Fréttablaðið - 07.12.2005, Síða 82

7. desember 2005 MIÐVIKUDAGUR54
Meistaradeild Evrópu:
E-RIÐILL
AC MILAN - SCHALKE 3-2
Pirlo (42.) Kaká (52., 60.) - Polusen (44.), Lincoln
(66.)
PSV - FENERBAHCE 2-0
Cocu (14.), Far´fan (85.)
AC MILAN OG PSV KOMUST ÁFRAM
Í KEPPNINNI.
F-RIÐILL
LYON - ROSENBORG 2-1
Fred (90.), Benzema (33.)- Braaten (68.).
OLYMPIAKOS - REAL MADRID 2-1
Bulut (50.), Rivaldo (87.)- Sergio Ramos (7.)
LYON OG REAL MADRID KOMUST
ÁFRAM Í KEPPNINNI.
G-RIÐILL
CHELSEA - LIVERPOOL 0-0
REAL BETIS - ANDERLECHT 0-1
- Komapny (44.)
LIVERPOOL OG CHELSEA KOMUST
ÁFRAM Í KEPPNINNI.
H-RIÐILL
RANGERS - INTER 1-1
Lovenkrands (38.) - Adriano (30.)
ARTMEDIA - PORTO 0-0
INTER OG RANGERS KOMUST
ÁFRAM Í KEPPNINNI.
SS-bikarinn í handbolta:
FRAM-FYLKIR 36-35 (28-28)
Mörk Fram: Sergey Serenko 13, Jón Björgvin Pét-
ursson 6, Haraldur Þorvarðarson 6, Jóhann Gunn-
ar Einarsson 4, Sigfús Sigfússon 3, Stefán Baldvin
Stefánsson 2.
Varin skot: Egidijus Petkevicius 16, Magnús
Erlendsson 3/2.
Mörk Fylkis: Heimir Örn Árnason 15, Arnar Jón
Agnarsson 11, Ingólfur Axelsson 4, Eymar Kruger
2, Arnar Þór Sæþórsson 2, Guðlaugur Arnarsson
1.
Varin skot: Guðmundur Geirsson 17.
HK-HAUKAR 23-28
ÚRSLIT GÆRDAGSINS
FÓTBOLTI Það gekk mikið á þegar
lokaumferðin í fjórum riðlum
Meistaradeildarinnar fór fram
í gær. Mikil spenna var í E-riðli
þar sem Schalke sat eftir með sárt
ennið.
Auga okkar Íslendinga voru
klárlega á viðureign Chelsea og
Liverpool. Bæði lið voru komin
áfram í keppninni og því var spil-
að upp á efsta sætið í riðlinum
sem og heiðurinn.
Eiður Smári Guðjohnsen var í
byrjunarliði Chelsea en hann lét
lítið til sín taka í fyrri hálfleik rétt
eins og aðrir leikmenn liðanna
enda var fyrri hálfleikur ákaflega
dapur og tíðindalítill. Eiður fékk á
sig slæma tæklingu í hálfleiknum
en hann slapp betur en á horfðist í
fyrstu og gat haldið áfram leik.
Heimamenn í Chelsea byrjuðu
síðari hálfleikinn mun betur og
pressuðu nokkuð stíft. Skal engan
undra þar sem Lundúnaliðið var
stigi á eftir Liverpool og þurfti
því á sigri að halda til að ná efsta
sæti í riðlinum.
Eiður fékk ágætt færi eftir tíu
mínútna leik en bakfallsspyrna
hans fór yfir markið. Reyndar
var Eiður dæmdur rangstæður
en sjónvarpsmyndir sýndu að sá
dómur var tóm vitleysa.
Leikurinn minnti um margt á
hasarinn í leikjum liðanna í fyrra.
Chelsea sótti án afláts en Liver-
pool varðist meistaralega allt til
enda leiksins. Fór svo að lokum
að ekkert mark var skorað í leikn-
um. Chelsea varð því að sætta
sig við annað sætið í riðlinum og
fær fyrir vikið gríðarsterkt lið
sem andstæðing í næstu umferð
keppninnar.
Glasgow Rangers kom nokk-
uð á óvart með að tryggja sér
farseðil áfram en liðið gerði 1-1
jafntefli gegn Inter í Glasgow
en á sama tíma gerðu Artmedia
og Porto markalaust í jafntefli í
Bratislava. Lyon gulltryggði sigur
sinn í F-riðli á meðan Madrid olli
vonbrigðum enn eina ferðina.
Markalaust í stórslagnum
á Stamford Bridge
Leikmönnum Chelsea og Liverpool tókst ekki að skora á Brúnni í gær. Liver-
pool vann því riðilinn. Schalke sat eftir í hinum æsispennandi E-riðli.
BARÁTTA Það var ekkert gefið eftir í leiknum á Stamford Bridge í gær. John Terry, fyrirliði
Chelsea, sést hér í baráttu við Spánverjann Luis Garcia hjá Liverpool.
FRÉTTABLAÐIÐ/GETTY IMAGES
HANDBOLTI Það var háspenna/lífs-
hætta í Safamýrinni í gær þegar
heimamenn í Fram tóku á móti
Fylki í átta liða úrslitum SS-bik-
arsins. Leikurinn var bráðfjörug-
ur og áhorfendur fengu svo sann-
arlega eitthvað fyrir peninginn
því úrslit réðust ekki fyrr en eftir
tvær framlengingar. Þar reyndist
Fram sterkara og vann eins marks
sigur, 36-35.
Fram byrjaði leikinn mun betur
og hreinlega kafsigldi gestina í
upphafi leiksins en eftir fimmtán
mínútur var staðan orðin 8-1 fyrir
Fram. Eftir það var Fylkir alltaf
að elta og náði að saxa muninn
niður í þrjú mörk fyrir leikhlé,
15-12.
Sami eltingarleikurinn var í
síðari hálfleik en þegar nær dró
lokum leiks héldust liðin í hendur
og fór svo að jafnt var á með lið-
unum eftir venjulegam leiktíma,
28-28.
Mikið fjör var í framlenging-
unni og taugar leikmanna þandar
til hins ítrasta. Hver mistök skiptu
máli. Liðin héldust áfram í hendur
í framlengingunni og svo þétt var
handtakið að framlengja varð á
ný eftir viðbótar tíu mínúturnar.
Staðan 32-32.
Það var komin nokkur þreyta í
leikmenn í síðari framlengingunni
en samt var ekkert gefið eftir.
Eftir fyrri hálfleik framlenging-
arinnar var staðan jöfn, 34-34, og
var Heimir Örn Árnason Fylkis-
maður þá kominn með fimmtán
mörk en Framarinn Sergey Ser-
enko tólf.
Allt var á suðupunkti í síðari
hálfleiknum en það var Sigfús
Sigfússon sem tryggði Fram sigur
með marki einni og hálfri mínútu
fyrir leikslok. Varnirnar héldu
það sem eftir lifði í þessum ótrú-
lega handboltaleik.
- hbg, - mh
Mikil dramatík í leik Fram og Fylkis:
Fram vann eftir tví-
framlengdan leik
MARK HJÁ ÞORRA Þorri Björn Gunnarsson skorar hér mark í maraþonleiknum í Safamýri í
gær. FRÉTTABLAÐIÐ/VALLI