Fréttablaðið - 07.12.2005, Page 75

MIÐVIKUDAGUR 7. desember 2005 45
2,4 MILLJÓNIR SÖFN-
UÐUST Írafár hélt ellefu
tónleika um allt land og
tókst að safna tæpum
tveimur og hálfri
milljón íslenskra króna.
Hljómsveitin afhenti
formanni Einstakra
barna, Arnari Pálssyni,
ávísun með upphæð-
inni í Austurbæ.
Hæstiréttur Svíþjóðar hefur nú
til umfjöllunar mál um það hvort
dagskrárgerðarmenn sænska
ríkisútvarpsins hafi mátt draga
upp þá mynd af teiknimynda-
stráknum Einari Áskeli að hann
sé melludólgur sem selji eiturlyf
og berji eiturlyfjafíkla.
Brot á höfundarrétti
Það var Gunilla Bergström, höf-
undur bókanna um Einar Áskel,
sem kærði dagskrárgerðarmenn
útvarpsþáttarins Pippirull fyrir
að breyta verki sínu. „Einar
Áskell er heiðarleg manneskja,“
fullyrti Gunnilla á miðvikudag
þegar málið var tekið fyrir í
Hæstarétti. „Mér finnst ekki
rétt að gera Einar Áskel að dóp-
sala, hvað þá með mínum texta
sem var ekki hugsaður í þessu
samhengi, heldur fyrir börn.“
Málið hefur staðið yfir í ein
þrjú ár en Gunilla hefur bæði
tapað í þingrétti sem og hof-
rétti, sem er miðdómsstig í hinu
almenna dómskerfi. Gunilla var
þá dæmd til að greiða um eina
og hálfa milljón íslenskra króna
í dómskostnað.
Alfons melludólgur
Málið má rekja aftur til 2002
þegar Gunilla Bergström kærði
dagskrárgerðarmenn Pippistrull
fyrir brot á höfundarrétti þegar
þeir klipptu saman brot úr leik-
riti um Einar Áskel og dönsku
myndinni Pusher, sem fjallar um
eiturlyf og ofbeldi. Einar Áskell
heitir á frummálinu Alfons
Åberg en á dönsku er alfons orð
yfir melludólga, sem var hvat-
inn að gríni útvarpsmannanna.
Í innslaginu selur Einar Áskell
eiturlyf og lendir í slagsmálum
við eiturlyfjafíkil.
Dagskrárgerðarmenn Pippi-
strull segja að leikþáttur þeirra
sé sjálfstætt verk og það megi
gera grín að þekktum persónum
á borð við Einar Áskel. „Þekkt-
ir höfundar verða að þola gagn-
rýni, skopstælingu og háð,“
segir lögfræðingur SR, sænska
ríkisútvarpsins.
Stuldur eður ei?
Gunilla Bergström er þó ekki
bara ósátt við að Einari Áskeli sé
breytt í melludólg því hún telur
að dagskrárgerðarmennirnir
hafi stolið verkinu hennar þegar
þeir klipptu upplestur leikarans
Björns Gustafsson á uppruna-
legum texta úr bókinni saman
við texta úr Pusher.
„Ég vil fá það staðfest hversu
langt má ganga í að rífa verk
listamanna úr samhengi. Ein-
hvers staðar hljóta mörkin að
liggja,“ sagði Gunnilla. „Ég lít
svo á að þeir hafi stolið verk-
inu mínu þegar þeir rifu það úr
samhengi og klipptu saman við
annan texta.“ Óvíst er hvenær
dómur Hæstiréttar fellur en
Gunilla Bergström þarf líklega
að bíða í nokkrar vikur eftir
úrskurðinum.
kristjan@frettabladid.is
Dagskrárgerðarmenn breyttu Einari Áskeli í melludólg
EINAR ÁSKELL Alfons Åberg
eins og hann heitir á frum-
málinu. Alfons er orð yfir
melludólga á dönsku og það
var upphaf grínsins hjá dag-
skrárgerðarmönnum sænska
ríkisútvarpsins.
Við plötuumfjöllun sem birtist í
Fréttablaðinu í gær um nýjustu plötu
reggísveitarinnar Hjálma birtist rangt
höfundarnafn. Rétt nafn er Borghildur
Gunnarsdóttir. Beðist er velvirðingar á
mistökunum.
LEIÐRÉTTING