Fréttablaðið - 23.12.2005, Qupperneq 26

26 23. desember 2005 FÖSTUDAGUR
Íslenska þjóðin hefur svarað neyðarkallinu frá Pakistan.
Geisladiskurinn Hjálpum þeim er uppseldur.
Íslenskt tónlistarfólk sem tók þátt í Hjálpum þeim þakkar frábær viðbrögð.
UPPSE
LDUR
ÞÖKKUM FRÁBÆRAR VIÐTÖKUR
Nýtt upplag væntanlegt
NEW YORK Fjöldi fólks hefur þurft
að finna sér annan samgöngu-
máta í stórborginni New York í
þessari viku eftir að starfsmenn
almenningssamgangna borgar-
innar lögðu niður störf á þriðju-
daginn.
Íbúar borgarinnar hafa þó
reynt sitt besta til þess að komast
til vinnu sinnar þrátt fyrir verk-
fallið. Sumir gengu í gærmorgun
langar vegalengdir til vinnu en
aðrir hjóluðu eða renndu sér á
línuskautum. Svalt var í veðri í
morgunsárið og fólk þurfti því að
klæða sig vel.
Mikil örtröð hefur verið á
strætum stórborgarinnar síðan
verkfallið hófst og fólki geng-
ið afskaplega hægt að komast á
milli staða.
Reynt hefur verið að grípa til
aðgerða á borð við þá að hleypa
ekki fólki til Manhattan nema í
bifreiðinni séu að minnsta kosti
fjórir. Þrátt fyrir það tekur
margfalt lengri tíma að komast
milli staða en venjulega.
En verkfallið bitnar á fleirum
en vinnandi fólki. Heimilislaus-
ir bera sig einnig illa, og segja
fokið í flest þeirra skjól. Ungur
heimilislaus maður kveðst vanur
að koma sér vel fyrir í neðanjarð-
arlestinni og eyða þar nóttinni.
Starfsmenn borgarinnar segja
hundruð heimilislausra not-
færa sér skjól almenningssam-
gangnanna á einn eða annan hátt,
einkum nú yfir vetrartímann
þegar kalt er í veðri.
Tæplega fimm þúsund manns
í New York eru án heimilis, og
af þeim er talið að meira en átta
hundruð haldi til í neðanjarðar-
lestunum. Ekki er vitað hvert það
fólk hefur nú farið, en einungis
hefur orðið vart við lítilshátt-
ar aukningu fólks í gistiskýlum
fyrir heimilislausa í borginni.
Forysta stéttarfélagsins hefur
þurft að sæta harðri gagnrýni
vegna verkfallsins, og segja
æðstu embættismenn borgar-
innar að verkfallið bitni fyrst og
fremst á þeim allra fátækustu.
„Þeir sem verkfallið bitnar
harðast á eru þeir sem síst hafa
efni á því. Fátækt fólk sem kemst
ekki til vinnu fær einfaldlega
ekkert að borða,“ sagði Michael
Blomberg, borgarstjóri í New
York, en hann þurfti í gær að
ganga yfir Brooklynbrúna til
þess að komast í vinnuna.
Stéttarfélagsforystan segir
aðgerðirnar hins vegar nauðsyn-
legar, en deila þeirra við vinnu-
veitendur snýst um launakjör, eft-
irlaunaskilmála og heilsugæslu.
Verkfallið hefur valdið mun
minni aðsókn að veitingastöðum,
söfnum og verslanamiðstöðv-
um og er talið að New York borg
verði af milljarða tekjum hvern
dag sem verkfallið stendur yfir.
Hins vegar bera ekki allir sig
illa vegna verkfallsins. Netversl-
un blómstrar sem aldrei fyrr,
og þeir eru margir sem notfæra
sér að geta gert síðustu jólainn-
kaupin heima í stofu í stað þess
að halda út í örtröðina. Þá mala
leigubílstjórar gull og fullt hefur
verið út úr dyrum hjá reiðhjóla-
viðgerðarmönnum.
helgat@frettabladid.is
Fótgangandi
til vinnu
Íbúar New York hafa þurft að leita nýrra leiða til
þess að komast milli staða vegna verkfalls sem
lamar almenningssamgöngur borgarinnar. Margir
ganga langar leiðir til vinnu sinnar en aðrir hjóla.
NEW YORK Fjöldi New York-búa hefur þurft að fara mun fyrr á fætur en venjulega og ganga til vinnu sinnar vegna verkfalls sem starfsmenn almenningssamgangna borgarinnar hófu á þriðjudagsmorgun. Kalt hefur verið í veðri, til að
mynda var fjögurra stiga frost í gærmorgun, og reyndi fólk eftir megni að klæða af sér kuldann. Aðrir gripu til þess ráðs að dusta rykið af reiðhjólum og jafnvel línuskautum til þess að komast leiðar sinnar. NORDIC PHOTOS/AFP